Tshivenda 1998 (VEN98)
10

Jobo: “Mudzimu o dzula o nkhwesa mulandu.”

101

10:1
Jobo 7:11
Ndo neta nga vhutshilo.

Litsha ndi gungule,

ndi khou ḽa mbilu!

2

10:2
Jobo 6:24
Ndi ri, Mudzimu, u songo mmbea mulandu;

edzou mmbudza: Ndo tshinyani?

3Ndi zwavhuḓi u tshi nkandeledza,

u tshi nyadza tshe wa tshi vhumba?

Vhavhi vhone vha tshi luka vhunwa,

u a zwi takalela naa?

4

10:4
1 Sam. 16:7
U sedza zwithu unga muthu naa?

U vhona unga muthu wa ṋama naa?

5Vhutshilo hau ndi vhupfufhi unga ha muthu naa?

Miṅwaha yau i nga ya muthu kani,

6zwine wa vhuya wa londolosa vhuvhi hanga,

wa zwima vhukhakhi hanga hoṱhe?

7Hufha u tshi ḓivha uri a thi na mulandu,

na uri a hu na ane a nga nndamukisa zwanḓani zwau.

8

10:8-9
Gen. 2:7
3:19
Jobo 33:6
Yes. 64:8
Ps. 90:3
Ndo vhumbwa nga zwanḓa zwau,

hone zwino zwenezwo zwanḓa zwi vho nndozwa tshoṱhe.

9U songo hangwa uri wo mmbumba nga vumba;

kani u vho ṱoḓa u nkuya nda vhuelela buseni?

10Ndi Iwe we wa ṋea khotsi anga nungo uri vha ntsike,

wa nnyalusa muvhilini wa mme anga.Tshiheberu tshi ri: “Ndi Iwe we wa ntshulula unga mafhi, nda kheṱha”, hu tshi tevhedzwa kuhumbulele kwa Vhaheberu nga kuvhumbelwe kwa ṅwana muvhilini wa mme awe.

11Wo vhumba muvhili wanga nga marambo na tsinga,

marambo wa a ambadza ṋama na lukanda.

12Wo nṋea vhutshilo, wa mpfuna nga lufuno lu sa dzinginyei,

wa nndondola nda ḓi tshila.

13Hone zwino ndi vho ḓivha uri matsina wo vha u na tshimbevha:

14Wo vha u tshi khou sedza uri ndi nga si khakhe naa,

wa ḓo konou mpfara nga mbilu.

15Nda tou tshinya, u a ntambudza,

hu uri nda ita zwivhuya, a thi wani tshithu.

Ndo nyadziwa tshoṱhe,

ndo mbwandamela maṱunguni.

16Zwa nnakela,

u nndodela unga ndau,

wa vhuya wa ita na maḓembe u tshi ṱoḓa u mmbaisa.

17U dzula u tshi nṱoḓela ṱhanzi dza u mpomoka;

u ntsinyutshela hau hu ḓi hulela hu tshi ya;

vhahali vhau a vha nkhumeli,

vha sielisana u nkovhola.

18

10:18
Jobo 3:2-3
Mudzimu, wo itelani uri ndi bebwe?

Ngavhe ndi fe ndi sa athu vhonwa nga muthu,

19u bva thumbuni nda dzhena tshaloni!

Zwi ḓi fana na u sa bebwa.

20

10:20
Jobo 7:7
Maḓuvha anga a ho ngo sala a si gathi kani?

Nṱutshele, litsha ndi ḓiphiṋenyana,

21ndi sa athu ya hune nda si tsha ḓo vhuya,

shangoni ḽa swiswi ḽo touho bodo,

22ḽa swiswi na mirunzi,

hu si na tshedza tsha ḓuvha,

hune tshedza tshaho tsha vha swiswi.

11

Maipfi a khonani ya vhuraru: “Mudzimu ha khakhi, ndi inwi no tshinyaho.”

111Tsofara:

2A hu na ane a nga fhindula mafhafhaḓo aya?

Kani u ravhaḓa ndi hone hune ha ṱanzwa muthu mulandu?

3Jobo, ni vhona unga u lopola haṋu hu nga ri runga milomo?

Ni vhona unga ni tshi nzhonzhowedza

a ri koni u ni kaidza?

4

11:4
Jobo 10:7
16:17
33:9
Ni ri zwine na amba ndi ngoho?

Na ri no ṱamba maṱoni a Mudzimu?

5

11:5
Jobo 38:1
Ngavhe Mudzimu Ene muṋe a tshi ni fhindula,

a amba a ni kaidza.

6

11:6
Rom. 11:33
1 Korint. 2:10,16
O vha a tshi ḓo ni dzumbululela zwiphiri zwa vhuṱali,

na konou ṱalukanya uri zwi kanukisa hani.

Ḓivhani uri Mudzimu u khou ni rwa nga ṱhamu ṱhukhu.

7Zwiphiri zwa Mudzimu ni nga zwi swikela naa?

Hune Ramaanḓaoṱhe a guma ni nga hu hovhelela naa?

8

11:8-9
Ef. 3:18
Zwo hula u fhira makole –

inwi ni nga itani?

Zwo tsisa u fhira vhudzulavhafu –

inwi ni ḓivha mini?

9Zwo hula u fhira ḽifhasi;

zwo ṱanḓavhuwa u fhira lwanzhe.

10

11:10
Jobo 9:12
Arali Mudzimu a ni fara a ni isa tsengoni,

ndi nnyi ane a nga mu dzivhisa?

11Ene u ḓivha u sa ḓivhalea ha vhathu;

u vhona vhuvhi havho hoṱhe,

á songo vhuya a sedzesa.

12Madodo a ḓo thoma u ṱalifha

mbiḓi dzi tshi vho dzwala vhathu.

