Tshivenda 1998 (VEN98)
28

U khoḓa vhuṱali

281Siliva i bwiwa mugodini;

na musuku u na hune wa ṱanzwiwa;

2

28:2
Dot. 8:9
vhathu vha bwa ngweḓi mavuni;

vha ṋokisa musina u tshi bva kha matombo.

3Vhathu vha tshi bwa matombo vha sunguvhela malani a shango,

na swiswi a vha ḽi ofhi,

vha tshimbila swiswini ho tou bodo.

4Vha bwa milonga ya migodi,

fhasi-fhasi, kule na hune ha dzula vhathu,

hune muthu a sa ḓivhe uri ho vhuya ha kandwa;

henengei kule na vhathu vha nembelela nga thambo.

5Zwiḽiwa zwi mela mavuni, hone ngomu mavuni eneo

ho fukukanywa,

zwa nga ho fhiswa nga mulilo.

6Matomboni hu bva safire,

buseni ḽaho hu bva thombwana dza musuku.

7A hu na lurwanzhivha lu no vhona nḓila heyo yo dzumbamaho;

na ḽiṱo ḽa goni ḽi nga si i vhone.

8Tshivhanda a tshi vhuyi tsha hu kanda;

na ndau a i vhuyi ya ṋengeledza henefho.

9Vhathu vha kora matombo a konḓesaho,

vha fukula dzithavha mudzini wadzo,

10vha phuletshedza lutombo,

vha tumbula matombo a mutengo muhulu.

11Vha thivha zwisima zwa milambo ngomu mavuni,

zwo dzumbamaho vha zwi bvisela tshedzani.

12

28:12
Jobo 28:20
28:12-27
Mir. 8:22-31
Vhuṱali hone vhu nga wanala ngafhi?

Ri nga guda ngafhi u ṱalukanya?

13A hu na muthu a no ṱalukanya mutengo waho;

a vhu wanali kha vhathu vha ṋama.

14Dzivha ḽi ri, “A vhuho fhano!”

Lwanzhe lu ri, “Nṋe thi naho!”

15

28:15-19
Mir. 2:1-5
3:13-15
Na musuku a u koni u vhu renga; mutengo waho a u vhambedzwi na siliva;

16musuku u songo vangwaho u nga si vhu renge;

onikisi na safire a zwi vhambedzwi naho;

17vhu fhira mutengo wa musuku, na mudzio wa musuku

kana ngilasi i vhonadzaho;

18khorala na khristala a zwi vhuyi zwa vhambedzwa naho;

mutengo waho u fhira pherele;

19gurannḓa yo nanguludzwaho a i vhambedzwi naho;

na musukusuku a u vhu rengi.

20

28:20
Jobo 28:12
Zwino-ha tshisima tsha vhuṱali tshi ngafhi?

Ndi ngafhi hune ra nga guda u ṱalukanya?

21A vhu vhonwi nga tshivhumbwa tshi tshilaho na tshithihi,

nangwe tshi tshiṋoni tshi fhufhaho.

22Lufu na dindi zwi ri,

“Ro tou pfa zevhezevhe ḽaho fhedzi.”

23Ndi Mudzimu e eṱhe a no ḓivha nḓila yo livhaho khaho;

ndi Ene a no ḓivha hune vhuṱali ha wanala;

24Ene u vhona he ḽifhasi ḽa guma;

u vhona na zwoṱhe zwi re fhasi ha lutombo.

25

28:25
Jobo 39:8-11
Yes. 40:12
Zwiḽa a tshi kalela muya maanḓa awo,

a vhetshela lwanzhe mukano;

26

28:26
Jobo 36:27-28
zwiḽa a tshi nanga hune mvula ya ḓo na,

makole a no bvuma a a sumba nḓila,

27ndi musi we a vhona vhuṱali a vhu anganya,

a vhona mutengo waho a vhu khwaṱhisa,

28

28:28
Jobo 1:1Mir. 1:7
a konou vhudza muthu a ri,

“U ofha Muṋe wa zwoṱhe ndi hone vhuṱali;

u furalela vhuvhi ndi yone ṱhalukanyo.”