Tshivenda 1998 (VEN98)
42

Luimbo lwa u thoma lwa Muḓinḓa wa Muṋe washu: Muḓinḓa wa Muṋe washu a no vhofholola vhathu a ladza shangoKha Yesaya hu na zwirendo zwiṋa zwine zwa amba Muḓinḓa wa Muṋe washu. Ndi 42:1-7; 49:1-6; 50:1-11; 52:13 – 53:12.

421

42:1-4
Yes. 49:1-6Mat. 12:18-21
42:1a
1 Sam. 16:13Mat. 3:17
42:1b
Mat. 17:5
Muṋe washu u ri,

“Muḓinḓa wanga ngoyu;

ndi a mu tika,

ndo mu nanga,

ndi a mu takalela.

Ndo mu ḓadza Muya wanga;

u ḓo funza dzitshakha mulayo wanga.

2Ha nga ṱavhi mukosi,

ha nga takusi ipfi,

ipfi ḽawe a ḽi nga pfali magondoni;

3luṱanga lwo piḓeaho ha nga lu vunḓi,

luvhone lu no khou taidza ha nga lu dzimi;

u ḓo ḓivhadza zwone-zwone zwine nda zwi funa.

4Ha nga fulufhuwi,

ha nga kulei nungo;

u ḓo tea mulayo wanga fhano fhasi;

mashango a kule o lindela pfunzo yawe.”

5

42:5
Yes. 40:22Gen. 1
Mudzimu Muṋe washu

we a sika lutombo a lu ṱharamudza,

a adza shango na zwoṱhe zwi re khaḽo,

vhathu vhaḽo a vha ṋea mufemo,

vha tshimbilaho khaḽo a vha ṋea vhutshilo,

6

42:6-7
Yes. 45:1-5
42:6
Yes. 49:6
Luk. 2:32
u ri, “Ndi Nṋe Yahavee,

a thi pfuki mulanga wanga,

ndi zwe nda u vhidza;

ndi ḓo u fara nga tshanḓa,

nda u londola,

nda vhofha mulanga na vhathu vhanga

nga iwe,

nda u ita tshedza tsha dzitshakha,

7

42:7
Yes. 51:11,14
wa swingulusa maṱo o swingaho,

wa vhofholola vho farwaho,

vho dzulaho swiswini wa vha bvisa dzhele.

8

42:8a
Ek. 3:13-16
42:8b-9
Yes. 48:3-11
“Ndi pfi Yahavee,

ndi ḽone dzina ḽanga!

A thi kovhekani vhugala hanga na muṅwe mudzimu,

thendo yanga a thi i kovhekani na zwifanyiso.

9Zwe nda dzula ndo amba zwo itea,

zwino ndi ḓo ni vhudza zwithu zwiswa

na musi zwi sa athu bvelela.”

Shango ḽoṱhe ḽi tshi fhululedza gundo ḽa Mudzimu

10

42:10-12
Ps. 98
Imbelani Muṋe washu luimbo luswa,

shango nga he ḽa guma nga ḽi mu rende nga nyimbo;

inwi ni talaho lwanzheni,

na zwoṱhe zwi re khalwo,

na mashango a kule-kule,

na vha dzulaho khao,

mu rendeni!

11Nga a rendwe nga phanga na miḓi yayo,

na nga vhathu vha Kedara!

Vha dzulaho muḓini wa Sela nga vha fhululedze,

nga vha ṱavhe mukosi vhe miṱumbani ya dzithavha!

12Nga vha rende vhugala ha Muṋe washu,

vha ḓivhadze thendo yawe mashangoni a kule!

13

42:13
Yes. 40:10
45:1-2
Ek. 15:3
Muṋe washu u khou bva pfumo

unga munna wa maanḓa;

mbiti dzawe dzo vuwa unga dza muhali;

u ṱavha mukosi wa nndwa,

maswina u a sumbedza maanḓa awe!

