Mulalo wa tshifhinga tshi ḓaho (56 – 66)

Muṋe washu u ḓo ṱanganedza vhe vha vha vha tshi dzivhiswa u dzhena kha vhathu vha Mudzimu

56¹

“Dzulani ni tshi fulufhedzea

ni ite zwi re zwone;

a thi nga lengi u ni tshidza,

ndi hone u fulufhedzea hanga hu tshi ḓo vhonala.

²

vha si u pfuke;

vhane vha ḓiilisa vhuvhi vha ḓo vha na mashudu.”

³

na vhathu vha Muṋe washu

a songo ri,

“Muṋe washu a nga si tende ndi tshi mu luvha

na vhathu vhawe.”

Munna we a luvhedzwa a songo ri,

“Nṋe ndi tou vha muri wo omaho!”

⁴

“Arali wa nkhulisa

nga u vhulunga mulayo wa Sabatha,

wa ita zwine zwa ntakadza,

wa nambatela mulanga we nda vhofha,

⁵ndi hone dzina ḽau ḽi tshi ḓo ṅwaliwa

kha tombo ḽa tshihumbudzo thembeleni yanga,

zwa fhira na musi wo vha u na vhana vha vhatuka na vhasidzana;

dzina ḽau a ḽi nga hangwiwi,

lutsinga lwau a lu nga tumuwi.”

⁶

vhe vha ḓibaḓekanya na vhathu vhawe,

vhane vha mu shumela vha funa dzina ḽawe

vha mu luvha,

vhoṱhe vhane vha vhulunga mulayo wa Sabatha

vha si vhuye vha u pfuka,

vha nambatela mulanga wawe, u ri,

⁷

thavhani yanga khethwa,

nda ni ṋea dakalo nḓuni yanga ya thabelo,

nda ṱanganedza zwiṱhavhelo na nduvho

zwine na ṋekedza aḽiṱarini yanga;

thembele yanga i ḓo pfi nnḓu ya thabelo ya vhathu vha tshakha dzoṱhe.”

⁸

we a vhuedzedza Vhaisraele hayani vha tshi bva vhuthubwani, u ri,

“Ndi kha ḓi ḓo ḓisa vhaṅwe vhathu vha baḓekana na inwi.”

Vharangaphanḓa vha Israele vha songo fanelaho

⁹

“Inwi tshakha dzisili,

iḓani unga zwivhanda zwa ḓaka

ni mile vhathu vhanga!

¹⁰

a vha ḓivhi khombo i ḓaho,

vha nga mmbwa dza u linda dzi sa huvhi,

tshadzo ndi u sokou shuvhama dza ḓilorela;

vha funa hani khofhe!

¹¹

Ndi vhalisa vha sa koni u lisa;

muṅwe na muṅwe u londa zwawe fhedzi,

u ṱoḓa zwi tshi nakela ene fhedzi.

¹²

ndi nwe ndi fure!

Na matshelo zwi ḓo ḓi rali,

kana zwa fhira zwa ṋamusi!’ ”

Vhuvhi ha Vhaisraele ha u luvha midzimu ya khole-khole

57¹

ha si vhe na ane a zwi londa;

vha fulufhedzeaho vha a hwalwa;

a hu na ane a zwi ṱalukanya uri vha tshi hwalwa

ndi u tinyiswa khombo.

²Vhane vha fara i re yone vha na mulalo,

vha tshi fa vha a awela.

³

vha zwiṱonḓolo,

vha dziphombwe,

sendelani ni haṱulwe!

⁴

Ni khou nzhonzhowedza nnyi?

Lulimi lu khou ṱoṱomodzelwa nnyi?

Vhana vha mashandukwa,

vha vhadzia-u-zwifha ndinwi!

⁵

nga u ita vhupombwe fhasi ha miri yoṱhe

ya zwimvingimvingi,

ni dzhia vhana vhaṋu na vha ita zwiṱhavhelo

magovhani na pharani.

⁶Henefho ni dzhia matombo a suvhelelaho,

eneo na a ita midzimu na a luvha!

Ni a itela thevhula nga waini na mpambo.

Ni vhona unga zwine na ita zwi a ntakadza?

Ni ḓo swiṱwa fhasi ha matombo eneo!

⁷“Ni ya thavhani ndapfu na ita vhupombwe,

na ṋekedza zwiṱhavhelo henefho.

⁸

na kha zwiaramo;

ni a ntshandukela na bvula zwiambaro

na sala fhedzi,

na gonya mimbete yaṋu na vhafunwa vhaṋu,

na anḓana navho

na takalela u dzhena navho nḓuni,

na ita na u vha ṋea malamba.

⁹

na dubisa zwioro

na yo luvha uḽa mudzimu Molekhe.

Ni ruma vhaḓinḓa kule, vha vhuya vha swika na vhudzulavhafu

vha tshi ṱoḓa midzimu ine na nga i luvha.

¹⁰Ni a ḓinetisa nga nyendo dzaṋu dzi sa fheli,

na si vhuye na ri,

‘A zwi farisi tshithu!’

na pfa ni na nungo, na si ṋoke.”

¹¹

“Ndi vhonnyi heyo midzimu

ine ya ni dzhenisa nyofho,

na vho nnzwifhela na nkhangwa tshoṱhe?

Ndo fhedza tshifhinga tshilapfu ndo ḓifhumulela;

kani ndi zwone zwine na si tsha nndonda?

¹²Ni vhona unga zwine na ita ndi zwone,

hone zwino a thi tsha ḓo fhumula,

ndi ḓo ni dzumbulula,

midzimu ye na ita ya si kone u ni tshidza.

