Tshivenda 1998 (VEN98)
28

Hanania, muporofita wa khole-khole

281

28:1-17
Jer. 14:13-15
28:1
Jer. 1:3
Nga ṅwaha wonoyo, Tsedekia khosi ya Juda a tshi kha ḓi bva u thoma u vhusa, nga ṅwedzi wa vhuṱanu wa ṅwaha wa vhuṋa, muporofita Hanania ṅwana wa Asuru, we a vha a tshi bva Gibioni, a nngwana ndi nḓuni ya Muṋe washu hu na vhotshifhe na vhathu vhoṱhe, a amba na nṋe a ri, 2
28:2
Jer. 27:8
“Muṋe washu Mulangazwoṱhe Mudzimu wa Israele u ri, ‘Ndi ḓo vunḓa dzhogo ya khosi ya Babele. 3
28:3
Jer. 27:16-18
Hu sa athu fhela miṅwaha mivhili ndi ḓo humisa thundu dza nnḓu ya Muṋe washu nda dzi ḓisa hafhano, hedziḽa dze Nebukhadnetsara khosi ya Babele a dzi hwala hafhano a dzi isa Babele. 4
28:4
Jer. 22:24-27
Na khosi ya Juda, Jehoyakhini ṅwana wa Jehoyakimu ndi ḓo mu vhuedzedza hafhano, na mathubwa oṱhe a bvaho Juda e a hwalwa a iswa Babele; ndi ḓo vunḓa dzhogo ya khosi ya Babele. Ho amba Nṋe Yahavee.’ ”

5Ndi hone muporofita Jeremia a tshi fhindula muporofita Hanania a tshi pfiwa nga vhotshifhe na vhathu vhoṱhe vhe vha vha vho ima ngomu nḓuni ya Muṋe washu. 6A ri, “Amen! Ngavhe Muṋe washu a tshi ita nga u ralo! Ngavhe Muṋe washu a tshi khunyeledza maipfi e na a porofita! Ngavhe a tshi dzhia thundu ya nnḓu ya Muṋe washu ngei Babele a i vhuedzedze fhano khathihi na mathubwa oṱhe. 7Huno thetshelesani zwine nda ḓo amba inwi na vhathu vhoṱhe ni tshi zwi pfa, ndi ri: 8

28:8
Jer. 26:18Jer. 14:12
Vhaporofita vhe vha ri ranga phanḓa nṋe na inwi, tsha kale-kale vho ḓi porofita a nndwa na khombo na dwadze zwe zwa pfi zwi ḓo wela mashango manzhi na mivhuso mihulu. 9
28:9
Dot. 18:22
Hone muporofita ane a porofita uri hu ḓo vha na mulalo, u ḓo pfi nangoho o ruṅwa nga Muṋe washu arali zwe a ḓivhadza zwa itea.”

10Ndi hone muporofita Hanania a tshi rula dzhogo i re mutsingani wa muporofita Jeremia a i vunḓekanya, 11

28:11
Jer. 27:8
a amba a tshi pfiwa nga vhathu vhoṱhe a ri, “Muṋe washu u ri, ‘Ndi ḓo vunḓekanya dzhogo ya Nebukhadnetsara khosi ya Babele nga u ralo, nda i rula mutsingani wa tshakha dzoṱhe hu sa athu fhela miṅwaha mivhili.’ ” Ndi hone muporofita Jeremia a tshi ḓiṱutshela.

12

28:12
Jer. 42:7
Musi muporofita Hanania a tshi kha ḓi bva u vunḓa dzhogo ye a i rula mutsingani wa muporofita Jeremia, ipfi ḽa Muṋe washu ḽa ḓa ha Jeremia ḽa ri, 13“Iyo vhudza Hanania u ri, ‘Yahavee u ri: Wo vunḓa dzhogo ya thanda, vhudzuloni hayo u ḓo wana dzhogo ya tsimbi. 14
28:14
Dot. 28:48
Jer. 27:6
Nṋe Yahavee Mulangazwoṱhe Mudzimu wa Israele ndi ri: Tshakha dzoṱhe hedzi ndi ḓo dzi hwesa dzhogo ya tsimbi mitsingani nda dzi ita phuli dza Nebukhadnetsara khosi ya Babele, dzi ḓo mu shumela. Ndi ḓo ita uri a vhuse na dzone phukha dza ḓaka!’ ”

