Tshivenda 1998 (VEN98)
42

Jeremia a tshi humbela nyeletshedzo kha Mudzimu

421

42:1
Jer. 40:8,13
Ndi hone vhahulwane vha mmbi vhoṱhe, khathihi na Johanani ṅwana wa Karia na Jesania ṅwana wa Hoshaya, na vhathu vhoṱhe, vhaṱuku na vhahulwane vha tshi ḓa 2
42:2-4
Jer. 7:16
42:2
Dot. 28:62
ha muporofita Jeremia vha mu humbela vha ri, “Nga vha dzou thetshelesa khumbelo yashu, vha rabele Muṋe washu Mudzimu wavho vha tshi rabelela tsalela hedzi dza vhathu dzoṱhe. Na vhone vha khou tou zwi vhona uri nangwe kale ro vhuya ra vha vhanzhi, zwino ro no tou sala ri vha si gathi. 3Nga vha rabele uri Muṋe washu Mudzimu wavho a ri vhudze hune ra fanela u livha hone na zwine ra fanela u zwi ita.”

4

42:4,7
Jer. 28:10-13
1 Mah. 22:13-20
Muporofita Jeremia a fhindula a ri, “Ndo zwi pfa zwine na amba. Vhukumakuma ndi ḓo rabela Muṋe washu Mudzimu waṋu unga no humbela; ndi ḓo ni vhudza zwoṱhe zwine Muṋe washu a amba, a thi nga ni dzumbi tshithu.”

5Zwenezwo vha amba na Jeremia vha ri, “Ngavhe Muṋe washu a tshi vha ṱhanzi i fulufhedzeaho ya ngoho, a ri vutshela arali ra sa tevhedza zwoṱhe zwine Muṋe washu Mudzimu wavho a vha ruma uri vha ri vhudze. 6Arali zwi tshi takadza kana zwi sa takadzi, ri ḓo thetshelesa Muṋe washu Mudzimu washu ane ra khou vha ruma khae uri zwi ri nakele; ri ḓo thetshelesa Muṋe washu Mudzimu washu.”

Muṋe washu a tshi fhindula thabelo ya Jeremia

7Musi ho fhela maḓuvha a fumi ipfi ḽa Muṋe washu ḽa ḓa ha Jeremia. 8Ndi hone a tshi vhidza Johanani ṅwana wa Karia na vhoṱhe vhahulwane vha mmbi vhe vha vha vhe nae na vhathu vhoṱhe, vhaṱuku na vhahulwane, a vha kuvhanganya. 9A vha vhudza a ri, “Muṋe washu Mudzimu wa Israele we na nthuma khae uri ndi swikise khumbelo yaṋu, u ri, 10

42:10
Jer. 1:1018:8
‘Arali na dzula shangoni heḽi, ndi ḓo ni fhaṱa, a thi nga ni thuthi; ndi ḓo ni ṱavha, a thi nga ni tupuli, ngauri ndi pfa vhuṱungu zwe nda fanela u ni ḓisela khombo. 11
42:11
Jer. 41:17-18
1:8
Ni songo ofha khosi ya Babele ane zwino na mu ofha. Ni songo mu ofha, Nṋe ndi na inwi, ndi ḓo ni tshidza nda ni vhofholola zwanḓani zwawe. Ho amba Nṋe Yahavee. 12Ndi ḓo ni pfela vhuṱungu uri na ene a ni khathutshele mbilu a ni humisele shangoni ḽaṋu.’

