Tshivenda 1998 (VEN98)
33

Vhathu vha tshi fulufhedziswa u vhuedzedzwa shangoni ḽavho

331

33:1
Jer. 32:2
Musi Jeremia a tshee o hoṋelwa muṱani wa vhalindi vha pfamo ya musanda, ipfi ḽa Muṋe washu ḽa ḓa khae lwa vhuvhili ḽa ri, 2“Yahavee, Ene we a ita ḽifhasi, a ḽi vhumba, a ḽi imisa, u pfi Yahavee, u ri, 3
33:3
Jer. 29:12
‘Mmbidzeleleni, ndi ḓo ni aravha nda ni vhudza zwihulu zwo dzumbamaho zwine na sa zwi ḓivhe. 4-5Ndi ri: Vhathu vha Jerusalema vha ḓo ḓi lwa na Vhakhaladia, avho vha ḓi govhela muḓi vha u dia vha thutha nnḓu dza muḓi na pfamo dza musanda, matumbani adzo vha khokha zwitumbu zwa vhathu vhe nda vha vhulaha nga mbiti ndo sinyuwa. Ndo vha ndo vha furalela nga mulandu wa vhuvhi havho hoṱhe.

6

33:6
Jer. 30:17
“ ‘Naho zwo ralo, muḓi uno ndi ḓo dovha nda u lafha nda u fhodza; ndi ḓo fhodza vhathu vhanga vha ḓiphiṋa ḽo lala tshoṱhe vha sa ofhi tshithu. 7
33:7
Jer. 23:629:13-14
Ndi ḓo vhuisa Juda na Israele vhuthubwani nda dovha nda vha fhaṱa vha nga zwe vha vha vhe zwone kale. 8
33:8
Jer. 31:34
Ndi ḓo vha ṱanzwa tshika dza vhutshinyi hoṱhe he vha nkhakhela, nda vha hangwela vhutshinyi havho hoṱhe ha u ntshandukela. 9
33:9
Jer. 13:11
Ndi hone muḓi uno wa Jerusalema u tshi ḓo ita uri ndi vhe na bvumo, ndi pembelelwe, ndi rendiwe, vhugala hanga vhu vhonwe nga tshakha dzoṱhe dza ḽifhasi dzine dza pfa zwivhuya zwoṱhe zwine nda u itela; dza ḓo konou ofha dza tetemela dzi tshi vhona ndi tshi u ladzela shango tshoṱhe zwa u nakela.’ ”

10

33:10-11
Jer. 32:36-377:3429:13-1431:62 Koron. 29:31
1 Koron. 16:34
Muṋe washu u ri, “Ni tshi amba fhethu fhano ni ri, ‘Ḽo vha ḽi soga ḽi sa dzuli muthu, hu si na vhathu, hu si na na tshifuwo.’ Naho zwo ralo miḓi ya Juda na mikoto ya Jerusalema yo ṱutshelwaho, hu sa dzuli vhathu kana phukha, 11hu ḓo dovha ha pfala mikosi hu tshi pembelwa ho takalwa, na maipfi a mukwasha na muselwa na maipfi a vhane vha ḓisa nduvho dza ndivhuho nḓuni ya Yahavee vha tshi ri,

“ ‘Livhuhani Yahavee Mulangazwoṱhe,

Yahavee u na vhuthu;

lufuno lwawe a lu dzinginyei lini na lini.’

“Ndi ḓo ita uri shango heḽi zwi dovhe zwi ḽi nakele unga kale. Ho amba Nṋe Yahavee.”

12Muṋe washu Mulangazwoṱhe u ri, “Fhethu hafhano hu re soga ḽi sa dzuli muthu, hu si na vhathu, hu si na na tshifuwo, na miḓi yaho yoṱhe i ḓo dovha ya vha na pfulo hune vhalisa vha ḓo awedza masambi avho a dzinngu. 13Miḓini i re mivhunduni na thungo ya lwanzhe na miḓini ya Negeve na shangoni ḽa Benyamini, na miḓini yo tangaho Jerusalema, na miḓini ya Juda, hu ḓo dovha ha vha na vhalisa, vha ḓo dovha vha vhala nngu dzavho. Ho amba Nṋe Yahavee.”

