Tshivenda 1998 (VEN98)
1

11

1:1
2 Mah. 15:1-7
Hezwi ndi zwe Yesaya ṅwana wa Amutsi a dzumbululelwa misi ya Uzia na Jothamu na Ahasi na Hiskia, mahosi a Juda.Havha vho vha vhe mahosi a Juda u bva 781 u swika 687 BC. Uzia o vha e khosi 781 – 740, Hiskia 716 – 687. Zwi amba nga Juda na Jerusalema.

Mvulatswinga ya bugu (1:2-31)

Vhaisraele vho hangwa Mudzimu wavho

2

1:2
Dot. 4:2632:121:18-21
Yes. 30:9
Ek. 4:22
Muṋe washu o amba a ri,

“Ḽiṱaḓulu nga ḽi thetshelese,

ḽifhasi nga ḽi pfe zwine nda amba!

Ndo lela vhana,Ndi Vhaisraele.

nda ri u vha alusa,

vha ntshandukela.

3Phulu i ḓivha mufuwi wayo,

donngi i ḓivha mukungwa wa muṋe wayo,

hone Israele ha zwi ḓivhi,

vhathu vhanga a vha ṱalukanyi tshithu.”

4Lushaka luvhi lwonolu,

vhathu vho hwalaho milandu,

vhana vha no ita zwivhi,

vho ḓikumedzaho vhutshinyi!

Vho landula Muṋe washu,

vha nyadza Mukhethwa wa Israele,

vha mu furalela.

5

1:5-9
2 Mah. 18:13-16
Hu tshee ho sala ngafhi hune na nga rwiwa

hezwi ni tshi ḓi futelela u shandukela Mudzimu?

Hufha ṱhoho yoṱhe yo ḓala mbonzhe,

na mbilu i si tshee na nungo.

6U bva kha ṋayo u swika ṱhohoni a hu na muraḓo wo takalaho;

ho zwimba, hu na zwilonda na mbonzhe dzi bvuḓaho malofha;

a dzo ngo hamulwa,

a dzo ngo pombiwa,

a dzo ngo shelwa mushonga.

7Shango ḽaṋu ḽo sala ḽi matumba,

miḓi yaṋu yo fhiswa,

zwe na lima zwo ḽiwa nga vhatsinda nó lavhelesa,

vha phusukanya zwoṱhe ha nga ho fhira vhaṱanguli.Afha hu ambiwa u diwa nga khosi ya Ashuru. Hu nga vha hu tshi khou ambiwa Thigilathi Philesere we a vha dia nga 734 – 733 BC kana Sanakheribi we a vha dia nga 701 BC.

8Tsioni musidzana wa lunako,

wo sala u tshi nga ḓingo tsimuni ya minḓirivhe,

u tshi nga thumba tsimuni ya maranga,

u tshi nga muḓi wo govhelwaho.

9

1:9
Gen. 19:24-25
Rom. 9:29
Ngavhe Muṋe washu Mulangazwoṱhe

a si ri siele vhathu vha si gathi,

ndi musi ro lozwiwa tshoṱhe unga Sodoma,

ra nga Gomora.

Nduvho dza vha sa thetshelesi Mudzimu a dzi farisi tshithu

10

1:10-20
1 Sam. 15:22
Yes. 43:22-25
58:1-12
Jer. 6:20Am. 4:4-5
5:21-24
Hos. 6:6
8:11-13
Mika 6:6-8
Mufunzi 5:1
Ps. 40:6-8Mat. 5:23-24
1:10
Jer. 23:14
Esek. 16:44-52
Inwi vhavhusi vha Sodoma,

ipfani ipfi ḽa Muṋe washu;

inwi vhathu vha Gomora,

thetshelesani Mudzimu washu

a tshi ni laya!

11U ri,

“Zwiṱhavhelo zwaṋu zwi sa fheli zwi na mushumo-ḓe?

Zwiṱhavhelo zwa thutha na mapfura a ṋamana

a thi tsha zwi ṱoḓa;

a thi takaleli malofha a mboho na ngwana na mbokoṱo.

12“Ndi nnyi we a ri ni tshi ḓa u nnduvha

ni ḓise hezwo zwithu?

Hufha hu u sokou kandekanya miṱa ya nnḓu yanga.

13Ni songo tsha nnḓisela nduvho dzaṋu;

a dzi na mushumo,

mitsi yadzo i a nnengisa!

A thi tsha kona u konḓelela vhuṱambo haṋu

ha ṅwedzi u tshi dzula,

na ha Sabatha,

na maguvhangano aṋu a zwa vhurereli;

zwoṱhe zwo tshinywa nga vhuvhi haṋu.

14Vhuṱambo haṋu ha ṅwedzi u tshi dzula,

na ha maḓuvha e na a khethela thungo,

ndi zwi vhenga nga mbilu yanga yoṱhe,

wo no tou vha muhwalo, wo nnetisa!

15Ni tshi imisa zwanḓa ni tshi rabela

a thi nga vhuyi nda ni lavhelesa.