13

42:13
Jer. 42:21
43:4,7
“Hone arali na ri, ‘A ri nga dzuli shangoni ḽino,’ na litsha u thetshelesa Muṋe washu Mudzimu waṋu, 14arali na ri, ‘Aiwa, ri ḓo pfulutshela Egipita, hune ra sa ḓo vhona nndwa kana ra pfa phalaphala ya nndwa kana ra pfa nḓala nga u shaya zwiḽiwa, ri yo dzula hone,’ 15zwino ipfani ipfi ḽa Muṋe washu inwi tsalela dza vhathu vha Juda. Muṋe washu Mulangazwoṱhe Mudzimu wa Israele u ri, ‘Arali no ḓiimisela u ya Egipita, na pfuluwa na yo dzula hone, 16zwenezwo pfumo ḽine na ḽi ofha ḽi ḓo ni ḽa henengei, na nḓala ine na i ofha i ḓo ni tevhela henefho Egipita, ni ḓo fela henengei. 17
42:17
Jer. 14:1244:14
Vhoṱhe vho ḓiimiselaho u pfulutshela Egipita vha yo dzula hone vha ḓo ḽiwa nga pfumo, vha fa nga nḓala na dwadze, a hu na na muthihi wavho a no ḓo sala a tshi tshila kana a ponyoka khombo ine nda ḓo vha ḓisela yone.’

18

42:18
Jer. 24:9
“Muṋe washu Mulangazwoṱhe Mudzimu wa Israele u ri, ‘Vhunga mbiti dzanga na u sinyuwa hanga zwo shulutshela kha vha dzulalo Jerusalema, zwenezwo u sinyuwa hanga hu ḓo shulutshela kha inwi arali na ya Egipita. Vhathu vha ḓo ni sanda, vha ni nyadza, vha teketelana nga dzina ḽaṋu, vha ni sea; fhethu hafhano a ni tsha ḓo dovha na hu vhona.’

19“Inwi tsalela dza vhathu vha Juda, Muṋe washu o ni vhudza a ri, ‘Ni songo ya Egipita.’ Ḓivhani uri: ṋamusi ndi a ni kaidza 20ndi ri ni khou ḓifhura ni tshi nthuma ha Muṋe washu Mudzimu waṋu na ri, ‘Ri rabelele ha Muṋe washu Mudzimu washu; ri vhudze zwoṱhe zwine a amba, ri ḓo zwi ita.’ Ni ḓo ḓilozwa! 21

42:21
Jer. 42:13
Ndo ni vhudza ṋamusi, naho zwo ralo a no ngo thetshelesa Muṋe washu Mudzimu waṋu kha tshithu na tshithihi tshe a nthuma uri ndi ni vhudze. 22Zwino-ha, ḓivhani uri: Ni ḓo fa nga pfumo na nḓala na dwadze fhethu hune na tama u yo dzula hone.”

43

Vhathu vha tshi shavhela Egipita

431Musi Jeremia a tshi fhedza u vhudza vhathu maipfi oṱhe a Muṋe washu Mudzimu wavho – zwoṱhe zwe Muṋe washu a mu ruma uri a vha vhudze – 2

43:2
Jer. 42:1
Azaria ṅwana wa Hoshaya na Johanani ṅwana wa Karia na vhanna vhoṱhe vha u ḓihudza vha vhudza Jeremia vha ri, “U khou zwifha! Mudzimu Muṋe washu ho ngo u ruma u ḓa u amba uri ri songo ya Egipita ra yo dzula hone. 3
43:3
Jer. 32:12
Ndi Barukhu ṅwana wa Neria ane a khou u luṱanya na riṋe uri u ri kumedze Vhababele vha ri vhulahe kana vha ri hwale vha ri ise vhuthubwani Babele.”

4

43:4
Jer. 42:5
Huno Johanani ṅwana wa Karia na vhahulwane vha mmbi vhoṱhe na vhathu vhoṱhe vha nyadza zwe Muṋe washu a amba a tshi ri vha dzule shangoni ḽa Juda. 5
43:5-7
2 Mah. 25:26
Johanani ṅwana wa Karia na vhahulwane vhoṱhe vha mmbi vha pfulusa tsalela dzoṱhe dza vhathu vha Juda vhe vha vha vho vhuelela u yo dzula shangoni ḽa Juda vha tshi bva kha tshakha dzoṱhe he vha vha vho balanganela hone – 6vhanna na vhasadzi na vhana na vhananyana vha khosi vhe Nebusaradani mulangammbi a vha o vha sia na Gedalia ṅwana wa Ahikamu ṅwana wa Shafani, vha dzhia na muporofita Jeremia na Barukhu ṅwana wa Neria. 7
43:7
Jer. 42:5
Vha swika Egipita nga u sa thetshelesa Muṋe washu vha vhuya vha swika Thaphanese.

