Tshivenda 1998 (VEN98)
31

311

31:1
Jer. 7:23
Muṋe washu u ri,

“Misi yeneyo ndi ḓo vha Mudzimu

wa matsinde oṱhe a Israele,

vhone vha vha vhathu vhanga.”

Vhaisraele na vhone vha tshi humela hayani

2

31:2-4
Hos. 2:14-15
“Vhathu vhane vha ponyoka pfumo

vha ḓo khathutshelwa phangani;

ndi ḓo ḓa nda awedza Vhaisraele.”

3

31:3
Dot. 4:37Yes. 43:4
Mal. 1:2-5
Muṋe washu o ḓisumbedza nṋe a tshi bva kule a ri,

“Ndo ḓi ni funa nga lufuno lwa lini na lini,

lu sa fheli, lu no dzula lu hone.

4Ndi ḓo dovha nda ni fhaṱa,

miḓi yau ya dovha ya fhaṱwa iwe musidzana Israele.

U ḓo dovha wa dzhia murumba wau wa tshina wo takala.

5Ni ḓo dovha na lima masimu a minḓirivhe

mivhunduni ya Samaria;

vhalimi vhe vha i lima

vha ḓo ḓiphiṋa nga mitshelo yayo.

6

31:6
Jer. 33:10-11
50:4-5
Ps. 122:1
Hu ḓo vha na musi une vhalindi vha ḓo huwelelana

vhe mivhunduni ya Efraimi vha ri,

‘Iḓani ri gonye Tsioni ha Mudzimu Muṋe washu.’ ”

7

31:7-8
Jer. 23:3
Muṋe washu u ri,

“Imbelani Jakopo nga dakalo,

pembelelani lushaka lu fhiraho dzoṱhe.

Thendo dzaṋu nga dzi pfale, ni ri,

‘Yahavee o tshidza vhathu vhawe,

vhone Vhaisraele vho salaho.’

8Vhonani, ndi ḓo vha vhuisa shangoni ḽa devhula,

nda vha kuvhanganya vha tshi bva magumoni a ḽifhasi.

Khavho hu ḓo vha hu na mabofu na zwihole,

vhasadzi vho vhifhaho muvhilini

na vhane vha ṱoḓou vhofholowa;

vha ḓo vhuya vhe gogo ḽihulu.

9

31:9
Jer. 3:431:20
Ps. 23:2-3
Yes. 49:9-11
Vha ḓo vhuya vha tshi lila;

ndi ḓo vha vhuisa vha tshi vho tou nnduvhelela.

Ndi ḓo vha endedza tsini ha milambwana ya maḓi,

nḓilani yo linganelaho hune vha sa ḓo khukhulwa,

ngauri Nṋe ndi khotsi a Israele,

Efraimi ndi tanzhe ḽanga.”

10

31:10
Jer. 23:3Esek. 34:11-16
Muṋe washu u ri,

“Inwi dzitshakha nthetsheleseni,

ḓivhadzani ipfi ḽanga mashangoni a seli ha lwanzhe

ni ri, ‘Onoyo we a balanganya Vhaisraele

u ḓo dovha a vha kuvhanganya,

a vha lisa unga mulisa a tshi lisa sambi ḽa nngu.’

11

31:11
Yes. 43:3
Muṋe washu u ḓo vhofholola vhaḓuhulu vha Jakopo,

a vha tshidza zwanḓani zwa vhane vha vha kunda

nga maanḓa.

12

31:12-13
Yes. 35:10
Vha ḓo ḓa vha fhululedza vhe muṱumbani wa Tsioni,

zwifhaṱuwo zwó tsha nga zwivhuya

zwine Muṋe washu a ḓo vha itela –

goroi ntswa na waini ntswa na mapfura

na nngu na kholomo.

Vha ḓo nga muṱanga,

a vha tsha ḓo ṋoka.

13Ndi hone vhasidzana vha tshi ḓo takala,

vha tou tshina,

vhaṱhannga na vhakalaha vha pembela.

Tshililo tshavho ndi ḓo tshi shandula dakalo;

ndi ḓo vha rudza mbilu vha takala,

vha si tsha ṱungufhala.

14Vhotshifhe ndi ḓo vha fusha nga mapfura,

vhathu vhanga vha ḓo fura vhuthu hanga.

Ho amba Nṋe Yahavee.”

