Tshivenda 1998 (VEN98)
24

Jobo: “Vha maanḓa vha tshi kandeledza vhaṅwe, Mudzimu ha zwi londi.”

241Ndi mini Ramaanḓaoṱhe a sa vhei tshifhinga tsha u haṱula?

Ndi mini vhane vha mu ḓivha vha sa vhoni maḓuvha eneo?

2

24:2
Dot. 19:14
Mir. 22:28
Vhathu vha sudzulusa matombo a mikano vha ḓiengedzela masimu,

vha fuwa sambi ḽa nngu dze vha tswa,

3

24:3
Dot. 24:17
Ek. 22:25-27
Jobo 22:9
vha kumba donngi ya tsiwana,

vha fara phulu ya tshilikadzi a vhuya a lifha mulandu;

4

24:4
Am. 2:6-8
5:12
vha thatha vhaheḓana nḓilani,

vha kombetshedza vhasingili u yo dzumbama.

5

24:5
Jobo 30:1-8
Vha ita uri vhashai vha yo ṱoḓa zwiḽiwa sogani unga mbiḓi,

vha ri vhana vhavho vha yo doba zwidu phangani;

6vhaheḓana vha kaṋa zwiḽiwa zwa zwifuwo masimuni, vha ḽa,

vha ṱala ṱhalane ya nḓirivhe masimuni a vhavhi;

7

24:7
Dot. 24:12-13
vhusiku vha lala vha songo fuka tshithu,

a vha na tsha u pila phepho,

8vha ṋukadzwa nga vhusuṱo vhu naho dzithavhani,

vha nambatela matombo nga u shaya vhudzumbamo.

9Tshetshe dzi si na vhokhotsi dzi zhuvhulwa dzi tshi mama dza itwa dziphuli,

vhana vha vhashai vha a dzhiwa

ha lifhiwa mulandu ngavho;

10

24:10
Yes. 58:7
vhashai vha tshimbila fhedzi nga tsiku;

vha kaṋela vhapfumi mavhele,

ngeno vhone vha tshi dzivhiswa u a ḽa;

11vha hamula nyolivi vha ita mapfura,

vha fhonḓela nḓirivhe bonḓeloni vha ṱuḓa waini,

vhone vhaṋe vha tshi khou fa nga ḓora.

12

24:12
Jobo 35:9-13
Ps. 94:5-7
Mufunzi 4:1
Ngei miḓini

vha faho vha a gomela,

khuvhabvu dzi ṱavha mukosi,

hone Mudzimu ha vhuyi a vhea vhavhi mulandu.

13Hu na vhane vha vhenga tshedza;

a vha tshi ṱalukanyi,

na hune tsha vhonetshela a vha yi.

14

24:14
Ps. 10:8-9
37:14
Phondi i vuwa hu tshee vhusiku,

ya yo vhulaha mushai na musingili,

vhusiku u vha fobvu.

15Phombwe yone i lindela lufhimavhaeni;

i a khurumela uri i si vhonwe nga muthu.

16Mafobvu a pwasha dzinnḓu vhusiku;

masiari vha a dzumbama,

a vha pfani na tshedza;

17ḽi tshi tsha vhoṱhe vha vhona hu hone ḽo sikuwa, ho tou bodo;

zwi ofhisaho zwa vhusiku,

vhone a vha zwi ofhi.

Jobo: “Vhavhi kha vha teketelwe!”

18Kha vha nge makukwi a hwalwaho nga muḓalo wa maḓi,

Mudzimu a teketele thundu dzavho,

masimuni avho a minḓirivhe hu si tsha shuma muthu!

19Vhavhi nga vha milwe nga tshalo,

vha nge mahaḓa a tshi ṋoka nga biso,

vha nge maḓi a tshi nwelela mavuni o omaho,

20na vhomme avho vha si tsha vha elelwa,

mbungu dzi ḓiphiṋe nga u vha ḽa!

