Tshivenda 1998 (VEN98)
13

Vhuporofita vhu no amba nga dziṅwe tshakha (13 – 23)

Vha Babele zwo vha fhelela!

131

13:1-22
Yes. 14:4-23
21:1-1047
Jer. 50 na 51
Haya ndi malaedzwa a no amba Babele. Mudzimu o a dzumbululela Yesaya ṅwana wa Amutsi. O ri,

2“Imisani tshiga tsha nndwa muṱumbani wa tshikwara hu vhonalaho,

ni vha vhidzelele.

Vha vhidzeni nga tshanḓa,

vha dzhene nga khoro dza vhaḓivhalea.

3

13:3
Rangap. 5:2,9
Ndo ruma maswole vhe vha ḓikumedza Nṋe;

ndo vhidza vhahali vhanga uri vha nndifhedzele;

ndi vhane vha pembelela u kunda hanga.”

4Thetshelesani mukosi u pfalaho dzithavhani –

mubvumo wa gogo ḽihulu ḽa vhathu,

mubvumo wa mivhuso na dzitshakha

vha tshi kuvhangana!

Muṋe washu Mulangazwoṱhe u khou lugisela mmbi yawe

u bva pfumo.

5Vha bva mashangoni a kule,

henengei vhusendekamisi.

Muṋe washu o sinyuwa,

o ḓa na zwihali zwawe u lozwa shango ḽoṱhe.

6

13:6-16
Yes. 2:11-21Juele 3:14-16
Honḓani,

ḓuvha ḽa Muṋe washu ḽi tsini;

Ramaanḓaoṱhe u ḓo lozwa zwoṱhe.

7Zwanḓa zwoṱhe zwi ḓo kulea nungo,

mbilu dzoṱhe dza ṋoka;

8vha ḓo farwa nga nyofho,

vha zhakeledzwa nga vhuṱungu vhu no nga ha musadzi

e tsini na u vhofholowa;

vha ḓo lavhelesana vho hanganea,

zwifhaṱuwo zwó tshenuluwa nga ṱhoni.

9Vhonani,

ḓuvha ḽa Muṋe washu ḽi khou ḓa,

ḓuvha ḽa tshiṱuhu,

ḽa mbiti dzawe dzi ofhisaho,

ó sinyuwa;

ḽifhasi ḽi ḓo sala ḽi soga;

u ḓo lozwa vhatshinyi vha re khaḽo.

10

13:10
Esek. 32:7-8
Juele 2:10
Ṋaledzi dza lutomboni na mulalavhungu wadzo

a zwi tsha ḓo vha na tshedza;

ḓuvha ḽi ḓo bva ḽo swifhala,

na ṅwedzi a u tsha ḓo penya.

11

13:11
Gen. 6:5-7
Yes. 10:12-14
Muṋe washu u ri,

“Ndi ḓo ṱungufhadza shango nga mulandu wa vhuvhi haḽo,

vhavhi nda vha rwela milandu yavho,

ndo laṱisa vhane vha ḓihudza,

vha tshiṱuhu vha u ḓiḓivha nda vha ṱukufhadza.

12Ndi ḓo ita uri vhathu vha sale vha si gathi,

vha shaee u fhira musuku wa Ofiri.”

13Muṋe washu Mulangazwoṱhe u ḓo dzinginyisa ḽiṱaḓulu,

shango ḽa thengathenga ḽa sudzuluwa vhudzuloni haḽo,

musi wonoyo a tshi sumbedza mbiti dzawe dzi ofhisaho.

14

13:14
Jer. 50:16
Tshakha dza vhatsinda vha dzulaho Babele

dzi ḓo balangana dza shavhela mashangoni adzo,

dza nga phala dzo shushedzwaho,

dza nga nngu dzi si na mulisa.

15Ane a farwa, tshawe ndi u vhulawa;

ane a thubiwa u ḓo ḽiwa nga pfumo.

16Tshetshe dzavho dzi ḓo pwashekanywa

vho ḓi ṱalela zwavho,

nnḓu dzavho dza ṱangulwa,

vhasadzi vhavho vha tshipiwa.

17

13:17
Yes. 21:2
Jer. 51:11
Muṋe washu u ri,

“Ndi khou ritha Vhamedia uri vha die Babele;

vhone siliva a vha i takaleli,

na musuku a vha u londi.

18Vha ḓo lozwa vhaṱhannga nga vhura na misevhe,

na tshetshe a vha nga dzi khathutsheli,

na vhana a vha nga vha pfeli vhuṱungu.”

19

13:19-22
Jer. 50:39-40
Babele, yone ndalama i fhiraho mivhuso yoṱhe,

hone vhugala vhune Vhakhaladia

vha ḓihudza ngaho,

Mudzimu u ḓo u phusukanya sa zwe a ita Sodoma na Gomora.

20A hu tsha ḓo vhuya ha dzula muthu,

ha vhuya ha fhira mirafho na mirafho;

na mutendeleki wa phangani ha nga akhi dennde yawe henefho,

na mulisa a nga si vhuye

a ladza nngu dzawe henefho.

21

13:21-22
Yes. 34:11
Tsef. 2:14
Hu ḓo lala phukha dza phangani,

matumba a ḓala magwitha,

mphwe dza dzula henefho,

ha thamuwa madimoni a mbokoṱo,

22vhudzumbamoni hawo ha lila phele,

phunguhwe dza dzula pfamoni dzawo dza vhugala.

Ndi hone tshifhinga tsha Babele tsho swika;

maḓuvha awo a vho ṱoḓou fhela.