Tshivenda 1998 (VEN98)
45

Khoreshe we Muṋe washu a mu vhumba khosi

451

45:1-5
Yes. 41:2,25
42:6-7
43:14
44:28
45:13
46:11
48:14-15
Esra 1:1-4
Muṋe washu a tshi amba na Khoreshe u ri,

“Ndo u vhumba khosi;

ndo u fara nga tshanḓa.

Ndi ḓo ita uri tshakha dzi u luvhe;

u ḓo bvula mahosi maanḓa;

hune wa swika u ḓo wana ndo u vulela mahothi;

vha nga si u valele khoro dza miḓi.

2Ndi ḓo u ranga phanḓa nda thutha mivhundu,

ha tshimbilea,

nda pwasha khoro dza musinaseṱhe,

nda vunḓekanya mabaphathi adzo a tsimbi.

3Ndi ḓo u ṋea lupfumo lwo dzumbiwaho swiswini,

lwo khokhiwaho tshiphirini.

Ndi hone u tshi ḓo ḓivha uri ndi Nṋe Yahavee

Mudzimu wa Israele

a no u vhidza nga dzina.

4Ndi u vhidza nga dzina,

nda u ṋea dzina ḽihulu,

naho u sa nnḓivhi,

ndi tshi itela Jakopo mulanda wanga,

Israele we nda mu nanga.

5Ndi Nṋe Yahavee, a hu na muṅwe,

a hu na muṅwe mudzimu arali e si Nṋe;

ndi ḓo u ṋea nungo nangwe u sa nnḓivhi.

6Hezwo zwi ḓo itea uri u bva vhubvaḓuvha

u swika hune ḽa kovhela muṅwe na muṅwe a zwi ḓivhe

uri a hu na muṅwe e si Nṋe;

ndi Nṋe Yahavee, a hu na muṅwe.

7

45:7
Am. 5:8
Zwililo 3:38
Ndi vhumba tshedza nda sika swiswi;

ndi ḓisa mulalo, nda ḓisa khombo –

Nṋe Yahavee ndi ita zwoṱhe hezwo zwithu.

8

45:8
Ps. 85:11
Iwe lutombo, nisa gundo

ḽi tshi bva makoleni,

ḽi tou na unga mvula;

ḽifhasi nga ḽi vulee hu mele u tshidzwa,

zwi aluwe zwoṱhe na u fulufhedzea;

ndi Nṋe Yahavee o zwi sikaho.”

Muṋe wa tsiko ha sengiswi nga muthu

9

45:9
Mufunzi 6:10
Yes. 29:16
64:8
Jer. 18:6Rom. 9:20-21
A no sengisa Muvhumbi wawe u ḓo zwi vhona!

Hufha a tshi tou vha khali i no nga dziṅwe khali.

Kani vumba ḽi nga vhudzisa Muvhumbi waḽo

ḽa ri, “U khou itani?”

khali yau ya gungula ya ri, “A u koni u vhumba!”?

10U ḓo zwi vhona ane a vhudzisa khotsi awe a ri,

“Wo mmbebelani?”

kana a vhudzisa mme awe a ri,

“Wo beba mini?”

11Muṋe washu Mukhethwa wa Israele

we a vha vhumba, u ri,

“Kani ni khou ntsengisela zwine nda ḓo ita vhana vhanga?

Ni khou mpfunza zwine nda fanela u ita

nga vhe nda vha vhumba nga zwanḓa zwanga?

12

45:12
Yes. 44:24
Ndi Nṋe ndo vhumbaho ḽifhasi,

nda sika vhathu vha dzula khaḽo,

nda ṱharamudza lutombo nga zwanḓa zwanga,

nda dzudzanya ṋaledzi.

13

45:13
Yes. 45:1-5
45:13b
Yes. 52:3
Ndi Nṋe ndo rithaho Khoreshe uri a shume zwine nda funa;

ndi ḓo onyolosa nḓila dzawe dzoṱhe.

U ḓo vusa muḓi wanga Jerusalema,

a vhofholola vhathu vhanga vho thubiwaho

a sa ṱoḓi tshipfumelo kana tshanḓanguvhoni.”