15

28:15
Jer. 14:13-15
Ndi hone muporofita Jeremia a tshi ya a vhudza muporofita Hanania a ri, “Inwi Hanania thetshelesani! A no ngo rumiwa nga Muṋe washu, nangwe zwo ralo no ita uri lushaka holu lu fulufhele mazwifhi. 16
28:16
Jer. 29:32
Dot. 13:6
Zwenezwo, Muṋe washu u ri, ‘Ndi ḓo ṱuwa ndi tshi u sudzulusa shangoni. Ṋaṅwaha u ḓo fa, nge wa funzedza vhathu u shandukela Nṋe Yahavee.’ ”

17

28:17
Dot. 18:20
2 Mah. 1:17
7:19-20
Nga ṅwedzi wa vhuṱanu na vhuvhili wa ṅwaha wonoyo, muporofita Hanania a mbo ḓi fa.

29

Luṅwalo lwe Jeremia a ṅwalela mathubwa

291Ngolu luṅwalo lwe Jeremia a lu ṅwala e Jerusalema a tshi ṅwalela vhahulwane vhe vha vha vhe mathubwa-vho, na vhotshifhe na vhaporofita na vhathu vhaṅwe vhoṱhe vhe Nebukhadnetsara a vha hwala vha tshi bva Jerusalema a vha isa vhuthubwani Babele. 2

29:2
Jer. 22:24-2728:4
(Khosi Jehoyakhini na mme awe na vhahulwane vha khoro na vharangaphanḓa vha Juda na Jerusalema, na vhatsila na vhafhaṱi vho vha vho no pfuluswa Jerusalema vha iswa vhuthubwani.) 3
29:3
Jer. 26:24
Luṅwalo ulwo o lu ṋea Elasa ṅwana wa Shafani e na Gemaria ṅwana wa Hilikia, musi Tsedekia khosi ya Juda a tshi vha ruma ha khosi Nebukhadnetsara e Babele. Lwo ri:

4“Muṋe washu Mulangazwoṱhe Mudzimu wa Israele u amba na vhoṱhe vhe a vha hwala Jerusalema a vha isa vhuthubwani Babele, u ri, 5‘Fhaṱani dzinnḓu ni dzule; limani masimu ni ḽe zwine na vhibvisa khao. 6

29:6
Jer. 30:19
Vhingani ni bebe vhana; vhana vhaṋu vha vhatuka vha ṱoḓeleni vhasidzana, vha vhasidzana ni vha dzekise, uri na vhone vha bebe vhana. Andani henefho, ni songo fhungudzea. 7
29:7
Esra 6:10
Ni shumele uri muḓi we nda ni hwala nda ni isa khawo u vhe na mulalo zwi u nakele. Nthabeleni uri ndi u tonde, ngauri zwa u nakela, na inwi zwi ḓo ni nakela.’ 8
29:8-9,15
Jer. 14:13-15
Ee, Muṋe washu Mulangazwoṱhe Mudzimu wa Israele u ri, ‘Ni songo tenda u fhurwa nga vhaporofita na vhabvumbi vhane na dzula navho. Ni songo thetshelesa miloro ine na vha ṱuṱuwedza uri vha i lore; 9vha khou ni porofitela mazwifhi nga dzina ḽanga. A tho ngo vha ruma. Ho amba Nṋe Yahavee.’

10

29:10-14
Jer. 23:3
29:10
Jer. 25:11
“Muṋe washu u ri, ‘Hu ḓo ri ho no fhela miṅwaha ya 70 ni Babele, nda ḓa nda khunyeledza ḽivhuya ḽe nda ni fulufhedzisa nda ri ndi ḓo ni vhuedzedza hafhano fhethu. 11
29:11
Jer. 24:4-6
31:17
32:40
Zwe nda ni dzudzanyela ndi a zwi ḓivha, ndo dzudzanya uri zwi ni nakele, hu si uri ndi ni huvhadze, ndo ni dzudzanyela zwi no ḓo ni ṋea fulufhelo, na nga tshifhinga tshi ḓaho na ḓi wanala ni hone. 12
29:12
Ps. 50:15
Am. 5:4,6
Hos. 2:16-20
Ndi hone ni tshi ḓo mmbidzelela na ḓa na nthabela, Nṋe nda ni thetshelesa. 13
29:13-14
Dot. 4:29
2 Koron. 15:4
Yes. 55:6
Ni ḓo nṱoda na nngwana, ngauri ni ḓo nṱoḓa nga mbilu yoṱhe. 14Ni ḓo nngwana, nda ni bvisa vhupulini nda ni vhuisa. Ndi ḓo ni bvisa kha tshakha dzoṱhe na fhethu hoṱhe he nda vha ndo ni thathela hone, nda ni kuvhanganya nda ni humisela fhethu he nda ni hwala hone ndi tshi ni isa vhuthubwani.’

