Tshivenda 1998 (VEN98)
2

Lufuno lwa Israele lwa misi ya kale

21Ipfi ḽa Muṋe washu ḽo ḓa kha nṋe ḽa ri, 2

2:2
Dot. 2:7
Hos. 2:14-15
“Iyo ḓivhadza hune vha Jerusalema vha zwi pfa, u ri, ‘Yahavee u ri:

“ ‘Ndi elelwa zwe wa vha u tshi fulufhedzea

u tshee nga hau.

Wo mpfuna unga muselwa,

wa ntevhela u tshi buḓekanya phanga,

shangoni ḽi sa liṅwi.

3

2:3
Ek. 23:19
Israele o vha e wa Yahavee fhedzi,

unga zwiranzhe zwa khaṋo yawe;

vhoṱhe vhe vha mu huvhadza vho vhonwa mulandu,

vha welwa nga khombo. Ho amba Nṋe Yahavee.’ ”

U sa fulufhedzea ha Israele

4Ipfani ipfi ḽa Muṋe washu,

inwi vhaḓuhulu vha Jakopo,

na inwi vha nnḓu dzoṱhe dza Israele.

5

2:5
Dot. 32:4-6
Hos. 9:10
Ps. 115:8
Muṋe washu u ri,

“Vhokhotsi aṋu vho wana ndi na mulandu-ḓe

vha tshi vhuya vha mpfuralela?

Vho kungwa nga midzimu ya zwifanyiso i si tshithu,

na vhone vha sala vha si tshee tshithu.

6

2:6
Dot. 32:10-12
A vho ngo vhuya vha vhudzisa vha ri,

‘Muṋe washu u ngafhi,

Ene we a ri bvisa Egipita,

a ri endedza ra buḓekanya masoga,

ra buḓekanya shango ḽa phanga na phara,

shango ḽa gomelelo na swiswi ḽi ofhisaho,

shango ḽi sa tshimbili muthu,

ḽi sa dzuli muthu?’

7

2:7
Jer. 3:2,9
Yes. 24:5
Ndo ni ḓisa shangoni ḽo vhibvelaho uri ni ḽe mitshelo yaḽo

na zwivhuya zwaḽo.

Huno inwi no ḓa na shata shango ḽanga tshika,

ifa ḽe nda ni ṋea na ḽi ita zwi nengisaho.

8

2:8
Jer. 5:31
14:13-1518:18
Zwililo 4:13
Hos. 4:4-10
Mika 3:11
Mal. 2:1-9
Vhotshifhe a vho ngo vhuya vha vhudzisa vha ri,

‘Yahavee u ngafhi?’

Vhafunzi vha maṅwalo a vho ngo nnḓivha;

vharangaphanḓa vho ntshandukela.

Vhaporofita vho porofita nga dzina ḽa Baali,

vha luvha zwithu zwi sa tshidzi.”

Muṋe washu a tshi vhea vhathu vhawe mulandu

9“Zwenezwo Nṋe Yahavee,

ndi dovha u ni sengisa,

nda sengisa na vhana vha vhana vhaṋu.

10

2:10-11
Jer. 18:13
Pfukelani zwiṱangadzimeni zwa vhukovhela ni sedze;

rumani muthu shangoni ḽa Kedara vhubvaḓuvha, a sedzese,

ni vhone arali ho vhuya ha itea zwo raloho.

11

2:11
Ps. 106:20
Yes. 42:17
Ho no vhuya ha vha na lushaka lwe lwa laṱa midzimu yalwo lwa ṱoḓa miṅwe?

Hone yone na u vha midzimu a si midzimu.

Fhedzi vhathu vhanga vho laṱa Nṋe Vhugala havho

vha ḓiṱoḓela miṅwe midzimu i si tshithu.

12

2:12
Dot. 32:1
Yes. 1:2
Mika 6:1-2
Iwe ḽiṱaḓulu, u tshi zwi vhona,

ofha u tetemele!

13

2:13
Jer. 1:16
2:17,19
5:7,19
17:13
Vhathu vhanga vho ita zwivhi zwivhili:

vho furalela Nṋe tshisima tsha maḓi a seluwaho,

vha ḓivhumbela nkho dzi re na mitwe

dzi sa koni u fara maḓi.”

Zwo welaho Vhaisraele nga u sa fulufhedzea havho

14“Israele ndi mushumeli naa?

O bebwa e phuli naa?

Zwino u ṱangulelwani?

15

2:15
Jer. 4:7
Ndau dzo kuma,

dzo tou mu vhombela.

Shango ḽawe vho ḽi shandula soga;

miḓi yawe yo phusukanywa,

a i tshee na muthu.

16Vhanna vha Memfisi na Thaphanese vho vheula ṱhoho yau.

17

2:17,19
Jer. 2:13
Izwi a wo ngo tou ḓivhangela

nga u furalela Yahavee Mudzimu wau

zwiḽa a tshi khou u tshimbidza nḓilani?

18

2:18
Jer. 2:36-37
17:5
Yes. 30:1-7Esek. 29:6-7
Hos. 5:13
Zwino u ḓo wanani u tshi tsela Egipita

wa yo nwa maḓi a Nile?

U yo nwa maḓi a mulambo wa Yufuratha

shangoni ḽa Ashuru,

zwi ḓo u farisani?

19

2:19
Jobo 28:28
Vhuvhi hau vhu ḓo u pfisa vhuṱungu;

u nndaṱa hau hu ḓo u vhea mulandu.

Edzou vhona uri zwo vhifha hani,

zwi vhavha hani,

u tshi furalela Yahavee Mudzimu wau,

wa si tsha nnyofha.