Ho amba Muṋe washu Mulangazwoṱhe.

Muṋe washu u farisa vhathu vhawe

14

45:14
Yes. 45:22-24
55:5
60:4-14
Muṋe washu u ri,

“Zwe Vhaegipita vha zwi bvela biko,

na lupfumo lwa Kushu,

zwi ḓo vha zwaṋu;

vhanna vhalapfu vha Seba vha ḓo vha phuli dzaṋu;

vha ḓo ni tevhela vho vhoxwa nga dzigeḓane;

vha ḓo gwadama vha ni luvhelela vha ri,

‘Vhukuma Mudzimu u na inwi,

ndi Ene Mudzimu e eṱhe,

a hu na muṅwe!

15

45:15
Yes. 43:3
Ngoho u Mudzimu ane a ḓidzumba;

Iwe Mudzimu wa Israele,

ndi Iwe Mutshidzi!

16

45:16
Yes. 45:20
44:9-20
Vhoṱhe vha no vhumba midzimu ya zwifanyiso

vha ḓo shona vha tou niwa nga ṱhoni;

vha ḓo nyadziwa.

17Hone Vhaisraele vho tshidzwa nga Yahavee;

gundo ḽavho ndi ḽa lini na lini;

vhathu vhawe vha nga si vhuye vha shona

kana vha nyadziwa, lini na lini.’ ”

Muṋe washu a tshi vhidza tshakha dzoṱhe

18

45:18
Gen. 1:2
Muṋe washu o sika ḽiṱaḓulu,

ndi Ene a re Mudzimu!

O ita ḽifhasi

a ḽi vhumba a ḽi khwaṱhisa.

Ho ngo sikela uri ḽi dzule ḽi soga ḽi si na vhathu,

o ḽi vhumbela uri vhathu vha dzule khaḽo.

Ndi Ene ane a ri,

“Ndi Nṋe Yahavee,

a hu na muṅwe mudzimu.

19

45:19
Yes. 48:16
Jer. 29:12-14
Mat. 7:7
Ndi tshi amba a tho ngo ita tshidzumbe,

ndo amba khagala;

a tho ngo amba swiswini,

ndo amba tshedzani.

A tho ngo vhudza vhaḓuhulu vha Jakopo

uri vha nṱoḓe lwa mahandana.

Ndi Nṋe Yahavee, ndi amba ngoho,

ndi ḓivhadza zwi re zwone.

20

45:20-21
Yes. 41:1-4,21-2943:11
45:15
“Kuvhanganani inwi tshakha dzoṱhe,

noṱhe no salaho u fa mivhuso i tshi wa,

iḓani tsengoni!

Vhathu vha ṱana midzimu yavho ya zwifanyiso zwa thanda;

vha rabela midzimu i sa koni u vha tshidza –

havho vhathu a vha vhui vha ḓivha tshithu!

21Iḓani ni senge mulandu waṋu khoroni;

vhapomokwa nga vha langane!

Ndi nnyi we a dzula o amba zwe zwa itea,

a dzula o zwi ḓivhadza kale-kale?

A si Nṋe Yahavee naa?

A hu na muṅwe mudzimu arali a si Nṋe;

Mudzimu a fulufhedzeaho a no tshidza vhathu vhawe

ndi Nṋe fhedzi.

22

45:22
1 Thes. 1:9
Mish. 14:15
“Vhuyani ha Nṋe zwino ni tshidzwe,

inwi tshakha dzoṱhe dza shango nga he ḽa guma!

Ndi Nṋe Mudzimu a re hone ndi ndoṱhe.

23

45:23-24
Rom. 14:11
Filip. 2:10-11
Zwine nda fulufhedzisa ndi ngoho,

a zwi nga shanduki,

ndi ana nga Nṋe muṋe ndi ri:

Magona oṱhe a ḓo gwadamela Nṋe.

Ndimi dzoṱhe dza ana dza ri,

24‘Gundo na nungo zwi bva kha Yahavee e eṱhe!’ ”

Vhoṱhe vhane vha vhenga Muṋe washu

vha ḓo shona vha ḓa khae;

25hone Muṋe washu a tshi haṱula u ḓo ima na vhaḓuhulu vhoṱhe vha Israele,

vhone vha mu khoḓa.

