Tshivenda 1998 (VEN98)
19

191Ndi hone Pilato a tshi dzhia Yesu a ri a rwiwe nga nnzi. 2

19:2
Luk. 23:11
Maswole vha ita khare ya mipfa vha mu ambadza ṱhohoni; vha mu ambadza na phuraphura tswuku, 3
19:3
Joh. 18:22
Vha ḓi ḓa khae vha ri, “Thovhele Khosi ya Majuda nga a lalame!” Vha tshi ralo vha mu rwa nga mipama khofheni. 4
19:4
Luk. 23:4
Pilato a dovha a bvela nnḓa a amba na vhathu a ri, “Asuyu-ha; ndi khou mu bvisela ngeno nnḓa kha inwi ni zwi vhone uri nṋe a thi wani mulandu khae.” 5Yesu a bvela nnḓa a tshee o ambara iḽa khare ya mipfa na phuraphura tswuku. Pilato a ri, “Vhonani muthu uri o tou ita hani!”

6

19:6
Joh. 18:31
Vhotshifhe vhahulwane na vhathu vhavho vha tshi mu vhona vha zhamba vha ri, “Kha a vhambiwe kha tshifhambano! Kha a vhambiwe kha tshifhambano!”

Pilato a ri, “Mu dzhieni-ha ni mu vhambe kha tshifhambano inwi vhaṋe. A vha nṋe a thi wani mulandu khae.”

7

19:7
Mat. 26:63-65
Joh. 5:18
1:34Liv. 24:16
Majuda vha fhindula vha ri, “Ri na mulayo une wa ri u fanela u vhulawa, ngauri o ḓiita Murwa wa Mudzimu.”

8Pilato a tshi pfa zwenezwo a tou ṋaṋa u ofha. 9

19:9
Mat. 26:62-63
27:12,14
A vhuelela nḓuni a vhudzisa Yesu a ri, “Nṋa hone ni bva ni ngafhi?”

Yesu a sokou fhumula. 10Pilato a vhuya a dovha a ri, “Nṋa a ni ambi na nṋe? A ni zwi ḓivhi uri ndi na maanḓa a u ni vhofholola na a u ni vhamba kha tshifhambano naa?”

11

19:11
Joh. 10:18
Yesu a fhindula a ri, “Vho vha vha tshi ḓo vha vha si na maanḓa na maṱukuṱuku kha Nṋe arali vho vha vha songo tou a fhiwa a tshi bva ṱaḓulu. Ndi zwine mulandu muhulwane wa vha wa uyo we a nkumedza vhone.”

12

19:12
Joh. 18:37
Luk. 23:2
Mish. 17:7
Pilato a tshi tou pfa zwenezwo a thoma u linga nga nḓila dzoṱhe uri a mu vhofholole. Hone Majuda vha tou hana u pfa, vha zhamba vha ri, “Hoyu arali vha mu vhofholola zwi amba uri a vha tsha ima na Khisara! Ane a ḓiita khosi u vhangisa Khisara!”

13Pilato a tshi pfa vha tshi ralo a bvisela Yesu nnḓa, ene muṋe a dzula kha tshidzulo tsha khaṱhulo, muṱani wo itwaho nga matombo, une nga Tshiheberu wa tou pfi “Gabatha”. 14Zwenezwo ḓuvha ḽo vha ḽi tshi vho ya vhukati ha ṱhoho, i tshi ḓo vuwa i Paseka. Pilato a vhudza Majuda a ri, “Ngei-ha khosi yaṋu!”

15

19:15
1 Sam. 8:7
Vhone vha zhamba vha ri, “Nga a fe! Nga a fe! Nga a vhambiwe kha tshifhambano!”

Pilato a ri, “Nṋa ni ri khosi yaṋu ndi i vhambe?” Vhotshifhe vhahulwane vha fhindula vha ri, “Riṋe khosi yashu ndi Khisara; a ri na iṅwe.”

16Ndi hone Pilato a tshi vha kumedza Yesu uri a vhambiwe.

Yesu a tshi vhambiwa kha tshifhambano

(Mat. 27:32-44; Mar. 15:21-32; Luk. 23:26-43)

Ndi hone vha tshi mbo ḓi mu dzhia vha ṱuwa nae. 17A bvela nnḓa o hwala tshifhambano tshawe a ya fhethu hu no pfi Dethele; nga Tshiheberu hu tou pfi “Golgotha”. 18Henefho vha mu vhamba kha tshifhambano; vha ita na u vhamba na vhaṅwe vhavhili, muṅwe thungo ya tshauḽa muṅwe thungo ya tshamonde, Yesu a vha vhukati. 19Pilato a ṅwala nḓivhadzo ya mulandu wawe uri i ombelwe kha tshifhambano. Nḓivhadzo iyo yo vha i tshi ri, “Yesu wa Nazaretha, Khosi ya Majuda.” 20Nḓivhadzo yeneyo ya vhaliwa nga Majuda manzhi, ngauri afho he Yesu a vha o vhambiwa hone ho vha hu si kule na muḓi. Yone yo vha yo ṅwaliwa nga Tshiheberu na Tshilathini na Tshigiriki. 21Vhotshifhe vhahulwane vha Majuda vha vhudza Pilato vha ri, “Vha songo ṅwala uri ‘Khosi ya Majuda’; kha vha ṅwale uri, ‘O ri: ndi Khosi ya Majuda’.”

22Pilato a ri, “Zwe nda ṅwala ndo ṅwala.”