Muṋe washu u ḓo lamulela vhathu vhawe

14

42:14
Hos. 11:8
Mudzimu u ri,

“Ndi kale ndo fhumula ndó tsika mbiti dzanga,

nda si fhindule vhathu vhanga,

hone zwino a thi tsha ḓo konḓelela,

ndi ḓo nga musadzi a tshi ṱoḓou vhofholowa –

ndi ḓo ṱavha mukosi, nda gomela,

nda fhihamelwa.

15Ndi ḓo omisa dzithavha na mivhundu,

hatsi na miri zwa puta;

ndi ḓo xisa milambo,

maisha a oma;

16

42:16
Yes. 40:10
ndi ḓo endedza vhathu vhanga vha mabofu

nḓilani ine vha sa i ḓivhe nda vha tshimbidza gondoni

ḽe vha si ḽi ḓowele,

nda vha shandukisela swiswi ḽa vha tshedza,

hu sa tshimbilei nda ita uri hu tshimbilee.

Hezwo ndi ḓo zwi ita,

a thi nga litshi u zwi ita.

17

42:17
Yes. 45:16
Ps. 97:7
Hone vhoṱhe vhane vha fulufhela zwitungulo,

vhane vha tshi amba zwifanyiso vha ri, ‘Ni midzimu yashu,’

vha ḓo huma vho shona.”

Vhaisraele vho pofula, vho dzinga!

18

42:18
Yes. 43:8
Muṋe washu u ri,

“Thetshelesani,

inwi madzinganḓevhe!

Inwi mabofu, sedzani ni vhone!

19

42:19
Yes. 41:8-9
43:10
Ndi nnyi o pofulaho

unga mulanda wanga Israele?

Ndi nnyi o dzingaho unga muḓinḓa wanga

we nda mu ruma?

Ndi nnyi o pofulaho unga onoyo we a rwelwa vhutshinyi hawe?

Ndi nnyi o pofulaho

unga mulanda wa Yahavee?

20

42:20
Yes. 6:10
No vhona zwithu zwinzhi na si zwi londe;

no pfa mafhungo na si a dzhiele nzhele.”

21Naho zwo ralo Muṋe washu u funa u tshidza,

ndi zwe a ṋea vhathu vhawe pfunzo khulu i huliseaho.

22Hone zwino vhathu vhawe vho ṱangulwa

vha sala fhedzi;

vho khakhedzwa mapakoni vhoṱhe,

vho pangiwa dzhele,

vho ṱangulwa ha si vhe na a vha lamukisaho,

vho dzhielwa ha si vhe na a no ri,

“Humisani!”

23Hone ndi nnyi waṋu a no ḓo zwi thetshelesa hezwi,

a zwi dzhiela nzhele a zwi elelwa misi i ḓaho?

24

42:24-25
Dot. 28:15,25
We a kumedza Jakopo vhaṱanguli ndi nnyi?

Ndi nnyi we a ita uri Israele a sale a si na tshithu?

A si Muṋe washu Ene muṋe we ra mu khakhela naa?

A ro ngo tshimbila nḓilani yawe,

a ro ngo thetshelesa pfunzo.

25Ndi zwe a ita

uri ri pfe u fuḓa ha mbiti dzawe na u vhavha ha nndwa.

Mbiti dzawe dzo ri fhisa thungo dzoṱhe unga mulilo,

hone ra si zwi ṱalukanye;

dzo ri fhisa re lore,

hone ra si zwi londe.

43

Muṋe washu a tshi vhofholola vhathu vhawe vhuthubwani

431

43:1
Yes. 41:10Gen. 32:28
Iwe Jakopo, Muṋe washu we a u sika u khou amba; iwe Israele, Muvhumbi wau u ri,

“U songo ofha, ndi ḓo u lamukisa;

ndo u vhidza nga dzina, u wanga!

2

43:2
Ek. 14:21
Dan. 3:24-27
Ps. 66:12
U tshi fhira vhukati ha maḓi manzhi ndi ḓo vha ndi na iwe;

u tshi wela milambo i nga si u kumbe;

u tshi fhira vhukati ha mulilo u nga si swe;

khavhu dza mulilo dzi nga si u fhise.