15“Ni nga ḓi ri, ‘Muṋe washu o ri vusela vhaporofita ri Babele.’ 16

29:16-18
Jer. 24:3-10
Hone Muṋe washu a tshi amba nga khosi yo dzulaho kha khuluṋoni ya Dafita na vhathu vhoṱhe vho salaho muḓini hoyu, vhathu vha haṋu vha songo yaho na inwi vhuthubwani – 17
29:17-18
Jer. 14:12
ee, Muṋe washu Mulangazwoṱhe u ri, ‘Ndi ḓo vha ḓisela pfumo na nḓala na dwadze, nda vha ita unga mahuyu o sinaho o tshinyalaho lune a sa tsha ḽea. 18Ndi ḓo vha pandamedza nga pfumo na nḓala na dwadze nda ita uri mivhuso yoṱhe ya shango i tshenuwe i tshi vhona zwe nda vha ita, vha vha ṱano ḽa u teketelwa na zwi ofhisaho, na u nyadziwa na u shona vhukati ha tshakha dzoṱhe hune nda ḓo vha balanganyela hone. 19
29:19
Jer. 7:25
Zwi ḓo ralo nge vha si thetshelese maipfi anga, maipfi e nda a swikisa khavho nga vhaḓinḓa vhanga vhaporofita nda ḓi dovha.’ ”

U ralo Muṋe washu.

20“Zwenezwo inwi mathubwa noṱhe vhe Muṋe washu a ni pfulusa Jerusalema a ni isa Babele, ipfani ipfi ḽa Muṋe washu. 21Muṋe washu Mulangazwoṱhe Mudzimu wa Israele a tshi amba nga Ahabu ṅwana wa Kolaya na nga Tsedekia ṅwana wa Maaseya vhane vha khou ni porofitela mazwifhi nga dzina ḽawe u ri, ‘Ndi ḓo vha kumedza Nebukhadnetsara khosi ya Babele, a vha vhulaha ni tshi zwi vhona. 22

29:22
Jer. 24:9
Mathubwa oṱhe a no bva Juda a re Babele vha tshi teketela muthu vha ḓo mu teketela nga madzina avho vha ri: Ngavhe Yahavee a tshi u ita zwe a ita Tsedekia na Ahabu, vhe khosi ya Babele ya vha fhisa nga mulilo. 23
29:23
Jer. 23:9-40
Ndi uri vho ita zwi shonisaho kha ḽa Israele; vho ita vhupombwe na vhasadzi vha vhaṅwe, vha dovha vha zwifha nga dzina ḽanga, vha amba zwe nda si vha vhudze. Nṋe ndi a zwi ḓivha, ndi ṱhanzi yazwo.’ U ralo Muṋe washu.”

Luṅwalo lwe lwa ṅwalelwa Shemaya

24

29:24-25
Jer. 21:1
Muṋe washu o ri ndi vhudze Shemaya wa Nehelamu ndi ri, 25“Yahavee Mulangazwoṱhe Mudzimu wa Israele u ri, ‘Wo ṅwalela vhathu vhoṱhe vha Jerusalema maṅwalo nga dzina ḽau, wa ṅwalela na Tsefania ṅwana wa Maaseya tshifhe, wa ṅwalela na vhotshifhe vhoṱhe, wa ri: 26
29:26
Jer. 20:2
Yahavee o nanga iwe uri u vhe tshifhe vhudzuloni ha Jehoyada, uri u lange nnḓu ya Muṋe washu; zwo u fanelaho ndi uri u ite uri ane a ḓipengisa a ḓiita muporofita u mu pate nga matanda u mu vhofhe mukulo nga tsimbi. 27Zwino ndi mini u songo kaidza Jeremia a no bva Anathotho, ane a ḓiita muporofita vhukati haṋu? 28O ruma muthu ri ngeno Babele a ḓa a ri vhudza a ri: Zwi ḓo ita tshifhinga tshilapfu. Zwenezwo fhaṱani dzinnḓu ni ḓidzulele, limani masimu ni ḽe zwine a vhibvisa.’ ”

