Tshivenda 1998 (VEN98)
17

U lozwiwa ha Aramu na Israele

171

17:1-3
Jer. 49:23-27
Am. 1:3-5
Malaedzwa a no amba Damasko ngea:

Damasko a u tsha ḓo vha muḓi,

u ḓo sala u thulwi ya matumba.

2Miḓi ya Aruere

a i tsha ḓo dzula vhathu,

i ḓo sala i pfulo ya nngu na kholomo;

a hu na ane a ḓo dzi khadela kule.

3

17:3
Yes. 7:8-9
2 Mah. 16:9
Kha ḽa Efraimi a hu tsha ḓo sala muḓi

wo tingeledzwaho nga mutsheṱo;

Damasko a u tsha ḓo vhusa;

hu ḓo sala Vhaaramu vha si gathi,

vha vho ḓo lingana na Vhaisraele.

Ho amba Muṋe washu Mulangazwoṱhe.

4Musi wonoyo

vhugala ha vhaḓuhulu vha Jakopo vhu ḓo fhela;

mapfura a muvhili a ḓo vha fhelela.

5

17:5-6
Yes. 24:13
Zwi ḓo nga mukaṋi a tshi kaṋa,

a tshi ṱhukhula ṱhotshe nga tshanḓa tshawe,

zwa nga muthu a tshi ṱala ṱhalane govhani ḽo vhibvelaho ḽa Refaimi.

6Hu ḓo sala hu tshi tshila vha si gathi;

vha ḓo nga muolivi wo dzinginyiswaho,

nyolivi dza wela fhasi,

ha sala mbili kana tharu

kha matavhi a nṱha-nṱha,

na dziṅwe dzi si gathi

kha matavhi a fhasi.

Ho amba Muṋe washu Mudzimu wa Israele.

7Musi wonoyo vhathu vha vho ḓo sedza Muvhumbi wavho; vha ḓo ṱalela Mukhethwa wa Israele. 8

17:8
Yes. 27:9
31:7
A vha tsha ḓo fulufhela aḽiṱari dze vha vhumba nga zwanḓa zwavho, a vha tsha ḓo sedza mishumo ya zwanḓa zwavho – thanda dza mudzimutshisadzi Ashera na aḽiṱari dza u fhisela zwioro. 9Musi wonoyo vhathu vha ḓo hwalwa miḓini yo dzivhelwaho, ya sala i matumba, zwa nga zwiḽa Vhaisraele vha tshi swika, vha wana dzithavhani ḽi ḓaka fhedzi; ḽi ḓo sala ḽi soga.

10

17:10
Yes. 1:29
Vhaisraele,

no hangwa Mudzimu Mutshidzi waṋu;

a ni tsha humbula bako ḽine na khuda ngaḽo.

Hufha ni tshi vho limela Adonisi ngade,

na simela midzimu maḓadzwane.

11Naho ni tshi ri u zwi ṱavha zwa mbo ḓi simuwa,

zwa fhufhumisa ḓuvha ḽeneḽo,

ni ḓo kaṋa thulwi ya khombo,

na ḓadza maḓulu nga maṱungu a sa lafhei.

Maanḓa a dzitshakha a si na mushumo

12

17:12-13
Mika 4:11-13
Ps. 46:3
65:7
104:6-7
Esek. 38:18-23
Ipfani tshakha dzo halifha,

dzo halifha unga lwanzhe lu tshi bvuma;

ipfani vilinga ḽa dzitshakha,

dzi unga sa magabelo a tshi kuḓana!

13Naho tshakha dzi tshi unga sa magabelo a tshi kuḓana,

Mudzimu a tou dzi kaidza dzi mbo ḓi humela murahu,

dza pandamedzwa unga mathukhwi o hwalwaho nga muya dzithavhani,

dza nga luguli lwo hwalwaho nga tshiḓumbumukwe.

14

17:14
Ps. 46:5
2 Mah. 19:35
Nga madekwana vha mbo ḓi welwa nga zwi ofhisaho,

ḽi sa athu tsha vha wanala vha si tsheeho.

Ndi wone mukovhe wa vhane vha ri ṱangula;

ndi yone pfufho ya vhane vha ri kandekanya.