¹³

ni vhone arali izwo zwithu zwaṋu zwe na kuvhanganya

zwi tshi ḓo ni phalala!

Zwi ḓo hwalwa nga muya,

na mufemo zwawo u ḓo zwi vhudzulela kule.

“Huno vhane vha shavhela ha Nṋe vha ḓo dzula shangoni,

thavha yanga khethwa ya vha yavho.”

Hu tshi khuthadzwa vho tsikeledzwaho

¹⁴

“Khurani, khurani, phulani gondo ḽi tshimbilee!

Zwikhukhuli zwoṱhe nga zwi bviswe

nḓilani ya vhathu vhanga!

¹⁵

haya hanga ndi ha lini na lini;

ndi pfi Mukhethwa.

Ndi dzula fhethu hukhethwa ngei ṱaḓulu,

nda dovha nda dzula na vho tsikeledzwaho,

vha ḓiṱukufhadzaho,

uri vha ḓiṱukufhadzaho ndi dovhe ndi vha ṋee vhutshilo,

mbilu dzo tsikeledzwaho nga vhutshinyi

ndi dzi vuse.

¹⁶

kana nda vha sinyutshela lu sa gumi,

mimuya ya vhathu ye nda i sika Nṋe muṋe

i sa ḓo lovha phanḓa hanga.

¹⁷Ndo vha ndo sinyutshela vhuvhi havho

ha u funa u pfuma nga tseḓa,

nda vha rwa nda vha furalela.

Naho zwo ralo vha ḓi ntshandukela vha fara yavho nḓila.

¹⁸

ndi ḓo vha fhodza.

Ndi ḓo vha endedza nda vha khuthadza,

vho ṱungufhalaho nda vha fhumudza.

¹⁹

vhoṱhe ndi vha ṋea mulalo,

vha re kule na vha re tsini!

Ndi ḓo vha fhodza.”

Ho amba Muṋe washu.

²⁰

magabelo alwo ha dziki,

a hwala makukwe na matope.

²¹Mudzimu wanga u ri,

“Vhavhi a vha na mulalo.”

U ḓidzima hu takadzaho Mudzimu

58¹

“Ṱavha mukosi nga hune wa kona!

Takusa ipfi ḽau ḽi nge phalaphala!

Ḓivhadza vhathu vhanga vhuvhi havho,

vha muṱa wa Jakopo

u vha sumbedze vhutshinyi havho!

²Misi yoṱhe vha nga vha ṱoḓa Nṋe,

vha ḓiita unga vha takalela nḓila dzanga,

vha ḓiita lushaka lu no ita zwi re zwone,

lu songo furalelaho milayo ya Mudzimu walwo;

vha ri vha funa ndi tshi vha sumbedza

khaṱhulo i sa ṱaluli,

vha nga vha takalela Mudzimu a tshi vha tsini navho.

³

‘Zwi ri farisani u ḓidzima

ngeno Muṋe washu a sa zwi vhoni?

Ri ḓiṱukufhadzelani a sa zwi londi?’

“Mathina misi ya u ḓidzima ni ita zwa mabindu aṋu,

vhashumi vhaṋu na vha sala murahu;

⁴ni tshi ḓidzima ni vusa khani na luṱana,

na ita na u likitana nga mavili!

Ni vhona unga u ḓidzima ho raloho hu nga ita uri thabelo dzaṋu

dzi pfiwe ṱaḓulu naa?

⁵

na kotamisa ṱhoho unga muṱaṱe,

na lala kha saga milorani –

ndi hone u ḓidzima honoho?

Ni vhona unga zwo raloho zwi a ntakadza?

⁶

litshani u kandeledza vhaṅwe,

ni vha rule dzhogo,

ni vhofholole vho tsikeledzwaho,

ni vunḓekanye dzhogo dzoṱhe;

⁷

vhashai vha si na mahaya vha dzule mahayani aṋu;

shavhedzani vha re na tsiku,

mashaka aṋu ni si a furalele,

⁸

unga mapfuvhi a tshi tswuka,

mbonzhe dzaṋu dza ṱavhanya u fhola,

nda ni ranga phanḓa na kunda,

lupenyo lwanga lwa ni tsireledza nga murahu.

⁹

ni tshi vhidzelela ndi ḓo ri,

‘Ndi fhano!’

“Arali na litsha u kandeledza vhaṅwe,

na litsha u vha nyadza,

na si tsha vha zwifhelela,

¹⁰vha re na nḓala na vha ṋea zwiḽiwa,

na fusha vhane vha shaya,

ndi hone swiswi ḽo ni tangaho ḽi tshi ḓo shanduka tshedza,

tsha nga tsha masiari tshivhangalala.

¹¹

ni tshi fhira masogani nda ni fusha;

ndi ḓo ni ṋea nungo,

na nga ngade i re na maḓi manzhi,

na nga tshisima tshi sa xi.

¹²

vha dovha vha fhaṱa nṱha ha muteo wa kale-kale;

ni ḓo pfi vhavusi vha mitsheṱo,

na khura mikoto uri hu dzulee.”

Mashudu a vha no vhulunga milayo ya Sabatha

¹³

“Arali Sabatha na i ita khethwa,

na si ite zwa mabindu aṋu ngaḽo;

arali na ri Sabatha i a takadza,

na hulisa ḓuvha ḽanga ḽikhethwa,

na si ite mishumo ya maṅwe maḓuvha,

na si ite zwa mabindu,

na si ambe zwitshele,

¹⁴

Ndi ḓo ita uri ni kunde ni swike miṱumbani ya shango,

na ḽa zwe na lima shangoni ḽe nda ḽi ṋea khotsi aṋu Jakopo.

Ho amba Nṋe Yahavee.”