Tshivenda 1998 (VEN98)
55

Mulanga we wa vhoxwa na Dafita u tshee hone

551

55:1
Yes. 12:3
Joh. 7:37
Muṋe washu u ri,

“Noṱhe no farwaho nga ḓora iḓani, maḓi ngea!

Na inwi ni si na tshelede, iḓani!

Iḓani ni renge mavhele ni ḽe!

Ni ḓo wana waini na mukhaha nga fhedzi!

2Ni tshinyelani tshelede nga u renga zwithu zwi sa ḽiwi,

na ḓinetisela zwi sa fushi?

Nthetsheleseni ni pfe zwine nda ni vhudza,

ndi hone ni tshi ḓo ḓiphiṋa nga zwiḽiwa,

na takadzwa nga mapfura.

3

55:3b
2 Sam. 7:8-16
Ps. 89:30-37
Mish. 13:34
“Zwino nthetsheleseni ni ḓe ha Nṋe!

Mpfeni,

ndi hone ni tshi ḓo vha na vhutshilo;

ndi ḓo vhofha mulanga na inwi,

a u nga fi,

nda ni ṋea mashudu e nda fulufhedzisa Dafita.

4Ndo mu ita ṱhanzi yanga vhathuni,

a vha murangaphanḓa na mulangi wa dzitshakha.

5

55:5
Yes. 43:10-13
44:5
45:14-17
49:7,22-23
52:10
Zwino vhonani,

na inwi ni ḓo vhidza tshakha dza vhatsinda,

tshakha dze dza vha dzi sa ni ḓivhi dzi ḓo ḓa ha inwi nga luvhilo,

nga u vhona vhugala he nda ni ṋea,

Nṋe Yahavee Mudzimu waṋu, Mukhethwa wa Israele.”

Zwe Mudzimu a fulufhedzisa u a zwi ita

6

55:6
Jer. 29:13-14
Ṱoḓani Muṋe washu a tshi kha ḓi wanala,

mu rabeleni a tshee tsini.

7

55:7
Esek. 18:32
Rom. 5:20
Vhavhi nga vha litshe nḓila dzavho,

vhatshinyi vha laṱe mihumbulo yavho mivhi,

vha humele ha Muṋe washu,

u ḓo vha khathutshela,

Mudzimu washu u ḓo vha hangwela tshoṱhe.

8

55:8
Yes. 50:2
Muṋe washu u ri,

“Mihumbulo yanga a i fani na yaṋu,

9nḓila dzanga a dzi ngi dzaṋu, nḓila dzanga dzi kule na dzaṋu,

na mihumbulo yanga i kule na yaṋu

unga ḽiṱaḓulu ḽi kule nṱha ha ḽifhasi.

10“Ipfi ḽanga ḽi nga mvula na gabugu ine yo na i tshi bva makoleni

ya si fhufhe ya humela makoleni í songo ṋukadza ḽifhasi,

mavhele a mela,

a bveledza mbeu ya u zwala,

na zwiḽiwa.

11

55:11
Yes. 40:8
44:26
48:13
Ps. 33:4,9
Na ipfi ḽine nda amba ḽi ḓo tou ralo –

a ḽi nga vhuyi fhedzi ḽí songo ita zwine nda funa,

ḽi ḓo khunyeledza zwe nda ḽi rumela zwone.”

Mihuvho ya lushaka lwo vhofhololwaho

12

55:12
Yes. 44:23
Ni ḓo ṱuwa Babele nga dakalo,

ni ḓo endedzwa nga mulalo;

dzithavha na mivhundu

zwi ḓo ni ṱanganedza nga mifhululu,

miri yoṱhe ya ḓaka ya vhanda zwanḓa nga dakalo;

13

55:13
Yes. 41:19-20
hune ha vha na mirenzhe hu ḓo mela miṱaululo;

hu re na tshitondovhe ha mela misenzhe.

Hezwo zwi itelwa uri Muṋe washu a rendwe;

tshi ḓo vha tshiga tsha lini na lini,

a tshi nga thuthei.