Tshivenda 1998 (VEN98)
18

Khonani ya vhuvhili: “Muvhi u fhedza nga u wela khomboni.”

181Bilidadi:

2Jobo, a ni koni u vhuya na fhumula-vho naa?

Ni ri tshete, ri ambe-vho, ni thetshelese.

3Ndi mini ni tshi ri ita dziphukha?

Ni ri itelani matsilu?

4

18:4a
Jobo 5:2
Ni khou tou ḓivhaisa nga mbiti dzaṋu.

Ni ḓo ri u sinyuwa vhathu vha pfuluwa shangoni naa?

Kani-ha ni vhona unga zwikwara zwi ḓo sudzuluwa?

5

18:5-6
Jobo 18:18
Mir. 13:9
Jer. 25:10
Nṋe ndi ri tshedza tsha muvhi tshone tshi ḓo dzima;

tshivhasoni tshawe

a hu tsha ḓo duga khavhu;

6nḓuni yawe a hu nga vhi na tshedza;

luvhone lwawe lu ḓo dzima.

7A tshi tshimbila ho vha hu tshi pfala mutsindo,

hone zwino u vho pepeleka;

o ḓifasha nga vhukwila hawe;

8o longa mulenzhe tshikwekweni;

khunḓa yo fasha muvei;

9tshilibana tsho mu fasha tshirethe;

tsho ganedza a fashwa;

10o retshelwa tshikwekwe ngomu mavuni;

nḓilani yawe ho rewa mulavhu.

11O tangwa nga ḓuvha na mulilo;

a zwi mu humeli;

12o kulea nungo nga nḓala;

khombo yo lindela u mu mila;

13

18:13
Num. 12:10-12
Jobo 2:7
7:5
dwadze ḽi ḽa lukanda lwawe;

tanzhe ḽa lufu ḽi ḽa miraḓo yawe.

14U kwatulwa, a bviswa nḓuni he a vha o dzumbama,

a khwikhwidzelwa ha khosi ya zwi ofhisaho,

15hayani hawe ha hashwa tsevhela,

hu si mele tshithu,

16

18:16
Mal. 4:1
midzi yawe ngeno fhasi yó oma,

ngei nṱha matavhi ó puta,

17

18:17
Ps. 9:5
Mir. 10:7
Yes. 14:20
bvumo ḽawe fhano shangoni ḽa fhela,

dzina ḽawe ḽa si tsha humbulwa.

18U thathiwa shangoni,

a pandelwa tshedzani a shavhela swiswini.

19

18:19
Ps. 37:28Yes. 14:22
Ha na na ṅwana;

he a vha a tshi dzula ho ngo sia na muthu.

20U bva vhubvaḓuvha u swika vhukovhela,

vha no pfa zwe a livhanywa nazwo vha tetemela nga nyofho.

21Vhavhi vha livhiwa nga zwo raloho;

vha sa londi Mudzimu vho fanelwa nga zwenezwo.

19

Jobo: “Mudzimu o nkhakhela ...”

191-2Ni ḓo litsha lini u nṱhavha mbilu?

Uvhani ni tou mpaḓukanya nga maipfi aṋu;

3ni ḓi endela u ntsema, na nndevhela,

na u shona a ni shoni.

4Nangwe ndo khakha zwanga,

inwi zwi ni dina ngani?

5

19:5
Jobo 19:28
Arali ni tshi ḓiita vhahaṱuli vhanga,

dambulo ḽanga í yone ṱhanzi yaṋu,

6ḓivhani-ha uri ndo khakhelwa nga Mudzimu;

ndi Ene o ntandaho nga mambule awe.

7

19:7
Hab. 1:2
Ndi tshi ṱavha mukosi ndó huvhadzwa,

a hu na phindulo;

nda luvhelela, nda si haṱulwe.