46

Vhuporofita vhu no amba dziṅwe tshakha (46 – 48)

Midzimu i sa koni u ḓitshidza na Mudzimu a no tshidza vhathu vhawe

461

46:1-2
Yes. 21:9
44:9-20Jer. 50:2
Bele na Nebo,

inwi midzimu ya Babele!

No vha no fanela u hwala lushaka lwaṋu,

hone zwino inwi vhaṋe no kulea nungo na khothea!

Midzimu ye ya vha i tshi hwalwa nga vhathu

zwino yo no hweswa donngi na kholomo;

ndi muhwalo u lemelaho zwifuwo.

2Yoṱhe yo kulea nungo ya khothea;

na zwifanyiso zwayo a i koni u zwi hwala;

na yone iṋe i hwalwa ya iswa vhuthubwani!

3

46:3-4
Dot. 1:31
Hos. 11:3
Ps. 71:17-18
Muṋe washu u ri,

“Nthetsheleseni inwi vha muṱa wa Jakopo,

noṱhe inwi no salaho muṱani wa Israele!

Ndo ni tika ni tshee muvhilini wa mme aṋu,

nda ni hwala tshee na bebwa.

4Mudzimu waṋu ndi Nṋe,

ndi ḓo ni hwala

na vhuya na vha vha maḓuvha na tshena mmvi.

No vhumbwa nga Nṋe,

ni ḓo takulwa nga Nṋe;

ndi ḓo ni tika nda ni lamukisa.

5

46:5-8
Yes. 40:18-21
44:9-20
“Ni ḓo mpfanyisa na nnyi?

Ni nnyeḓanyisa na nnyi?

Ndi nnyi a no fana na Nṋe ane nda nga vhambedzwa nae?

6Vhathu vha vula zwipatshi zwavho vha shulula musuku,

vha kala siliva nga zwikalo,

vha rendela mufuli wa musuku a vha fulela mudzimu,

vha konou gwadama vha u luvha.

7Vha u takulela mahaḓani avho vha u hwala,

vha u vhea vhudzuloni hawo, wa ima henefho;

a u koni u sudzuluwa hune wa vha hone!

Naho muthu a u ṱavhela mukosi, a u fhinduli;

a u koni u mu tshidza khomboni.

8Edzonu zwi elekanya ni dzivhuluwe!

Zwi dzheniseni mbiluni,

mashandukwa ndinwi!

9

46:9
Yes. 43:16-17
Elelwani zwe nda ita kale:

tendani uri ndi Nṋe Mudzimu ndi ndoṱhe,

a hu na muṅwe a no nga Nṋe.

10

46:10
Yes. 41:21-29Ps. 115:3
U bva mathomoni ndo dzula ndo amba

zwine zwa ḓo vha hone;

kale-kale zwi sa athu itea ndo dzula ndo zwi bula.

Nzudzanyo dzanga dzi nga si kundwe,

ndi ḓo ita zwoṱhe zwine nda tama u zwi ita.

11

46:11
Yes. 45:1-5
Ndi khou vhidza munna a no bva vhubvaḓuvha;

u ḓo fhufha unga lurwanzhivha a tshi bva shangoni ḽa kule,

a khunyeledza zwe nda dzudzanya.

Zwe nda amba ndi ḓo zwi ita,

zwe nda dzudzanya ndi ḓo zwi bveledza.

12“Thetshelesani inwi vhadzia-u-sa-pfa

vhane na vhona unga gundo ḽi kule!

13Ḓuvha ḽa gundo ndi khou ḽi sendedza tsini,

a ḽiho kule;

gundo ḽanga a ḽi nga dzindelwi nga tshithu;

ndi ḓo tshidza Tsioni,

vhugala hanga nda vhu ṋea Israele.”

47

U wa ha Babele

471

47:1-15
Yes. 13:1-22
Muṋe washu u ri,

“Iwe Babele,

musidzana wa ndeṅwa,

itsa kha khuluṋoni yau u dzule buseni ḽa mavu;

iwe musidzana wa Mukhaladia,

a u tsha ḓo pfi u mutete, u a tata.