23Musi maswole vho no vhamba Yesu, vha kovhekana zwiambaro zwawe, muṅwe na muṅwe wa maswole ayo maṋa a wana mukovhe. Vha dzhia na khanzu.Khanzu ndi tshiambaro tshi no nga hemmbe ndapfu. Yone yo vha yo tou lukiwa i si na murungo. 24

19:24
Ps. 22:18
Maswole vha amba nga tshavho vha ri, “Yone ri songo i kherula; kha ri tou i itela madeṅwa ri vhone ane ya ḓo vha yawe!” Vha tshi ralo ho vha hu uri hu khunyelele zwiḽa zwe Maṅwalo a amba a tshi ri, “Vho kovhekana zwiambaro zwanga, lupila lwanga vha lu itela madeṅwa.”

Nangoho zwenezwo ndi zwone zwe maswole a ita.

25Mme a Yesu na mmane wawe na Maria musadzi wa Klopasi na Maria Magadalina vho vha vho ima henefho tsini ha tshifhambano. 26

19:26
Joh. 13:23
Yesu a tshi vhona mme awe na uḽa mufunziwa we a vha a tshi funwa vho ima henefho a ri, “Vhomme, ṅwana wavho asuyo.” 27A dovha a vhudza uyo mufunziwa a ri, “Mme aṋu asivho.” Nangoho mufunziwa a ita nga u ralo: u bva zwenezwo Maria a ya a dzula hayani ha onoyo mufunziwa.

Lufu lwa Yesu

(Mat. 27:45-56; Mar. 15:33-41; Luk. 23:44-49)

28

19:28
Ps. 22:15
Yesu a tshi vhona uri zwoṱhe zwo khunyelela, na u itela uri Maṅwalo a khunyelele a ri, “Ndi na ḓora.”

29

19:29
Ps. 69:21
Henefho ho vha hu na mvuvhelo i re na waini yo vhiluluwaho. Vha dzhia tshiponnzhi vha tshi lovhea khayo vha tshi ṱoma kha lutavhi lwa muhisopo vha tshi isa mulomoni wawe. 30
19:30
Joh. 4:34
Yesu a swiswina iyo waini a konou ri, “Zwo khunyelela.” A ri u ralo a kotamisa ṱhoho a welela.

Yesu a tshi rungwa lurumbu nga pfumo

31

19:31
Dot. 21:22-23
Majuda vha humbela Pilato uri vhathu vho vhambiwaho vha vunḓiwe milenzhe uri zwitumbu zwi ḓo kona u tsiswa kha zwifhambano.U vha vunḓa milenzhe ho vha hu u itela uri vha ṱavhanye u fa ḽi sa athu kovhela. U vhuya vha ralo ndi uri ḽo vha ḽi tshi ḓo vuwa ḽi Sabatha, zwino vha tshi ofha uri zwitumbu zwi nga ḓo ṱwa zwifhambanoni ngayo, vhunga Sabatha yeneyo yo vha i khulwane. 32Nangoho maswole a ya a vunḓa milenzhe ya munna wa u thoma na wa vhuvhili – vhenevhaḽa vhe vha vhambiwa na Yesu. 33Hone vha tshi swika kha Yesu vha wana o no dzama, vha si tsha mu vunḓa milenzhe. 34
19:34
1 Joh. 5:6
Ḽiṅwe ḽiswole ḽa mu runga lurumbu nga pfumo, ha mbo ḓi bva malofha na maḓi. 35
19:35
Joh. 21:24
15:27
Ṱhanzi ya zwithu izwi ndi muthu we a tou zwi vhona nga maṱo. Zwino u khou zwi ṱanzilela uri na inwi ni tende.Dziṅwe ṱhanzi dzi ri, “uri na inwi ni ḓi dzula ni tshi tenda.” Zwe a amba ndi ngoho, nahone u tou zwi ḓivha uri u amba ngoho. 36
19:36
Ps. 34:20
Ek. 12:46
Zwi tshi ralo ho vha hu uri hu khunyelele zwiḽa zwe zwa ambiwa nga Maṅwalo ha pfi, “Ha nga vunḓiwi na shambo na ḽithihi,” 37
19:37
Zak. 12:10
Nzumb. 1:7
na fhaḽa huṅwe hu no pfi, “Vha ḓo vhona we vha mu runga.”

U swiṱwa ha Yesu

(Mat. 27:57-61; Mar. 15:42-47; Luk. 23:50-56)

38

19:38
Joh. 9:22
Zwo no ralo Josefa wa Arimathia a ya a humbela Pilato uri a mu tendele u dzhia tshitumbu tsha Yesu. (Josefa onoyo o vha e mufunziwa wa Yesu we a vha a tshi ḓi tou ḓidzumba nga u ofha Majuda.) Nangoho Pilato a mu tendela, ene a mbo ḓi ya a dzhia tshiḽa tshitumbu. 39
19:39
Joh. 3:1-2
Zwino na Ṋegodima, uḽa we a vhuya a ḓa ha Yesu vhusiku, a ṱuwa na Josefa e na mushonga wo itwaho nga u vanga tshikhopha na mere.Mere ndi muri une wa ita zwiḓolo zwi nukhelelaho. Mushonga wonoyo wo vha u khilogiramu dza 30. 40
19:40
Joh. 12:7
Avho vhanna vhavhili vha dzhia tshitumbu tsha Yesu vha tshi pomba nga masila a na uyo mushonga, vha tshi tevhedza maswiṱele a Tshijuda. 41Henefho he Yesu a vhambiwa hone ho vha hu na tsimu i re na tshalo tshiswa tshi sa athu swiṱa muthu. 42Zwino vhunga ḽo vha ḽi tshi ḓo vuwa ḽi Sabatha, nahone itsho tshalo tshi tsini, vha mbo ḓi swiṱa Yesu khatsho.