Tshivenda 1998 (VEN98)
18

Malaedzwa a no amba Kushu

181Shango ḽiḽa ḽo navhaho

na milambo ya Kushu,

milongani ya Nile,

hu no pfala u ṅoṅa,

ḽi ḓo zwi vhona.

2

18:2
Yes. 20:1-5
Esek. 30:9
Shangoni ḽeneḽo hu bva vhaḓinḓa,Henefha nga 714 BC. Vhakushu vho kunda Vhaegipita vha vha vhusa. Zwino vhenevho vha ruma vhaḓinḓa kha ḽa Juda vha tshi ṱoḓa u ita pfano uri vha ime vhoṱhe vha lwe na Ashuru. Ndi vhenevho vhe muporofita Yesaya a vha vhudza uri vha hume.

vha ḓa vha tshi tala maḓini nga magungwa

o fhaṱwaho nga ṱhanga.

Inwi vhaḓinḓa vha luvhilo, humani,

ni vhuelele ha lushaka lwa haṋu,

lwa vhathu vhalapfu,

vha lukanda lu penyaho,

vha no ofhiwa nga ḽifhasi ḽoṱhe,

lushaka lwa mukundulela lu no levha,

lwa shango ḽo fhandekanywaho nga milambo.

3Inwi noṱhe ni no dzula shangoni!

Inwi vhathu vha ḽifhasi ḽoṱhe!

Tshiga tsha nndwa tshi tshi imiswa dzithavhani,

ni tshi sedze!

Phalaphala i tshi lila ni thetshelese!

4

18:4-6
Yes. 10:28-34
18:4
Ps. 33:13-14
Muṋe washu o mmbudza a ri,

“Ndi ḓo ri tshete, nda sokou sedza ndí vhudzuloni hanga,

nda nga biso ḽo dzikaho ḓuvha ḽi tshi penya,

nda nga khuli i tshi tiba ḓuvha ḽi tshi fhisa tshilimo.

5Maswina a ḓo lozwa Vhakushu zwa nga lufhanga

lu tshi tumula davhi ḽa munḓirivhe,

maḓadzwane a khwathiwa maluvha ó no fhufhurea,

nḓirivhe dzi tshi vho vhibva,

dzi sa athu fulwa.

6

18:6
Tsef. 2:12
Zwitumbu zwavho zwi ḓo sala zwi tshi ḽiwa

nga maanga a thavha na zwivhanda zwa ḓaka;

zwi ḓo ḽiwa nga maanga tshilimo tshoṱhe,

vhuriha hoṱhe zwa ḽiwa nga zwivhanda.”

7

18:7
Ps. 68:29-31
Tsef. 3:10
Mish. 8:27-28
Musi wonoyo Muṋe washu Mulangazwoṱhe

u ḓo ṋekedzwa nduvho

nga lushaka lwa vhathu vhalapfu,

vha lukanda lu penyaho,

na nga lushaka lwa kule lu no ofhisa u fhira na vhenevho,

lushaka lwa mukundulela lu no levha,

lwa shango ḽo fhandekanywaho nga milambo.

Vha ḓo dzi ḓisa thavhani ya Tsioni

hune Muṋe washu Mulangazwoṱhe a luvhiwa hone.

19

U fulufhuwa ha Vhaegipita

191

19:1-15
Jer. 46:2-26
19:1
Ps. 18:9-11
104:3
Ndaedzo i no amba Egipita ngeino:

Vhonani, Muṋe washu o namela gole ḽa luvhilo,

u khou ḓa Egipita.

Midzimu ya Egipita i tshi mu vhona i a tetemela;

mbilu dza Vhaegipita dzi tou ṋoka.

2Muṋe washu u ri,

“Ndi ḓo luṱanya Vhaegipita vha lwa nga tshavho,

mukomana a lwa na murathu,

muhura a lwa na muhura,

miḓi ya vutshelana, mivhuso ya lwa.

3Vhaegipita vha ḓo kanganea;

ndi ḓo piringanya maano avho;

vha ḓo ṱoḓa nyeletshedzo kha midzimu na vhadzimu

na mingome na milomo ya vhadzimu.

