Tshivenda 1998 (VEN98)
7

Tshiga tsha Imanuele

71

7:1
2 Mah. 16:5-9
Musi khosi Ahasi ṅwana wa Jothamu, ṅwana wa Uzia, a tshi vhusa Juda, ha vuwa nndwa. Retsini khosi ya Aramu, na Pheka ṅwana wa Remalia, khosi ya Israele, vha dia Jerusalema, hone vha si kone u u thuba. 2Musi fhungo ḽi tshi swika ha khosi ya Juda ḽa uri mmbi dza Aramu dzo no swika Efraimi, Ahasi na vhathu vhawe vha dzhenwa nga nyofho, vha tetemela unga miri i tshi dzinginyiswa nga muya.

3

7:3-12
Yes. 36:2-3
Ndi hone Muṋe washu a tshi vhudza Yesaya a ri, “Takuwa na ṅwana wau wa mutuka Sheara Jashubu (Tsaleladzavhuya), ni yo ṱangana na khosi Ahasi. U ḓo mu wana hune ha guma mugero u no ḓisa maḓi a tshi bva ishani ḽa nṱha, henefho hune ha shuma vhaluki vha masila. 4
7:4
Yes. 7:9
U mu vhudze uri a vhe na nzhele, a dzike, a songo ofha, a songo kulea nungo; mbiti dza khosi Retsini na Vhaaramu vhawe na dza ṅwana wa Remalia a dzi ofhisi, dzi nga vhutsi vhu dubaho ha zwikuni zwa muṱu na muṱango. 5Aramu khathihi na Efraimi na ṅwana wa Remalia vho u langana, vha ṱoḓa u u dia. 6Vha ṱoḓa u dia Juda, vha shushedza vhathu, vha thuba shango, vha konou dzhia ṅwana wa Tabiele vha mu vhumba khosi. 7Huno Nṋe Yahavee Muṋe wa zwoṱhe ndi ḓivhadza uri zwo raloho zwi nga si itee. 8
7:8
2 Mah. 17:6
Ndi ngani? Ndi uri Aramu a ḽi fhiri Damasko musanda waḽo, Damasko a u fhiri Retsini khosi yawo. Hu ḓo ri hu sa athu fhira miṅwaha ya 65, Efraimi a vha o no phusukanywa, a si tshee lushaka. 9
7:9
Yes. 28:16
30:15
Ek. 14:14
Ḽa Efraimi a ḽi fhiri Samaria musanda waḽo, Samaria a u fhiri ṅwana wa Remalia khosi yawo. Inwi tshaṋu hu vhe u fulufhela Nṋe; na sa ḓitika nga Nṋe a ni na mutiki.”

10Muṋe washu a dovha a amba na Ahasi a ri, 11

7:11
2 Mah. 20:8-11
Rangap. 6:17,36-40
1 Mah. 13:3-5
Jer. 44:29-30
Mat. 12:38
“Humbela Nṋe Yahavee Mudzimu wau uri ndi u sumbedze tshiga: tshi nga ḓi vha tshi tshi bva fhasi vhudzulavhafu kana tshi tshi bva ṱaḓulu.”

12

7:12
Dot. 6:16
Ahasi a fhindula a ri, “A thi nga humbeli u sumbedzwa tshiga; a thi funi u linga Muṋe washu.”

13Yesaya a fhindula a ri, “Zwino inwi vha nnḓu ya Dafita, thetshelesani! Ni tshi linga vhathu ni tshi ṱoḓa u vhona arali vha sa fheli mbilu, a zwo ngo eḓana naa? Zwino ni vho ṱoḓa u linga na Mudzimu wanga naa? 14