29Tshifhe Tsefania a vhalela muporofita Jeremia ulwo luṅwalo. 30Ndi hone ipfi ḽa Muṋe washu ḽi tshi ḓa ha Jeremia ḽa ri, 31

29:31
Jer. 29:8-9,15
“Ḓivhadza mathubwa oṱhe mafhungo haya u ri, ‘Yahavee a tshi amba nga Shemaya wa Nehelamu u ri: Nge Shemaya a ni porofitela mazwifhi, nangwe ndi songo mu ruma, a ita uri ni ḓitike nga mazwifhi, 32
29:32
Jer. 28:16
Yahavee u ri: Ngoho ndi ḓo rwa Shemaya wa Nehelamu na vhana vhawe. Vhathu vha hawe a hu tsha ḓo sala na muthihi, na zwivhuya zwine nda ḓo itela vhathu vhanga ha nga zwi vhoni, nge a ṱuṱuwedza vhathu uri vha ntshandukele. Ho amba Nṋe Yahavee.’ ”

30

Zwe Muṋe washu a fulufhedzisa vhathu vhawe

(30 – 31)

Vhaisraele vha tshi vhuya vhuthubwani

301

30:1-2
Jer. 36:2,28
51:59-60
Muṋe washu o amba na Jeremia a ri, 2“Yahavee Mudzimu wa Israele u ri, ‘Zwoṱhe zwe nda u vhudza zwi ṅwale buguni. 3
30:3
Jer. 23:3
Hu khou sendela maḓuvha ane nda ḓo bvisa vhathu vhanga Israele na Juda vhuthubwani nda vha vhuedzedza shangoni ḽe nda ḽi ṋea vhokhotsi avho uri ḽi vhe ḽavho. Ho amba Nṋe Yahavee.’ ”

Vhathu vha ḓo tshidzwa vhó thoma u tambudzwa

4Khea mafhungo e Muṋe washu a vhudza vhathu vha Israele na Juda: 5Muṋe washu u ri,

“Ndo pfa mukosi wa vha ofhaho,

mukosi wa nyofho u si wa mulalo.

6

30:6
Jer. 4:31
Zwino edzonu elekanya!

Muthu wa munna a nga vhofholowa a beba ṅwana naa?

Zwino khezwi ndi tshi vhona munna muṅwe na muṅwe

o farelela tshiḽelo

unga musadzi a tshi khou pfa vhuṱungu

a tshi ṱoḓou vhofholowa?

Khezwi muṅwe na muṅwe o tswukuluwa lwa u fa?

7

30:7-8
Am. 5:18-20Yes. 2:12-21
Tsef. 1:14-18
Dan. 12:1
Ḓuvha iḽo ḽi ḓo ofhisa hani!

A hu tsha ḓo vha na ḽi no fana naḽo.

Ndi tshifhinga tshine Jakopo a ḓo welwa nga khombo.

Hone u ḓo ponyokiswa khazwo.”

8

30:8
Jer. 27:12-15
28:10-14
Liv. 26:13
Yes. 10:27
14:25
Esek. 34:27
Nah. 1:13
Muṋe washu Mulangazwoṱhe u ri, “Ḓuvha ḽeneḽo ndi ḓo vunḓa dzhogo i re mitsingani yavho, nda ṱhukhula mbofho dzo vha vhofhaho; a vha tsha ḓo itwa phuli nga vhatsinda. 9
30:9
Ek. 19:6
Luk. 1:73-74
Jer. 23:5Hos. 3:5
Tshavho hu ḓo vha u shumela Nṋe Yahavee Mudzimu wavho na Dafita khosi yavho ane nda ḓo vha vhumbela.

10

30:10-11
Jer. 46:27-28
Yes. 41:8-13
30:10
Jer. 42:11
Yes. 41:10Jer. 1:8Liv. 26:6
Esek. 34:28
“Iwe Jakopo mulanda wanga, u songo ofha tshithu;

Israele, u songo hanganea.

Ndi ḓo u lamulela nda u bvisa shangoni ḽa kule,

nda bvisa vhaḓuhulu vhau shangoni ḽe vha thubelwa khaḽo.

