Tshivenda 1998 (VEN98)
18

Yesu a tshi fariwa

(Mat. 26:47-56; Mar. 14:43-50; Luk. 22:47-53)

181

18:1
Mat. 26:36
Yesu a ri u fhedza u amba a bva na vhafunziwa vhawe vha wela kudambwana kwa Kidroni. Henefho ho vha hu na tsimu ya mitshelo; vha swika vha dzhena ngomu. 2
18:2
Joh. 12:4Luk. 21:37
22:39
Zwino na Judasi uḽa o mu fheṱaho, fhethu afho o vha a tshi hu ḓivha ngauri lwo vha lu lunzhi Yesu a tshi ḓi ḓa henefho na vhafunziwa vhawe. 3
18:3
Joh. 7:32,45
Ndi hone Judasi a tshi ya tsimuni yeneyo e na gomane ya maswole na vhalindathembele vho rumiwaho nga vhotshifhe vhahulwane na Vhafarisei, vho fara mbone na maḓenzhe na zwihali. 4Vhunga Yesu o vha o dzula a tshi ḓivha zwoṱhe zwine a ḓo itwa, a mbo ḓi takuwa a yo ṱangana navho a ri, “Nṋa ni khou ṱoḓa nnyi?” 5Vhone vha fhindula vha ri, “Ri khou ṱoḓa Yesu wa Nazaretha.” Ene a ri, “Ndi Nṋe.”

Na Judasi uḽa o mu fheṱaho o vha o ḓi ima henefho navho. 6Yesu a tshi tou ri, “Ndi Nṋe,” vha huma nga tshamurahu vha wela fhasi. 7Yesu a dovha a vha vhudzisa a ri, “Ni khou ṱoḓa nnyi naa?” Vhone vha fhindula vha ri, “Ri khou ṱoḓa Yesu wa Nazaretha.” 8Yesu a ri, “Hufha ndo no ḓi ni vhudza nda ri ndi Nṋe! Arali ni tshi khou ṱoḓa Nṋe, litshani avha vhaṅwe vha ṱuwe.” 9

18:9
Joh. 6:39
(A tshi ralo ho vha hu uri hu khunyelele zwiḽa zwe a amba a tshi ri, “Khotsi, a tho ngo lozwa na muthihi wa vhe wa nkumedza.”) 10
18:10
Luk. 22:36,38
Zwino Simoni Pitrosi o vha e na banga; a ḽi ṱomola a rema phuli ya tshifhe muhulu a i tumula nḓevhe ya tshauḽa. Iyo phuli yo vha i tshi pfi Malikhosi. 11
18:11
Mat. 20:2226:39
Yesu a vhudza Pitrosi a ri, “Vhuedzedza banga ḽaṋu vhudzuloni haḽo; nṋa ndi nga hana tshinwelo tsha dambudzo tshe Khotsi anga a mpha?”

Yesu a tshi sengiswa nga Anasi

12Uyo mulangagomane na maswole awe na vhalindathembele vha Majuda vha fara Yesu vha mu vhofha, 13

18:13
Joh. 18:24
Luk. 3:1-2
vha thoma u mu isa ha Anasi makhulu wa Khayafasi we a vha e tshifhe muhulu wonoyo ṅwaha. 14
18:14
Joh. 11:49-50
Khayafasi onoyo ndi uḽa we a vhuya a eletshedza Majuda uri ndi khwiṋe muthu muthihi a tshi fela lushaka lwoṱhe.

Pitrosi a tshi landula Yesu

(Mat. 26:69-70; Mar. 14:66-68; Luk. 22:55-57)

15

18:15-16
Mat. 26:58
Simoni Pitrosi na muṅwe mufunziwa vha tevhela Yesu. Zwino uyo mufunziwa o vha a tshi ḓivhiwa nga tshifhe muhulu. Ndi zwe a kona na u dzhena muṱani wa nnḓu ya tshifhe muhulu na Yesu. 16Pitrosi ene a sala nnḓa o ima khoroni. Zwino uḽa muṅwe mufunziwa we a vha a tshi ḓihwa nga tshifhe muhulu a dovha a bva a amba na musidzana we a vha o ima khoroni a dzhenisa Pitrosi. 17
18:17
Joh. 18:25
Uyo musidzana a vhudzisa Pitrosi a ri, “Izwi na inwi a ni mufunziwa wa uyu munna?”

Pitrosi a ri, “Hai.” 18Zwino vhunga ho vha hu na phepho, vhashumi na vhalindathembele vho vha vho vhasa mulilo wa masimbe, vha ima vha tshi khou ora. Pitrosi a ya a ima navho a ora-vho mulilo.

Tshifhe muhulu a tshi sengisa Yesu

(Mat. 26:59-66; Mar. 14:55-64; Luk. 22:66-71)

19Tshifhe muhulu a vhudzisa Yesu nga vhafunziwa vhawe na nga pfunzo yawe. 20

18:20
Joh. 7:14,26
6:59
Mat. 4:23
26:55
Mish. 26:26
Yesu a tshi fhindula a ri, “Hufha tshiṅwe na tshiṅwe tshe nda amba ndo ḓi tshi amba khagala vhathu vhoṱhe vha tshi zwi pfa! Ndi amba ngauri zwoṱhe zwe nda funza ndo ḓi funza sinagogoni na thembeleni – hone-ha hune Majuda vhoṱhe vha kuvhangana! A hu na tshe nda amba ndo dzumbama. 21Zwino khezwi vha tshi vhudzisa Nṋe? Kha vha vhudzise vhe vha mpfa ndi tshi funza; vhone vha a ḓivha zwe nda amba!”

