Tshivenda 1998 (VEN98)
3

Hosia a tshi rengulula musadzi wawe

31

3:1
Hos. 1:2
Muṋe washu a amba na nṋe a ri, “Ṱuwa u yo sumbedza musadzi wau uri u khou dovha wa mu funa, naho a tshi ita vhupombwe. U mu fune unga Yahavee a tshi funa Vhaisraele, naho vha tshi luvha miṅwe midzimu vha funa u ḽa mpale wa nḓirivhe yo ṋekedzwaho yone.”

2Zwenezwo nda mu rengulula nga mangwende a 15 a siliva na khilogiramu dza 150 dza bali. 3Nda mu vhudza nda ri, “U ḓo dzula na nṋe maḓuvha manzhi ri sa dzhenisani nḓuni; u songo ita vhupombwe, u songo funana na muṅwe munna, na nṋe a thi nga dzheni nḓuni na iwe.” 4

3:4
Dot. 16:22
Zwi ḓo ralo na kha Vhaisraele: vha ḓo fhedza maḓuvha manzhi vha si na khosi kana muvhusi, vha si na tshiṱhavhelo kana phuphu dza matombo, vha si na nzumbululo ya Mudzimu kana zwitungulo. 5
3:5
Jer. 30:9
23:5Hos. 1:11
Ngavhuya Vhaisraele vha ḓo vhuya, vha ṱoḓa Muṋe washu Mudzimu wavho na Dafita khosi yavho. Vha ḓo ḓa ha Muṋe washu vha tshi tetemela, vha wana mashudu awe misi ya vhufhelo.

4

Mulandu wa Vhaisraele

41

4:1
Hos. 2:2,19-20
Inwi Vhaisraele, ipfani ipfi ḽa Muṋe washu, ngauri Muṋe washu u khou ni vhea mulandu, inwi ni dzulaho shangoni. U ri, “Vhathu a vha fulufhedzei, a vha na lufuno, a vha ḓivhi Mudzimu shangoni. 2
4:2
Hos. 7:1
Ek. 20:7,13-16
Jer. 7:9
2 Mah. 15:8-25
Hos. 2:21-22
Vha a teketelana, vha a zwifhelana, vha a vhulahana, vha a tswa, vha ita vhupombwe; vhutshinyi ho no tou kalula, vha shulula malofha vha tshi ya. 3
4:3
Jer. 12:4
Ndi zwine shango ḽa oma, zwoṱhe zwi dzulaho khaḽo zwi a ṋoka, phukha dza ḓaka na zwiṋoni na dzone khovhe, zwi khou fhela.”

Muṋe washu a tshi pomoka vhotshifhe

4

4:4
Jer. 5:4-5
“Hone hu songo vha na ane a sokou vhea muṅwe mulandu, ni songo sokou pomoka muthu, hone Nṋe ndi vho pomoka iwe tshifhe. 5
4:5
Yes. 28:7-8
Mika 3:11
Jer. 23:11
U ḓo khukhulwa masiari tshivhangalala, wa fa, u ḓi nga vhaporofita vha tshi ḓo khukhulwa vhusiku. Ndi zwine nda ḓo lozwa mme au, 6
4:6
Mal. 2:8-9
Jer. 2:8Esek. 22:26
vhathu vhanga vha lovha nga u sa nnḓivha. No nndandula, ndi zwone, na Nṋe ndo ni landula, a ni tsha ḓo vha vhotshifhe vhanga; a ni tsha londa pfunzo ya Mudzimu waṋu, ndi zwone, na Nṋe ndi nga si tsha londa vhana vhaṋu. 7Vhotshifhe vho ri vha tshi anda vha anza u nkhakhela; ndi ḓo ita uri vha shone vha si huliswe. 8Vha ri vhathu vhanga nga vha tshinye, vhotshifhe vha kone u ḽa zwipfumelo, vha sevha nga vhuvhi havho vha tou ḓiphiṋa. 9Ndi zwone, zwa vhotshifhe zwi ḓo nga zwa vhathu, vhoṱhe ndi ḓo vha pfisa vhuṱungu nga mulandu wa mishumo yavho, nda vha lifhedza zwe vha ita. 10
4:10
Yes. 9:19
Vha ḓo ḽa vha si fure; vha ḓo ita vhupombwe ha u luvha midzimu ya zwa mbebo hone vha si vhe na vhana, nge vha furalela Nṋe Yahavee vha ḓikumedza 11vhupombwe na waini yo vhilaho na ya tuvhu zwine zwa xedza ṱhalukanyo, 12havha vhathu vhanga. Vha vho vhudzisa mudzimu wa thanda vha fhindulwa nga lutanda.Kha hu sedzwe kha Esek. 21:21. Muya wa vhupombwe u xedza vhotshifhe vha shandukela Mudzimu wavho vha ita vhupombwe. 13
4:13
Dot. 12:2-3Jer. 2:20Esek. 6:13
Vha ṱolou ṋekedza zwiṱhavhelo miṱumbani ya dzithavha, vha fhisa zwioro mivhunduni fhasi ha miri ya zwimvingimvingi hune ha vha na murunzi wa u takadza. Ndi zwine vhananyana vhaṋu vha vha zwifevhi, vhasadzi vha vhana vhaṋu vha ita vhupombwe. 14
4:14
1 Sam. 2:13-15,22
Esek. 16:16
1 Mah. 14:24
Vhananyana vhaṋu vha tshi vha zwifevhi a thi nga vha rwi, na vhasadzi vha vhana vhaṋu vha tshi ita vhupombwe a thi nga vha rwi, hufha vhotshifhe vhone vhaṋe vha tshi ṋengela ḓakani na dziphombwe, vha ṋekedza zwiṱhavhelo vhe na phombwe dza thembele. Zwino vha si na ṱhalukanyo vha nga kundwa ngani u wa-vho?