2Dzhia lwala u kuye vhukhopfu,

bvula ṅwenda we wa khurumela,

ganya musisi wau,

ṱangula milenzhe u wele milambo.

3Ḓiṱangule vhathu vha u vhone wo sala fhedzi;

ndi ḓo lifhedza,

a thi nga sii na muthihi.”

4

47:4
Yes. 43:3
Mutshidzi washu ndi Mukhethwa wa Israele;

u pfi Muṋe washu Mulangazwoṱhe!

5“Dzula ho tou tshete,

u kokovhe u dzhene swiswini,

iwe musidzana wa Mukhaladia;

a u tsha ḓo pfi mufumakadzi wa mivhuso!

6

47:6
Zak. 1:15
Ndo vha ndo sinyutshela vhathu vhanga,

nda vha fara unga a vha tshee vhanga,

nda vha kumedza zwanḓani zwau,

iwe wa si vha khathutshele,

na vho no vhaho vha maḓuvha wa vha hwesa dzhogo i gogonaho.

7

47:7
Yes. 37:24-25
Wo vha u tshi vhona unga u ḓo ḓi dzula u mufumakadzi,

hezwi zwithu wa si vhuye wa zwi dzhenisa mbiluni,

kana wa elekanya uri zwi ḓo fhela hani.

8

47:8-9
Tsef. 2:15
Nzumb. 18:7-8
“Edzou thetshelesa, iwe mudzia-u-funa-miḓifho,

u vhona unga wo tshila,

wo tsireledzea,

wa ri, ‘Muthu ndi nṋe,

a hu tshee na muṅwe a no nga nṋe!

A thi nga vhuyi nda vha tshilikadzi kana nda felwa nga vhana!’

9Ndi zwone, kathihi fhedzi, nga ḓuvha ḽithihi,

zwoṱhe hezwo vhuvhili hazwo zwi ḓo itea –

naho u na manditi mangafhani,

wo kungela phamba dzi sa fheli,

u ḓo felwa nga munna na vhana, ha si sale na muthihi.

10

47:10a
Ps. 10:11
14:1
47:10b
Jer. 9:22-23
Esek. 28:3-5
Wo vha u sa ofhi tshithu naho u vhuvhini hau,

u tshi ri a u vhonwi nga muthu,

mathina vhuṱali hau na nḓivho yau zwo u xedza,

wa ri, ‘Muthu ndi nṋe, a hu na muṅwe a no nga nṋe!’

11U ḓo welwa nga khombo,

manditi au a nga si i thivhele;

u ḓo welwa nga phanzi i sa pfumelwi;

u ḓo tshenuwa wo phusukanywa ú songo humbula!

12Fulufhela manditi au-ha na phamba dzau dzoṱhe

dze wa ḓinetisa ngadzo u bva hanani hau;

khamusi dzi ḓo u farisa;

khamusi dzi ḓo shushedza maswina au.

13

47:13
Dan. 2:1-3
Wo ḓinetisa nga nyeletshedzo dzoṱhe dze wa dzi wana –

ndi zwone, vhabvumbi vhau nga vha bvele khagala,

havho vhaḓivhi vha zwa dziṋaledzi vhane vha u bvumbela

ṅwedzi nga ṅwedzi,

vha u tshidze kha zwine zwa u wela.

14“Vha ḓo tou nga mathukhwi;

vha ḓo fhiswa nga mulilo;

a vha nga koni u ḓitshidza khavhuni dza mulilo;

hayo a si masimbe a vhududo,

a si mulilo wa u ora.

15

47:15
Esek. 27:36
Nah. 3:16
Nzumb. 18:15
Zwine zwa ḓo itea ngezwi:

havho vhe wa ḓinetisa u tshi shumisana navho,

ni tshi vhambadzelana u bva hanani hau,

vha ḓo u ṱutshela vhoṱhe,

muṅwe na muṅwe a fara yawe nḓila;

a hu na ane a ḓo sala a tshi u tshidza!”