Hu tshi pfi Nebukadanetsara u ḓo kunda Vhaegipita

8

43:8-13
Jer. 13:1-11
Henengei Thaphanese ipfi ḽa Muṋe washu ḽa ḓa ha Jeremia ḽa ri, 9“Dzhia maṅwe matombo mahulu u a fukedze vumbani luḓilanani lwo fhaṱwaho nga zwidina tshifhingoni tsha pfamo ya Farao fhano Thaphanese, u zwi ite Majuda vha tshi khou sedza. 10
43:10
Jer. 21:2
Zwenezwo u vha vhudze u ri, ‘Yahavee Mulangazwoṱhe Mudzimu wa Israele u ri: Ndi ḓo vhidzisa muḓinḓa wanga Nebukhadnetsara khosi ya Babele, nda tea khuluṋoni yawe nṱha ha matombo haya e nda a bwela hafhano; u ḓo akha dennde yawe ya vhuhosi nṱha hao. 11
43:11
Jer. 46:13
Esek. 29:19-20
U ḓo ḓa a dia Egipita, a vhulaha vho livhanywaho na lufu, a thuba vho livhanywaho na u thubiwa, vho livhanywaho na pfumo a vha runga nga pfumo. 12
43:12
Jer. 46:25
Esek. 30:13
Ndi ḓo funga thembele dza midzimu ya Egipita nga mulilo; u ḓo fhisa thembele dza midzimu, yone a i hwala a i isa vhuthubwani. U ḓo ṱangula shango ḽa Egipita unga mulisa a tshi tanya nnda dza nguvho yawe, a ṱuwa hu si na tshi no mu thithisa. 13Thembeleni ya Ḓuvha ngei Egipita u ḓo thutha phuphu dza midzimu, a fhisa thembele dza midzimu ya Egipita dze lore.’ ”

44

Majuda vha tshi futelela vhuvhi havho vhe Egipita

441

44:1
Jer. 46:14
Ipfi heḽi ḽo ḓela Jeremia ḽi tshi amba Majuda vhoṱhe vha dzulaho Egipita, miḓini ya Migidolo na Thaphanese na Memfisi na thungo ya tshipembe ya shango, ḽi ri, 2“Yahavee Mulangazwoṱhe Mudzimu wa Israele u ri: Inwi vhaṋe no vhona khombo khulu ye nda i ḓisa Jerusalema na miḓini ya Juda. Ṋamusi a i tsha dzula vhathu, ndi matumba 3
44:3
Jer. 7:9
nga mulandu wa vhuvhi he vha ita. Vho ntsinyusa nga u fhisa zwioro na nga u luvha midzimu isili ye vhone vhaṋe na inwi na vhokhotsi avho vha si vhuye vha i ḓivha. 4
44:4
Jer. 7:25
Ndo ruma vhaḓinḓa vhanga vhaporofita nda dovha ndi tshi ri, ‘Ni songo ita zwithu hezwi zwi nengisaho zwine nda zwi vhenga!’ 5
44:5
Jer. 7:26
Hone a vho ngo thetshelesa, a vho ngo zwi londa, a vho ngo laṱa vhutshinyi havho, a vho ngo litsha u fhisela miṅwe midzimu zwioro. 6
44:6
Jer. 25:18
Ndi zwe mbiti dzanga dzi ofhisaho dza shuluwa; ndo sinyutshela miḓi ya Juda na magondo a Jerusalema nda zwi ita matumba a sa dzuli muthu sa zwine ṋamusi zwa vhonala zwo ralo.

