Tshivenda 1998 (VEN98)
25

U renda Muṋe washu nge a lamulele lushaka lwawe

251

25:1
Yes. 24:14
Ps. 98:1-3
Muṋe washu, u Mudzimu wanga,

ndi ḓo u hulisa nda renda dzina ḽau!

Wo ita zwi kanukisaho,

wa khunyeledza zwe wa dzudzanya kale-kale;

a u shanduki,

u a fulufhedzea tshoṱhe.

2

25:2-3
Yes. 13:19-22
Miḓi wo i phusukanya a sala e matumba,

na yo tangwaho nga mitsheṱo a sala e marubi;

pfamo dza maswina ashu a dzi tsheeho,

a dzi tsha ḓo dovha dza vuswa.

3Ndi zwine tshakha dza maanḓa dza ḓo u hulisa;

miḓi ya tshakha dza tshiṱuhu i ḓo u ofha.

4

25:4
Yes. 4:5-6
Wo ḓi vha vhushavhelo ha vhaheḓana,

wa tsireledza vhatshinyali musi wa khombo,

wa vha dzumba musi hu tshi na muḓaphondo,

ḽi tshi fhisa wa vha murunzi wavho.

Vhathu vha tshiṱuhu ndi vhone vha no tshinyadza

mvula khulu i tshi wisa mbondo,

5vha nga biso ḽa phangani.

Hone iwe Muṋe washu

u kaṱudza u zhamba ha maswina,

zwa nga biso ḽi tshi fhungudzwa nga khuli,

muḓalo wa vha tshiṱuhu wa mbo ḓi tshete.

Mudzimu a tshi khunyeledza mushumo wawe

6

25:6
Yes. 24:23
Mat. 8:11
Nzumb. 19:9
Hafhano thavhani ya Tsioni

Muṋe washu Mulangazwoṱhe

u ḓo lugisela tshakha dzoṱhe vhuṱambo ha mapfura,

vhuṱambo ha waini i ḓifhaho,

ṋama ya mwongo,

waini yavhuḓivhuḓi.

7Thavhani heino u ḓo khurumula lupila

lwo khurumedzaho tshakha dzoṱhe,

a fukula ḽiḽa sila ḽo tibaho vhathu vhoṱhe,

8

25:8
Yes. 26:191 Korint. 15:26,54-55
Nzumb. 21:4
u ralo ha vha u lozwa lufu tshoṱhe.

Muṋe wa zwoṱhe, Ene Muṋe washu,

u ḓo fhuluṱa miṱodzi ya vhathu vhoṱhe,

a fhelisa u shoniswa ha vhathu vhawe

shangoni ḽoṱhe.

Ho amba Muṋe washu!

9Musi wonoyo vha ḓo ri,

“Vhukuma hoyu ndi Mudzimu washu.

Ro vha ro lavhelela Ene,

a ri tshidza!

Hoyu ndi Muṋe washu we ra mu lavhelela.

O ri tshidza,

nga ri takale ri pembele.”

U phusukanywa ha Muaba

10

25:10-12
Yes. 15:1 – 16:14!
Tshanḓa tsha Muṋe washu

tshi ḓo tsireledza thavha ya Tsioni,

hone vha Muaba u ḓo vha kandekanya

unga mathukhwi a tshi kandekanywa

a ṱangana na mupfudze.

11Vha ḓo takanyea khawo unga mubambeli

a tshi ṱharamudza zwanḓa zwawe a tshi bambela.

Muṋe washu u ḓo fhedza u ḓihudza havho,

vhutsila ha zwanḓa zwavho vhu si vha farise tshithu.

12U ḓo wisa mitsheṱo yavho milapfu

yo khwaṱhaho, ye huru,

a i hovha ya kunguluwa ya wela buseni.

26

Muḓi wo dzivhelwaho

261

26:1
Ps. 48:13-14
Musi wonoyo hu ḓo imbiwa luimbo shangoni ḽa Juda, ha pfi,

“Ri na muḓi wo dzivhelwaho,

Mudzimu u ri tsireledza nga mitsheṱo yo khwaṱhaho.

2

26:2
Ps. 118:19-20
Nzumb. 21:27
Vulani dzikhoro dza muḓi,

hu dzhene lushaka lu fulufhedzeaho lu no thetshelesa Mudzimu,

3lu sa khakhiswi nga tshithu.

