Tshivenda 1998 (VEN98)
16

161“Ndi khou dzula ndo ni vhudza uri musi zwi tshi itea ni sa ḓo tou tshenuwa na vho gunea. 2

16:2
Joh. 9:22
Luk. 6:22
Vha ḓo ni tumula zwivhidzoni. Nahone tshifhinga tshi khou ḓa tshine muthu a ḓo ri a tshi ni vhulaha a vhona unga ndi hone a tshi khou ṋekedza Mudzimu nduvho. 3
16:3
Joh. 15:21
Vha ḓo ni ita zwithu izwo ngauri hu Nṋe, hu Khotsi, a vha ri ḓivhi. 4
16:4
Joh. 13:19
Hone Nṋe ndi dzula ndo ni vhudza uri tshifhinga tshazwo tshi tshi swika ni elelwe uri ndo ni vhudza.

Mushumo wa Muya Mukhethwa

“Ndi sa ni vhudzi zwithu izwi mathomoni ndi uri ndo vha ndi tshi kha ḓi vha na inwi. 5

16:5
Joh. 8:14
Hone zwino ndi khou ṱuwa, ndi ya ha o nthumaho; tshi kanukisaho ndi uri a hu na na muthihi waṋu ane a vhudzisa hune nda ya. 6
16:6
Joh. 16:22
Zwino ndó no ni vhudza mbilu dzaṋu dzi vho vhavha. 7
16:7
Joh. 14:16
Naho zwo ralo ndi ni vhudza ngoho ndi ri, u ṱuwa hanga ndi u ni tonda, ngauri nda sa ṱuwa, Mutiki ha nga ḓi kha inwi; fhedzi nda ṱuwa, ndi ḓo mu ruma. 8
16:8
Mish. 24:25
Huno Ene a tshi ḓa u ḓo rovhedza shango a ḽi sumbedza uri vhutshinyi ndi mini, na uri vhuvhuya ndi mini na uri khaṱhulo ya Mudzimu ndi tshithu-ḓe. 9
16:9
Joh. 5:38
6:36,64
7:5
10:26
12:37
U ḓo rovhedza shango vhutshinyi nga u ḽi sumbedza uri a ḽo ngo tenda Nṋe; 10u ḓo sumbedza shango uri a re muvhuya ndi Nṋe ngauri ndi khou ya ha Khotsi, a ni tsha ḓo mmbona; 11
16:11
Joh. 12:31
u ḓo vha rovhedza uri khaṱhulo ya Mudzimu ndi yone-yone nga u vha sumbedza uri muvhusi wa ḽino shango o no ḓi haṱulwa.

12“Ndi tshee na zwinzhi zwine nda nga ni vhudza; ndi ro vhona uri a ni athu swika hune na nga zwi ṱalukanya. 13

16:13
Joh. 15:26
14:161 Joh. 2:27
Mish. 16:6-10
Hone hu tshi ḓo ḓa Ene Muya Muḓivhadzangoho u ḓo ni dededza na ḓivha ngoho yoṱhe. Ha nga ambi zwawe; u ḓo amba zwenezwo zwine a ḓo vhudzwa, a ni vhudza na zwine zwa kha ḓi ḓa. 14
16:14
Joh. 17:1
Ene u ḓo ita uri Nṋe ndi rendwe, ngauri zwoṱhe zwine a ḓo ni vhudza zwi ḓo vha zwi tshi bva kha Nṋe. 15
16:15
Joh. 17:10
Zwoṱhe zwe re zwa Khotsi anga ndi zwanga; ndi zwe ndi tshi amba nda ri, ‘Zwoṱhe zwine a ḓo ni vhudza zwi ḓo vha zwi tshi bva kha Nṋe.’

U ṱungufhala na u takala

16

16:16
Joh. 14:19
“Hu si kale a ni tsha ḓo mmbona; hone hu ḓo dovha he hu si kale na mmbona.”

17Vhaṅwe vhafunziwa vhawe vha vhudzisana vha ri, “Nṋa u amba mini a tshi ri, ‘Hu si kale a ni tsha ḓo mmbona, hone hu ḓo dovha he hu si kale na mmbona’; nahone a dovha a ri, ‘Ndi khou ya ha Khotsi anga’? 18Zwino a tshi ri, ‘hu si kale’ u amba mini? Riṋe a ri khou vhuya ra pfa na uri u khou amba mini!”