7

44:7-8
Jer. 24:9
“Zwino Nṋe Yahavee Mulangazwoṱhe Mudzimu wa Israele ndi ri: Ndi mini ni tshi ḓihwesa khombo nngafhangafha nga u lozwa vhanna na vhasadzi na vhana na dzitshetshe kha ḽa Juda, na sala ni si tshee na tsalela dza vhathu? 8Ndi mini ni tshi ntsinyusa nga midzimu ye na ita nga zwanḓa zwaṋu, na dubisela miṅwe midzimu zwioro fhano Egipita, he na yo dzula hone? Ni ḓo ḓilozwa, vhathu vha teketelana nga dzina ḽaṋu, na nyadziwa nga tshakha dzoṱhe dza ḽifhasi. 9No no hangwa vhuvhi ho itwaho nga vhokhotsi aṋu na nga mahosi na vhafumakadzi vha Juda na vhuvhi he inwi na vhasadzi vhaṋu na ita shangoni ḽa Juda na mikotoni ya Jerusalema naa? 10Na ṋamusi a vha athu ḓiṱukufhadza kana vha nnyofha, a vha athu tevhedza mulayo wanga na ndayo dze nda vhetshela inwi na vhokhotsi aṋu.”

11

44:11
Jer. 21:10
“Zwenezwo, Muṋe washu Mulangazwoṱhe Mudzimu wa Israele u ri, ‘Ndo ḓiimisela u ni ḓisela khombo, nda lozwa ḽa Juda ḽoṱhe. 12
44:12
Jer. 24:9
Ndi ḓo lozwa tsalela dza vhathu vha Juda vho ḓiimiselaho u ya Egipita u yo dzula hone. Vhoṱhe vhahulwane na vhaṱuku vha ḓo lovhela Egipita; vha ḓo ḽiwa nga pfumo, vha fa nga nḓala. Vhathu vha ḓo vha sanda, vha vha nyadza, vha teketelana nga dzina ḽavho, vha vha sea. 13Vha no dzula Egipita ndi ḓo vha vhulaha nga pfumo na nḓala na dwadze, nda vha ita zwe nda ita vha Jerusalema. 14
44:14
Jer. 42:17
A hu na na muthihi wa tsalela dza vhathu vha Juda vhe vha yo dzula Egipita a no ḓo ponyoka kana a tshila a dovha a humela shangoni ḽa Juda ḽine vha ṱuvha u humela khaḽo vha dzula khaḽo; a hu na a no ḓo humela hone, hu ḓo tou vhuelela tshavhi dzi si gathi.’ ”

Vhane vha luvha midzimu isili nga khani

15Huno vhanna vhoṱhe vhe vha vha vha tshi ḓivha uri vhasadzi vhavho vha dubisela miṅwe midzimu zwioro, khathihi na vhasadzi vhoṱhe vhe vha vha vhe henefho – gogo ḽihulu – na vhathu vhoṱhe vhane vha dzula tshipembe ha Egipita, vha amba na Jeremia vha ri, 16“A ri nga thetshelesi zwe wa ri vhudza nga dzina ḽa Muṋe washu! 17

44:17-19
Jer. 7:17-19
44:17
Hos. 2:5
Vhukumakuma ri ḓo ita zwoṱhe zwe ra ri ri ḓo ita: Ri ḓo dubisela Mufumakadzi wa ṱaḓulu zwioro, ra mu tevhulela thevhula sa zwe riṋe na vhokhotsi ashu na mahosi ashu na vhahulwane vhashu ra ita miḓini ya Juda na mikotoni ya Jerusalema. Misi yeneyo ro vha ri na zwiḽiwa zwinzhi, ro pfuma, ri sa vhoni khombo. 18Hone tshee ra litsha u dubisela Mufumakadzi wa ṱaḓulu zwioro, ra si tsha mu tevhulela thevhula, ri vho shaya, ri khou lovha nga pfumo na nḓala.”

19Vhasadzi vha ḓadzisa vha ri, “Zwiḽa ri tshi dubisela Mufumakadzi wa ṱaḓulu zwioro, ra mu tevhulela thevhula, vhanna vhashu vho vha vha sa zwi ḓivhi kani uri ro vha ri tshi bika khekhe ra mu fanyisa ngadzo, ra mu tevhulela thevhula?”