8

19:8
Jobo 3:23
Zwililo 3:7,9
Mudzimu o dzivha nḓila,

a thi koni u fhira;

nḓila yanga o i tiba nga swiswi;

9o mmvula vhugala, a mmvisa mvumbo;

10u nkovhola thungo dzoṱhe,

ndo fhela;

o tupula fulufhelo ḽanga unga muri;

11

19:11
Jobo 13:24
33:10
u nndyela vhuhali,

u nnyita swina ḽawe;

12mbiti dzawe dzo bva pfumo,

dzo ḓa u dia nṋe,

dzo govhela nnḓu yanga.

13

19:13
Jobo 38:11
O nnduṱanya na vha hashu;

khonani dzanga dzi vho nnyita mutsinda;

14-15

19:14-15
Ps. 31:11
38:11
mashaka anga na ṱhama dzanga vho nṱamba;

vhe vha dala nḓuni yanga vho nkhangwa;

vhashumi vhanga vha vhasidzana vha ntsedza unga mutsinda;

16ndi tshi vhidza phuli yanga,

a i aravhi,

ndi fanela u tou i luvhelela;

17musadzi wanga ha koni u konḓelela mufemo wanga;

vhana vha mme anga vha ri ndi a nukha;

18na vhana vhaṱuku vha a nnyadza,

nda takuwa vha a kwetedzana;

19khonani dzanga dza mbiluni dzi a nnengwa;

vhe nda vha ndi tshi vha funa vho ntshandukela;

20

19:20
Jobo 16:8
33:21
ndo fhela, ndo sala ndi lukanda na marambo;

ho tou sala dethele fhedzi.

21Khonani dzanga, a ni mpfeli vhuṱungu naa?

Ndi ri mpfeleni vhuṱungu nandi;

tshanḓa tsha Mudzimu tsho nthwa!

22Ndi mini Mudzimu a tshi ri u ntovhola na inwi na ntovhola?

A ni athu pfelela u ntambudza naa?

“... hone Mulifheli wanga u hone.”

23Ngavhe maipfi anga haya a tshi ṅwalwa!

Ngavhe a tshi tou ṅwalwa buguni!

24Ngavhe a tshi ṅwalwa kha mutobvu nga luunzhi,

zwa tou korwa kha tombo,

zwa dzula zwi hone lini na lini!

25

19:25
Ps. 56:9
140:12
Yes. 50:8
Nṋe ndi a zwi ḓivha uri

Mulifheli wanga u a tshila;

u ḓo fhedza nga u ḓa a kunda ḽifhasi.

26

19:26-27
Jobo 42:5
Mat. 5:8
Nangwe lukanda lwanga lu tshi ḓo vha lwo no ṱahala,

ndi ḓo vhona Mudzimu ndí kha muvhili wonouno,

Mudzimu ndi ḓo mu vhona.

27

19:27b
Ps. 42:1-2
119:81-82
Ndi ḓo mu vhona nga anga maṱo, e si a muṅwe;

mbilu yanga i nyengela zwenezwo!

28

19:28
Jobo 19:5
Arali na ri, “Ri nga mu tovhola hani,

vhunga a tshi tambudzelwa vhuvhi hawe?” –

29zwino-ha ofhani pfumo ḽo ni sumbaho;

mbiti dza Mudzimu dzi swiela vhavhi nga pfumo,

ndi hone ni tshi ḓo ḓivha uri hu na khaṱhulo.

20

Khonani ya vhuraru: “Muvhi ha ḓiphiṋi u ya thambo.”

201Tsofara:

2A thi tsha kona u konḓelela;

ndi ḓo fhindula;

ndo dinalea, ndi vho fhela mbilu.

3Ni tshi amba nga u ralo ni khou ntsema;

ndi na ṱhalukanyo,

ndi ḓo ni fhindula.

4A ni zwi ḓivhi uri u bva mathomoni,

tshee muthu a vhewa fhano fhasi,

5a hu na muvhi we a ḓiphiṋa u ya thambo naa?

Dakalo ḽa a no nyadza Mudzimu a ḽi lengi u fhela.

