Tshivenda 1998 (VEN98)
49

Mafhungo a no amba Amoni

491

49:1-6
Jer. 25:21
Esek. 21:28-32
25:1-7
Am. 1:13-15
Tsef. 2:8-10
49:1
Josh. 13:24-28
Hu tshi ambiwa Vhaamoni hu pfi: Muṋe washu u ri,

“Israele a ḽi na vhatuka naa?

A ḽi na maḽaifa naa?

Zwino ndi mini MolekheMolekhe ndi mudzimu wa Vhaamoni. o dzhia ḽa Gadi?

Khezwi vhathu vha Amoni vha tshi dzula miḓini yawo?

2Hone hu khou ḓa misi ine muḓi wa Raba wa Vhaamoni

nda ḓo u ṱavhela mukosi wa nndwa,”

u ralo Muṋe washu.

“U ḓo sala u gokho ḽa matumba,

miḓana yo u tangaho nda i fhisa nga mulilo.

Ndi hone Vhaisraele vha tshi ḓo pandamedza

vho vha pandamedzaho.”

U ralo Muṋe washu.

3

49:3-4
Jer. 48:2,7
“Iwe Hesheboni, honḓa,

Ai wo phusukanywa!

Inwi ni dzulaho Raba, lilani ni tou ṱavha mukosi!

Ambarani madzanganda ni vuse tshililo;

gidimelani ngeno na ngei ngomu mitsheṱoni,

ngauri Molekhe u ḓo iswa vhuthubwani,

khathihi na vhotshifhe vhawo na vhahulwane vhawo.

4Ndi mini u tshi zuwa magovha au,

u tshi zuwa magovha au o vhibvelaho?

Iwe ṅwananyana a sa fulufhedzei,

u fulufhela lupfumo lwau wa ri,

‘Ndi nnyi ane a nga nthoma?’

5Ndi ḓo u ḓisela zwi ofhisaho,

vhoṱhe vho u tangaho vha ḓo u ita zwi ofhisaho,”

u ralo Muṋe wa zwoṱhe Yahavee Mulangazwoṱhe.

“Muṅwe na muṅwe waṋu u ḓo thathiwa,

a hu na na muthihi a no ḓo kuvhanganya dzitshavhi.

6

49:6
Jer. 46:26
Naho zwo ralo,

ngavhuya ndi ḓo dovha nda ladza ḽa Amoni,”

u ralo Muṋe washu.

Mafhungo a no amba Edomo

7

49:7-22
Jer. 25:21
Yes. 34:5-17
Hu tshi ambiwa Edomo hu pfi: Muṋe washu Mulangazwoṱhe u ri,

“Themana a hu tshee na vhuṱali naa?

Vha maano a vha tsha kona u eletshedza?

Vhuṱali havho ho sina?

8Inwi ni no dzula Dedani, rembuluwani ni shavhe,

dzumbamani mapakoni.

Esau ndi ḓo mu ḓisela khombo

musi une nda mu lifhedza.

9

49:9-10
Obadia 5-6
Arali vhafuli vha nḓirivhe vha ḓa ha iwe,

a vha fuli vha sia dziṅwe naa?

Arali mafobvu a ḓa vhusiku,

a vha tswi zwine vha zwi funa fhedzi naa?

10Hone Esau ndi ḓo mu bvula zwiambaro

a sala e fhedzi;

ndi ḓo fukula vhudzumbamo hawe,

uri a si kone u dzumbama.

Vhana vhawe na mashaka awe na vhahura vhawe vha ḓo lovha,

ha tsha ḓo vha hone ane a nga ri,

11‘Litsha tsiwana dzawe,

ndi ḓo vha tsireledza vha si fe.

Tshilikadzi dzau na dzone nga dzi fulufhele nṋe.’ ”

12

49:12
Jer. 25:15Zwililo 4:21
Muṋe washu u ri, “Arali vha songo teaho u nwa tshinwelo tsha khaṱhulo vha tshi fanela u tshi nwa, iwe u nga bva hani u songo tshi nwa? A u nga bvi u songo tshi nwa, tshau ndi u nwa. 13
49:13
Jer. 22:5
Ndi ana nga Nṋe muṋe ndi ri, muḓi wa Botsora u ḓo sala u matumba, u ḓo goḓiwa, u ḓo sala u phanga, vhathu vha ḓo teketelana nga dzina ḽawo; miḓi yawo yoṱhe i ḓo phusukanywa tshoṱhe,” u ralo Muṋe washu.