7:14
Mat. 1:23
Zwino Muṋe wa zwoṱhe nga dzawe u ḓo ni sumbedza tshiga: Musidzana ndi muthu wa thovhela; u ḓo beba ṅwana wa mutuka, a mu rina dzina ḽi no pfi Imanuele (Mudzimu u na riṋe). 15U ḓo ḽa mukhaha na ṋotshi, nga u ḓala ha zwiḽiwa, u swika o no thanya, a tshi vho kona u ḓihumbulela, a tshi vho kona u landula zwo vhifhaho a nanga zwi re zwone. 16
7:16
Yes. 8:4
Hu ḓo ri ṅwana uyo a sa athu thanya, mashango a mahosi ayo mavhili ane wa a ofha a vha a si tshee na muthu. 17
7:17
1 Mah. 12:19
Yes. 8:7-8
36:1
Muṋe washu u ḓo ḓisa maḓuvha a zwi konḓaho, zwi sa athu vhuya zwa vha hone tshee muvhuso wa Efraimi wa fhandekana na wa Juda, zwi ḓo wela iwe na vhathu vhau na nnḓu ya musanda – ú ḓo ḓisa khosi ya Ashuru.”

Khombo dzi ḓaho

18

7:18
Yes. 5:26
Musi wonoyo Muṋe washu u ḓo lidza muludzi a vhidza Vhaegipita, vha ḓa vha tshi nga thunzi dzi tshi bva milambwanani ya kule ya mulambo wa Nile, a vhidza na Vhaashuru, vha ḓa vha tshi nga ṋotshi vha tshi bva shangoni ḽavho. 19Vha ḓo phapha dzipharani na mapakoni na zwiṱakani zwoṱhe zwa mipfa na pfuloni yoṱhe. 20Musi wonoyo Muṋe wa zwoṱhe u ḓo rendela muvheuli a no bva seli ha mulambo wa Yufuratha – khosi ya Ashuru – a ni vheula ndebvu na mavhudzi na mahaha.

21Musi wonoyo mufuwi u ḓo sala na ṱholana nthihi fhedzi na phambala mbili. 22Nangwe zwo ralo u ḓo hama mukhaha u si na vhukono a ḽa. Ee, vho salaho shangoni vha si gathi vha ḓo ḽa makheṱhe na mutoli.

23Musi wonoyo masimu a minḓirivhe a re na minḓirivhe ya tshigidi ine ya rengwa nga maseṱha a tshigidi a siliva, a ḓo mela luanakha na mitshutshungu. 24Vhathu vha ḓo bva vha yo zwima hone vho fara vhura na misevhe; shango ḽoṱhe ḽi ḓo vha ḽo ḓala luanakha na mitshutshungu. 25Mivhundu yoṱhe ye ya vha i tshi liṅwa mavhele i ḓo mela luanakha na mitshutshungu ha si tsha ya muthu; hu ḓo vha pfulo ya kholomo na nngu.

8

Ṱhavhanyedzauthuba Ṱhangulakathihi

81

8:1
Yes. 30:8
Hab. 2:2
Muṋe washu a mmbudza a ri, “Dzhia ḓaba ḽihulu u ṅwale nga maḽeḓere mahulu u ri: ṱhavhanyedzauthuba ṱhangulakathihi. 2
8:2
Dot. 19:15
Ndi ḓo vhidza ṱhanzi mbili dzi fulufhedzeaho; ndi tshifhe Uria na Zakaria ṅwana wa Berekia.”

3Ngavhuya mufumakadzi wanga a vha muthu wa thovhela a beba ṅwana wa mutuka. Ndi hone Muṋe washu a tshi amba na nṋe a ri, “Mu rine dzina ḽi no pfi Ṱhavhanyedzauthuba Ṱhangulakathihi. 4

8:4
2 Mah. 16:9
17:3-6
Huno hu ḓo ri mutukana uyo a sa athu aluwa lune a kona u ri, ‘Mma’ kana, ‘Baba’, lupfumo lwoṱhe lwa Damasko na zwo thubiwaho zwoṱhe zwa Samaria zwa vha zwo no hwalwa nga khosi ya Ashuru.”

