Tshivenda 1998 (VEN98)
20

201Musi tshifhe Phashuru ṅwana wa Imere, muingameli muhulwane thembeleni ya Muṋe washu, a tshi pfa Jeremia a tshi porofita zwithu izwo, 2

20:2
Jer. 29:26
a ita uri muporofita Jeremia a rwiwe, a patwe nga matanda Khoroni ya Nṱha ya Benyamini thembeleni ya Muṋe washu. 3
20:3
Jer. 6:26
Ḽi tshi tsha Phashuru a mu patulula, Jeremia a mu vhudza a ri, “Dzina ḽine Muṋe washu a u rina a si Phashuru, u vho pfi ‘Nyofho-thungo-dzoṱhe’. 4Muṋe washu u ri, ‘Ndi ḓo u rwa lu ofhisaho, lune wa ḓo ofha khathihi na khonani dzau dzoṱhe; u ḓo tou vha vhona nga au maṱo musi maswina avho a tshi vha fhedza nga pfumo. Juda ḽoṱhe ndi ḓo ḽi kumedza khosi ya Babele, a vha hwala a vha isa Babele kana a vha vhulaha nga pfumo. 5
20:5
Yes. 39:6
Lupfumo lwoṱhe lwa muḓi hoyu ndi ḓo lu ṋea maswina avho – zwibveledzwa zwawo zwoṱhe, zwoṱhe zwa mutengo muhulu na lupfumo lwoṱhe lwa mahosi a Juda. Vha ḓo zwi thuba vha ṱuwa nazwo vha zwi isa Babele. 6Huno iwe Phashuru na vhoṱhe vha no dzula nḓuni yau ni ḓo ya vhuthubwani Babele. U ḓo fela henengei wa swiṱwa hone, iwe na khonani dzau dzoṱhe dze wa dzi porofitela mazwifhi.’ ”

Mbilaelo ya Jeremia

7

20:7-18
Jer. 11:18-23
20:7b
Zwililo 3:14
Iwe Muṋe washu wo mphura nda mbo ḓi fhurea;

wo nkunda,

nungo dzau dzi fhira dzanga.

Zwino ndi vho ṱwa ndi tshi nzhonzhowedzwa,

vhoṱhe vha a nkolela.

8Ndi tshi amba,

ndi huwelela nda ri,

“Vha a huvhadzana, vha a lozwana!”

Zwenezwo ipfi ḽa Muṋe washu ḽi ṱwa ḽi tshi nnyadzisa

ḽi tshi ntsemisa ḓuvha ḽoṱhe.

9

20:9
Jer. 5:146:11
Jobo 32:18-20
Am. 3:8
Jonasi 1:3
Hone arali nda ri,

“Muṋe washu a thi tsha ḓo mu humbula,

a thi tsha ḓo amba nga dzina ḽawe,”

ipfi ḽawe ḽone mbiluni yanga ḽi nga mulilo u dugaho

wo shatelwaho maramboni anga.

Ndo neta nga u ḽi dzumba ngomu hanga, zwa kunda.

10

20:10
Jer. 6:25Ps. 31:13
Mar. 3:2
Luk. 20:20
Ndi pfa mahevhehevhe a vhanzhi ndi tshi vho pfi,

“Vho-Nyofho-thungo-dzoṱhe”

vha ri, “Nga a hwelelwe!”

Ha pfi, “Ndi zwone,

nga ri mu hwelele!”

Na dzone khonani dzanga dzo lindela ndi tshi redzemuwa,

vha ri,

“Khamusi u ḓo kanda tshikwekwe;

ndi hone ri tshi ḓo mu kona ra mu lifhedza.”

11

20:11-12
Jer. 17:18
20:11
Ps. 40:14
24:8
Hone Muṋe washu u ima na nṋe unga muhali a ofhisaho;

zwenezwo vhatovholi vhanga vha ḓo khukhulwa,

a vha nga koni tshithu.

Vha ḓo kundwa vha shona tshoṱhe;

u nyadziwa havho a hu nga vhuyi ha hangwiwa.

12

20:12
Jer. 11:20
Iwe Muṋe washu Mulangazwoṱhe,

Iwe ane wa ṱola vha fulufhedzeaho,

wa sedza mbilu na mihumbulo yo dzumbamaho,

kha ndi vhone u tshi vha lifhedza;

nndwa yanga ndo i kumedza Iwe.

13

20:13
Jer. 15:21Ps. 9:12
Haleluya! Imbelani Muṋe washu!

U lamukisa muheḓana zwanḓani zwa maswina awe.

14

20:14
Jer. 15:10
Jobo 3
Nga hu teketelwe ḓuvha ḽe nda bebwa ngaḽo!

Ḓuvha ḽe mme anga vha mmbeba ngaḽo

ḽi songo pfi ḽa mashudu!

15Nga hu teketelwe munna we a ḓivhadza khotsi anga

ayo mafhungo,

a vha takadza a tshi ri,

“Vho bebelwa ṅwana wa mutukana!”

16

20:16
Yes. 6:11
Am. 4:11
Onoyo munna ngavhe a tshi nga miḓi ya Sodoma na Gomora

ye Muṋe washu a i phusukanya a sa i khathutsheli.

Ngavhe a tshi pfa tshililo nga matsheloni,

na mukosi wa nndwa masiari tshivhangalala.

17Ndi mini a songo mmbulahele thumbuni,

mme anga vha vha tshalo tshanga,

vha dzula vho vhifha muvhilini.

18

20:18
Jer. 12:1Jobo 3:20
Ndi mini ndo vhuya nda bva thumbuni

nda vhona khombo na maṱungu,

nda ṱwa ndo shona nda vhuya nda fa?