3

43:3
Yes. 41:14
43:11,14
45:15,21
47:4
49:26
Hufha ndi Yahavee Mudzimu wau,

Mukhethwa wa Israele Mutshidzi wau.

Ndi ḓo kumedza Egipita ḽa vha tshipfumelo,

iwe wa vhofhololwa;

vhuimoni hau hu ḓo dzhena Kushu na Seba, iwe wa bva.

4Ndi ḓo kumedza dzitshakha uri iwe u tshidzwe,

ngauri ndi tshi u sedza

ndi vhona u wa mutengo muhulu,

ndi a u hulisa, ndi a u funa.

5

43:5-6
Yes. 60:411:11-12
“U songo ofha, ndi na iwe;

ndi ḓo kuvhanganya vhana vhau vhubvaḓuvha na vhukovhela

nda vha vhuisa hayani.

6Ndi ḓo vhudza devhula nda ri,

‘Vha litshe vha ṱuwe!’

nda vhudza tshipembe nda ri,

‘Vha tshi ṱuwa u songo vha dzivhisa!

Litsha vhana vhanga vha humele hayani

vha tshi bva mashangoni a kule,

na vhananyana vhanga vha tshi bva migumoni ya ḽifhasi –

7

43:7
Yes. 42:8
48:11
vhoṱhe vhane vha vhidzwa nga dzina ḽanga,

vhe nda vha sika, nda vha vhumba,

ndi tshi itela uri vha nkhulise!’ ”

Israele, ṱhanzi i si na nzhele

8

43:8
Yes. 6:9-1042:18
Muṋe washu u ri,

“Ḓisani vhathu vhanga khoroni;

vha na maṱo, hone vho pofula;

vha na nḓevhe, hone vho dzinga!

9

43:9
Yes. 41:21-29
Tshakha dzoṱhe nga dzi kuvhangane,

vhathu vhoṱhe vha ḓe tsengoni.

Ndi ufhio wa midzimu yavho we a dzula o amba

zwine zwa khou itea zwino,

kana we a dzula o bvumba zwithu zwa bvelela?

Midzimu heyo nga i ḓe na ṱhanzi dzayo

u sumba uri i na ngoho,

uri vhaṅwe vha zwi pfe vha tende.”

10

43:10
Yes. 44:8
41:8-9
Muṋe washu u ri,

“Dzanga ṱhanzi ndi inwi Vhaisraele,

inwi vhalanda vhanga vhe nda vha nanga

uri ni nnḓivhe, ni mpfulufhele,

ni ṱalukanye uri Mudzimu ndi Nṋe ndi ndoṱhe;

a hu na muṅwe mudzimu we a vhumbwa

Nṋe ndi sa athu vha hone;

a hu tsha ḓo dovha ha vha na muṅwe.

11

43:11
Yes. 43:3
“Ndi Nṋe Yahavee ndi ndoṱhe,

a hu na muṅwe mutshidzi arali e si Nṋe.

12Ndi Nṋe we nda dzula ndo amba uri ndi ḓo ni tshidza,

nda ḓa nda zwi ita;

a hu na mudzimu usili we a vhuya a zwi ita hezwo –

inwi ni ṱhanzi dzanga;

Mudzimu ndi Nṋe,

13ndi ḓo ḓi dzula ndi ane nda vha Ene.

A hu na ane a nga ponyokisa muthu tshanḓani tshanga;

a hu na ane a nga itulula zwe nda ita.”

Zwiswa zwine Muṋe washu a ḓo ita: u phusukanywa ha Babele na u vhuya ha vhathu vhawe

14

43:14
Yes. 45:1-5
Muṋe washu ane a ni tshidza, Mukhethwa wa Israele, u ri,

“Ndi ḓo rambela Babele mmbi nda ni tshidza,

nda ita uri Vhakhaladia vhoṱhe vha shavhele swikepeni

zwine vha zwi ṱongisa.

15Ndi Nṋe Yahavee,

Mudzimu waṋu mukhethwa,

Khosi yaṋu, Musiki wa Israele.”

