Tshivenda 1998 (VEN98)
13

Ṱhamu ya u fhiledza

131

13:1
Num. 25:1-5
Kale Efraimi o ri u amba vhathu vha tetemela, o vha o huliswa kha ḽa Israele. Hone vho ovha mulandu nga u luvha Baali, vha fa. 2
13:2
Hos. 8:4
8:5-6
Zwino vha ḓi tshinya vha tshi ya; vha ḓivhumbela zwitungulo nga siliva yavho, zwifanyiso zwo vhumbwaho nga vhuṱali, hone zwoṱhe ndi mishumo ya vhatsila. Zwino vha ri a no zwi ṋekedza zwiṱhavhelo a zwi khise – muthu a tou khisa mbohwana! 3
13:3
Hos. 6:4
Ndi zwine vha ḓo nga khuli ya nga matsheloni, vha nga ṅwando u sa lengi u fhufha, vha nga mungu luvhanḓeni u tshi hwalwa nga ḓumbu, vha nga vhutsi vhune ha bva nga fasiṱere.

4

13:4
Hos. 12:9
Ek. 20:2-3
Yes. 45:21
Muṋe washu u ri, “Hone ndi Nṋe Yahavee Mudzimu waṋu we a ni pfulusa Egipita. Mudzimu ndi Nṋe fhedzi, ni songo vha na muṅwe, a hu na muṅwe mutshidzi arali e si Nṋe. 5
13:5-6
Dot. 8:11-20
32:10,15
Ndo ni londola ngei phangani, shangoni ḽi si na maḓi. 6Ndo ni ṋea zwiḽiwa na ḽa na fura, na ri u pfa no fura na thoma u ḓihudza, zwenezwo na nkhangwa. 7
13:7-8
Hos. 5:14
Ndi zwine nda ḓo ni wela unga ndau, nda ni lalela nḓilani unga nngwe. 8Ndi ḓo sinyuwa sa biara yo dzhielwa vhana, ndi ḓo ni vutshela nda ni fhandula khana. Ndi ḓo ni ponda unga ndau, tshivhanda tsha ḓaka tshi ḓo ni fhandula.

9“Inwi Vhaisraele, ndi ḓo ni lozwa ngauri ni lwa na Nṋe, ni lwa na Mutiki waṋu. 10

13:10
1 Sam. 8:5-6
Khosi yaṋu ine ya nga ni tshidza i ngafhi? Ni tshi amba ni ri, ‘Ri fhe khosi, ri fhe vhavhusi.’ Zwino vhavhusi vha miḓi yaṋu yoṱhe vha ngafhi? 11
13:11
Hos. 10:3,15
7:7
Ndi ni fha khosi ndo sinyuwa nda dovha nda ni dzhiela nga mbiti.

12“Milandu ya vhathu vha Efraimi yo vhulungwa, vhutshinyi havho ho ṅwalwa. 13Vha ḓo ḓelwa nga vhuṱungu vhu no nga ha musadzi a tshi ṱoḓa u vhofholowa, hone vha nga ṅwana a si na vhuṱali, musi tshifhinga tshi tshi swika, ha bveli nnḓa. 14

13:14
1 Korint. 15:55
Ndi ḓo vha rengulula kha maanḓa a tshalo naa? Ndi ḓo vha tshidza lufuni naa? Iwe lufu, iḓa na dwadze ḽau. Iwe vhudzulavhafu, iḓa na mabulayo au! Ndi nga si tsha vha khathutshela mbilu. 15Naho Efraimi a kulukusha vhukati ha ṱhanga, hu ḓo ḓa muya u fhisaho u no bva phangani, mufemo wa Yahavee u ḓo takuwa phangani wa xisa zwisima zwawe, wa omisa milondoḓi yawe; lupfumo lwawe lu ḓo ṱangulwa lwoṱhe, khathihi na thundu dzawe dza maṱeleṱele. 16
13:16
2 Mah. 17:5-6
Vhathu vha Samaria vho fanela u hwala mulandu wavho ngauri vho shandukela Mudzimu wavho. Vha ḓo ḽiwa nga pfumo, vhana vhavho vha ḓo rwiswa na fhasi vha pwaṱukana, vhasadzi vhavho vho vhifhaho muvhilini vha ḓo hushulwa mala.”