22

18:22
Mish. 23:2
Joh. 19:3
Yesu a tshi tou ralo muṅwe wa vhalindathembele a mbo ḓi mu rwa nga mpama khofheni, a ri, “Nṋa ni nga tou ralo ni tshi fhindula tshifhe muhulu?”

23Yesu a mu fhindula a ri, “Arali hu na ḽivhi ḽe nda amba, ambani uri ndi ḽifhio. Hone arali ndo amba ngoho ni nthwelani?”

24

18:24
Joh. 18:13
Ndi hone Anasi a tshi mu fhirisela ha Khayafasi tshifhe muhulu, ó ḓi vhofhiwa.

Pitrosi a tshi dovha u landula Yesu

(Mat. 26:71-75; Mar. 14:69-72; Luk. 22:58-62)

25Pitrosi a tshee o ḓi ima henefhaḽa a tshi khou ora mulilo, vhaṅwe vha mu vhudzisa vha ri, “Izwi na inwi a ni mufunziwa wawe?”

Pitrosi a ri, “A thi mufunziwa wawe!”

26

18:26
Joh. 18:10
Muṅwe mushumi wa tshifhe muhulu we a vha e shaka ḽa uḽa munna we Pitrosi a mu tumula nḓevhe a amba a ri, “Nṋa a si inwi we nda ni vhona ni nae ngei tsimuni?”

27

18:27
Joh. 13:38
Pitrosi a dovha a ri, “Hai!” A tshi tou ralo mukukulume wa vha u a lila.

Yesu a tshi sengiswa nga Pilato

(Mat. 27:1-2,11-14; Mar. 15:1-5; Luk. 23:1-5)

28Nga matshelonitsheloni vha dzhia Yesu nḓuni ya Khayafasi vha mu isa pfamoni ya muvhusi. Majuda vhone vha si dzhene ngomu pfamoni ngauri vho vha vha tshi ofha u ḓikumadza vha vho ḓo kundwa u ḽa Paseka. 29Ndi hone Pilato a tshi vho tou bvela nnḓa khavho a ri, “Nṋa uyu munna ni khou mu hwelela nga ḽifhio?”

30Vhone vha fhindula vha ri, “Arali o vha a songo tshinya ndi musi ri songo mu ḓisa ha thovhele!”

31

18:31
Joh. 19:6
Pilato a ri, “Izwo inwi vhaṋe mu dzhieni ni mu haṱule nga mulayo wa haṋu.”

Majuda vha fhindula vha ri, “Hufha riṋe ri songo tendelwa u haṱulela muthu lufu!” 32

18:32
Joh. 3:14Mat. 20:19
(Hezwo zwi tshi itea ho vha hu uri hu khunyelele zwiḽa zwe Yesu a amba a tshi ṱalutshedza uri u ḓo fa hani.)

33Pilato a humela nḓuni a vhidza Yesu a mu vhudzisa a ri, “Nṋa inwi ni khosi ya Majuda?”

34Yesu a fhindula a ri, “Iyo mbudziso i tou bva kha vhone kana ndi zwe vha tou pfa vhathu vha tshi nnyamba?” 35

18:35
Joh. 1:11
Pilato a fhindula a ri, “Kani nṋe ndi Mujuda? Hufha vhe vhathu vha haṋu na vhotshifhe vhahulwane vhe vha ni kumedza nṋe! Nṋa hone no tshinyani?”

36

18:36
Joh. 6:15
Yesu a ri, “Nṋe vhuhosi hanga a si ha ḽino shango; ngavhe vhu ha ḽino shango ndi musi vhalanda vhanga vha tshi ḓo vha vha tshi khou lwa uri ndi si kumedzwe Majuda. Nṋe vhuhosi hanga a si ha ḽino shango.”

37

18:37
Joh. 8:46b-47
3:32-33
1 Joh. 4:6
1 Tim. 6:13
Pilato ndi hone a tshi mu vhudzisa a ri, “Zwi amba uri u vha khosi ni khosi?”

Yesu a fhindula a ri, “Ndi vhone vha no khou ri ndi khosi.Kana: “Vha amba zwone vha tshi ri ndi khosi.” Nṋe ndi tshi bebiwa na musi ndi tshi ḓa shangoni ndo ḓela tshithu tshithihi fhedzi: Ndo ḓela u ṱanzilela ngoho. Ane a vha wa ngoho u a mpfa.”

38Pilato a ri, “Ni tshi ri ‘ngoho’ ni amba mini?”

Yesu a tshi haṱulelwa lufu

(Mat. 27:15-31; Mar. 15:6-20; Luk. 23:13-25)

Pilato a ri u ralo a bvela nnḓa hu re na Majuda a vha vhudza a ri, “Nṋe a thi vhuyi nda wana na mulandu khae. 39Zwino hufha nga Paseka ni na nḓowelo ya uri ndi ḓi ni vhofhololela tshivhotshwa tshithihi – zwino ni a funa ndi tshi ni vhofhololela khosi ya Majuda naa?”

40Vhone vha fhindula nga u tou zhamba vha ri, “Hai, e si hoyu lini! Kha ri vhofhololelwe Barabasi.” (Uyo Barabasi o vha e ḽivemu.)