Tshivenda 1998 (VEN98)
6

Jerusalema wo govhelwa nga maswina

61

6:1
Jer. 1:144:5
Inwi vhathu vha Benyamini, shavhani Jerusalema! Vha Thekua vha lidze phalaphala! Vhasani mulilo u vhe tshigaMiḓi yo govhelwaho yo vha i tshi davhidzana nga mililo. ni Bethe Hakhereme. Devhula hu khou ḓa khombo na ndozwo khulu. 2Iwe muḓi wa Tsioni, u nga musidzana wa lunako, u nga pfulo yavhuḓi. 3
6:3
Jer. 12:10
Mahosi vha ḓo ḓa vhe na mmbi dzavho dza nga masambi a fulaho pfulo yeneyo. Vha ḓo akha dennde dzavho dza mona nawo, muṅwe na muṅwe a fulisa hune a funa. 4Vha ḓo ri, “Kha ri ḓilugise ri die Jerusalema! Nga ri takuwe ri u die masiari tshivhangalala. Hei! Ro no lenga, ḓuvha ḽi vho ṱoḓou kovhela, mirunzi ya madekwana i vho lapfa. 5Kha ri mbo ḓi vha tshoṱhela vhusiku ri phusukanye vhukhudo ha uyo muḓi.”

6Muṋe washu Mulangazwoṱhe o vhudza mahosi ayo a ri, “Remani miri ni khokhe mavu ni govhele Jerusalema. Muḓi hoyu ndo u vhea mulandu; ngomu hawo ho ḓala u kandeledzana. 7U shulula vhuvhi unga tshisima tshi tshi shulula maḓi. Ngomu hawo hu pfala u huvhadzana na u lozwana; ndi ṱolou vhona vhulwadze na dzimbonzhe. 8Iwe Jerusalema, tenda u kaidziwa, ndi sa ḓo u furalela, shango ḽau nda ḽi ita soga ḽi si tsha dzula muthu.”

Vhutshinyi ho no tou ṋaṋesa

9

6:9
Jer. 2:21
Muṋe washu Mulangazwoṱhe o amba na nṋe a ri, “Vhenevho Vhaisraele vha si gathi vho salaho kha vha ṱangulwe unga hu tshi ṱalwa ṱhalane; u nge mulimi: dovha u phuphuledze, u pfe arali hu tshee ho sala ṱhalane.”

10Nṋe nda fhindula nda ri, “Arali nda amba navho nda vha kaidza, ndi nnyi ane a nga nthetshelesa? Vha na tshipimbi, vha hana u thetshelesa zwine wa vha laedza; ndi tshi vha vhudza ipfi ḽau a vha ḽi funi, vha vhona unga ndi khou vha sema. 11Mbiti dzau dzi khou duga ngomu hanga, a thi tsha kona u dzi konḓelela.”

Zwenezwo Muṋe washu a mmbudza a ri, “Mbiti dzanga dzi shululele kha vhana zwiṱaraṱani na kha vhaṱhannga vho kuvhanganaho. Vhoṱhe, munna na musadzi, vha ḓo kumbiwa, na vho tshenaho mmvi, vho no vhaho vha maḓuvha. 12

6:12-15
Jer. 8:10-12
6:12
Dot. 28:30
Mika 6:15
Jer. 15:6
Nnḓu dzavho dzi ḓo ṋewa vhaṅwe, na masimu avho na vhasadzi vhavho, musi ndi tshi angaladza tshanḓa tshanga uri ndi rwe vha dzulaho shangoni. 13
6:13
Jer. 2:8
Vhoṱhe vhahulwane na vhaṱuku vha tama u pfuma nga vhufhura; na vhaporofita na vhotshifhe vha fhura vhathu. 14
6:14
Jer. 23:17
Esek. 13:10
Vha pomba mbonzhe dza vhathu vhanga vha sa londi, vha dzi ita sa dzi sa dini. Vha ri, ‘Ḽo lala! Ḽo lala!’ ngeno hu si na mulalo. 15Kani vha a shona nga u vhona zwi nengisaho zwe vha ita? Na kathihi! Ṱhoni a vha dzi ḓivhi. Ndi zwine vha ḓo wa unga vhaṅwe vhoṱhe; ndi tshi vha laṱisa hu ḓo vha hu hone zwo vha fhelela. Ho amba Nṋe Yahavee.”

