Tshivenda 1998 (VEN98)
15

Khonani ya u thoma: “Ni songo ḓiita tshilayavhakulu.”

151Elifasi wa Themana:

2

15:2
Jobo 8:2
16:3
Jobo, a no ngo amba tshithu;

a hu na na muṱali na muthihi

a no amba zwi sa pfali unga inwi,

3a ḓilamulela nga maipfi a sa ambi tshithu,

a sokou anza nyambo i si na mushumo.

4

15:4
Jobo 2:3
Ni ita uri vhathu vha si tsha ofha Mudzimu,

vha mu nyadze.

5Vhuvhi haṋu vhu pfala nga zwine na amba;

ni khou dzumbama nga vhukwila.

6

15:6
Mir. 18:7
A si nṋe a no khou ni laṱa,

inwi muṋe ni khou laṱwa nga maipfi aṋu,

ṱhanzi i no ni laṱa ndi mulomo waṋu.

7

15:7
Jobo 38:4,21
Ps. 90:2
Mir. 8:25
Kani o rangaho u bebwa ndi inwi?

Mudzimu a tshi vhumba dzithavha no vha ni hone?

8

15:8
Jer. 23:18
Rom. 11:34
Kani no zwi pfa a tshi dzudzanya zwoṱhe?

Vhuṱali vhu na inwi ni noṱhe kani?

9

15:9
Jobo 12:3
13:2
Zwoṱhe zwine na zwi ḓivha, riṋe a ri zwi ḓivhi-vho?

Ndi ifhio nḓivho yaṋu ine ri si vhe nayo?

10Ro guda vhuṱali kha vhakalaha vho tshenaho mmvi,

vha re na makole a no fhira a khotsi aṋu.

11Mudzimu a tshi ni khuthadza ni zwi nyadzelani?

Hufha ro mu ambela nga maipfi a vhulenda.

12Mbilu yaṋu i ni isa kule;

ni ri lavhelesa no sinyalala.

13Ni sinyutshela Mudzimu,

na shulula maipfi o raliho!

14

15:14
Jobo 4:17
Ndi nnyi wa mbilu yo ṱambaho?

O bebwaho nga musadzi ndi nnyi a re muvhuya?

15

15:15
Jobo 4:18
25:5
Hufha Mudzimu na vharuṅwa vhawe

a sa vha fulufhedzi,

na vha ṱaḓulu a tshi vha sedza u vhona mbilu dzavho dzi songo ṱamba;

16muthu ene, Mudzimu a nga mu vhona o ṱamba hani?

Hufha a tshi nengisa, o tshinyala,

a tshi tshinya a sa zwi pfi,

zwa nga ndi u nwa maḓi.

Elifasi: “Mudzimu ha litshi u rwa muvhi.”

17Zwino thetshelesani ndi ni funze;

ndi ḓo ni vhudza zwe nda vhona nga anga maṱo.

18Vhaṱali vho mpfunza ngoho ye vha pfa nga vhokhotsi avho,

a vho ngo vhuya vha dzumba zwiphiri.

19Shango ḽo vha ḽi tshee ḽavho vhe vhoṱhe,

vhá songo vangana na vhannḓa.

20

15:20-24
Jobo 18:11-14
Gen. 4:14
Muvhi u kandeledza vhaṅwe,

hone u dzula nga nyofho vhutshilo hawe hoṱhe,

nga u ḓivha uri a nga si pfuke ḓuvha ḽawe.

21Nḓevheni dzawe hu dzula hu tshi pfala mikosi i ofhisaho;

a tshi tou ri, ndi a ḓiphiṋa, mavemu a a mu wela.

22Ha fulufheli uri u ḓo vhuya a ponyoka swiswi;

tshawe hu ḓo vha u ḽiwa nga pfumo;

23maanga o lindela tshitumbu tshawe;

u a ḓivha uri o lindelwa nga swiswi;

24u ofhiswa nga khombo na maṱungu,

zwa mu wela unga khosi khulu i tshi yo dia.

25

15:25
2 Mah. 19:21-24,35
Munna ane a sumba Mudzimu nga vili,

a imedzana na Ramaanḓaoṱhe, o livhiwa nga zwenezwo.

26-27

15:26-27
Yes. 14:13-15
O angula, a bva na tshiḽelo,

ndi zwine a vho omisa mutsinga,

a takusa tshiṱangu tshawe,

a gidimela u yo lwa na Mudzimu.

28

15:28
Dot. 13:17Josh. 6:26
1 Mah. 16:34
Ndi ene munna we a yo dzula matumbani,

a dzhia nnḓu dzo ṱutshelwaho nga vhaṋe vhadzo,

marubi e a phusukanywa a pfi a songo tsha vuswa,

ene a a vusa a sa londi uri o teketelwa nga Mudzimu.

29A nga si tsha pfuma a ya thambo;

thundu yawe a i tsha ḓo vha hone;

thakha yawe a i tsha ḓo ḓala shango.

30Swiswi ha nga ḽi ponyoki;

u ḓo nga muri une matavhi awo a swa nga mulilo;

u ḓo hwalwa nga mufemo u bvaho mulomoni wa Mudzimu.

31

15:31
Yes. 28:15,18
Ane a ḓifhura nga u fulufhela mahandana,

u ḓo pfufhiwa nga one mahandana.

32U ḓo nga davhi ḽine ḽi si tsha ḓo ṱuma lurere,

a puta tshifhinga tshawe tshi sa athu swika.

33U ḓo nga munḓirivhe u no moḓisa magaga,

a nga muolivi une wa fhufhura maluvha.

34A nyadzaho Mudzimu u ḓo shaya vhana;

mahaya o fhaṱwaho nga tshanḓanguvhoni

a ḓo tou lore.

35

15:35
Ps. 7:14
Yes. 59:4
Ndi vhone vha no vhifha muvhilini

nga vhunwa, vha beba vhuvhi,

vha wana vho ḓifhura.