Iwe Muṋe washu u vha ṋea mulalolalo,

vha fulufhela Iwe.

4

26:4
Ps. 18:2
Fulufhelani Muṋe washu lini na lini;

Yahavee Muṋe washu ndi bako ḽashu ḽa lini na lini.

5

26:5
Yes. 25:2,12
U ṱukufhadza vha no ṱongisa vhuhulwane,

u phusukanya muḓi wavho wo dzivhelwaho,

a u thutha we fhasi huru,

a u posa fhasi buseni.

6

26:6
1 Sam. 2:4,7-8
Vhe vha vha vha tshi kandeledzwa vha vho tshimbila nṱha hawo zwino,

vhaheḓana vha u kandekanya nga milenzhe.”

Thabelo ya misi ya vhufhelo

7Muṋe washu, vha fulufhedzeaho u vha swielela nḓila,

nḓila ine vha tshimbila ngayo yo linganela.

8Nangwe u tshi khou ri laṱisa ri ḓi fulufhela Iwe nga tshiṱuvho;

zwine ra zwi tama u fhira zwoṱhe ndi u vhidzelela Iwe

na u humbula Iwe.

9

26:9
Ps. 63:6
119:62
Na vhusiku ndi u ṱuvha nga mbilu yanga yoṱhe,

ndi bubela u u rabela nga tshiṱuvho tshihulu.

Musi u tshi haṱula shango na vhathu vhaḽo,

ndi hone vha tshi ḓo guda u ita zwi re zwone.

10Vhavhi naho u tshi vha itela vhuthu a vha gudi u ita zwi re zwone;

na shangoni ḽino hu no tevhedzwa khaṱhulo yau,

Iwe Muṋe washu,

a vha vhoni vhuhulu hau,

vha ḓi shanda khaṱhulo.

11Muṋe washu, tshanḓa tshau tsho no ḓi angaladzwa,

hone maswina au ha tshi vhoni.

Nga vha vhone uri u lwela vhathu vhau

nga lufuno lungafhani,

vha shone.

Nga vha fhiswe nga mulilo we vha dzula vho vhaselwa,

vhe lore!

12

26:12-13
Neh. 9:36-37
Muṋe washu, u ri ladzela shango;

zwoṱhe zwe ra shuma ro koniswa nga Iwe.

13Mudzimu Muṋe washu,

ro vha ri tshi vhuswa nga vhaṅwe,

hone ri zuwa Iwe u woṱhe.

14

26:14
Yes. 26:19
Maswina o fa,

ha tsha ḓo dovha a tshila,

mirunzi yavho a i tsha ḓo dovha ya vuwa;

wo vha pfisa vhuṱungu wa vha lozwa,

vho hangwiwa tshoṱhe.

15Muṋe washu,

wo alusa lushaka lwa hashu,

wa ri engedzela shango masia oṱhe,

zwa ita uri u huliswe.

16

26:16
Hos. 5:15
Ps. 119:67
Muṋe washu,

vhathu vhau vho shavhela ha Iwe musi wa khombo,

wa ri u vha laṱisa

vha ḓa ha Iwe vha tshi tswimila.

17Muṋe washu,

wo ita uri ri gomele unga musadzi a no khou vhofholowa

a tshi tshema nga u pfa vhuṱungu.

18Ro vha ro vhifha muvhilini ri tshi gomela,

ra fhedza ra si bebe tshithu;

a ro ngo vhuya ra lwela shango ḽashu ra kunda,

shango a ro ngo ḽi bebela vhathu.

19

26:19
Esek. 37:1-14
Mat. 22:32
Luk. 7:22
Rom. 14:8
Dan. 12:2
Muṋe washu,

vhafu vhau vha ḓo dovha vha tshila,

zwitumbu zwavho zwi ḓo vuwa!

Inwi no lalaho buseni,

vuwani ni fhululedze!

Iwe Muṋe washu u nga ṅwando u ṋeaho vhutshilo,

shango ḽa konou ṱanza vhafu.

Khaṱhulo ya shango na lwanzhe

20Inwi vhathu vhanga,

shavhelani dzinḓuni ni ḓihoṋele ngomu,

ni dzumbame tshifhinganyana ṱhamu ya Mudzimu i vhuye i fhire!