Nangwe na tou rabela hani a thi nga thetshelesi,

hufha zwanḓa zwaṋu zwo ḓala malofha.

16Thomani u ṱamba dzitshika;

laṱani vhuvhi haṋu ndi si tsha vhu vhona;

ni songo tsha tshinya.

17

1:17
Yes. 1:23
3:11-15
5:7,23
Ek. 22:22-24Am. 2:6-8Mika 3:1-4
Gudani u ita zwivhuya,

lusani uri hu itwe zwi re zwone,

kaidzani a kandeledzaho muṅwe;

sengelani tsiwana,

imani na tshilikadzi.”

18

1:18
Ps. 51:7
Muṋe washu u ri,

“Iḓani ri sumbedzane!

Naho no tswuka nga vhuvhi

ni ḓo ṱanzwiwa na sala no tshena unga mahaḓa.

Naho vhutshinyi haṋu ho tswuka unga malofha

ni ḓo ṱanzwiwa na sala ni tshi nga muḓali.

19Arali na nthetshelesa,

ndi hone ni tshi ḓo ḽa zwivhuya zwi bveledzwaho nga shango.

20Hone arali na nndandula, na ḓi futelela u ntshandukela,

ni ḓo ḽiwa nga pfumo.

Hu amba Nṋe Yahavee!”

Jerusalema wo shandukela Mudzimu

21

1:21
Esek. 16
Muḓi we wa vha u tshi fulufhedzea

wo shandukela Mudzimu unga musadzi wa phombwe

o shandukela munna;

wo vha wo ḓala vha lwelaho zwi re zwone,

hu hone he vhuvhuya ha lala hone,

hone zwino ho sala dziphondi.

22

1:22
Esek. 22:18-22
Jerusalema,

wo vha u tshi nga siliva,

hone zwino u vho nga malambelo;

wo vha u tshi nga waini i ḓifhaho,

hone zwino u vho nga yo vangwaho maḓi.

23

1:23
Yes. 1:17
Vhavhusi vhau ndi mashandukwa,

vha konana na mafobvu;

vhoṱhe vha funesa tshanḓanguvhoni;

vha tshi haṱula vha humbula zwifhiwa.

A vha imeleli tsiwana tsengoni,

a vha sengi mulandu wa tshilikadzi.

24Zwino-ha hu amba Muṋe wa zwoṱhe,

Muṋe washu Mulangazwoṱhe, Ramaanḓa wa Israele,

u ri, “Ndi ḓo laṱisa maswina anga,

nda ḓilifhedzela.

25

1:25
Yes. 1:22
Zak. 13:8-9
Mal. 3:2-3
Ndi ḓo dovha nda angaladza tshanḓa tshanga

nda ni rwa;

ndi ḓo bvisa malambelo aṋu ṋanḓoni ya mulilo

nda ni huṱa dzitshika.

26

1:26
Zak. 8:3
Ndi ḓo dovha nda ni fha vhahaṱuli

na vhanna vha khoro vha fulufhedzeaho

vha no nga vhaḽa vha misi iḽa ya kale.

Ndi hone Jerusalema u tshi ḓo pfi muḓi muvhuya u fulufhedzeaho.”

27Muṋe washu ndi muvhuya,

u lwela zwi re zwone;

u ḓo vhofholola Tsioni na vhoṱhe henefho

vhane vha laṱa vhuvhi havho;

28hone mashandukwa na vhatshinyi u ḓo vha kuya vhoṱhe;

vhane vha landula Muṋe washu vha ḓo lovha.

29

1:29
Yes. 17:10
65:3
66:17
Ni ḓo shona zwe na vhuya na luvha miri;

ni ḓo tou niwa nga ṱhoni zwe na vhuya na limela midzimu ngade.“Vhathu vho vha vha tshi fulufhela uri hu na midzimu i no kukumusa zwimela, zwino yá limelwa ngade, vhathu vha wana khaṋo khulu.

30Ni ḓo nga muri wa maṱari o putaho,

na nga ngade i sa sheledzwi.

31Vha maanḓa vha ḓo lozwiwa nga mishumo yavho mivhi

unga vhuṱasana vhu tshi fungwa nga ṱhase nthihi;

zwi ḓo swa zwoṱhe ha si vhe na a konaho u dzima mulilo wazwo.

2

Ndaedzo dza u ranga dza Yesaya (2:1 – 5:30)

Mulalo wa tshifhinga tshi ḓaho

(Mika 4:1-3)

21Hei ndi nzumbululo ye ya sumbedzwa Yesaya ṅwana wa Amutsi. I amba nga Juda na Jerusalema.

2

2:2-4
Mika 4:1-3
2:2-3
Yes. 45:22-24
18:7
25:6Jer. 3:17
12:16-17
16:19-20
Ps. 96:7-10
Misi ya vhufhelo,

thavha ye nnḓu ya Muṋe washu ya fhaṱwa khayo

i ḓo vha yone yo lapfaho u fhira dzoṱhe,

ya vhonala yo ṱoṱomowa u fhira mivhundu yoṱhe.