5Muṋe washu a dovha a amba na nṋe, 6

8:6
Yes. 7:1,6
a ri, “Zwino avha vhathu vho lamba maḓi o dzikaho a no bva kudamboni kwa Silomu, vha takalela khosi Retsini na ṅwana wa Remalia,Zwi sumba uri henefho Jerusalema ho vha hu na vhathu vhe vha vha vha tshi takalela maano a Retsini na Pheka ane ra a pfa kha Yes. 7:5-6. 7Nṋe Muṋe wa zwoṱhe ndi ḓo ḓisa muvhusi wa Ashuru na mmbi yawe yoṱhe uri a die ḽa Juda. Vha ḓo tou kumba shango unga muḓalo wa maḓi a mulambo wa Yufuratha u tshi fhufha mabama. 8
8:8b
Ps. 17:8
Vha ḓo swiela ḽa Juda unga muḓalo wa maḓi ane a guma nga mukulo wa muthu a tiba zwoṱhe.”

Maano a tshakha dza vhannḓa a si na mushumo

Imanuele! Mudzimu u na riṋe! Phapha dzawe dzo ṱharamuwaho dzi tsireledza shango.

9

8:9
Zak. 14:2
Inwi dzitshakha, itani nga u kona!

Ni ḓo pwashekanywa!

Inwi mashango a kule, thetshelesani!

Kungelani zwihali!

Ni ḓo pwashekanywa!

Ee, kungelani zwihali!

Ni ḓo pwashekanywa!

10

8:10
Yes. 7:7
Ps. 33:10
Lukani maano!

Ha nga shumi tshithu!

Ambani nga hune na funa!

A ḓi vha mahandana!

Mudzimu u na riṋe!

Muṋe washu a tshi sevha muporofita

11Muṋe washu o vhea tshanḓa tshawe tsha maanḓa kha nṋe, a ntsevha uri ndi songo fara nḓila ye ya farwa nga havha vhathu, a ri, 12“Zwoṱhe zwine avha vhathu vha ri ndi tshimbevha, inwi ni songo ri ndi tshimbevha; zwine vha zwi ofha inwi ni songo zwi ofha na zwi tetemela. 13

8:13
Mat. 10:28
Nṋe Yahavee Mulangazwoṱhe kha ndi vhe Mukhethwa waṋu! Ofhani Nṋe! Tetemelani Nṋe! 14
8:14-15
Yes. 28:13,16
Luk. 2:34
Mat. 21:44
Rom. 9:33
2 Pit. 2:8
Ndi Nṋe vhushavhelo haṋu vhukhethwa, nda dovha nda vha Nṋe tombo ḽi no khukhula vhathu, ndi dombo ḽine vha wela khaḽo. Ndi nga tshikwekwe, ndi nga tshilibana tshi no fasha vhathu vha muvhuso wa Juda na wa Israele, na vhathu vha Jerusalema. 15Hu ḓo khukhulwa vhanzhi; vha ḓo wa vha zhakiwa; vha ḓo fashwa nga tshilibana.”

U ḓifhumulela na u lindela

16Vhuṱanzi ha Mudzimu na pfunzo yawe ndi ḓo zwi kumedza vhafunziwa vhanga vha zwi vhulunga, unga lupfumo lwo shatelwa nkhoni. 17Muṋe washu o dzumbama muṱa wa Jakopo, hone nṋe ndi ḓi mu fulufhela, ndo lavhelela Ene. 18

8:18
Yes. 7:3
20:1-3
Nṋe ndi fhano, ndi na vhana vhe nda ṋewa nga Muṋe washu. Muṋe washu Ramaanḓaoṱhe ane khuluṋoni yawe ya vha thavhani ya Tsioni o ri ruma ha Vhaisraele uri ri vhe zwiga na vhuṱanzi ha ndaedzo yawe.

