Tshivenda 1998 (VEN98)
15

Mudzimu o haṱula bangakupalula

151

15:1
Jer. 7:16Ps. 99:6
Ek. 32:11-1434:9
Num. 11:2
14:13-20
Dot. 9:18
1 Sam. 7:8-9
12:19,23
Zwenezwo Muṋe washu a mphindula a ri, “Naho Mushe na Samuele vho vha vha tshi nga pfumelela vhathu havha, ndo vha ndi sa nga vha khathutsheli. A thi tsha funa u vha vhona! Vha thathe vha ṱuwe! 2
15:2
Jer. 14:12Esek. 5:12
Nzumb. 13:10
Arali vha u vhudzisa vha ri, ‘Ri ḓo yafhi?’ vha vhudze uri, ‘Vho livhanywaho na lufu nga vha fe, vho livhanywaho na pfumo nga ḽi vha ḽe; vho livhanywaho na nḓala nga vha ṋoke; vho livhanywaho na u thubwa nga vha thubiwe.’ 3
15:3
Esek. 14:21
Nṋe Yahavee ndi ḓo vha ḓisela ndozwo dza tshakha nṋa: Vha ḓo fhela nga pfumo, zwitumbu zwavho zwa khwikhwidzwa nga mmbwa, zwa ḽiwa nga maanga, vha pondiwa nga zwivhanda zwa ḓaka zwa vha lozwa. 4
15:4
Jer. 34:17
2 Mah. 21:1-16
24:3-4
Ndi ḓo ita uri mivhuso yoṱhe ya ḽifhasi i tshenuwe i tshi vhona zwine nda vha ita ndi tshi lifhedza zwe Manase ṅwana wa Hiskia khosi ya Juda a ita e Jerusalema.”

A hu tshee na khathutshelo

(2 Mah. 24:10-17)

5Muṋe washu u ri,

“Iwe Jerusalema,

ane a ḓo u lilela ndi nnyi?

A no ḓo u pfela vhuṱungu ndi nnyi?

A no ḓo u vhudzisa mulalo ndi nnyi?

6

15:6
Jer. 6:12
44:22
Ndi iwe wo nndaṱaho wa ḓi mpfuralela.

Zwenezwo ndo u fara nda u lozwa;

a tho ngo tsha kona u kandeledza mbiti dzanga.

7

15:7
Jer. 5:3
Ndo vha fhefhera nga luselo nda vha hashekanya

khoroni dza miḓi ya shango.

Vhathu vhanga ndo vha fhedzela vhana

nda vha lozwa,

nge vha si laṱe nḓila dzavho mmbi.

8Nda andisa tshilikadzi dzavho dza fhira muṱavha wa lwanzhe.

Masiari ḽí nṱha ha ṱhoho nda ḓisa mulozwi

a lozwa vhaṱhannga kathihi fhedzi,

vhomme avho vha sala vha tshi ofha vha tou tetemela.

9Mme a vhana vhaṱanu na vhavhili o ṋoka a tou fhihamelwa.

Ḓuvha ḽawe ḽo mu kovhelela hu tshee masiari,

a shoniswa a tou hanganea.

Vha salaho u fa vho ḽiwa nga pfumo ḽa maswina avho.

Ho amba Nṋe Yahavee.”

Jeremia a tshi gungulela Muṋe washu

10

15:10-21
Jer. 11:18-2320:14
Mmawee, vho mmbebelani wee!

Ndo rano ndi ṱwa ndi tshi hwelela shango

nda ḽi isa khoroni.

A thi athu vhuya nda adzima muṅwe tshi re tshanga,

kana nda ḽa tsha muthu,

naho zwo ralo ndi dzulela u teketelwa.

11

15:11
Jer. 7:16
Muṋe washu a fhindula a ri,

“Ngoho ndi tshi u luṱanya na vhathu

ndi itela uri zwi bveledze zwivhuya,

ngoho ndi ḓo u farela lufhanga kha maswina au

musi wa khombo na musi zwo vhifha.Tshiheberu tshi konḓa u pfala kha vese iyi.

12

15:12
Jer. 1:14
Munna a nga kona u vunḓa tsimbi –

tsimbi i bvaho devhula – kana musinaseṱha?

13Israele, lupfumo lwau lwe wa khokha

ndi ḓo lu ṋea vhaṅwe nga fhedzi vha lu thuba,

nga mulandu wa vhutshinyi hau hoṱhe

ho ḓadzaho shango ḽa haṋu.

14

15:14
Jer. 9:1517:4
Dot. 32:22
Ndi ḓo u ita phuli ya maswina au shangoni ḽine wa si ḽi ḓivhe,

mbiti dzanga dzi ḓo funga mulilo u sa dzimi lini na lini.”

15

15:15-21
Jer. 11:18-23
Zwenezwo nṋe nda ri,

“Iwe Muṋe washu u a ṱalukanya;

nnyelelwe u nndondole.

Nndifhedzele vha ntovholaho.

U songo mphelela mbilu

wa nnzhavhula nga mbiti dzau.

Edzou vhona zwine nda nyadzelwa u ima na Iwe.

16

15:16
Ps. 19:8
119:111,131
Maipfi au o ri u wanalaKha hu sedzwe kha 2 Mah. 22:8 na dzi tevhelaho. nda a ḽa,

o vha one dakalo ḽanga;

ndi tshi pfi ndi muḓinḓa wau,

Iwe Muṋe washu Mudzimu Mulangazwoṱhe,

nda pfa zwi tshi takadza mbilu yanga.

17

15:17
Jer. 16:8
A tho ngo kona u dzula na vhathu vhe kha madakalo avho

nda takala navho;

ndo dzula ndi ndoṱhe

ngauri tshanḓa tshau tsho vha tshi kha nṋe,

wa ri ndi muḓinḓa wau,

wa ita uri ndi dinalee nga zwe nda vhona.

18

15:18
Jer. 10:1912:1
Ndi mini vhuṱungu hanga vhu sa fheli,

na mbonzhe yanga i tshi rema i sa lafhei?

Khezwi u tshi vho nga mulambwana une wa mphura,

wa nga tshisima tshi no xa?”

19

15:19
Jer. 1:9
Muṋe washu a fhindula a ri,

“Arali wa vhuya kha Nṋe,

ndi ḓo u vhuedzedza mushumoni wau wa ntshumela.

Arali wa amba zwo teaho,

wa si tsha amba maipfi a si na mushumo,

u ḓo vha mulomo wanga.

Vhathu havha nga vha tevhele iwe,

iwe u songo tevhela vhone.

20

15:20
Jer. 1:18-19
1:8
Ndi ḓo u ita mutsheṱo wa vhathu havha,

mutsheṱo wa musinaseṱha.

Vha ḓo lwa na iwe vha si u kunde,

ngauri Nṋe ndi ḓo vha na iwe,

ndi ḓo u lamukisa nda u tshidza.

21

15:21
Jer. 26:24
36:26
38:9,13
Ndi ḓo u lamulela zwanḓani zwa vhavhi,

nda u tshidza zwanḓani zwa vha tshiṱuhu.

Ho amba Nṋe Yahavee.”