4Vhaegipita ndi ḓo vha kumedza muvhusi wa tshiṱuhu;

vha ḓo vhuswa nga khosi i ofhisaho.”Hu nga kha ḓi vha hu tshi ambiwa khosi ya Ashuru, kana iṅwe khosi ya Egipita.

Ho amba Muṋe washu Mulangazwoṱhe,

Ene Muṋe wazwo.

5

19:5
Jer. 51:36
Mulambo wa Nile u ḓo xa,

ḓuvha ḽa gotsha,

mavu a sala o oma mulamboni;

6milonga yawo i ḓo nukha,

maḓi a fhungudzea migeroni ya Egipita,

ṱhanga na madzhesi zwa puta,

7khathihi na zwimela zwi re miṱangani

hune Nile wa shela,

na masimu oṱhe a navhaho na mulambo

a do oma,

zwimela zwa puta zwa vhudzulelwa kule nga muya,

zwi sa tsha vha hone,

8vhoṱhe vha no tshila nga u rea khovhe

mulamboni wa Nile

vha gomela, vha honḓa,

vha fhelela,

zwilazwulo zwavho na mambule zwa si tsha vha na mushumo.

9Vhahoṱi vha muḓali vha ḓo ḓaḓa,

vhaluki vha masila vha kulea nungo;

10vhaluki vha masila vha ḓo ṱungufhala,

vhashumi vha no hola vha hanganea.

11

19:11-12
1 Mah. 4:30
Gen. 41:8
19:11
Num. 13:22
Vhahulwane vha muḓi wa Tsuani vha tou vha matsilu;

vhaṱali vha vhaṱali vha no eletshedza Farao

vha eletshedza zwa vhutsilu fhedzi.

Ni vhudza Farao na ri,

“Nṋe ndi muṅwe wa vhaṱali,

ndi muḓuhulu wa mahosi a kale!”

Hone ni nga amba hani nga u ralo?

12Iwe khosi ya Egipita,

vhaḽa vhaeletshedzi vhau vha vhuṱali vha ngafhi?

Khamusi vha nga u sumbedza,

vha u vhudza zwe Muṋe washu Mulangazwoṱhe

a dzudzanyela Egipita.

13Vharangaphanḓa vha TsuaniTsuani wo vha wo fhaṱwa mulomoni wa Nile; wo vhuya wa vha musanda wa Egipita. Ḽiṅwe dzina ḽa Nofo ḽi pfi Memfisi; na wone wo vhuya wa vha musanda wa Egipita. vho tsilufhala;

vhahulwane vha Nofo vho fhurea;

vhone khokho dza lushaka,

vho pambusa Vhaegipita nḓilani.

14

19:14
1 Mah. 22:20-22
Muṋe washu o vha ṱanganya dziṱhoho,

vha pepeleka unga tshidakwa,

vha ḓaḓisa Egipita kha zwoṱhe zwine ḽa ita;

ḽi pepeleka unga tshidakwa tshi tshi redzemuswa

nga maṱanza atsho.

15

19:15
Yes. 9:14
A hu na na muthihi Egipita ane a nga ḓitshidza –

hu mupfumi, hu mushai,

hu muḓivhalea, hu a no nyadzea.Tshiheberu tshi ri, “hu ṱhoho, hu mutshila, hu davhi ḽa mutshevho, hu luṱanga”, hu tshi tevhedza maipfi a Yes. 9:14.

Fulufhelo ḽa Vhaegipita

16Musi wonoyo vhanna vha Egipita vha ḓo ofha unga vhasadzi; vha ḓo tetemela nga nyofho vha tshi vhona Muṋe washu Mulangazwoṱhe o angaladza tshanḓa a tshi ṱoḓa u vha rwa. 17Shango ḽa Juda ḽi ḓo dzula ḽi tshi ofhisa Vhaegipita, vhoṱhe vhane vha pfa hu tshi ambiwa Juda, vha tshi humbudzwa zwo vha livhaho zwe vha dzudzanyelwa nga Muṋe washu Mulangazwoṱhe. 18Misi yeneyo hu ḓo vha na miḓi miṱanu ya Egipita hune ha ambiwa Tshiheberu; vhathu vha henefho vha ḓo ana nga dzina ḽa Muṋe washu Mulangazwoṱhe; muṅwe wa miḓi yeneyo u ḓo pfi Muluvhaḓuvha.Muḓi uyo ndi Heliopolis, he kale ha vha hu tshi rabelwa ḓuvha.

