Tshivenda 1998 (VEN98)
17

Yesu a tshi rabelela vhafunziwa vhawe

171

17:1
Joh. 2:4
Yesu o no amba zwenezwo, a lilala a ri, “Khotsi anga, tshiḽa tshifhinga tsho swika. Vhonadza-ha vhugala ha Murwa wau uri na Murwa a vhonadze vhugala hau, 2
17:2
Mat. 28:18
Joh. 3:355:24
ngauri wo mu kumedza maanḓa a u vhusa vhathu vhoṱhe uri vhoṱhe vhe wa mu kumedza a vha ṋee vhutshilo vhu sa fheli. 3
17:3
1 Joh. 5:20
Jer. 31:34
9:6,24
Yes. 1:3
5:13
1 Sam. 2:12
1 Koron. 28:9
Zwino vhutshilo vhu sa fheli ndi u ḓivha Iwe u re Mudzimu wa ngoho u woṱhe, na Yesu Khristo we Iwe wa mu ruma. 4
17:4
Joh. 4:34
Fhano shangoni ndo vhonadza vhugala hau nga u khunyeledza mushumo we wa ri ndi u ite. 5
17:5
Joh. 1:1-2
8:58
17:24
Khotsi anga, vhonadza vhugala hanga zwino henefha ndi na Iwe, vhugala honovhuḽa he nda vha ndi naho zwiḽa ndi na Iwe shango ḽi sa athu sikiwa.

6

17:6
Joh. 17:26
“Ndo u ḓivhadza kha vhathu vhe wa nkumedza fhano shangoni. Vho vha vhe vhau, hone Iwe wa vha kumedza Nṋe. Zwe wa amba vho zwi ṱanganedza, 7nahone zwino vha vho vhona uri zwoṱhe zwe wa nṋea zwi bva kha Iwe. 8Ndo vha vhudza mafhungo e Iwe wa mmbudza, vha a ṱanganedza; vha a zwi ḓivha uri ndi ngoho uri ndi bva ha Iwe nahone vha a tenda uri ndi Iwe wo nthumaho.

9“Ndi a vha humbelela. A thi humbeleli shango, ndi humbelela vhe wa nkumedza, ngauri ndi vhau. 10

17:10
Joh. 15:8
Zwoṱhe zwi re zwanga ndi zwau; zwoṱhe zwi re zwau ndi zwanga; ndi zwone zwine vhugala hanga ha vhonala ngavho. 11
17:11-12
Joh. 13:1
Zwino Nṋe a thi tsheeho fhano shangoni, ndi khou ḓa ha Iwe, ngeno vhone vha tshee fhano shangoni. Khotsi Mukhethwa, vha tsireledze vha dzule vho nambatela dzina ḽau, ḽeneḽi ḽe na Nṋe wa mpha ḽone, uri vha vhe tshithu tshithihi unga Nṋe na Iwe ri tshithu tshithihi. 12
17:12c
Ps. 41:9
109:7-8
Musi ndi tshee navho ndo vha ndi tshi vha tsireledza vha dzula vho nambatela dzina ḽau, ḽeneḽi ḽe na Nṋe wa mpha ḽone.Dziṅwe ṱhanzi dzi ri, “vhenevho vhe wa mpha ndo vha tsireledza nga maanḓa a dzina ḽau.” Ndo vha tsireledza hu si vhe na muthihi wavho we a xela, arali e si uḽa we a vha o dzula o pfi u ḓo lovha uri Maṅwalo a khunyelele. 13
17:13
Joh. 15:11
Ndi khou ḓa ha Iwe, zwino u amba izwi ndi fhano shangoni ndi khou itela uri vha vhe na dakalo ḽo khunyelelaho unga Nṋe. 14
17:14
Joh. 7:78:23
Ndo vha vhudza maipfi au, shango ḽa vha vhenga, ngauri a si vha ḽino shango, vhunga na Nṋe ndi si wa ḽino shango. 15
17:15
Mat. 6:13
1 Joh. 5:18
2 Thes. 3:3
A thi khou humbela uri u tou vha bvisa fhano shangoni; tshine nda humbela ndi uri u vha tsireledze kha Muvhi. 16Vhunga Nṋe ndi si wa ḽino shango, na vhone a si vha ḽino shango. 17Ita uri vha ḓikumedze Iwe nga u nambatela ngoho – ipfi ḽau ndi yone ngoho. 18
17:18
Joh. 20:21
Ndo vha ruma shangoni sa zwiḽa Iwe u tshi nthuma shangoni. 19Ndi ḓikumedza Iwe ndi tshi itela vhone uri na vhone vha kone u ḓikumedza Iwe vhukuma.

20“A thi humbeleli vhone fhedzi; ndi humbelela na vhane vha mpfulufhela vho pfa vhone. 21

17:21-23
Joh. 17:11
Ndi humbela uri vhoṱhe vha vhe tshithu tshithihi. Khotsi anga, kha vha vhe vhathihi na riṋe u ḓi nga Iwe u kha Nṋe, Nṋe ndi kha Iwe. Kha vha vhe tshithu tshithihi uri shango ḽi kone u tenda uri ndo rumiwa nga Iwe. 22Na Nṋe ndo vha ṋea vhugala he Iwe wa nṋea, uri vha vhe tshithu tshithihi unga Nṋe na Iwe ri tshithu tshithihi: 23Nṋe ndi khavho, Iwe ú kha Nṋe, uri vha tou vha tshithu tshithihi tshoṱhe; ndi hone shango ḽi tshi ḓo zwi vhona uri ndo rumiwa nga Iwe, na uri u a vha funa unga u tshi mpfuna.

24

17:24
Joh. 12:2617:5
“Khotsi anga, havha vhathu vhe wa vha kumedza Nṋe ndi funa vha tshi vha na Nṋe hune nda vha hone uri vha vhone vhugala hanga he nda ṋewa nga Iwe vhunga iṱali wo ḓi mpfuna shango ḽi sa athu sikwa. 25
17:25
Joh. 1:9-10
8:55
Mat. 11:25-27
Khotsi muvhuya, shango a ḽi u ḓivhi, hone Nṋe ndi a u ḓivha, na avha vha a zwi ḓivha uri ndi Iwe wo nthumaho. 26
17:26
Joh. 17:6
Ndo u ḓivhadza khavho nahone ndi kha ḓi ḓo u ḓivhadza khavho uri lufuno lune Nṋe wa mpfuna ngalwo na vhone vha vhe nalwo, na Nṋe ndi vhe khavho.”