Ho amba Nṋe Muṋe wa zwoṱhe Yahavee Mulangazwoṱhe.”

Vhaisraele vho ḓikumedza Baali

20

2:20
Jer. 2:23-25,31
3:135:5
13:23,27
Yes. 1:21
Hos. 1:2
Muṋe washu Muṋe wa zwoṱhe u ri,

“Tsha kale na kale wo ḓi vunḓa dzhogo,

wa ṱhukhula nnzwa dzo u vhofhaho,

wa hana u ntshumela,

wa ṱanama mivhunduni yoṱhe

na fhasi ha miri yoṱhe yo adzaho,

wa ita vhupombwe ha u luvha midzimu.

21

2:21
Jer. 5:10
6:9
12:10
Ps. 80:8
Yes. 5:1-7Esek. 15:1-8Hos. 10:1
Ndo vha ndo u sima unga munḓirivhe wavhuḓi

u no bva kha mbeu yone-yone.

Zwino ndi mini wo ntshandukela wa vha munḓirivhe wa ḓaka u dungaho?

22

2:22
Jer. 17:1
Nangwe wa ṱamba nga soda na tshisibe tshinzhi-tshinzhi,

ndi vhona u tshee wo khakhaṱhela mulandu.

23

2:23
Jer. 7:31
U nga amba hani-hani wa ri,

‘A tho ngo ḓishata dzitshika,

a tho ngo luvha Baali’?

Edzou vhona uri ngei Govhani ḽa Hinomu

wo vha u tshi tshila hani.

Edzou elekanya zwe wa ita.

U gamela ya tsadzi ya luvhilo i no gidimela ngei na ngei,

24unga mbiḓi yo ḓowelaho phanga

i tshi fembedza muya une ya u lilela;

yó siama i nga langwa nga nnyi?

Mboho dzine dza i ṱoḓa a dzi ṱwi dzi tshi ḓinetisa;

dzi i wana nga tshifhinga tsho teaho.

25

2:25
Jer. 22:21
U vhone u sa ḓo ṱahadza zwienda zwau,

wa oma mikulo nga ḓora nga u sala midzimu murahu.

Huno iwe wo ri, ‘Ndi nga zwi ita hani?

Midzimu isili ndi a i funa,

ndo fanela u i tevhela.’

Muṋe washu ha luvhiwi musi wa khombo fhedzi

26“Nnḓu ya Israele yo shona unga fobvu ḽi tshi ri u farwa ḽa shona. Ho shona vhone na mahosi avho na vhahulwane vhavho na vhotshifhe vhavho na vhaporofita vhavho. 27

2:27-28
Jer. 10:3-5
2:27
Jer. 3:43:9
Dot. 32:6
Nṋe vho mpfuralela tshoṱhe, vha amba na thanda vha ri, ‘U khotsi anga,’ vha vhudza tombo vha ri, ‘Wo mmbeba.’ Hone musi vho welwa nga khombo vha vho nṱavhela mukosi vha ri, ‘Iḓa u ri tshidze!’

28

2:28
Jer. 11:12-13
Dot. 32:37-38
“Zwino midzimu heyo ye na ḓiitela i ngafhi? Arali i tshi kona nga i ḓe i ni tshidze khomboni. Iwe Juda, hufha hu si na muḓi wau u si na mudzimu wawo. 29Ndi mini ni tshi vho pomoka Nṋe? Hufha no ntshandukela noṱhe. 30
2:30
Jer. 5:3
2 Mah. 21:16
Neh. 9:26
Ndi tshi rwa vhana vhaṋu ho vha u sokou ḓinetisa, a vho ngo laṱa. Pfumo ḽaṋu ḽo ḽa vhaporofita vhe nda ni rumela unga ndau yo halifhaho.”

Vha Juda vho hangwa Mudzimu wavho

31

2:31
Jer. 2:20
5:23
14:10
Thetshelesani zwine Muṋe washu a amba, u ri, “Kani-ha Vhaisraele vho vhona ndi tshi nga soga khavho, kana vha vhona ndi tshi nga shango ḽa swiswi ḽihulu? Inwi vhathu vhanga ndi mini ni tshi ri, ‘Ri tendeleka hune ra funa, a ri tsha humela ha Iwe’? 32
2:32
Jer. 13:25
18:15
Dot. 8:19
Musidzana u a hangwa vhulungu hawe naa? Muselwa a nga hangwa tshiambaro tshawe tsha mbingano? Huno vhathu vhanga vho no fhedza maḓuvha vho nkhangwa. 33
2:33
Jer. 2:20
Ni zwi kona hani u tevhela zwa lufuno lwaṋu! Na musadzi a sa ḓivhalei ni nga ḓi mu gudisa vhuaḓa nga maitele aṋu. 34
2:34
Ek. 22:2
Nguvho dzaṋu dzo khakhaṱhela malofha a vhashai vha si na mulandu; nahone a no ngo vha wana vha tshi khou pwasha uri vha dzhene nḓuni. Naho zwo ralo 35ni ri, ‘A thi na mulandu; Yahavee ho ngo ntsinyutshela.’ Hone ndi ḓo ni haṱula nga zwenezwo zwine na amba na ri, ‘Thi na tshe nda tshinya.’ ”

Milanga i sa fheli

36

2:36-37
Jer. 2:18
Khefha ni tshi tshimbilesa ni tshi ṱanganya dzinḓila? Ni ḓo laṱedzwa nga Egipita sa zwe na itwa nga Ashuru. 37Ni ḓo ṱuwa hafho fhethu no farelela ṱhoho nga ṱhoni, ngauri Muṋe washu o landula vhane na vha fulufhela; a vha nga ni farisi nga tshithu.