16

43:16-17
Ek. 14:21-29
Kale-kale o phula nḓila i buḓekanyaho lwanzhe,

gondo ḽa maḓini mahulu.

17O kokodza mmbi ya maanḓa ya Vhaegipita,

na gariki dza nndwa na dzibere,

a vha rambaladza henefho vha si tsha vuwa,

a vha vhudzula a vha dzima unga tshitaitai!

18Hone zwino u ri,

“Ni songo tsha elelwa zwa kale;

zwe zwa itwa misi iḽa ni songo tsha zwi humbula.

19

43:19-21
Jer. 23:7-8
43:19
Yes. 48:665:17
Vhonani,

zwino ndi khou ita zwiswa;

zwo no ḓi itea, a ni zwi vhoni?

Ndi khou phula nḓila sogani,

phangani ha ela milambo.

20Na phukha dza ḓaka,

phunguhwe na mphwe,

dzi ḓo nkhulisa,

ngauri ndi phula maḓi sogani,

milambo ya ela phangani,

uri vhathu vhanga vhe nda vha nanga

vha dzimule ḓora.

21

43:21
1 Pit. 2:9
Ndi lushaka lwe nda ḓivhumbela lwone;

nyimbo dzavho dzi ḓo ḓivhadza zwe nda ita.”

Muṋe washu a tshi fhindula vhathu vhawe vha gungulaho

22

43:22
Joh. 15:16
43:22-25
Yes. 1:10-20
Muṋe washu u ri,

“Iwe Jakopo, u tshi rabela wo vha u sa khou rabela Nṋe;

iwe Israele, u tshi ḓinetisa wo vha u sa khou ḓinetisela Nṋe;

23u tshi ṋekedza zwiṱhavhelo zwa dzinngu dzo fhiswaho,

ho vha hu si u hulisa Nṋe;

u tshi ṋekedza nduvho,

wa dubisa zwioro u tshi tou kakarika,

a si Nṋe ndo u lemedzaho;

24

43:24b-25
Rom. 3:23-24
u tshi renga zwinukheleli zwa mutengo muhulu,

wa ṋekedza mapfura a zwiṱhavhelo,

ho vha hu si u fusha Nṋe,

tshau wo tou nndemedza nga vhutshinyi hau,

wa nndina nga zwivhi zwau.

25Ndi Nṋe ane nda ṱolou u hangwela

u tshi ntshandukela,

nda si tsha elelwa vhutshinyi hau,

ndi tshi itela zwine nda vha zwone.

26

43:26
Ps. 50:4,6
Mika 6:2-3
“Hwelela mulandu!

Nga ri ye tsengoni!

Ḓisengele u sumbedze uri a wo ngo khakha!

27

43:27
Hos. 12:4
Hufha na makhulukuku wau wa u thoma o tshinya;

na vhaimeleli vhau vho ntshandukela;

28ndi zwe nda nyadzisa vhotshifhe vha nnḓu khethwa,

Jakopo nda mu ḽisa nga pfumo,

Israele nda mu nyadzisa.”

44

Mashudu a Israele a matshelo

441

44:1-2
Yes. 41:10
Muṋe washu u ri,

“Thetshelesa iwe Jakopo mulanda wanga,

inwi Vhaisraele vhe nda vha nanga!

2

44:2
Jer. 1:5
Ndi Nṋe Yahavee we nda u ita,

nda u vhumba muvhilini wa mme au;

ndi ḓo u tika!

Iwe Jakopo mulanda wanga,

iwe JeshuruniJeshuruni: Dzina iḽi ḽi ambiwa henefha na kha Dot. 32:15 na 33:5 na 26 fhedzi. Ḽi amba Israele. Jakopo zwi amba “Mudzia-u-fhura”; u nga ri Jeshuruni zwi amba “Munakisi wa mafhungo” kana “Ane a fulufhedzea”. we nda u nanga,

u songo ofha tshithu;

3

44:3
Yes. 32:15
shango ḽo farwaho nga ḓora

ndi ḓo ḽi nisela mvula,

mavuni o omelelaho ha ela milambwana;

ndi ḓo shululela Muya wanga kha vhana vhau,

nda shudufhadza vhaḓuhulu vhau.

