Tshivenda 1998 (VEN98)
17

Vhutshinyi vhu somelaho, ṱhamu i sa tinyei

171

17:1
Jer. 2:22
13:23
31:33
Muṋe washu u ri,

“Vhutshinyi ha Juda tsho ṅwalwa nga peni ya tsimbi,

tsho korwa nga peni ya ṱhodzi ya daimani

mbiluni dzavho na kha ṋanga dza aḽiṱari dzavho.

2

17:2-3
Jer. 3:13
Vha ḓidinela dziaḽiṱari dzavho

na phuphu dza Ashera mudzimutshisadzi

fhasi ha miri yo adzaho na nṱha ha zwikwara

dza nga ndi vhana vhavho.

3

17:3-4
2 Mah. 25:13-17
Zwenezwo lupfumo lwavho lwe vha khokha

ndi ḓo lu ṋea vhaṅwe vha lu thuba,

khathihi na zwikwara zwa dziaḽiṱari,

nga vhutshinyi ho ḓadzaho shango ḽavho.

4

17:4
Jer. 15:14Dot. 28:48
Ndi mulandu wavho vhone vhaṋe

ndi tshi ḓo vha dzhiela.

Ndi ḓo vha ita phuli dza maswina avho

shangoni ḽine vha si ḽi ḓivhe;

mbiti dzanga dzi ḓo funga mulilo u sa dzimi lini na lini!”

U ḓitika nga zwa mahandana, na fulufhelo ḽa ngoho

5

17:5-8
Ps. 1
146:3-5Mir. 4:18-19
17:5
Jer. 2:18
Muṋe washu u ri,

“Ane a fulufhela muthu wa ṋama,

a ḓitika nga nungo dza muthu a faho,

mbilu yawe ya furalela Nṋe Yahavee,

onoyo o teketelwa.

6Onoyo u ḓo nga tshiṱaka tshi re phangani,

mashudu a tshi ḓa a nga si a vhone.

U ḓo dzula phangani ho swaho nga ḓuvha,

shangoni ḽa muṋo hu sa tshili muthu.

7Hone wa mashudu ndi muthu ane a fulufhela Yahavee,

ane fulufhelo ḽawe ḽa vha Nṋe.

8Onoyo u ḓo nga muri wo simiwaho tsini na maḓi,

midzi yawo ya adza ya swika kudamboni.

Biso ḽi nga si u ite tshithu,

maṱari awo a dzula e madala.

Ṅwaha wa gomelelo a hu na tshi u dinaho,

a u fhidzi u aṋwa mitshelo.

9

17:9
Jer. 7:24
Ndi nnyi ane a nga ṱalukanya mbilu ya muthu?

I fhura u fhira zwoṱhe,

a i konadzei.

10

17:10
Jer. 11:20Jobo 34:21
Ps. 139:1-4,23-24
Heb. 4:12-13
Nṋe Yahavee ndi ṱola mbilu nda linga muhumbulo,

uri ndi pfufhe muthu

ndi tshi tevhedza kutshilele kwawe,

nga he zwa tea mishumo yawe.”

11Muthu ane a pfuma nga u fhura u nga khwali

ine ya alamela makumba e ya si a kudzele.

Zwi a mu ṱutshela a tshee vhukati ha vhutshilo hawe,

a fhedza nga u vhonala e tsilu.

12

17:12
Jer. 3:17
Thembele yashu ndi khuluṋoni ya vhugala

ye ya ima nṱha ha thavha u bva mathomoni.

13

17:13
Joh. 8:6Jer. 2:1314:8
Ps. 36:8-9
Iwe Muṋe washu ndi Iwe fulufhelo ḽa Israele,

vhoṱhe vhane vha u ṱutshela vha ḓo shona.

Vhane vha u furalela vha ḓo nyamalala

unga madzina o ṅwalwaho buseni,

nge vha ṱutshela Yahavee,

Ene tshisima tsha maḓi a ṋeaho vhutshilo.

Mukosi wa Jeremia

14

17:14-18
Jer. 11:18-23
17:14
Ps. 6:2
Muṋe washu, nnyalafhe,

ndi hone ndi tshi ḓo fhola,

nndamulele,

ndi hone ndi tshi ḓo tshila,

hufha ane nṋe nda mu renda e Iwe!

