Tshivenda 1998 (VEN98)
13

Jobo: “Ngavhe ndi tshi livhana na Mudzimu tsengoni!”

131Zwoṱhe zwine na amba ndo no ḓi zwi vhona,

ndo no ḓi zwi pfa, ndo no ḓi zwi ṱalukanya.

2

13:2
Jobo 12:3
Zwine na zwi ḓivha, na nṋe ndi a zwi ḓivha,

a ni mphiri.

3Nṋe a thi khou amba na inwi,

ndi khou amba na Ramaanḓaoṱhe,

ndi ṱoḓa u hanedzana na Mudzimu.

4Inwi ni pila u shaya nḓivho haṋu nga mazwifhi;

noṱhe ni dziṅanga dzi sa fhodzi muthu.

5

13:5
Mir. 17:28
Ngavhe ni tshi ḓifhumulela zwaṋu,

vhathu vho vha vha tshi nga ḓo ḓi ri no ṱalifha.

6Thetshelesani ndi tshi hwedza mulandu wanga,

ni pfe vhuṱanzi hanga.

7

13:7
Jobo 42:7
Ni zwifhelani?

Nṋa ni nga ambela Mudzimu nga mazwifhi?

8

13:8
Dot. 10:17
Ek. 23:7
Ni nga ri ni tshi ambela Mudzimu

na ita tshiṱalula?

Ndi nnyi we a ri ni mu sengele khoroni?

9

13:9
Gal. 6:7
Arali a ṱola mbilu dzaṋu a nga wana tshivhuya?

Ni vhona unga ni nga mu fhura unga ni tshi fhura vhathu?

10

13:10
Jobo 42:7
Nangwe tshiṱalula tshaṋu tsho dzumbama,

ha nga litshi u ni kaidza.

11

13:11
Ps. 119:120
Yes. 6:1-5
Vhuhulu hawe a vhu ni ofhisi?

Ni tshi mu elekanya a ni tetemeli?

12Mirero yaṋu ndi milora,

i fhufha na muya;

nyambo yaṋu i ṋoka unga vumba.

13Ni tshete ndi ambe;

zwi nngwelaho kha zwi nngwele.

14Ndi ḓo luma mbilu nda amba,

naho ndi tshi khou dembelela nga lwatsi.

15Nangwe Mudzimu a tshi ḓo mmbulaha –

ndi tshee ndo lavhelela Ene

uri ndi livhane nae tsengoni.

16Nda ralo ndi nga tshidzwa;

muvhi ha livhani na Mudzimu.

17Zwino thetshelesani ndi ṱalutshedze;

kolongonyani nḓevhe dzaṋu ni pfe.

18Ndo lindela u ḓisengela,

hufha ndi tshi ḓivha uri ndi ngohoni.

19Ha ḓa ane a ḓo livhana na nṋe tsengoni,

a mphindula, ndi ḓo fhumula nda ḓifela.

20Mudzimu, litsha ndi humbele zwithu zwivhili,

ndi hone ndi sa ḓo u dzumbama:

21

13:21
Jobo 6:49:34
Nkhumele!

U songo mmbulaha nga nyofho!

22

13:22
Jobo 31:35
38:3
40:7
Nkhwelele, ndi ḓo fhindula,

kana nṋe ndi ambe,

Iwe u fhindule.

23Vhuvhi hanga ndi vhufhio?

Ndo tshinyani?

Ndi pomokelwani? Ntsumbedze vhutshinyi hanga!

24

13:24
Jobo 19:11
Khefha u tshi nnzumbama

wa nnyita swina ḽau?

25U nga endela u shushedza ṱari ḽi fhufhaho nga muya?

U nga pandamedza mathukhwi?

26

13:26
Ps. 25:7
U mmbetshela ṱhamu i vhavhaho,

wa nthwela zwe nda ita ndi tshee muṱuku.

27Wo mpata milenzhe nga tshipato;

u sedza zwoṱhe zwine nda ita,

wa londa vhuṱala hanga.

28

13:28
Ps. 102:26
Yes. 50:9
Ndi zwe nda ṱahala unga vongori,

nda nga nguvho yo ḽiwaho nga tsole.