Tshivenda 1998 (VEN98)
9

Maipfi e Hosia a bula vhuṱamboni ha Khaṋo

91

9:1
Hos. 1:2
4:13-14
Hee Vhaisraele, ni songo fhululedza na tou pembela na nga dziṅwe tshakha; Mudzimu waṋu o vhona ni sa fulufhedzei, no ḓiphiṋa nga malamba a phombwe luvhanḓeni luṅwe na luṅwe lwa u fhulela. 2
9:2
Hos. 2:5,9
Luvhata lwa u fhulela na bonḓelo a zwi nga fushi vhathu, waini ya tuvhu a vha nga i wani. 3
9:3-4
Esek. 4:13
Dan. 1:8Ek. 23:19
A vha tsha ḓo dzula shangoni ḽa Muṋe washu. Vhathu vha Efraimi vha ḓo humela Egipita, vha ḓo ḽa zwiḽiwa zwo kumalaho ngei Ashuru. 4
9:4
Num. 19:14
Dot. 26:14
A vha nga ṋekedzi Muṋe washu nduvho ya waini, na zwiṱhavhelo zwavho a zwi nga takadzi. Zwiṱhavhelo zwo raloho vha ḓo vhona zwi tshi nga zwiḽiwa zwa vha lilaho mufu, vhoṱhe vhane vha zwi ḽa vha ḓo kumala; zwi itwa ngauri vho zwi ḽa vhone vhaṋe vha zwi fhedza, a vho ngo zwi kumulula nga u isa zwiranzhe thembeleni ya Muṋe washu. 5
9:5
Ek. 23:14-17
Musi wa vhuṱambo haṋu ho vhewaho, misi ya vhuṱambo ha Muṋe washu, ni ḓo itani? 6Naho vha ponyoka u phusukanywa, Vhaegipita vha ḓo vha kuvhanganya, vha Memfisi vha vha swiṱa.Memfisi wo vha u muḓi wa kale-kale wa Egipita wo ḓalaho zwalo zwihulu. Lupfumo lwavho lwa siliva lu ḓo sala lu mitshutshungu, mipfa i tanda dennde dzavho. 7
9:7b
Mar. 3:21-22
9:7b-8
Yes. 30:10Jer. 11:21-22
Misi ya u lifhedzwa i khou ḓa, misi ya tsengo yo sendela. Vhaisraele vha ḓo zwi pfa! Ni ri, “Muporofita ndi tsilu, muthu o vhonetshelwaho ndi mpengo.” Ndi nge zwivhi zwaṋu zwa anda, vhuswina haṋu ho hulela. 8Muporofita o ruṅwa nga Mudzimu wanga uri a linde vhathu vha Efraimi, naho zwo ralo vha mu retshela zwikwekwe hoṱhe hune a tshimbila hone, vhuswina a vhu fheli shangoni ḽa Mudzimu wawe.Kana: “nḓuni ya Mudzimu wawe.” 9
9:9
Hos. 10:9
Rangap. 19:22-30
Vho tou ṋupela vhuvhini unga misi iḽa ya Gibia. Mudzimu u ḓo elelwa vhuvhi havho a vha rwela vhutshinyi havho.

Vhaisraele vha misi ya kale na vha zwino

10

9:10
Hos. 2:17
Num. 25:1-5
Ps. 115:8
Muṋe washu u ri, “Ndi tshi wana Vhaisraele zwo nga muthu a tshi wana nḓirivhe phangani. Musi ndi tshi vhona vhokhotsi aṋu, zwo nga muthu a tshi vhona mutshelo wa tshiranzhe kha muhuyu. Hone musi vha tshi swika Baali Phioro, vha mbo ḓi ḓikumedza mudzimu wonoyo u shonisaho, vha mbo nengisa-vho unga tshenetsho tshithu tshe vha tshi funa. 11Vhugala ha Efraimi vhu ḓo fhufha unga tshiṋoni: a hu tsha ḓo bebwa vhana, vhasadzi a vha tsha ḓo vhifha muvhilini, ṋowa dza vhasadzi a dzi tsha ḓo fara. 12Nangwe vha alusa vhana, ndi ḓo vha dzhiela vhoṱhe nda si sie na muthihi. Na vhone vhaṋe vha ḓo zwi vhona musi ndi tshi vha ṱutshela.”

13Ndo vhona Efraimi a tshi nga Tiro, hone wo ṱavhiwa mavuni o nonelaho.Ndi uri Tiro wo vha wo fhaṱwa tshiṱangadzimeni hu si na mavu. Hone onoyo Efraimi u ḓo kumedza vhana vhawe muvhulahi. 14Muṋe washu, vha ṋee ... u ḓo vha ṋea mini? Vha ṋee mbumbelo dzine dza tshinyalelwa na maḓamu a si na mikando.

15Muṋe washu u ri, “Vhuvhi havho hoṱhe ho thoma Giligala, ndo vha vhenga henefho. Ndi ḓo vha thatha nḓuni yanga nge vha ita zwo vhifhaho. A thi tsha ḓo vha funa, vharangaphanḓa vhavho vhoṱhe ndi mashandukwa. 16Vhathu vha Efraimi vho tumulwa, midzi yavho yo puta, a vha tsha ḓo aṋwa mitshelo. Nangwe vha vhe na vhana, ndi ḓo vhulaha mbebo yavho ine vha i funa.”

17

9:17
Gen. 4:14
Mudzimu wanga u ḓo vha landula nge vha si mu thetshelese. Vha ḓo vha vhatendeleki vhukati ha dzitshakha.