19

8:19-20
Liv. 19:31
Vhathu vha ḓo ni vhudza uri ni wane vhuṱanzi vhu bvaho ha madzomo a midzimu na vhabvumbi, vhane vha ambela maningoni vha ṅuṅuna. Matsina vhathu a vha vhudzisi Mudzimu wavho naa? Vhafu vha vhudziselwani zwa vha tshilaho? 20Inwi tshaṋu kha hu vhe u humela kha pfunzo ya Mudzimu na vhuṱanzi hawe. Vha sa tevhedzi zwenezwo a vha tsha ḓo vhona mapfuvhi a tshi tswuka.

Fulufhelo ḽa vho no kuleaho nungo

21Vhathu vha ḓo tendeleka na shango vhó kulea miraḓo vhe na nḓala. Vha ḓo ri vha tshi pfa nḓala vha sinyuwa, vha sema khosi yavho na Mudzimu wavho. Vha nga ḓi sedza lutomboni 22

8:22
Yes. 5:30
kana vha donolela fhasi, vha si vhone tshi vha farisaho, tshine vha ḓo tshi vhona ndi zwi konḓaho na swiswi – swiswi ḽi ofhisaho ḽine vha khou susumedzwa khaḽo.

9

91

9:1-2
Mat. 4:12-16
9:1b
2 Mah. 15:29
Hone henefho ho swifhalaho a hu tsha ḓo vha na swiswi.

Shango ḽa Zebuloni na Nafuthali

ḽo vhuya ḽa shoniswa,

hone misi i ḓaho ḽi ḓo huliswa,

ha huliswa nḓila i tshimbilaho na Dzivha,

na ḽa seli ha Jorodani –

shango ḽoṱhe ḽa Galelia hu no dzula vhannḓa.

2

9:2
Yes. 49:6
60:1-3
Ps. 27:1Joh. 1:9
8:12Mal. 4:2
Vhathu vha dzulaho swiswini vho vhona tshedza tshihulu;

vho vha vha tshi dzula swiswini ḽo tou nzwii,

hone zwino vha khou penyelwa nga tshedza.

3Muṋe washu, wo andisa lushaka,

wa vha ṋea dakalo fulu,

vha pembelela zwe wa ita

unga vhathu vha tshi pembela musi wa khaṋo,

kana vha tshi kovhekana lupfumo lwe vha thuba.

4

9:4
Yes. 10:27
14:25
Rangap. 7
Wo vunḓa dzhogo ye ya vha i tshi vha lemela,

na mbuno ye ya vha i tshi vha rwa mahaḓa.

Wo kunda lushaka lwe lwa vha lu tshi kandeledza vhathu vhau,

unga zwiḽa kale u tshi kunda mmbi ya Midiani.

5Zwienda zwa vhahali zwi no pfadza mutsindo vha tshi vha dia,

na zwiambaro zwavho zwo khakhaṱhelaho malofha,

zwi ḓo swa nga mulilo zwe lore.

6

9:6-7
Yes. 11:1-5
Ps. 2
110:1-2
Jer. 23:5Mika 5:2-4
Zak. 9:9-10
9:6
Yes. 7:14
Ro bebelwa Ṅwana,

ro ṋewa Mutuka.

Muvhuso ndi wawe.

U pfi Mueletshedzi a kanukisaho,

Mudzimu Ramaanḓa,

Khotsi wa lini na lini,

Khosi ya mulalo.

7

9:7
2 Sam. 7:12-16
Dan. 2:44Luk. 1:32-33
Yes. 11:1
Maanḓa awe a vhuhosi a ḓo ḓi hula a tshi ya,

ḽa ḓi dzula ḽo lala.

U ḓo dzula kha khuluṋoni ya Dafita,

a vhusa vhuimoni hawe,

a khwaṱhisa muvhuso,

wa ima nga khaṱhulo mbuya na u sa ṱalula

zwino na lini na lini.

Muṋe washu Mulangazwoṱhe o ḓiimisela u ita zwoṱhe hezwo

uri a huliswe.