Vhana vha Rahele vha ḓo vhuya

15

31:15-16
Mat. 2:18
Muṋe washu u ri,

“Rama hu pfala mukosi,

ndi mukosi wa tshililo tshi ṱungufhadzaho.

Ndi Rahele a no khou lilela vhana vhawe;Rahele ndi mme a Josefa na Benyamini, Josefa ndi khotsi a Efraimi na Manase, vhone vhomakhulukuku wa Vhaisraele vhanzhi vha muvhuso wa Devhula. Ri tshi sedza 1 Sam. 10:2 zwi sumba uri Rahele o swiṱwa tsini ha Rama.

ha tsha tenda u fhumudzwa,

vhana vhawe a vha tsheeho!”

16Muṋe washu u ri,

“Fhumula, u songo tsha lila,

fhuluṱa miṱodzi,

u ḓo pfufhelwa mushumo we wa itela vhana vhau,

vha ḓo vhuya shangoni ḽa swina.

17

31:17
Jer. 29:11
Lavhelela zwivhuya zwa matshelo,

vhana vhau vha ḓo vhuya hayani.

Ho amba Nṋe Yahavee.”

Ṅwana o xelaho a tshi vhuya

18

31:18
Zwililo 5:21
“Ndo pfa tshililo tsha Efraimi a tshi ri,

‘Wo nngudisa u ḓivha dzhogo unga ṋamana i sa athu guda,

na zwino ndo guda.

Nthembulusele ha Iwe,

ndi hone ndi tshi ḓo rembuluwa;

ngauri Iwe Muṋe washu u Mudzimu wanga.

19Ndo ri u pambuwa nḓilani,

nda ḓisola;

wa ri u nndaṱisa nda ṱunya mavhudzi

nga u ṱungufhala.

Ndo pfa ndo shona ndi tshi nyadzea,

ndi tshi humbula zwe nda tshinya ndi tshee muswa.’

20

31:20
Jer. 31:3
31:9Yes. 49:15
63:9
Zwililo 3:31-32
Hos. 11:1,8
“Khezwi Efraimi a tshi nga ṅwana wanga

ane nda mu funa.

Khezwi a tshi nga u takadza mbilu yanga!

Ndi tshi mu amba a thi tsha kona u mu hangwa.

Mbilu yanga yo mu ṱuvha hani;

vhukuma ndi ḓo mu khathutshela.”

Mathubwa a ḓo vhuya!

21“Vhea zwiga zwa gondo,

ṱoka thanda dza tsumbavhuyo.

Sedza gondo ḽine wa fanela u ḽi fara.

Dovha u wane nḓila ye wa ṱuwa ngayo.

Vhuya Israele, musidzana wanga,

humela miḓini yau.

22

31:22
Yes. 48:6
Iwe ṅwana a sa fulufhedzei,

u ḓo tendeleka u swika lini?

Yahavee u ḓo sika tshithu tshiswa fhano fhasi,

musadzi u vho ḓo tsireledza munna.”

Vhathu vha Juda na vhone vha ḓo nakelwa nga zwa matshelo

23

31:23
Jer. 29:13-14
Muṋe washu Mulangazwoṱhe Mudzimu wa Israele u ri, “Musi ndi tshi vha vhuisa vhuthubwani, vhathu vha re shangoni ḽa Juda na miḓini yaḽo vha ḓo dovha vha ri, ‘Iwe vhudzulo ha vhuvhuya, iwe thavha khethwa, ngavhe Muṋe washu a tshi u shudufhadza.’ 24Vhathu vha ḓo dzula vhoṱhe kha ḽa Juda na miḓini yaḽo yoṱhe – vhalimi na vhane vha enda vha tshi fulisa maṱambi avho a dzinngu. 25
31:25
Luk. 6:21
Ndi ḓo netulusa vho netaho, vho ṋokaho nga nḓala nda vha fusha. 26Ndi hone vhathu vha tshi ḓo ri, ‘Kha ndi fhaṱuwe ndi zwi vhone, naho khofhe dzo nnḓifhela.’ ”

U vuswa ha Israele na Juda

27

31:27-28
Jer. 23:6
31:27
Jer. 4:25
Muṋe washu u ri, “Hu khou ḓa maḓuvha ane nda ḓo ḓadza shango ḽa Israele na ḽa Juda nga vhathu na zwifuwo, vha nga vho tou zwaliwa. 28
31:28
Jer. 1:101:1232:42
Vhunga ndo vha ndo tou fungelela u vha tupula na u vha pwashekanya na u vha thutha na u vha lozwa na u vha ḓisela khombo, zwino ndi vho ḓo fungelela u vha fhaṱa na u vha ṱavha.