14

49:14-16
Obadia 1-4
Ndo pfa mafhungo a no bva ha Muṋe washu a tshi ri,

“Ho ruṅwa muḓinḓa kha dzitshakha a ri,

‘Kuvhanganani ni u die!

Takuwani ni bve pfumo!’

15Zwino ndi ḓo u ita muṱuku kha tshakha dzoṱhe,

vhoṱhe vha ḓo u nyadza.

16U vhona unga u a ofhisa,

u ḓihudza ha mbilu yau ho u fhura,

wa ḓifhura nga mbilu yau ya u ḓihudza,

iwe ane wa dzula dzinngwani,

u no dzula miṱumbani ya dzithavha.

Naho u tshi fhaṱa tshiṱaha tshau nṱha-nṱha unga goni,

ndi ḓo u wisela fhasi u tshi bva henefho,”

u ralo Muṋe washu.

17

49:17
Jer. 18:16
“Edomo ḽi do sala ḽi matumba,

vhoṱhe vhane vha fhira ngaho zwi ḓo vha tshenusa

zwa vha ofhisa vha tshi vhona ṱhamu dzaḽo.

18

49:18
Jer. 50:40
Gen. 19:24-25
A hu nga vhi na a no dzula hone,

a hu nga dzuli muthu,

hu ḓo nga Sodoma na Gomora yo phusukanywaho

khathihi na midi i re tsini nayo,”

u ralo Muṋe washu.

19

49:19-20
Jer. 50:44-46
49:19
Jer. 10:6-7
“Ndi ḓo pandela Vhaedomo shangoni ḽavho kathihi fhedzi,

unga ndau i tshi bva maṱakani a Jorodani

i tshi yo zwima shangoni ḽi re na pfulo i sa omi.

Zwenezwo ndi ḓo vhea muvhusi we nda mu nanga.

Ndi nnyi ane a nga Nṋe?

Ane a nga pikisana na Nṋe ndi nnyi?

Ndi ufhio mulisa ane a nga imedzana na Nṋe?”

20Zwino-ha ipfani zwe Muṋe washu

a dzudzanyela Edomo,

zwe a dzudzanyela u vhaisa vha no dzula Themana,

ngezwi:

Ngoho vha ḓo khwikhwidzwa unga ngwana;

na shango ḽavho ḽi ḓo tshenuwa ḽi tshi zwi vhona.

21Hu ḓo ri hu tshi pfala mubvumo wa u wa havho

ḽifhasi ḽa dzinginyea,

ha pfala mukosi wa tshililo tshavho wa swika Lwanzheni lwa Dziṱhanga.

22

49:22
Jer. 4:3148:40
Vhonani! Hu ḓo fhufha goni ḽa kavha fhasi,

ḽa ṱharamudza phapha dzaḽo ḽa godimela Botsora.

Musi wonoyo mbilu dza vhahali vha Edomo

dzi ḓo nga mbilu ya musadzi a tshi ṱoḓou vhofholowa.

Mafhungo a no amba Damasko

23

49:23
2 Mah. 19:13
Yes. 10:9
Hu tshi ambiwa Damasko hu pfi:

“Vhathu vha miḓi ya Hamathi na Ariphada

vho hanganea,

vho pfa mafhungo mavhi.

A vha koni u rudza mbilu,

na khunzikhunzini ya lwanzhe vha a tetemela,

vha khou ḽa mbilu.

24

49:24-27
Yes. 17:1-3
49:24
Jer. 4:31
Vha Damasko vho kulea nungo,

vho rembuluwa, vha a shavha,

vho farwa nga nyofho;

vha a teta, vha pfa vhuṱungu,

ndi vhuṱungu vhu no nga ha musadzi

a tshi ṱoḓou vhofholowa.