15

4:15
Am. 4:4-5
5:5
“Inwi Vhaisraele, ni tshi ita vhupombwe, Juda a songo ḓiovhela-vho mulandu. Vha songo yo luvha Giligala, vha songo gonya Bethavene.Bethele ndi uri: “Nnḓu ya Mudzimu” (Gen. 28:16-19), zwino nga zwine ra pfa kha 1 Mah. 12:25-29 Hosia u ri ndi Bethavene, “Nnḓu ya vhuvhi”. Vha songo ana henefho vha ri, ‘Yahavee ndi ṱhanzi!’ 16
4:16
Jer. 2:20
Vhaisraele vha na tshipimbi, vha nga tholehadzi i sa tendi u paniwa. Zwino ndi ḓo i litsha ya nga ngwana i fulaho ḓakani hu si na luhura. 17Efraimi o no tou ḓiṋekedza midzimu ya zwifanyiso; mu litsheni! 18Musi vho fhedza waini vha yo ita vhupombwe vha dovha, vhavhusi vhavho vha funesa nḓila dzi shonisaho. 19Ndi zwone, tshiḓumbumukwe tshi ḓo vha swielela kule, zwiṱhavhelo zwavho zwi ḓo vha ḓisela ṱhoni.”

5

Vhotshifhe vhafhuri vha vhathu

51“Inwi vhotshifhe, thetshelesani!

Inwi Vhaisraele,

zwi ṱalukanyeni!

Inwi muṱa wa khosi, thetshelesani!

Khaṱhulo kheino i haṱula inwi!

No vha tshikwekwe ngei Mitsipha,

na vha mambule o ṱharamudzwaho nṱha ha Thaboro,

2na bwa khunḓa yo tsesaho fhasi ngei Sitimu;Zwi sumba uri Mitsipha na Thaboro na Sitimu ndi fhethu he ha vha hu tshi rerelelwa Baali nga maitele a vhupombwe.

hone Nṋe ndi ḓo vha laṱisa vhoṱhe.”

Vhaisraele a vha ponyoki ṱhamu

3

5:3
Hos. 4:11-14
1:2
“Ndi ḓivha zwoṱhe zwa Efraimi,

Vhaisraele a vho ngo nnzumbama.

Iwe Efraimi, zwino wo no ḓiṋekedza vhupombwe,

Vhaisraele vho ḓikumadza.”

4

5:4
Jer. 13:23
Zwiito zwavho a zwi vha tendeli vha tshi vhuelela ha Mudzimu wavho; vho no ḓalesa muya wa vhupombwe, Yahavee a vha mu ḓivhi. 5
5:5
Hos. 7:10
Yes. 2:11-12
U ḓihudza ha Vhaisraele hu vha vhea mulandu; Vhaisraele, na ene Efraimi, vha khukhulwa nga vhuvhi havho; Juda na ene u khukhulwa navho. 6
5:6
Am. 5:21-22
8:11-12
Musi vha tshi bva na maṱambi avho a nngu na a kholomo u yo ṱoḓa Muṋe washu, vha nga si mu wane, o vha ṱutshela.

7

5:7
Hos. 1:2
Vho shandukela Yahavee, vha beba vhana nga u ṱonḓola; ndi zwone, u ḓo vha lozwa na shango ḽavho ṅwedzi u sa athu fhela.

Israele na Juda vho livhanwa nga zwi no fana

8“Lidzani phalaphala muḓini wa Gibia,

Rama ni lidze luṋanga.

Bethavene hu pfale mukosi wa nndwa.Kha hu sedzwe Hos. 4:15.

Iwe Benyamini,

swina ḽo u sala murahu.

9Ḽa Efraimi ḽi ḓo phusukanywa nga ḓuvha ḽa ndifhedzo.

Vha matsinde a Israele ndi vha ḓivhadza

zwine vhukuma zwa ḓo itea.

10

5:10
Dot. 19:14
27:17
“Vharangaphanḓa vha Juda vha nga vhathu vhane vha sudzulusa matombo a mikano; ndi zwone, ndi ḓo shululela mbiti dzanga khavho dza nga muḓalo wa maḓi. 11Efraimi o kandeledzwa, ha wani zwo mu fanelaho, nge a ḓinangela u tevhela midzimu i si tshithu. 12Nṋe muṋe ndi ḓo ḽa Efraimi unga tshitshimbili, ndi ḓo lozwa vhathu vha Juda unga tshisinisi.

13

5:13
2 Mah. 15:19-20
Hos. 7:11
8:9
12:1
14:3
“Musi Israele a tshi vhona vhulwadze hawe, Juda a tshi vhona tshilonda tshawe, zwenezwo Efraimi a livha Ashuru, a ruma muḓinḓa ha khosi Muhali uri a mu farise. Hone ene ha koni u ni lafha, ha koni u ara a fhodza tshilonda tshaṋu. 14
5:14
Hos. 13:7-8
Nṋe muṋe ndi ḓo ponda Efraimi unga ndau, nda ṱhukhukanya Juda unga ndau khulu. Nṋe uno ndi ḓo vha ṱhukhukanya nda ṱuwa, nda vha hwala nda ṱuwa navho ha si vhe na a no vha lamulela. 15
5:15
Yes. 26:16
Luk. 15:17
Ps. 78:34
119:67
Ndi hone ndi tshi ḓo humela fhethu hanga vha vhuye vha tende mulandu wavho, vha vhudzisa zwine Nṋe nda ṱoḓa, vha nṱoḓa vhukuma vho ṱungufhala.”