Tshivenda 1998 (VEN98)
41

Mudzimu wa Israele a tshi sengisa dzitshakha

411

41:1
Yes. 41:21-24
Mudzimu u ri,

“Inwi mashango a kule-kule,

ni tshete ni nthetshelese;

inwi dzitshakha, ḓilugiseni,

sendelani ni ḓisengele;

nga ri ṱangane tsengoni!

2

41:2
Yes. 45:1-5
Uḽa a no bva vhubvaḓuvha,Afha hu ambiwa Khoreshe khosi ya Pheresia, 555 – 529 BC. we a kunda Babele nga 539 BC, a vhofholola Majuda uri vha humele Jerusalema vha tshi bva vhuthubwani Babele. Kha hu sedzwe Esra 1:1-4.

ane hune a kanda a kunda,

o rithwa nga nnyi uri a ḓe?

Ndi nnyi we a mu kumedza dzitshakha,

a mu tekulela mahosi,

a vha runga nga pfumo vha vha buse,

musevhe wawe wa vha balanganya unga mathukhwi

a tshi hwalwa nga muya.

3O vha pandamedza a fhira a sa thivhelwi nga tshithu,

e na luvhilo,

ṋayo dzawe dzi sa kwami fhasi.

4

41:4
Yes. 44:6
We a ita uri izwo zwi vhe hone ndi nnyi?

A si Ene we a dzula o dzudzanya zwine zwa itea naa?

Nṋe Yahavee ndo vha ndi hone mathomoni,

zwi tshi guma

ndi ḓo ḓi vha e Nṋe Muṋe wazwo.”

Dzitshakha dzi tshi ṱoḓa vhushavhelo

5“Mashango a kule-kule o vhona zwe nda ita, a ofha,

migumo ya ḽifhasi ya tetemela.

Vhathu vho kuvhangana

6vha farisana, vha vhudzana vha ri,

‘Ni songo kulea nungo.’

7

41:7
Yes. 40:18-20
Muvhaḓi u ṱuṱuwedza mufuli wa musuku,

ane a kanḓa nga nundo u ṱuṱuwedza a no vhanda baphathi;

vha amba tshe vha tshi fula vha ri,

‘Ndi tshavhuḓi!’

Vha tshi paṱekanya nga zwibigiri uri tshi si tseke.”

Muṋe washu u ima na lushaka lwe a lu nanga

8

41:8-13
Jer. 30:10-11
41:8
Ps. 135:4
2 Koron. 20:7
“Hone iwe Israele mulanda wanga,

vhana vha Jakopo vhe nda vha nanga,

inwi vhaḓuhulu vha Abrahamu khonani yanga,

9ndo ni endedza ni tshi bva migumoni ya ḽifhasi;

ndo ni vhidza ni tshi bva khuḓani dzaḽo dza kule-kule,

nda ri, ‘U mulanda wanga,’

a tho ngo ni landula, ndo ni nanga.

10

41:10
Yes. 41:13-14
43:1,5
44:8
51:7
54:4
Ni songo ofha, ndi na inwi;

ndi Mudzimu waṋu,

ni songo ḽa mbilu;

ndi ḓo ni ṋea nungo nda ni farisa,

ndi ḓo ni tika

nga tshanḓa tshanga tsha maanḓa.

11Vho ni sinyutshelaho vha ḓo shona vha tou niwa nga ṱhoni;

vhane vha lwa na inwi vha ḓo lovha vha sala vha si tshithu;

12vhane vha ni vhenga ni ḓo vha ṱoḓa na si tsha vha wana;

vhane vha ni vutshela vha ḓo nga a vhaho.

13Nṋe ndi Yahavee Mudzimu waṋu,

ndo ni fara nga tshanḓa;

ndi ri, ‘Ni songo ofha,

ndi a ni farisa!’ ”

14

41:14
Yes. 41:1043:3Luk. 12:32
Ps. 22:5
Jobo 25:6
Muṋe washu u ri,

“Iwe Jakopo,

naho u tshi shaya nungo sa tshivhungu,

inwi Vhaisraele, naho ni vhaṱuku,

ni songo ofha tshithu,

Nṋe muṋe ndi ḓo ni farisa;

Mulamuleli waṋu

ndi Mukhethwa wa Israele.