25Yowee, uḽa muḓi wa bvumo khezwi wo ṱutshelwa,

wone muḓi une nda u takalela?

26Vhukumakuma vhaṱhanngana vhawo

vha ḓo fa mikotoni yawo;

musi wonoyo vhahali vhawo vhoṱhe vha ḓo lovha,”

u ralo Muṋe washu.

27“Mitsheṱo ya Damasko ndi ḓo i funga nga mulilo;

u ḓo fhisa pfamo ya Beni Hadadi khosi yawo.”

Mafhungo a no amba Kedara na Hatsoro

28

49:28-33
Jer. 25:24
Yes. 21:13-17
Hu tshi ambiwa Kedara na mivhuso ya Hatsoro ye Nebukhadnetsara khosi ya Babele a i dia hu pfi: Muṋe washu u ri,

“Takuwani ni lwe na Kedara, ni lozwe vhathu vha Vhubvaḓuvha.

29

49:29
Jer. 6:25
Vha ḓo dzhielwa dennde dzavho na masambi a nngu dzavho;

mishasha yavho i ḓo hwalelwa kule

khathihi na thundu dzavho na dzigamela.

Vhathu vha ḓo vha ṱavhela mukosi vha ri,

‘No tangwa nga zwi ofhisaho thungo dzoṱhe!’

30“Ṱavhanyani ni shavhele kule!

Inwi ni dzulaho Hatsoro,

dzumbamani mapakoni,”

u ralo Muṋe washu.

“Nebukhadnetsara khosi ya Babele o ni itela tshimbevha;

u ṱoḓa u lwa na inwi.

31Takuwani-ha ni yo dia lushaka lwo ḓidzulelaho lwo vhofhololwa

lune lwa ḓifulufhela,

lushaka lu si na tswinga;

vhathu vhalwo vha dzula thungo vhe vhoṱhe,”

u ralo Muṋe washu.

32

49:32
Jer. 9:25
25:23
Yes. 21:13-14
“Gamela dzavho dzi ḓo kumbululwa,

masambi avho a kholomo a ḓo thubiwa.

Ndi ḓo vha balanganya na khuḓa nṋa dza shango,

havho vhathu vha no palula mavhudzi,

ndi ḓo vha ḓisela khombo i tshi bva matungo oṱhe,”

u ralo Muṋe washu.

33“Hatsoro hu ḓo vha vhudzulo ha dziphunguhwe,

hu ḓo dzula hu soga lini na lini.

A hu tsha ḓo dzula muthu;

a hu tsha ḓo vha hayani ha muthu.”

Mafhungo a no amba Elamu

34

49:34-39
Jer. 25:25
Esek. 32:24-25
Ngeḽi ipfi ḽa Muṋe washu ḽe ḽa ḓa ha muporofita Jeremia ḽi tshi amba Elamu, hu tshi kha ḓi tou bva u thoma u vhusa Tsedekia khosi ya Juda, ḽi ri: 35Muṋe washu Mulangazwoṱhe u ri,

“Vhonani,

ndi ḓo vunḓa vhura ha Elamu,

yone thikho ya maanḓa avho.

36Ndi ḓo ruma mimuya miṋa ya lwa na Elamu,

i tshi bva khuḓani nṋa dza shango;

ndi ḓo vha balanganya na mimuya yeneyo miṋa,

a hu nga vhi na lushaka lune vha sa ḓo fhalalela khalwo.

37

49:37
Jer. 9:15
Ndi ḓo ita uri Vhaelamu vha tetemele maswina avho,

vha tshi vhona vhane vha ṱoḓa u vha vhulaha;

ndi ḓo vha ḓisela khombo,

na mbiti dzanga dzi ofhisaho,”

u ralo Muṋe washu.

“Ndi ḓo vha pandamedza nga pfumo

ndi vhuye ndi vha fhedze.

38Ndi ḓo vhea khuluṋoni yanga Elamu,

nda lozwa mahosi avho na vhahulwane vhavho,”

u ralo Muṋe washu.

39

49:39
Jer. 46:26
“Naho zwo ralo ndi ḓo dovha nda ladza ḽa Elamu misi i ḓaho,”

u ralo Muṋe washu.