Tshivenda 1998 (VEN98)
8

Ṱhamu ya vha rabelaho ṋaledzi

81Muṋe washu u ri, “Misi yeneyo marambo a mahosi na vhahulwane vha Juda na marambo a vhotshifhe na a vhaporofita na a vhathu vha Jerusalema, a ḓo bviswa zwaloni zwavho. 2

8:2
Jer. 19:13
Dot. 4:19Jer. 9:21
A ḓo anewa ḓuvhani, a vhonetshelwa nga ṅwedzi na ṋaledzi dza ṱaḓulu – zwoṱhe zwe vha vha vha tshi zwi funa, vha tshi zwi shumela, vha tshi zwi ita midzimu yavho vha zwi gwadamela vha zwi rabela. Marambo avho ha tsha ḓo dovha a kuvhanganywa kana a swiṱwa, a ḓo tou vha manyoro. 3Vhathu vha lushaka holu luvhi vhane vha ḓo sala, vha dzula hune nda ḓo ri u vha balanganya vha ya hone, vha ḓo tou ri ngavhe ri si tsha tshila ro fa. Ho amba Nṋe Yahavee Mulangazwoṱhe.”

Tshipimbi tshi sa konadzei

4Muṋe washu o mmbudza uri ndi vhudze vhathu vhawe ndi ri, “Muthu a wa ha vuwi naa? Muthu a xela nḓila ha humi naa? 5

8:5
Jer. 2:205:3
Zwino vhathu avha ndi mini vha tshi ri u nṱutshela vha si tsha vhuya? Jerusalema ndi mini u tshi ḓi nṱutshela lu sa fheli. Vha nambatela midzimu ya vhufhura vha hana u vhuya kha Nṋe. 6Ndo thetshelesa zwavhuḓi, hone a vha ambi zwi re zwone. A hu na ane a ri o tshinya a ḓisola a ri, ‘Ndo itani?’ Muṅwe na muṅwe u fara yawe nḓila unga bere ine ya gidimela nndwani. 7
8:7
Jer. 4:22
Na gololwane ḽi fhufhaho muyani ḽi ḓivha tshifhinga tshaḽo tsha u humela murahu; ḽiivha na ṱhambamaḓi na ṱhame zwi ḓivha tshifhinga tsha u pfuluwa. Hone vhathu vhanga a vha ḓivhi milayo ine nda vha vhusa ngayo.

Ṱhamu ya vhafhuri na vhafhurwa

8“Khezwi ni tshi ri no ṱalifha, ni ḓivha milayo yanga? Vhonani, vhaḓivhi vha milayo vha ṅwala zwa vhufhura, vho kanganyedza milayo yanga. 9

8:9
Jobo 5:12-13
Vhaṱali vhaṋu vha ḓo shoniswa; vha ḓo hanganea vha fashiwa. Vho nyadza maipfi anga; vhuṱali vhune vha vha naho zwino ndi vhufhio? 10
8:10-12
Jer. 6:12-15
Zwenezwo vhasadzi vhavho ndi ḓo vha kovhela vhaṅwe vhanna, masimu avho ndi ḓo a kovhela vhaṅwe. Muṅwe na muṅwe, muhulwane na muṱuku, u linga u pfuma nga vhufhura. Na vhaporofita na vhotshifhe ndi zwithihi, vha na vhufhura. 11Vha tshi pomba mbonzhe dza vhathu vhanga vha dzi ita dzi sa dini. Vha ri, ‘Ḽo lala, ḽo lala,’ ngeno hu si na mulalo. 12Vho vhuya vha shona nge vha ita zwi nengisaho naa? A vho ngo shona na kathihi, na u ḓivha ṱhoni a vha dzi ḓivhi! Zwenezwo vha ḓo wa u ḓi nga vhaṅwe vho wa; ṱhamu yanga i ḓo vha wisela fhasi. Ho amba Nṋe Yahavee.”

U ḓifhura nga murunzi wa ningo

13

8:13
Jer. 2:21
6:9
Yes. 5:4
Mar. 11:12-14
Muṋe washu u ri, “Ndo vha ndi tshi ri ndi ḓo wana khaṋo khavho, matsina ndi minḓirivhe i songo aṋwaho nḓirivhe, ndi mihuyu i songo aṋwaho mahuyu, na maṱari ayo o puta. Zwenezwo ndi ḓo vha kumedza vhakandeledzi.

14

8:14
Jer. 4:5
9:14
23:15
“Vha ri, ‘Ri tshee ro dzulelani fhano? Nga ri kuvhangane ri shavhele miḓini i re na vhukhudo, ri yo lovhela hone! Hufha Mudzimu Muṋe washu o ita uri ri lovhe, o ri ṋea maḓi a re na mulimo uri ri nwe, nge ra mu khakhela. 15
8:15
Jer. 14:19
Ro vha ro lavhelela mulalo, hone a hu na tshivhuya tsho ḓaho; ri tshi ri ho swika tshifhinga tsha uri ri fhodzwe ha tou ḓa zwi ofhisaho. 16Hu pfala u fema ha dzibere dza maswina muḓini wa Dani; mboho dzadzo dzi tshi lila shango ḽoṱhe ḽi a dzinginyea. Vho ḓa u mila shango na zwoṱhe zwi re khaḽo, muḓi na vhoṱhe vha dzulaho henefho.’

17

8:17
Num. 21:6-9
“Vhonani, ndi ḓo ni ḓisela dziṋowa dzi re na vhuṱungu, mavuluvulu a sa phuphudzwi, dzi ḓo ni luma na si tsha fhola.” Ho amba Muṋe washu.

Jeremia a tshi ṱungufhalela vhathu vha hawe

18Mbilu yanga i a vhavha, i tou ṋoka.

19

8:19
Mika 4:9
Tshililo tsha vhathu vhanga tshi pfala thungo dzoṱhe,

vha ri, “Kani Muṋe washu ha tsheeho Tsioni?

Khosi ya Tsioni a i tsha dzula hone naa?”

Muṋe washu a tshi fhindula u ri,

“Ndi mini vha tshi nṱunga

nga u luvha midzimu ya zwifanyiso,

vha gwadamela midzimu isili i si tshithu?”

20Vhathu vha ṱavha mukosi vha ri,

“Khaṋo yo fhira, tshilimo tsho fhela,

hone a ri athu tshidzwa.”

21Mbilu yanga yo pwashekana

ngauri vhathu vha hashu vho pwashekana;

ndo ṱungufhala, ndo farwa nga nyofho.

22

8:22
Jer. 10:1930:17
33:6
46:11
Giliada a hu tshee na mushonga naa?

A hu tshee na ṅanga naa?

Hufha mbonzhe dza vhathu vha hashu dzi sa laxwi?