Jakopo u ḓo dovha a vha na mulalo a pfa a si tsha ofha tshithu,

shango ḽi ḓo lala,

a hu na a no ḓo mu ofhisa.

11

30:11
Yes. 43:5
Jer. 4:27
Ndi na iwe, ndi ḓo u tshidza.

Naho tshakha dze nda ni balanganyela khadzo ndi tshi ḓo dzi lozwa tshoṱhe,

iwe ndi nga si u lozwe tshoṱhe.

Ndi ḓo u laya nga khaṱhulo mbuya,

a thi nga u litshi u tshi bva ú songo wana ṱhamu.

Ho amba Nṋe Yahavee.”

Muṋe washu nga eṱhe u ḓo fhodza mbonzhe dza Israele

12

30:12,15
Jer. 10:19
Muṋe washu a tshi amba na vhathu vhawe u ri,

“Mbonzhe dzau a dzi lafhei, fuvhalo ḽau a ḽi fhodzei.

13A hu na ane a u imelela khoroni;

a hu na mushonga une wa nga fhodza

mbonzhe dzau, a u lafhei.

14

30:14
Jer. 4:30Zwililo 1:2,19
Vhafunwa vhau vhoṱhe vho u hangwa;

a vha u londi.

Ndo u dia zwa nga wo diwa nga swina,

ndo u pfisa vhuṱungu zwa nga u khou vhu pfiswa

nga wa tshiṱuhu,

ndi nge milandu yau ya hula na vhutshinyi hau ha anda.

15Ndi mini u tshi lilela mbonzhe dzau,

mafuvhalo a sa lafhei?

Ndo u ita zwithu hezwo nge milandu yau ya hula,

vhutshinyi hau ha anda.

16

30:16
Jer. 10:25Yes. 33:1
Hone vhoṱhe vhane vha u mila vha ḓo milwa,

maswina au oṱhe a ḓo iswa vhuthubwani.

Vhane vha u ṱangula vha ḓo ṱangulwa-vho

vhoṱhe vhane vha u kandeledza vha ḓo kandeledzwa-vho.

17

30:17
Jer. 8:22
Ndi ḓo dovha nda u fhodza nda lafha mbonzhe dzau,

ngauri u pfi Mulaṱwa,

Tsioni i sa londwi nga muthu.”

Muvhuso wa Juda u ḓo dovha wa vuswa

18

30:18
Jer. 29:13-14
Muṋe washu u ri,

“Ndi ḓo humisela vhaḓuhulu vha Jakopo

shangoni ḽavho,

nda khathutshela muṱa

muṅwe na muṅwe.

Muḓi u ḓo dovha wa vuswa shubini ḽawo,

na pfamo ya dovha ya ima fhethu hayo ho teaho.

19

30:19
Jer. 29:6
23:3Liv. 26:9
Esek. 36:8-11,37-38
37:26
Henefho hu ḓo pfala nyimbo dza ndivhuho,

ha dovha ha pfala na vhathu vha tshi sea.

Ndi ḓo vha andisa,

a vha nga fhungudzei;

ndi ḓo ita uri vhathu vha vha hulise,

a vha nga nyadzwi.

20

30:20
Jer. 2:3
Vhana vhavho vha ḓo nga vha maḓuvha a kale,

nda dovha nda vha imisa vho khwaṱha,

vhoṱhe vhane vha vha kandeledza ndi ḓo vha laṱisa.

21

30:21
Dot. 17:15
Zak. 10:4
Num. 8:19
Vha ḓo vha na murangaphanḓa a re muṅwe wavho;

muvhusi wavho u ḓo bva khavho.

Ndi ḓo mu ḓisa tsini a sendela tsini hanga,

ngauri ndi nnyi ane a nga luma mbilu

a ntsendela nga eṱhe?

22

30:22
Jer. 7:23
Zwenezwo ni ḓo vha vhathu vhanga,

Nṋe nda vha Mudzimu waṋu.”

23

30:23-24
Jer. 23:19
Vhonani, ḓumbu ḽa Muṋe washu ḽi ḓo tita nga mbiti,

ṱhoho dza vhavhi dzi ḓo vhudzulwa nga muya u ofhisaho wó sinyuwa.

24Mbiti dza Muṋe washu dzi ofhisaho

dzi nga si hume

a vhuye a khunyeledze zwe a humbula.

Hezwi zwithu vhathu vhawe vha ḓo zwi ṱalukanya ngavhuya.