Nga vha hangwiwe,

vha paḓukane unga muri,

u vhe wone mulifho wa vhuvhi havho!

21Vha ḽeledza muumba a si na vhana,

tshilikadzi vha si i itele vhuthu.

22Mudzimu u khwikhwidza vha maanḓa nga maanḓa awe;

a takuwa, vha dzula vhe na nyofho ya lufu.

23Mudzimu a nga ḓi vha litsha,

vha pfa vho tsireledzea,

hone a ḓi dzula o vha vhea iṱo.

24Nga zwi vha nakele tshifhinganyana,

vha mbo ḓi ṱuwa,

vha pute unga lukumbe lwa muṋawa lwo ṱhukhulwa,

vha nge khula ya makhaha yo tshewa!

25Zwo ralo!

Ndi nnyi ane a nga nkhanedza a ri a si ngoho?

25

Khonani ya vhuvhili: “Ndi nnyi a re muvhuya maṱoni a Mudzimu?”

251Bilidadi:

2Muvhuso ndi wa Mudzimu,

o fanela u ofhiwa;

u vhusa nga mulalo ngei ṱaḓulu makoleni.

3Ndi nnyi ane a nga vhala mara awe?

Ndi nnyi ane tshedza tsha Mudzimu

tsha si mu vhonetshele?

4

25:4
Jobo 4:17
Muthu wa ṋama a nga kona hani-ha

u vha muvhuya maṱoni a Mudzimu?

Muthu o bebwaho nga musadzi

a nga vhuya a pfi ha na mulandu naa?

5

25:5
Jobo 15:15
Hufha na ṅwedzi Mudzimu a tshi vhona u sa penyi,

na ṋaledzi dzi songo kuna –

6

25:6
Yes. 41:14
muthu ene-ha ane a tou nga tshivhungu,

ṅwana wa muthu a no tou vha shonzha,

zwi nga tou ngani?

26

Jobo: “Mudzimu u nga si mu kone.”

261-2No mpfarisa hani,

nṋe ndi shayaho nungo!

No tshidza nṋe muhoṱa!

3No nnyeletshedza, nṋe ndi si na vhuṱali!

No ntsumbedza uri ni na nḓivho i si na vhukono!

4O ni funzedzaho uri ni ambe zwo raliho, ndi nnyi?

Muya we na amba ngawo ndi wa nnyi?

5Mimuya ya vhafu i a tetemela,

na zwoṱhe zwi re fhasi ha maḓi.

6

26:6
Ps. 139:8
Mir. 15:11
Am. 9:2
Mudzimu a tshi sedza vhudzulavhafu

u vhona hu khagala,

na dindi ḽone ḽiṋe a ḽo ngo mu dzumbama.

7Ndi Ene we a ṱharamudza lutombo hu si na tshithu,

a fhahea ḽifhasi tshikhalani;

8a putela maḓi nga makole,

makole a si balee a tshi pfa u lemela.

9U tibedza khuluṋoni yawe,

a u tsira nga makole awe;

10

26:10
Mir. 8:27
Gen. 1:1-10
o tala mutalo a monisa nṱha ha lwanzhe,

ha vha u fhandekanya tshedza na swiswi.

11A tshi kaidza, phuphu dzo tikaho lutombo

dzi a dzinginyea dza tetemela nga nyofho;

12

26:12-13
Jobo 9:13Yes. 27:1
u dzikisa lwanzhe nga maanḓa awe;

o tumukanya Rahaba buka ḽa lwanzhe

nga vhuṱali hawe;

13lutombo lwo swielwa nga mufemo wawe,

tshanḓa tshawe tsha rumbula ḽiṋowa ḽa luvhilo;

14heyo i tou vha mishumo yawe i si gathi;

zwe ra zwi pfa ndi mahevhehevhenyana awe fhedzi;

huno ndi nnyi ane a nga ḓivha

uri maanḓa a Mudzimu ndi mangafhani?