20Ndi hone Jeremia a tshi vhudza vhathu vhoṱhe, vhanna na vhasadzi vhe vha vha vha tshi khou mu fhindula, a ri, 21

44:21
Jer. 11:13
“Zwiḽa zwioro zwe zwa vha zwi tshi fhiswa nga inwi na vhokhotsi aṋu na mahosi aṋu na vhahulwane vhaṋu na vhathu zwavho miḓini ya Juda na mikotoni ya Jerusalema, ni vhona unga Muṋe washu o vha a sa zwi ḓivhi, o zwi hangwa naa? 22
44:22
Jer. 15:6
Musi Muṋe washu a si tsha kona u konḓelela zwiito zwaṋu zwivhi na zwi nengisaho zwe na ita, a phusukanya shango ḽaṋu ḽa sala ḽi soga ḽi sa dzuli muthu, vhathu vha vho teketelana ngaḽo sa zwine ḽa vha zwone ṋamusi. 23Vhunga ni tshi khou zwi vhona, no welwa nga khombo nge na dubisa zwioro na khakhela Muṋe washu na si thetshelese mulayo wawe na ndaela dzawe dze a ri dzi itwe.”

24Zwenezwo Jeremia a amba na vhathu vhoṱhe khathihi na vhasadzi a ri, “Inwi vhathu vha Juda noṱhe ni re Egipita, ipfani ipfi ḽa Muṋe washu! 25Muṋe washu Mulangazwoṱhe Mudzimu wa Israele u ri: Inwi na vhasadzi vhaṋu no sumbedza nga zwiito zwaṋu zwe na ana zwiḽa ni tshi ri, ‘Vhukumakuma ri ḓo khunyeledza zwe ra ana ra ri ri ḓo dubisa zwioro ra tevhulela Mufumakadzi wa ṱaḓulu thevhula.’ Zwenezwo isani phanḓa, itani zwe na ana! Khunyeledzani muano waṋu! 26

44:26
Jer. 4:2
Hone inwi Majuda noṱhe ni no dzula Egipita, ipfani ipfi ḽa Muṋe washu u ri, ‘Nṋe Yahavee ndi ana nga dzina ḽanga ḽihulu, ndi ri a hu na na muthihi a no bva kha ḽa Juda a no khou dzula huṅwe Egipita a no ḓo dovha a ana nga dzina ḽanga a ri: Nga Muṋe wa zwoṱhe Yahavee a tshilaho. 27Ndi dzula ndo vha vhea iṱo uri ndi vha huvhadze, a thi nga vha takadzi; Majuda vha re Egipita vha ḓo lovha nga pfumo na nḓala vha vhuye vha lozwiwe vhoṱhe. 28Vhane vha ponyoka pfumo, vha humela shangoni ḽa Juda vha tshi bva Egipita vha ḓo vha vha si gathi. Ndi hone tsalela dzoṱhe dza vhathu vha Juda vhe vha pfulutshela Egipita vha tshi ḓo ḓivha uri ipfi ḽi sa weli fhasi ndi ḽanga kana ndi ḽavho.

29

44:29
1 Sam. 2:34
2 Mah. 20:9
“ ‘Hetshi tshi ḓo vha tshone tshiga tshine na ḓo vhona ngatsho uri ndi dzula ndo ni vhea iṱo, ndi ḓo ni pfisa vhuṱungu hafhano fhethu,’ u ralo Muṋe washu, ‘uri ni ḓivhe uri zwe nda ri ndi ḓo ni huvhadza, vhukumakuma a zwi nga weli fhasi.’ 30
44:30
Jer. 46:26
39:5
Muṋe washu u ri, ‘Farao Hofra khosi ya Egipita ndi ḓo mu kumedza maswina awe vhane vha ṱoḓa u mu vhulaha, sa zwe Tsedekia khosi ya Juda nda mu kumedza Nebukhadnetsara khosi ya Babele, ḽone swina ḽawe ḽe ḽa vha ḽi tshi ṱoḓa u mu vhulaha.’ ”