13Vhuedzedzani mbilu yaṋu vhudzuloni;

luvhani Mudzimu;

14laṱani vhuvhi vhu re zwanḓani zwaṋu;

hayani haṋu ni songo tendela vhutshinyi;

15ndi hone ni tshi ḓo ḓipfa ni si na valuvalu,

na ḓo ima no khwaṱha ni sa ofhi tshithu;

16

11:16-19
Jobo 5:17-26
ndi hone maṱungu aṋu oṱhe a tshi ḓo fhufha,

ni tshi a elelwa na vhona

a tshi nga mikumbela ye ya ela ya fhira;

17

11:17
Yes. 9:1
42:16
58:8
Ps. 97:11
Dan. 12:3
ndi hone vhutshilo haṋu vhu tshi ḓo nga tshedza,

ha fhira ḓuvha ḽi vhukati ha ṱhoho,

swiswi ḽa nga mapfuvhi a tshi tswuka.

18

11:18-19
Ps. 4:8
Tsef. 3:13
Liv. 26:6
Ni ḓo pfa ni na fulufhelo ni sa ofhi tshithu;

ni tshi sedza zwa muḓi waṋu

ni ḓo wana zwoṱhe zwo naka,

na yo lala no rudza mbilu,

19

11:19
Jobo 42:8
na eḓela ni sa ofhi swina;

vhathu vhanzhi vha ḓo ni luvhelela.

20

11:20
Jobo 3:21
Vhavhi vhone vha ḓo pfa vho kulea nungo;

a vha nga wani nzanyo ya u ponyoka vha shavha,

tshavho hu ḓo vha u tou lindela lufu.

12

Jobo: “Mudzimu u ita zwine a funa.”

121-2Vhukumakuma hu tshi pfi vhathu,

hu ambiwa inwi!

Na fa, vhuṱali ho fa!

3

12:3
Jobo 13:2
2 Korint. 11:5-6
Hone na nṋe ndi na ṱhalukanyo ine na vha nayo;

a ni mphiri.

Ndi nnyi a sa ḓivhi zwe na amba?

4

12:4
Jobo 17:6
30:1
Ps. 22:7
Mat. 27:39-44
Zwino ndi vho sewa na nga khonani dzanga;

vha ntsea nangwe ndi sa solisei, ndi si na mulandu,

ndí muthu wa u rabela,

Mudzimu a tshi ḓi mphindula.

5Inwi a ni na tshi ni dinaho,

ni tamba nga nṋe a no tambula;

ni raha muthu a no khou redzemuwa;

6

12:6
Jobo 21:7
Ps. 73:3-12
Jer. 12:1-2
hone mavemu vha a ḓiphiṋa;

vha no kolela Mudzimu a vha ofhi tshithu,

hufha Mudzimu vho mu kona.

7

12:7
Jobo 38:39 – 39:30;
Edzonu vhudzisa dziphukha, dzi ḓo ni funza;

na zwiṋoni zwi ḓo ni vhudza;

8ambani na ḽifhasi, ḽi ḓo ni laya;

litshani khovhe dza lwanzheni dzi ni anetshele.

9Tshivhumbwa tshi sa ḓivhi uri zwo vhumbwa nga tshanḓa tsha Muṋe washu,

ndi tshifhio?

10

12:10
Jobo 34:14-15
Gen. 2:7
Dan. 5:23
Mish. 17:25
Ene u londola vhutshilo ha zwisikwa zwoṱhe;

vhutshilo ha vhathu vhoṱhe vhu zwanḓani zwawe.

11Lulimi lu thetshela zwiḽiwa;

tsha nḓevhe ndi u ṱanḓulukanya maipfi.

12

12:12
Jobo 8:8-10
Vhuṱali vhu na ṱhoho tshena;

ndalamo i ḓisa ṱhalukanyo;

13

12:13
Mir. 8:14
Yes. 11:2
hone vhuṱali vhukuma na maanḓa ndi zwa Muṋe washu;

nyeletshedzo na ṱhalukanyo ndi zwawe.

14Ene a phusukanya, ndi nnyi ane a nga dovha a fhaṱa?

A vhofha muthu, a nga vhofhololwa nga nnyi?

15

12:15
Gen. 7:17-23
A fara mvula, hu vha na gomelelo;

a vulela maḓi, a kumba shango.

16

12:16
1 Mah. 22:20-23
Maanḓa ndi awe, ha kundwi nga tshithu;

hu mufhurwa, hu mufhuri, vhoṱhe vha langwa ngae.

17Vhaeletshedzi vha khosi u vha bvula navhula

a vha isa vhuthubwani,

vhahaṱuli a vha tsilufhadza.

18Mahosi u vha bvula lupila,

a vha ambadza tsindi ya phuli.

19

12:19
1 Sam. 2:30-32
Vhotshifhe u vha bvula navhula a vha isa vhuthubwani,

a tupula vho ṱokaho midzi kale.

20Vhomakone vha nyambo u vha ita zwimuma,

vhakalaha a vha dzhiela ṱhalukanyo.

21

12:21
1 Sam. 17:45-47
Vhahulwane u vha nisela ṱhoni,

a kula nungo dza vha maanḓa.

22U dzumbulula zwi re ngomu-ngomu swiswini,

swiswi ḽihulu a ḽi bvisela tshedzani.

23U fhaṱa dzitshakha dza vha na bvumo,

a fhedza nga u dzi furalela dza lovha.

24

12:24
Ps. 107:40
Dan. 4:29-32
Vharangaphanḓa vhadzo u a vha tsilufhadza,

vha tendeleka sogani vhó ḓaḓa, vha xela,

25vha phuphudzika swiswini,

vha pepeleka unga zwidakwa.