Tshivenda 1998 (VEN98)
16

Vhutshilo ha Jeremia ndi tshone tshiga

161

16:1-4
Esek. 24:15-24
Mat. 19:12
Luk. 23:29
1 Korint. 7:26
Muṋe washu a dovha a amba na nṋe a ri, 2“U songo vhinga wa vha na vhana fhano. 3Ndi ḓo u vhudza zwi no ḓo itea kha vhana vha no ḓo bebwa fhano shangoni ḽino na kha vhabebi vhavho. 4
16:4
Jer. 9:2112:9
Vha ḓo fa nga malwadze a ofhisaho. A hu na a no ḓo vha lilela, a vha nga swiṱwi nga muthu, zwitumbu zwavho zwi ḓo lala mavuni unga manyoro. Vha ḓo fhela nga pfumo na nḓala, zwitumbu zwavho zwi ḓo ḽiwa nga zwiṋoni na zwivhanda.

5“U songo dzhena nḓuni hune ha ḽiwa zwiḽiwa zwo bikelwaho vha no swiṱa mufu; u songo ya wa lila, u songo vha ima maṱoni, ngauri ndo fhedza mulalo wa havha vhathu, a thi tsha ḓo vha funa kana nda vha khathutshela. 6

16:6
Jer. 22:18
Esek. 24:23
Jer. 47:5
48:37
Am. 8:10
Dot. 14:1
Vhoṱhe vhapfumi na vhashai vha ḓo fa shangoni heḽino. A vha nga swiṱwi, a vha nga lilelwi, a hu na ane a ḓo ḓigegenedzela vhone kana a palula ṱhoho a tshi vha lilela. 7
16:7
Esek. 24:22
A hu na a no ḓo lilisa vhaṅwe nga u vha ḓisela zwiḽiwa; hu o felwaho nga khotsi, he o felwaho nga mme, a hu na a no ḓo mu khuthadza nga u mu ṋea tshinwiwa.

8

16:8
Jer. 15:17
“U songo dzhena nḓuni hune vha khou ḓiphiṋa nga zwiḽiwa wa dzula fhasi wa ḽa, wa nwa. 9
16:9
Jer. 7:34
Ipfa zwine Nṋe Yahavee Mulangazwoṱhe Mudzimu wa Israele nda amba: Ndi ḓo fhelisa mihuvho na dakalo u tshi zwi vhona, u tshi kha ḓi tshila, ha si tsha pfala nyimbo dza mukwasha na muselwa hafhano fhethu.

10

16:10
Jer. 5:19
“Arali wa ri u tshi vhudza vhathu havha zwoṱhe hezwi vha u vhudzisa vha ri, ‘Ndi mini Yahavee a tshi amba khombo nngafha i no ḓo ri wela? Ro tshinyani? Yahavee Mudzimu washu ro mu khakhela ngafhi?’ 11
16:11
Jer. 2:137:9
Iwe vha vhudze uri Yahavee u ri, ‘Ndi nge vhokhotsi aṋu vha ntshandukela, vha sala murahu ha miṅwe midzimu, vha i shumela, vha i luvha, vha shandukela Nṋe vha si tsha tevhedza mulayo wanga. 12
16:12
Jer. 7:24
Huno inwi na dovha na ita vhuvhi vhu no fhira ha vhokhotsi aṋu; a no ngo nthetshelesa, muṅwe na muṅwe waṋu o tevhela zwine a funzedzwa nga mbilu yawe mmbi ya tshipimbi. 13Zwino vhonani, ndi ḓo ni thatha shangoni heḽino na ya shangoni ḽine he inwi he vhokhotsi aṋu ha si vhe na we a vhuya a ḽi ḓivha, henengei ndi hune na ḓo shumela miṅwe midzimu vhusiku na masiari, ngauri Nṋe a thi tsha ḓo ni pfela vhuṱungu.’ ”

U vhuya vhuthubwani misi i ḓaho

(Jer. 23:7-8)

14

16:14-15
Jer. 23:7-8
Muṋe washu u ri, “Hu khou ḓa maḓuvha ane vhathu vha si tsha ḓo ri vha tshi ana vha ri, ‘Nga Yahavee a tshilaho, Ene we a pfulusa Vhaisraele Egipita.’ 15
16:15
Jer. 3:1812:15
24:6
Vha vho ḓo ri, ‘Nga Yahavee a tshilaho, we a pfulusa Vhaisraele shangoni ḽa devhula na mashangoni oṱhe he a vha o vha thathela hone.’ Ndi uri ndi ḓo vha humisela shangoni ḽe nda ḽi ṋea vhokhotsi avho. Ho amba Nṋe Yahavee.”

Hone vha ḓo thoma u lifhedzwa kavhili

16

16:16
Esek. 12:13
17:20
Am. 4:2
Hab. 1:14-16
Muṋe washu u ri, “Ndi ḓo ruma vharei vha khovhe vhanzhi vha ḓa vha fasha havha vhathu. Ngavhuya ndi ḓo ruma vhazwimi vhanzhi vha ḓa vha vha zwima dzithavhani dzoṱhe na mivhunduni na mapakoni vhukati ha nngwa. 17
16:17
Jer. 32:19
Ps. 90:8
Maṱo anga o sedza nḓila dzavho dzoṱhe; a dzo ngo nnzumbama, na vhutshinyi havho a ho ngo nnzumbama. 18
16:18
Liv. 18:24-28
Esek. 36:18
Jer. 2:7
Ndi ḓo thoma u vha lifhedzela milandu yavho na vhutshinyi havho nda dovha, nge vha kumadza shango ḽanga nga zwifanyiso zwi sa tshili vha ḽi ḓadza midzimu ya zwifanyiso i nengisaho!”

Tshakha dzoṱhe dzi ḓo luvha Muṋe washu

19

16:19-20
Gen. 12:1-3
16:19
2 Sam. 22:3
Jer. 3:1710:8
Muṋe washu, Iwe u maanḓa anga,

u vhukhudo hanga,

u vhushavhelo hanga musi zwo vhifha,

dzitshakha dzi ḓo ḓa ha Iwe

dzi tshi bva migumoni ya ḽifhasi dza ri,

“Vhokhotsi ashu vho vhe na midzimu

i si tshithu fhedzi,

midzimu i si na mushumo i sa tshidzi.

20

16:20
Jer. 2:11
Nṋa muthu u tou ḓiitela midzimu?

Vhukuma iyo a si midzimu!”

21Muṋe washu u ri,

“Zwenezwo ndi ḓo vha funza –

zwino ndi ḓo vha funza u ḓivha maanḓa anga

na nungo dzanga.

Ndi hone vha tshi ḓo ḓivha uri ndi Nṋe Yahavee.”