4Zwi ḓo vha nakela unga hatsi vhu sheledzwaho;

vha ḓo nga miṋengeledzi i re tsini ha milambwana i elaho.

5

44:5
Yes. 14:1
55:5
Ps. 87:4-7
Muṅwe u ḓo ri,

‘Nṋe ndi wa Muṋe washu!’

muṅwe a tou zwi ṅwala kha tshanḓa;

muṅwe a ri,

‘Na nṋe ndi muḓuhulu wa Jakopo!’

muṅwe a dzhia dzina ḽa Israele ḽa vha ḽawe.”U nga ri afha hu khou amba vhannḓa vhane vha ḓo ḓa vha ḓibaḓekanya na vhathu vha Israele.

Muṋe washu ndi Ene Mudzimu e eṱhe

6

44:6
Yes. 41:4
48:12
Nzumb. 1:8
Muṋe washu Khosi ya Israele, Ene Mulamukisi washu,

Muṋe washu Mulangazwoṱhe,

u ri, “Ndi Nṋe mathomo,

ndi Nṋe magumo,

ndi Nṋe Mudzimu ndi ndoṱhe.

7

44:7
Yes. 41:21-29
Zwino ndi nnyi ane a nga Nṋe?

Ndi nnyi ane a nga ita zwine Nṋe nda ita

tshee nda sika vhathu?

Ndi ufhio mudzimu ane a nga dzula o amba

zwine zwa kha ḓi ḓa?

Nga a ambe, nga a ḓise vhuṱanzi!

8

44:8
Yes. 43:10
Ps. 18:31
“Vhathu vhanga,

ni songo ofha tshithu!

Kani a tho ngo zwi ḓivhadza,

nda dzula ndo amba tsha kale na kale?

Inwi ni ṱhanzi dzanga,

kani hu na muṅwe mudzimu arali e si Nṋe?

Hu na vhuṅwe vhushavhelo vhune nda sa athu vhu pfa kani?”

Vhutsilu ha u luvha midzimu ya zwifanyiso

9

44:9-20
Ps. 115:4-11Yes. 40:18-20
41:7
Jer. 10:3-5
Dan. 5:23
Yes. 41:21-29
Vhoṱhe vhane vha vhaḓa midzimu ya zwifanyiso

vha nga mahandana;

na midzimu yavho ine vha tou i gagamisa

a i na mushumo.

Vhane vha luvha midzimu yeneyo vho pofula,

a vha na nḓivho,

vha ḓo fhedza nga u shona.

10Ndi tsilu-ḓe ḽine ḽa ḓivhumbela mudzimu

ḽa ḓifulela tshifanyiso tshawo?

Hufha tshi sa mu farisi tshithu!

11

44:11
Yes. 42:17
Muṅwe na muṅwe ane a tshi luvha u ḓo shona,

hufha na vhatsila vhane vha zwi vhumba

vhe vhathu.

Vhoṱhe nga vha ḓe tsengoni vha imelele midzimu yavho!

Vha ḓo tshenuwa, vha shona.

12A thi ri mufuli u longa tsimbi muliloni

a dzhia nundo na nundwana a i fula,

a vusa maanḓa oṱhe,

a litsha u ḽa na u nwa

a vhuya a fhelelwa nga nungo a ṋoka.

13Muvhaḓi u ela thanda,

a tala tshifanyiso nga munyaka,

a tshi vhaḓa nga tshigwagwa a tshi kulutedza,

tsha nga muthu o nakaho,

a konou tshi vhea nḓuni yawe.

14A nga ḓi rema mikedara a vhaḓa,

kana a nanga thanda ya muṱaululo kana mutondo u melaho ḓakani,

kana a sima mubvumela a lindela u tshi aluswa nga mvula.

15Kha muri wonoyo

ḽiṅwe davhi a ita khuni dza mulilo,

a ora a pfa vhududo,

a vhasa mulilo a bika,

ḽiṅwe davhi a vhaḓa mudzimu a u luvha,

a ita tshifanyiso a tshi gwadamela.

