Tshivenda 1998 (VEN98)
12

Mbilaelo dza Jeremia

121

12:1-6
Jer. 11:18-23
12:1
Ps. 119:137-138
Jer. 15:18
20:18
Hab. 1:13
Jobo 12:6
Ps. 73:3-12
Muṋe washu,

Iwe a u vhuyi wa khakha;

mbilaelo dzanga ndi ḓo dzi kumedza Iwe.

Hone litsha ndi u vhudzise kuvhusele kwau!

Ndi mini vhavhi zwi tshi vha nakela?

Ndi mini vha no u shandukela vha si na tshi no vha dina?

2

12:2
Yes. 29:13
Wo vha ṱavha vha ṱoka midzi;

vha a aluwa vha aṋwa mitshelo

vha ḓi dzula vha tshi u amba zwavhuḓi,

ngeno mbilu dzavho dzi kule na Iwe.

3

12:3
Jer. 11:20
Ps. 139:1,19
Hone Muṋe washu,

nṋe u a nnḓivha,

u a mmbona, wa ḓi vhona ndi tshi fulufhedzea nga mbilu yoṱhe.

Vha khwikhwidze unga nngu dzi tshi yo ṱhavhiwa!

Vha khethele thungo

vha lindele ḓuvha ḽa u ṱhavhiwa!

4

12:4
Jer. 4:28
14:2-6
23:10
Yes. 24:4-6
33:9
Hos. 4:3
Hagai 1:9-11
Jer. 4:25
Shango ḽi ḓo lila nga gomelelo u swika lini?

Hatsi ha masimuni ho puta u swika lini?

Na dziphukha na zwiṋoni zwi a lovha

nga mulandu wa vhuvhi ha vha dzulaho khaḽo.

Hone vhone vha khou ri,

“Jeremia a nga si vhone riṋe ri tshi lovha.”

Phindulo ya Mudzimu

5Muṋe washu a ri,

“Jeremia, arali wa gidima mbambe na vhathu vha songo namelaho bere,

vha u netisa,

u nga kona hani u ita mbambe na bere?

Arali u tshi khukhulwa shangoni ḽi tshimbileaho,

u nga kona hani u tshimbila maṱakani a Jorodani?

6

12:6
Jer. 9:3
Vhana vha mme au,

vha muṱa wa hau,

na vhone vho u fheṱa;

vho u ṱavhela mukosi.

U songo vha fulufhedza nangwe vha tshi amba na iwe zwavhuḓi.”

Muṋe washu a tshi ṱungufhalela vhathu vhawe

7“Ndo furalela nnḓu yanga,

nda ṱutshela vhathu vhanga;

ene ane nda mu funa nga mbilu yoṱhe

ndo mu kumedza zwanḓani zwa maswina.

8Vhathu vhanga ndi tshi vha vhona vha vho nga ndau dzi ḓakani.

Vha mmbombela;

ndi zwine nda vha vhenga.

9

12:9
Jer. 7:33
16:4
Yes. 56:9
Vhathu vhanga ndi vhona vha tshi nga gwitha

ḽine zwiṅwe zwiṋoni zwa ḽi tinga zwa ḽi luma.

Kuvhanganya phukha dzoṱhe dza ḓaka dzi ḓe dzi ḽe.

10

12:10
Jer. 6:32:21
12:10-13
Yes. 5:1-7
Vhalisa vhanzhi vha dzinngu vho ṱahadza tsimu yanga ya minḓirivhe,

vha kandekanya tsimu yanga;

tsimu yanga i takadzaho

vho i shandula shango ḽa soga ḽi sa dzuli muthu.

11Ḽo itwa soga nda vhona ḽi si na muthu;

shango ḽoṱhe ḽi ḓo vha soga,

hone a hu na a no zwi londa.

12Vhalozwi vho phapha mivhundu yoṱhe ya phangani

i sa meli tshithu,

pfumo ḽa Yahavee ḽo ḽa u bva vhusendekamisi u swika vhusendekamisi,

a hu na a no ḓo sala.

13

12:13
Jer. 4:26
Vho lima goroi vha kaṋa mipfa;

vho shuma vha bva biko vha si wane tshithu.

Vha tshi kaṋa vho shona nge Yahavee a sinyuwa zwi ofhisaho.”

Muṋe washu a tshi anela vha masakhani a Israele

14

12:14
Jer. 10:25
Muṋe washu u ri, “Tshakha dzoṱhe mmbi dzo ṋekanaho masakha na vhathu vhanga, dze dza tshinya shango ḽe nda ḽi ṋea vhathu vhanga Israele, ndi ḓo vha tupula mashangoni avho, nda dovha nda tupula na nnḓu ya Juda i re vhukati havho. 15
12:15
Jer. 46:26
Musi ndo no vha tupula, ndi ḓo dovha nda vha pfela vhuṱungu nda humisela muṅwe na muṅwe kha ifa ḽawe shangoni ḽawe. 16
12:16
Jer. 3:174:2
Vho funza vhathu vhanga u ana nga Baali, hone arali vha guda zwavhuḓi nḓila dza vhathu vhanga, vha vho ana nga dzina ḽanga vha ri, ‘Nga Yahavee a tshilaho’, vha ḓo dzula na vhathu vhanga vha bvela phanḓa. 17Huno lushaka lufhio na lufhio lu sa thetshelesi ndi ḓo lu tupula tshoṱhe nda lu lozwa.” Muṋe washu u ralo.