19

19:19-25
Esek. 29:13-16
Musi wonoyo hu ḓo vha na aḽiṱari ya Muṋe washu tshivhindini tsha shango ḽa Egipita, masakhani aḽo ha vha na phuphu ya tombo ya tshihumbudzo tsha uri Ene u hone henefho. 20
19:20
Rangap. 2:16-18
Tshi ḓo vha tshone tshiga tshi no ṱanzilela Muṋe washu Mulangazwoṱhe shangoni ḽa Egipita, uri musi vha tshi kandeledzwa vha ḓo ri u ṱavhela Muṋe washu mukosi, Ene a ruma mutshidzi, a vha lamukisa a vha vhofholola. 21Muṋe washu u ḓo ḓidzumbululela Vhaegipita; musi wonoyo ndi hone vha tshi ḓo ḓivha Muṋe washu vha mu luvha, vha mu ḓisela zwiṱhavhelo na nduvho, vha mu anela vha dovha vha ita zwe vha ana. 22Muṋe washu u ḓo rwa Vhaegipita lu ṱungufhadzaho, a dovha a vha fhodza; vha ḓo rembulutshela khae, Ene a thetshelesa thabelo dzavho a vha fhodza.

23Musi wonoyo hu ḓo vha na gondo ḽi no bva Egipita ḽi tshi ya Ashuru; Vhaashuru na Vhaegipita vha ḓo dalelana, vha luvha Mudzimu vhe tshithu tshithihi, 24vha vhuraru vha vha Vhaisraele, tshakha dzoṱhe dza ḽifhasi dza wana mashudu nga Israele. 25

19:25
Ef. 2:10
2 Korint. 5:17
Muṋe washu Mulangazwoṱhe u ḓo vha shudufhadza a ri, “Ndi a u shudufhadza iwe Egipita, vhathu vhanga, na iwe Ashuru, wone mushumo wa zwanḓa zwanga, na Israele, vhathu vhanga vhe nda vha nanga.”

20

Tshiga tsha muporofita a tshi tshimbila e fhedzi

201

20:1-6
Yes. 30:1-7
Saragoni khosi ya Ashuru o ruma mulangammbi wawe muhulwane u yo dia Ashidodo. Nangoho a ḓa a u thuba. 2Izwo zwo vha hone ho no fhela miṅwaha miraru tshee Muṋe washu a amba na Yesaya ṅwana wa Amutsi, a mu vhudza a ri, “Bvula madzanganda au na navhula dze wa ambara.” Izwo a zwi tenda, a tshimbila e fhedzi, na navhula a songo ambara. 3
20:3
Yes. 8:18Jer. 13:1-11Esek. 4 na 5
Musi ho no fhela miṅwaha miraru a tshi tshimbila e fhedzi, Muṋe washu a ri, “Muḓinḓa wanga Yesaya o vha a tshi khou tshimbila e fhedzi, na navhula a songo ambara, a vhuya a fhedza miṅwaha miraru ó ralo e tshiga, a tshi ṱulela Egipita na Kushu. 4Zwivhotshwa zwine khosi ya Ashuru ya ḓo zwi thuba Egipita na Kushu i ḓo zwi khada nga u ralo zwi fhedzi. Hu ḓe vhaṱuku, he vhahulwane, vha tshimbila vhe fhedzi, na navhula vha songo ambara, maraho e nnḓa, Vhaegipita vha tou shona! 5
20:5
Yes. 18:1-2
30:3
Vhe vha vha vha tshi fulufhela Kushu, vha zuwa Egipita, zwi ḓo vha ofhisa vha shona. 6Musi wonoyo vhathu vhane vha dzula khunzikhunzini ya Filista vha ḓo ri, ‘Vhonani zwo itwaho vhathu vhe ra vha ro vha fulufhela ra shavhela khavho uri vha ri tsireledze kha khosi ya Ashuru! Zwino riṋe ri ḓo ponyoka hani?’ ”