Tshilamba-u-vhudzwa ndi tshilila-u-vhona

16

6:16
Ps. 139:24
Mat. 11:29
Muṋe washu u ri, “Imani mafhandeni ni sedze, vhudzisani nḓila dza kale-kale, vhudzisani uri nḓila yone-yone ndi ifhio, ni fare yone, ndi hone ni tshi ḓo pfa mbilu dzaṋu dzo rula.” Hone vhone vha ri, “Aiwa, a ri nga fari yone!” 17
6:17
Esek. 3:17-21
33:1-9
Ndi hone Muṋe washu a tshi nanga vhalindi a ri vhathu vha thetshelese phalaphala dza u vha sevhudza. Vhone vha ri, “A ri nga thetshelesi.”

18

6:18
Yes. 34:1
Mika 1:2
Zwenezwo Muṋe washu a ri, “Inwi dzitshakha, ipfani, inwi dziṱhanzi, sedzani zwi no ḓo wela vhathu vhanga. 19
6:19
Jer. 2:19
Iwe ḽifhasi, thetshelesa! Vhathu havha ndi khou vha ḓisela khombo, ha ḓo vha hu hone vha tshi khou kaṋa zwe vha zwala, nge vha si thetshelese nyeletshedzo yanga, vha landula ndayo yanga. 20
6:20
Jer. 7:21-23
14:12
Yes. 1:10-20
Zwioro zwine vha nnḓisela zwi tshi bva Sheba, kana zwilungi zwine zwa bva mashangoni a kule ndi zwi londelani? Nduvho dzaṋu dzi fhiswaho a dzi ntakadzi; zwiṱhavhelo zwaṋu a thi zwi ṱanganedzi. 21Ndi zwine nda ḓo ita uri havha vhathu vha khukhulwe vha we. Vhokhotsi na vhana na vhahura na dzikhonani vhoṱhe vha ḓo lovha.”

Maswina a no bva devhula

22

6:22-24
Jer. 50:41-43
6:22
Jer. 1:145:15
Muṋe washu u ri, “Vhonani hu khou ḓa mmbi shangoni ḽa devhula; hu khou rithwa lushaka lwa maanḓa, lu bva mugumoni wa ḽifhasi. 23Vho fara vhura na mafumo; vha na tshiṱuhu, a vha khathutsheli muthu. Vha bvuma unga lwanzhe vha tshi gada nga bere dzavho. Vha ḓa vho ḓivhekanyela u dia iwe Tsioni.”

24

6:24
Jer. 4:31
Vhathu vha Jerusalema vha ri, “Mafhungo ayo ro no ḓi a pfa, ro ita na u kulekana nungo. Ro farwa nga nyofho, ro farwa nga vhuṱungu vhu no nga ha musadzi a tshi ṱoḓou vhofholowa. 25
6:25
Jer. 46:5
49:29
Ri songo vhuya ra ya nnḓa kana ra tshimbila magondoni, maswina o fara mapanga, ro tangwa nga zwi ofhisaho.”

26

6:26
Am. 8:10
Muṋe washu u amba na vhathu vhawe u ri, “Ambarani madzanganda ni shele milora ṱhohoni ni vuse tshililo; lilani ni tou honḓa ni nge ni khou lilela ṅwana muthihi fhedzi; a no khou ḓa u ni lozwa u ḓo ni dia kathihi fhedzi.”

Ngweḓi i konḓaho, siliva i sa ḓivhalei

27

6:27-30
Esek. 22:17-22
Muṋe washu o ri, “Jeremia, ndo u ita mulingi wa tsimbi, vhathu vhanga ndi ngweḓi yau, vha sedze u linge mishumo yavho.”

28

6:28
Jer. 7:26
Nṋe nda wana uri vhoṱhe ndi mashandukwa o tilaho, vha konḓa unga musinaseṱha na tsimbi, vha enda vha tshi isela vhaṅwe phungo mmbi; ndi vhatshinyi! 29
6:29-30
Yes. 1:22
6:29
Yes. 1:25
Muvuvha wone u khou furela wo khwaṱha, u tshi fhisa mutobvu nga mulilo, hone malambelo a ro sa bva. U ḓikunisa ha vhathu vhanga a zwi farisi tshithu, ngauri vhavhi a vha khou bviswa vhukati havho. 30Vha pfi ndi siliva ya malambelo ngauri Muṋe washu o vha lamba.