Tshanḓa tsha Mudzimu tsho angaladzwa, tshi ṱoḓa u rwa Israele

8

9:8-21
Am. 4:6-13
Muṋe wa zwoṱhe o bula khaṱhulo ya vhaḓuhulu vha Jakopo;

i do wela Israele.

9Vhathu vhoṱhe vha tsinde ḽa Efraimi

na vhoṱhe vha dzulaho Samaria vha ḓo zwi ḓivha

uri ndi khaṱhulo yawe.

Vha a ḓihudza, vha a ḓiḓivha, vha ri,

10

9:10
Am. 5:11-12
“Ho wa nnḓu dzo fhaṱwaho nga mavu,

ri ḓo dzi vusa nga matombo;

ho reṅwa phuphu dza mavongori,

ri ḓo dzi vusa nga mikedara!”

11Vha ḓitika nga Retsini,Kha hu sedzwe kha Yes. 7:1.

hone Muṋe washu o ṋea maswina a Retsini maanḓa,

a a ritha uri a ḓe a vha kovhole:

12

9:12
Am. 1:3-8
Vhaaramu nga vhubvaḓuvha,

Vhafilista nga vhukovhela;

vho aṱama milomo,

vha ṱoḓa u mila Israele.

Naho zwo ralo mbiti dza Muṋe washu

a dzi athu guma,

u tshee o angaladza tshanḓa, u ṱoḓa u vha rwa.

13Vhathu vha Israele a vha athu laṱa vhuvhi;

naho Muṋe washu Mulangazwoṱhe o vha pfisa vhuṱungu,

a vha athu rembulutshela khae.

14

9:14-15
2 Mah. 9 – 10
Zwenezwo Muṋe washu o tumula Israele ṱhoho na mutshila unga khovhe,

a rema mutshevho a haḓa madzhesi nga ḓuvha ḽithihi fhedzi.

15Ṱhoho hu ambiwa vhahulwane na vhaḓivhalea,

mutshila ndi vhaporofita vhane vha funza mazwifhi.

16

9:16-17
Gen. 6:5-7
Yes. 3:12
28:7
Vharangaphanḓa vha havha vhathu vha a vha xedza,

vha sala vho ṱangana ṱhoho tshoṱhe.

17Vhathu vhoṱhe vho nyadza Mudzimu,

ndi vhavhi,

zwoṱhe zwine vha amba zwo vhifha.

Ndi zwine Muṋe wa zwoṱhe a sa ḓo litsha na muthihi

wa vhaṱhannga vhavho a tshi ponyoka,

na tshilikadzi na tsiwana ha nga vha khathutsheli.

Mbiti dzawe a dzi athu guma,

u tshee o angaladza tshanḓa,

u ṱoḓa u vha rwa.

18Vhuvhi ha vhathu vhu duga unga mulilo;

vhu fhisa muvhi unga mulilo u tshi fhisa luanakha na mitshutshungu,

ha mu kumba unga mulilo wa ḓaka u tshi duba buluvhutsi.

19

9:19-20
Mika 3:2-3
Hos. 7:3-7
Mbiti dza Muṋe washu Mulangazwoṱhe dzi fhisa shango;

vhathu vha swa unga khuni dza mulilo;

vha ḽana nga tshavho,

a hu na a no ponyokisa wa hawe.

20Vha ḽa wa thungo ya tshauḽa, vha ḓi pfa nḓala;

vha mila wa thungo ya tshamonde, vha si fure,

vha vhuya vha ḽa na vhana vhavho!

21

9:21
Rangap. 6:35 na 8:1
12:1-6
2 Mah. 15:25
Vhathu vha Manase na Efraimi vha a ḽana,Manase na Efraimi ndi murathu na mukomana; vhoṱhe ndi vhana vha Josefa. Kha hu sedzwe Genesi 48.

vha dovha vha ṱangana vha ḽa Juda.

Nangwe zwo ralo mbiti dza Muṋe washu a dzi athu guma,

u tshee o angaladza tshanḓa, u ṱoḓa u vha rwa.