15

17:15
Yes. 5:19
2 Pit. 3:3-4
Vha endela u mmbudza vha tshi ri,

“Zwe Yahavee a amba zwi ngafhi?

Zwino nga zwi khunyelele-ha!”

16Nṋe a tho ngo shavha

nda litsha u vha mulisa wa nngu dzau.

U a ḓivha uri nṋe

a tho ngo takalela ḓuvha ḽa khombo ḽi tshi ḓa.

Zwoṱhe zwe nda amba u a zwi ḓivha,

zwi khagala phanḓa hau.

17U songo nnyofhisa;

musi wa khombo vhushavhelo hanga ndi Iwe.

18

17:18
Jer. 11:18-19
15:10
18:18
20:2,7-8,10
26:8-9
27:11-16
38:4-6
Ngavhe hu tshi shona vhane vha ntovhola,

hu si nṋe;

nga hu tshenuswe vhone, hu si nṋe.

Ita uri vha welwe nga khombo,

u vha rwe nga ṱhamu kavhili.

U hulisa Sabatha

19Muṋe washu o mmbudza a ri, “Jeremia, iyo ima khoroni hune ha dzhena vhathu, hune mahosi a Juda a dzhena a tshi bva, u dovhe u ime khoroni dzoṱhe dza Jerusalema, 20u vha vhudze u ri, ‘Inwi mahosi a Juda na vhathu vhoṱhe vha Juda na vhoṱhe vha dzulaho Jerusalema vhane vha dzhena nga khoro hedzi, ipfani ipfi ḽa Muṋe washu. 21

17:21-22
Ek. 20:8-10Neh. 13:15-22
Yes. 56:2Esek. 20:12
Arali ni sa funi u fa ni vhone, ni songo hwala muhwalo nga ḓuvha ḽa Sabatha kana na dzhena nawo nga khoro dza Jerusalema. 22Ni songo bvisa muhwalo nḓuni dzaṋu kana na vhuya na shuma mushumo nga Sabatha, ni ḽi ite ḓuvha ḽikhethwa, sa zwe nda laya vhomakhulukuku waṋu. 23
17:23
Jer. 5:37:26
Nangwe zwo ralo a vho ngo thetshelesa, a vho ngo zwi londa, vho ita tshipimbi vha si thetshelese, vha si ite zwine vha laiwa.’ ”

24

17:24-26
Jer. 7:3
Hone Muṋe washu u ri, “Arali ni tshi nthetshelesa zwavhuḓi, na si dzhene na muhwalo nga khoro dza muḓi hoyu nga ḓuvha ḽa Sabatha, na ḽi ita ḽikhethwa nga u sa vhuya na shuma ngaḽo, 25
17:25
Jer. 22:4
ndi hone mahosi ane a dzula kha khuluṋoni ya Dafita a tshi ḓo dzhena nga khoro dza muḓi hoyu a na vhahulwane vhao. Vhone na vhahulwane vhavho vha ḓo ḓa vho namela dzigariki na dzibere, vha tshi khou fhelekedzwa nga vhanna vha Juda na vhadzulapo vha Jerusalema, ndi hone hoyu muḓi u tshi ḓo dzula vhathu tshoṱhe. 26Vhathu vha ḓo ḓa vha tshi bva miḓini ya Juda na miḓanani yo vhandekanaho na Jerusalema, vha ḓo ḓa vha tshi bva shangoni ḽa Benyamini na zwigodini na dzithavhani na Negeve. Vha ḓo ḓisa nduvho dzi fhiswaho na zwiṱhavhelo na nduvho dza thoro na zwioro na nduvho dza ndivhuho, vha zwi ḓisa nḓuni yanga. 27
17:27
Jer. 7:19-2039:8
Huno arali na sa nthetshelesa, na landula u ita Sabatha ḓuvha ḽikhethwa, na vho hwala mihwalo ni tshi dzhena nga khoro dza Jerusalema nga ḓuvha ḽa Sabatha, zwenezwo Nṋe ndi ḓo funga mulilo u sa dzimi khoroni dza Jerusalema, wa fhisa pfamo dzawo he lore.”