Ipfi ḽa Muṋe washu a ḽi weli fhasi

14Muṋe washu u ri, “Hu khou ḓa misi ine nda ḓo khunyeledza zwe nda fulufhedzisa vhathu vha Israele na vhathu vha Juda.

15

33:15
Jer. 23:5
“Misi yeneyo,

tshifhinga tshenetsho ndi ḓo ita uri hu simuwe

Ḓadzwane ḽi tshidzaho,

kha lutsinga lwa Dafita;

onoyo, khaṱhulo yawe i ḓo vha mbuya,

a ita zwi re zwone shangoni.

16

33:16
Jer. 23:6
Yes. 1:26
Zak. 8:3
1 Korint. 1:30
Misi yeneyo vha Juda vha ḓo tshidzwa,

na Jerusalema u ḓo dzula u sa ofhi tshithu.

U ḓo pfi:

‘U tshidzwa hashu ndi Yahavee’.”

17

33:17
2 Sam. 7:12-137:161 Mah. 2:4
8:25
9:5
Jer. 23:5
Muṋe washu u ri, “Dafita ha nga kundwi u vha na munna a no ḓo dzula kha khuluṋoni ya Israele, 18
33:18
Dot. 10:8
nahone hu ḓo ḓi dzula hu na Vhalivi vha re vhotshifhe vha no nṋekedza nduvho dzi fhiswaho, vha fhisa nduvho ya thoro, vha nṋekedza zwiṱhavhelo.”

19Ipfi ḽa Muṋe washu ḽo ḓa ha Jeremia ḽa ri, 20

33:20-21
Jer. 31:35-36
Ps. 89:34-37
“Nṋe Yahavee ndi ri: Arali wa kona u vhofholola mulanga we nda vhofha na masiari na vhusiku, masiari na vhusiku zwa si tsha ḓa nga tshifhinga tshazwo, 21
33:21
Jer. 33:17-18
ndi hone hu tshi nga vhofhololwa mulanga we nda vhofha na Dafita muḓinḓa wanga, na mulanga we nda vhofha na Vhalivi vha re vhotshifhe vha no ntshumela, Dafita a si tsha vha na muḓuhulu a no ḓo vhusa o dzula kha khuluṋoni yawe. 22
33:22
Gen. 15:5
22:17
Vhaḓuhulu vha Dafita muḓinḓa wanga na Vhalivi vhane vha nṋekedza nduvho ndi ḓo vha andisa vha nga ṋaledzi dza lutomboni dzi sa vhalei, vha ḓala unga muṱavha wa lwanzhe u sa kalei.”

23Ipfi ḽa Muṋe washu ḽo ḓa ha Jeremia ḽa ri, 24“A wo ngo zwi pfa avha vhathu vha tshi ri, ‘Muṋe washu o laṱa mivhuso mivhili ye a i nanga’? U ralo ndi u nyadza vhathu vhanga, a vha tsha vha vhona vhe lushaka. 25Ndi zwine Nṋe Yahavee nda ri: Arali ndi songo vhofha mulanga na masiari na vhusiku, ndi songo vhea milayo ya ṱaḓulu na ḽifhasi, 26

33:26
Jer. 29:13-14
izwo na vhaḓuhulu vha Jakopo na Dafita muḓinḓa wanga ndi ḓo vha landula, nda si tsha nanga muṅwe wa vhana vhawe uri a vhuse vhaḓuhulu vha Abrahamu na Isaka na Jakopo. Ndi uri ndi ḓo vha khathutshela zwa dovha zwa vha nakela.”