15Ndi ni ita tshifhulo tshiswa

tsha maṋo a vhuhali;

ni ḓo fhula dzithavha na dzi fhefhera,

mivhundu na i kuyekanya ya vha mathukhwi;

16ni ḓo i posa muyani,

muya wa i hwala,

ya balanganywa nga maḓumbu.

Ndi hone ni tshi do pembela ni tshi humbula Nṋe Yahavee,

na zuwa Mukhethwa wa Israele.”

Muṋe washu u endedza lushaka lwawe lu tshi fhira phangani

17

41:17-20
Ps. 84:6
“Musi vhashai na vhaheḓana vha tshi lila maḓi

a si vhe hone,

mikulo yavho ya tou oma nga ḓora,

ndi hone Nṋe Yahavee

ndi tshi ḓo fhindula thabelo yavho,

Nṋe Mudzimu wa Israele ndi nga si vha laṱedze.

18

41:18
Yes. 30:25
35:7
43:19
Ps. 107:35
Ndi ḓo elisa milambo makwarani,

nda phula zwisima magovhani;

phanga ndi ḓo i shandula madzivha a maḓi,

shango ḽo omaho ḽa ḓala zwisima.

19Phangani ndi ḓo medza miṱulume na miunga

na miṱangule na miṱwari,

sogani ndi ḓo sima miṱaululo na miṱu na mipaini.

20Ndi hone vhathu vha tshi ḓo zwi vhona

vha zwi ḓivha,

vha elekanya vha ṱalukanya

uri zwo itwa nga tshanḓa tsha Yahavee,

zwo sikwa nga Mukhethwa wa Israele.”

Muṋe washu a tshi ita khaedu na midzimu ya dzitshakha

21

41:21-29
Yes. 41:1-4
43:9
44:7
40:18-2048:3-5
Ps. 82
Muṋe washu Khosi ya Jakopo u ri,

“Inwi midzimu ya dzitshakha, ḓisengeleni,

bvisani vhuṱanzi.

22Edzonu ri vhudza zwe na vhuya na ita kale

ri kone u vha na nzhele nazwo;

zwa kunda,

ri vhudzeni zwine na kha ḓi ḓo ita,

uri zwi tshi bvelela ri kone u tenda.

23Edzonu ri bvumbela tshithihi zwatsho

tsha zwi ḓaho,

tshivhi kana tshivhuya,

ndi hone ri tshi ḓo ḓivha uri ni midzimu,

zwa ri somela ra ni ofha.

24Hone inwi a ni tshithu,

a ni na tshine na kona,

na vhane vha ni luvha vha a nengisa.

25

41:25
Yes. 45:1-5
“Ndo ritha munna a bvaho devhula uri a ḓe,Kha hu sedzwe kha 41:2.

ndo mu vhidzela mushumo wanga a tshi bva vhubvaḓuvha;

u ḓo kandekanya vhavhusi unga matope,

unga muvhumbi a tshi suka vumba.

26Ndi nnyi waṋu o bvumbaho uri zwo raliho zwi ḓo bvelela?

Ro vha ri tshi ḓo kona u amba ra ri,

‘No vha ni tshi khou ita zwone.’

Hone a hu na na muthihi waṋu we a vhuya a amba tshithu,

a hu na we a zwi bvumba,

a hu na we a pfa ni tshi amba tshithu.

27

41:27
Yes. 52:7
Ndi Nṋe ndo thomaho

u vhudza Tsioni haya mafhungo;

ndi ruma muḓinḓa

a isa mafhungo maḓifha Jerusalema.

28Ndi tshi sedza midzimu

a hu na we a vha e na tshine a amba;

ho vha hu si na na ane a fhindula zwine nda vha vhudzisa.

29Midzimu yoṱhe heyo a i na mushumo,

a i koni u ita tshithu,

zwifanyiso zwayo a si tshithu,

ndi mahandana.”