29

31:29
Esek. 18:2
Ek. 20:5-6
“Misi yeneyo vhathu a vha tsha ḓo ri,

‘Vhokhotsi vho ḽa nḓirivhe dza magaga,

hadzila ya fara vhana.’

30

31:30
Dot. 24:16
“Muṅwe na muṅwe u vho ḓo tou fela vhuvhi hawe; ane a vhuya a ḽa nḓirivhe dza magaga, hadzila ḽi ḓo fara maṋo awe.”

Mulanga muswa

31

31:31-34
Heb. 8:8-12
31:31
Luk. 22:20
Muṋe washu u ri, “Hu khou ḓa musi une nda ḓo vhofha mulanga muswa na vhathu vha nnḓu ya Israele na vha nnḓu ya Juda. 32
31:32
Jer. 11:10
A u nga ḓo vha mulanga u no nga uḽa we nda vhofha na vhomakhulukuku wavho zwiḽa ndi tshi vha fara nga tshanḓa nda vha pfulusa Egipita; vho tshinya mulanga wanga uḽa naho ndo vha ndo khwaṱhisa unga munna o vhinga musadzi. 33
31:33
Dot. 30:6
Heb. 10:16
Jer. 32:40
17:17:23Yes. 51:7
Mir. 7:3
Mulanga une nda ḓo vhofha na nnḓu ya Israele hó no fhela tshifhinga hetsho, ndi hoyu:

“Ndi ḓo vhea milayo yanga mihumbuloni yavho

nda tou i ṅwala mbiluni dzavho.

Nṋe ndi ḓo vha Mudzimu wavho, vhone vha vha vhathu vhanga.

34

31:34
Jer. 24:7Yes. 11:9
Joh. 6:45
A hu tsha ḓo vha na a no ḓo funza muṅwe

kana murathu wawe a ri,

‘Ḓivha Muṋe washu!’;

vhoṱhe vha vho ḓo nnḓivha,

u thoma nga muṱuku u swika nga muhulwane.

Ndi uri ndi ḓo vha hangwela vhutshinyi havho

nda si tsha vhu elelwa.

Ho amba Nṋe Yahavee.”

35

31:35
Gen. 1:16
31:35-36
Jer. 33:20-21
Muṋe washu o vhea ḓuvha uri ḽi vhonetshele masiari,

o vhudza ṅwedzi na ṋaledzi uri zwi penye vhusiku;

u ritha lwanzhe uri magabelo alwo a unge –

u pfi Muṋe washu Mulangazwoṱhe, u ri,

36“Arali milayo heyo ya ḓuvha na ṋaledzi

i tshi ḓo thuthwa

nda si tsha zwi vhona,

ndi hone ndi sa tsha ḓo vhona vhaḓuhulu vha Israele

vhe lushaka.

37

31:37
Mir. 30:4Yes. 40:12-16
Arali lutombo hangei nṱha lwa kona u eliwa,

muteo wa ḽifhasi ngei fhasi wa tandulwa,

ndi hone na Nṋe ndi tshi nga landula

vhaḓuhulu vha Israele

nga mulandu wa zwoṱhe zwe vha ita.”

Ho amba Muṋe washu.

U vuswa ha Jerusalema

38

31:38-40
Zak. 14:10-11
31:38
Neh. 3:1
2 Mah. 14:13
Muṋe washu u ri, “Hu khou ḓa maḓuvha ane nda ḓo ḓivusela muḓi hoyu wa Jerusalema, u bva Thawarani ya Hananele u swika Khoroni ya Khuḓani. 39Mukano u ḓo thoma henefho wa swika tshivhangani tsha Garebe wa livha Gua. 40
31:40
Jer. 7:31-32
Juele 3:17,20
31:40c
Jer. 1:10
Govha ḽoṱhe hune ha laṱwa vhafu na milora, na zwalo zwoṱhe u swika Govha ḽa Kidroni nga vhubvaḓuvha u swika nga khuḓa ya Khoro ya Bere, hu ḓo vha hukhethwa ha Yahavee. Muḓi a u tsha ḓo phusulwa, a u tsha ḓo lozwiwa.”