21

26:21
Mika 1:2-3
Muṋe washu u khou ḓa a tshi bva hune a dzula hone,

u ḓa u laṱisa vhathu vha shango

nga mulandu wa vhutshinyi havho;

ḽifhasi ḽi ḓo dzumbulula malofha o fhaladzelwaho khaḽo,

mavu ha tsha ḓo swiṱa vho vhulahelwaho khao.

27

271

27:1
Jobo 26:12-13
Ps. 74:13-14
Nzumb. 13:1-2
20:2
Musi wonoyo Muṋe washu u ḓo dzhia banga ḽawe

ḽi ofhisaho, ḽihulu, ḽa maanḓa a rema Liviathani,

heḽiḽa ḽiṋowa ḽa luvhilo,

ḽiṋowa ḽi sombekanaho;

u ḓo vhulaha buka ḽi dzulaho lwanzheni.

Luimbo luswa lwa tsimu ya Mudzimu ya minḓirivhe

2

27:2-5
Yes. 5:1-7
Musi wonoyo

Muṋe washu u ḓo ni vhudza a ri,

“Ndi na tsimu i takadzaho ya minḓirivhe,

i imbeni!

3Nṋe Yahavee ndi a i londola,

a thi fhidzi u i sheledza.

Ndi i linda vhusiku na masiari hu sa ḓo ḓa muṅwe a tshinya.

4A i tsha mmbilaedza,

hone nda wana ho mela

luanakha na mitshutshungu,

ndi ḓo lwa nazwo nda zwi fhisa zwe tshote.

5Ndi khwiṋe vha tshi shavhela ha Nṋe nda vha tsireledza, vha pfumelwa.

Ee, nga vha pfumelwe!”

U thubiwa na u hangwelwa ha vhaḓuhulu vha Jakopo

6Misi i ḓaho vhaḓuhulu vha Jakopo vha ḓo ṱoka midzi,

Vhaisraele vha ḓo kulukusha vha fhufhumisa,

vha ḓadza shango nga mitshelo.

7

27:7-8
Zak. 1:15
Muṋe washu o tambudza Vhaisraele

unga a tshi tambudza vhatambudzi vhavho kani?

Vho vhulawa unga hu tshi vhulawa vhavhulahi vhavho naa?

8Aiwa, ho ngo vha tambudza lwa u tou kalula

hezwi a tshi vha sukumedzela vhuthubwani,

o tou vha hwala nga muya u vayaho wa vhubvaḓuvha.

9

27:9
Yes. 17:8
30:22
Nga vha kuye matombo a aḽiṱari dza vhannḓa,

dzi sale dzi tshi nga vhukhopfu,

hu si tsha vha na thanda dza mudzimutshisadzi Ashera,

na aḽiṱari dza u fhisela zwioro;

ndi hone milandu ya vhaḓuhulu vha Jakopo

i tshi ḓo pfumelwa, ndi yone tsumbo

ya uri vho hangwelwa vhutshinyi.

10Muḓi uyu wo dzivhelwaho a u tshee na muthu,

wo no tou vha matumba,

wo sala u tshi nga soga,

wo no vha pfulo ya ṋamana,

ngedziḽaa dzo awela dzi tshi khou swarula matavhi.

11

27:11b
Yes. 1:3
Matavhi a miri o puta a vunḓekana,

vhasadzi vha reḓa dza khuni dza u vhasa.

Musiki wavho a nga si vha khathutshele,

Muvhumbi wavho a nga si vha pfele vhuṱungu;

ndi vhathu vha si na ṱhalukanyo.

12

27:12
Yes. 28:27
1 Mah. 8:65
Hu khou ḓa ḓuvha ḽine Muṋe washu

a ḓo kuvhanganya vhathu vha Israele

nga muthihi nga muthihi u bva Yufuratha u swika nga mukano wa Egipita,

zwa nga mulimi a tshi fhula goroi

a nanguludza thoro a si sie na nthihi.

13

27:13
Yes. 11:11-12
Hos. 11:11
Musi wonoyo hu ḓo lidzwa phalaphala khulu

i tshi vhidza Vhaisraele vho fhalalelaho Ashuru

na vho thathelwaho Egipita uri vha vhuye hayani,

vha luvhe Muṋe washu Jerusalema,

thavhani yawe khethwa.