16Iṅwe thanda o ita khuni dza mulilo,

a gotsha ṋama yawe,

a ḽa a fura,

a ora a ri,

“Ahaa, ndi pfa vhududo,

mulilo uyu u takadza hani!”

17Thanda yo salaho a vhaḓa mudzimu wa tshifanyiso,

a gwadama a tshi luvha,

a tshi rabela a ri,

“U mudzimu wanga, ntshidze!”

18Vhathu vho raloho ndi matsilu,

a vha ḓivhi tshine vha ita,

vha ḓishatela maṱo uri vha si vhone,

vha konḓisa mbilu dzavho uri vha si vhone ngoho.

19Muthu o raloho ha na ṱhalukanyo;

u shaya nzhele, ha koni u ri,

“Iṅwe thanda ndi a vhasa, nda bika,

nda gotsha ṋama nda ḽa,

yo salaho nda vhaḓa tshithu tshi nengisaho ngayo,

zwino ndí fhano ndo gwadamela tshitanda!”

20Zwo raloho zwi ḓi fana na u rabela milora.

Mihumbulo yawe ya vhutsilu yo mu xedza,

ha tsha kona u dzivhuluswa;

ha koni u ri,

“Itshi tshithu tshe nda fara nga tshanḓa

a si u ḓifhura naa?”

Mutshidzi ndi Muṋe washu

21Muṋe washu u ri,

“Iwe Jakopo,

u songo hangwa hezwi;

iwe Israele,

ḓivha uri u mulanda wanga;

ndo u vhumbela u vha mulanda wanga;

ndi nga si vhuye nda u hangwa Israele.

22

44:22
Yes. 43:25
Kol. 2:14
Vhutshinyi hau ndo vhu swielela kule,

ha balangana unga gole,

zwivhi zwau zwa fhufha unga khuli;

humela ha Nṋe,

ndi Nṋe ane nda u tshidza.”

23

44:23
Yes. 49:13
55:12
35:1-2
Ps. 96:11-13
Rom. 8:19-22
Ḽiṱaḓulu nga ḽi fhululedze!

Inwi mativha, ṱavhani mukosi!

Inwi dzithavha na miri yoṱhe ya ḓaka,

lidzani mifhululu!

Muṋe washu o tshidza Jakopo;

o sumbedza vhugala hawe nga u lamulela Israele!

Jerusalema hu ḓo dovha ha dzula vhathu

24

44:24
Yes. 45:12
40:22
Muṋe washu u ri,

“Ndi Nṋe Mutshidzi wau;

ndo u vhumba muvhilini wa mme au;

ndi Nṋe Yahavee o sikaho zwoṱhe.

Ndo ṱharamudza ḽiṱaḓulu ndi ndoṱhe,

nda adza ḽifhasi hu si na ane a mpfarisa.

25

44:25
Jer. 50:36
Yes. 29:14
Vhadzia-u-bvumba ndi a vha dzumbulula,

nda ṱana vhutsilu ha mingome,

nda piringanya nḓivho ya vhaṱali ya shanduka vhutsilu.

26

44:26b
Jer. 31:38
Zak. 1:16
Hone mulanda wanga a tshi ḓivhadza

zwi no ḓo itea,

muḓinḓa wanga a tshi dzumbulula zwe nda dzudzanya,

ndi ita uri zwi bvelele nga u ralo.

Ndi vhudza Jerusalema uri vhathu vha ḓo dovha vha dzula hone,

nda vhudza miḓi ya Juda uri i ḓo dohwa ya fhaṱwa;

matumba avho ndi ḓo dovha nda a vusa.

27

44:27
Josh. 4:23
Nda tou amba, lwanzhe lu a xa,

milambo ya oma.

28

44:28
Yes. 45:1-5
Ndi amba na Khoreshe ndi ri,

‘Ndi iwe mulisa wa nngu dzanga;

u ḓo khunyeledza zwoṱhe zwine nda funa.’

U ḓo ri Jerusalema nga u dohwe u vuswe,

thembele nga i tewe.”