6

20:6-7
Gen. 11:4
Ps. 37:35-36
Yes. 14:13-15
Dan. 4:17
A nga vha na bvumo ḽa guma lutomboni,

ṱhoho yawe ya kwama makole;

7u ḓo lovha unga mupfudze wawe, vhane vha mu ḓivha vha si ḓivhe he a ya.

8

20:8
Ps. 73:20
90:5
U ḓo fhufha unga muloro a si tsha wanala;

u ḓo ngalangala unga bono ḽa vhusiku,

9ḽiṱo ḽe ḽa vhona bono iḽo ḽa si tsha ḽi vhona;

u ḓo vuwa a si tsheeho.

10Vhana vhawe vha ḓo vhuedzedza

zwe a tswela vhashai;

zwanḓa zwawe zwo fanela u humisa lupfumo lwawe.

11Muvhili wawe wo vha u muswa, u na nungo,

hone u ḓo ṱuwa u tshi vha buse.

12

20:12-13
Mir. 9:17
Vhuvhi vhu a mu ḓifhela

lune a vhu khuba mulomoni,

13a muṋedza nga zwiṱuku, a si tende vhu tshi ṱavhanya u fhelela.

14Hone thumbuni yawe zwiḽiwa zwi a shanduka,

zwa kalakata unga vhuṱungu ha ṋowa.

15Lupfumo lwe a mila, u a lu ṱanza;

Mudzimu u mu ṱanzisa lwone.

16U ḓo nga o mama vhuṱungu ha ṋowa,

a nga ó lumiwa nga vuluvulu, a fa.

17

20:17
Jobo 29:6
Ha tsha ḓo ḓiphiṋa nga milambo i elaho mapfura,

na milambwana yo ḓalaho mutoli na luvhomba.

18Zwe a zwi bvela biko,

u ḓo zwi humisa zwi songo ḽiwa;

ha nga ḓiphiṋi nga mbuelo dza bindu ḽawe.

19

20:19
Ps. 109:16
Hufha o kandeledza vhashai a vha ṅaledza,

a dzhia nnḓu dzo fhaṱwaho nga vhaṅwe.

Khombo ya muvhi

20

20:20
Luk. 12:19-20
U a phaga, ha furi;

lupfumo lwe a khokha lu nga si mu tshidze.

21A tshi ḽa ha sii;

mashudu awe ha nga yi thambo.

22U ḓo ri a tshi kha ḓi ḽa a tshi fura,

a welwa nga khombo, a ḓelwa nga maṱungu mahulu.

23Litshani a ḽe a fure –

Mudzimu u ḓo sinyuwa a mu laṱisa,

a tou mu nisela mavili.

24

20:24-25
Jobo 6:4
U ḓo ri a tshi shavha pfumo ḽa tsimbi,

a pfulwa nga musevhe wo poswaho nga vhura ha musinaseṱha.

25U ḓo ri a tshi u ṱomola muṱanani wawe,

ṱhodzi i penyaho a i ṱomola kha tshavhuṱungu,

a welwa nga zwi ofhisaho.

26Zwoṱhe zwe a vhulunga zwi ḓo phusukanywa;

u ḓo fhiswa nga mulilo

u songo vhudzedzwaho nga muthu,

thundu yo salaho nḓuni ya swa ye lore.

27

20:27
Jobo 16:18-19
Ḽiṱaḓulu ḽi ḓo dzumbulula vhuvhi hawe,

na ḽifhasi ḽi ḓo ṱanzilela ḽa mu laṱa;

28thundu i re nḓuni yawe i ḓo kumbiwa

nga muḓalo wa maḓi,

musi wa mbiti dza Mudzimu.

29

20:29
Jobo 27:13
1 Korint. 6:9-10
Nzumb. 21:8
Mudzimu u livhanya vhavhi na zwo raloho;

ndi ḽone ifa ḽe a vha dzudzanyela.