Tshakha dzoṱhe dzi ḓo ḓa dza kuvhangana khayo.

3

2:3
Yes. 11:9
24:23
31:9
Ps. 76:2Juele 3:17
Tsef. 3:11
Zak. 8:3
2:3a
Ps. 122:1
Vhathu vhanzhi vha ḓo ḓa vha ri,

“Nḓarieni ri gonye thavha ya Muṋe washu,

ri ye nḓuni ya Mudzimu wa Jakopo;

u ḓo ri funza nḓila dzawe,

ra kanda hune a funa.”

Ndi uri pfunzo i ḓo wanala Tsioni,

ipfi ḽa Muṋe washu ḽa wanala Jerusalema.

4

2:4
Yes. 9:5-7
Hos. 2:18Ps. 46:9-10
U ḓo vhusa dzitshakha a lamula vhathu vhanzhi;

mapanga avho vha ḓo fula malembe ngao,

mafumo vha fula makhavha ngao.

Tshakha a dzi tsha ḓo vutshelana,

a dzi tsha ḓo guda zwa nndwa.

5

2:5
Yes. 60:1-2
Zwino inwi vha nnḓu ya Jakopo,

iḓani ri tshimbile tshedzani tsha Muṋe washu!

Ḓuvha ḽine Muṋe washu a ḓo sumbedza maanḓa awe, u ḓihudza hu ḓo fhela

6

2:6
Liv. 19:26
2:6-8
Mika 5:10-14
Muṋe washu, wo laṱa vhathu vhau vhana vha Jakopo;

ho ḓala u tenda zwi siho zwi no bva mashangoni a Vhubvaḓuvha;

vha ita zwa u bvumba unga Vhafilista;

vha vho konana na vhannḓa.

7

2:7
Yes. 31:1
Shango ḽavho ḽo ḓala siliva na musuku;

lupfumo lwavho a lu fheli;

shango ḽavho ḽo ḓala dzibere,

gariki dza nndwa a dzi na mbalo;

8

2:8
Liv. 19:4
shango ḽavho ḽo ḓala midzimu i si tshithu;

vha luvha zwe vha zwi vhumba nga zwanḓa zwavho.

9Zwenezwo vhathu vha ḓo ṱukufhadzwa

vha nyadziswa.

Muṋe washu,

u songo vha hangwela!

10Dzumbamani mapakoni a dzinngwa,

ni shavhele milindini nga u vhona

u ofhisa ha Muṋe washu na vhugala ha maanḓa awe.

11

2:11-21
Juele 2:30-31
3:14-16Mat. 24:29-31
Mish. 17:31
Am. 5:18-20
2:11-12
Yes. 10:12-14
Hos. 5:5
7:10,16
Am. 6:8
Mir. 29:23Esek. 31:10
Musi wonoyo vha u ḓihudza vha ḓo ṱukufhadzwa,

vha u kuruluwa vha nyadziswa;

Muṋe washu u ḓo vha muhulwane e eṱhe.

12

2:12,19
Nzumb. 6:15
Muṋe washu Mulangazwoṱhe u ḓo ṱukufhadza vhoṱhe

vha no ḓihudza na u ḓiḓivha,

na vhoṱhe vha re na maanḓa,

13a lozwa mikedara milapfu ya Libanoni yo adzaho,

na miri yoṱhe mihulwane ya Bashani,

14a phusula dzithavha na mivhundu zwa linganela,

15na thawara dzoṱhe ndapfu,

na mitsheṱo i sa konadzei,

16a mbwandamedza zwikepe zwoṱhe zwihulu

na zwo nakesaho.

17-18Musi wonoyo vha u ḓihudza

vha ḓo ṱukufhadzwa,

vha u kuruluwa vha nyadziswa,

midzimu i si na mushumo a i tsha ḓo vha hone,

Muṋe washu a sala e muhulwane e eṱhe.

19Vha ḓo dzumbama mapakoni a dzinngwa,

vha shavhela milindini

nga u vhona u ofhisa ha Muṋe washu

na vhugala ha maanḓa awe,

musi a tshi ḓa u dzinginyisa ḽifhasi.

20

2:20
Yes. 31:7
Musi wonoyo

vha ḓo laṱa midzimu i si tshithu

ya siliva na musuku

ye vha vhumbela u i luvha,

vha i posa mbevha na milemalema,

21

2:21
Nzumb. 6:15-17
vha yo dzumbama mapakoni a dzinngwa,

vha shavhela pharani

nga u vhona u ofhisa ha Muṋe washu

na vhugala ha maanḓa awe,

musi a tshi ḓa u dzinginyisa ḽifhasi.

22

2:22
Yes. 31:3
Ps. 39:5-6
Litshani u fulufhela muthu,

hufha o tou vhudzulelwa muya ningoni.

Ene muthu u tou vha mini?