19Yesu o zwi ḓivha uri vha khou ṱoḓa u mu vhudzisa; ndi zwe a vha vhudza a ri, “Ndo ri hu si kale a ni tsha ḓo mmbona, hone hu ḓo dovha he hu si kale na mmbona. A si zwenezwo zwine na khou vhudzisana zwone kani? 20Zwino ipfani-ha: Inwi ni ḓo lila lwa u lila, shango ḽone ḽo ḓitakalela. Inwi ni ḓo ṱungufhala, hone u ṱungufhala haṋu hu ḓo shanduka ha vha dakalo. 21Musi musadzi a tshi ṱoḓa u vhofholowa, u wana o tou ṱungufhala, ngauri tshifhinga tshawe tshi vha tsho swika; hone ṅwana o no bebiwa u hangwa u vhavha hazwo, ngauri u vha a tshi vho takadzwa nga muthu muswa o ḓaho shangoni. 22

16:22
Joh. 15:11
Na kha inwi zwo tou ralo; zwino no ṱungufhala, hone musi ndi tshi ḓo dovha u ni vhona ni ḓo takala nahone a hu nga vhi na ane a nga ni dzhiela dakalo ḽaṋu.

23

16:23
Joh. 15:16
“Musi wazwo a ni tsha ḓo vhuya na mmbudzisa na tshithu. Zwino ipfani-ha: Zwoṱhe zwine na humbela Khotsi nga dzina ḽanga u ḓo ni fha.Dziṅwe ṱhanzi dzi ri, “Khotsi u ḓo ni fha nge na vha vhanga.” 24U swika zwino a ni athu vhuya na humbela tshithu nga dzina ḽanga. Humbelani, ni ḓo fhiwa, uri dakalo ḽaṋu ḽi khunyelele.

Yesu o kunda shango

25

16:25
Mat. 13:34
“Tshifhinga tshoṱhe ndo vha ndi tshi ḓi amba na inwi nga zwifanyiso; hone hu khou ḓa tshifhinga tshine ndi tshi amba na inwi nga Mudzimu Khotsi nda ḓo tou phula, ndi si tsha amba nga zwifanyiso. 26Maḓuvha eneo ni ḓo humbela Khotsi zwithu nga dzina ḽanga; a hu tsha ḓo vha Nṋe a no ni humbelela, 27ngauri Khotsi Ene muṋe u a ni funa, vhunga na inwi no mpfuna na tenda na uri ndi bva ha Mudzimu. 28
16:28
Joh. 8:14
Nṋe ndi tshi ḓa fhano shangoni ndo vha ndi tshi bva ha Khotsi; zwino ndi khou ṱuwa shangoni, ndi vhuelela ha Ene Khotsi.”

29Ndi hone vhafunziwa vhawe vha tshi ri, “A vha vhoni-ha Vhafunzi, zwino vha vho tou bula; a vha tsha amba nga zwifanyiso. 30Zwino ri vho zwi vhona uri vha ḓivha zwithu zwoṱhe; a vha vhuyi vha thoma u vhudziswa, ndi zwine ra tenda uri vha bva ha Mudzimu.”

31Yesu a tshi vha fhindula a ri, “Ndi hone zwino no tenda? 32

16:32
Mat. 26:31,56
Zak. 13:7
Hu khou ḓa tshifhinga – na zwino tsho no ḓi swika – tshine noṱhe na ḓo balanganywa muṅwe na muṅwe a ya hawe, Nṋe na ntsia ndi ndoṱhe. Hone Nṋe a thi ndoṱhe, Khotsi anga u na Nṋe. 33
16:33
Joh. 14:277:71 Joh. 5:4
Ndi tshi ni vhudza hezwi zwithu ndi u itela uri ni vhe na mulalo nga u vha vhathihi na Nṋe. Shangoni ḽino ni ḓo tambudzwa, hone ni songo fhela mbilu; hufha Nṋe shango ndo ḽi kunda!”