Tshivenda 1998 (VEN98)
7

Vhutshifhe ha Melkitsedeke

71

7:1
Gen. 14:18-20
Hoyo Melkitsedeke o vha e khosi ya Salema, a dovha a vha tshifhe wa Mudzimu wa ṱaḓulu-ṱaḓulu. Musi Abrahamu a tshi bva nndwani he a kunda aḽa mahosi, Melkitsedeke a ṱangana nae a mu shudufhadza. 2Abrahamu a mu ṋea tshafumi tsha zwoṱhe zwe a thuba. Dzina iḽi ḽi no pfi “Melkitsedeke” tsha u thoma ḽi amba uri “Khosi mbuya”. A dovha a pfi “Khosi ya Salema”, zwine zwa amba uri “Khosi ya mulalo”. 3
7:3
Heb. 7:28
Onoyo Melkitsedeke, khotsi awe, kana mme awe, kana makhulu wawe, a vha ḓihwi; hu ḓi nga ḓuvha ḽa u bebwa hawe na ḽa u fa hawe a ḽi ḓihwi. U nga Murwa wa Mudzimu, u dzula e tshifhe lini na lini.

4Ni a zwi vhona uri o vha e muhulu hani? Hufha na Abrahamu makhulukuku washu o mu ṋea tshafumi tsha zwe a thuba. 5

7:5
Num. 18:21,26
2 Koron. 31:4-5
Neh. 13:10-12
Na vhaḓuhulu vha Livi vha re vhotshifhe, Mulayo wo vha tendela u bvisisa lushaka tshafumi naho vhe vhathihi navho, vhe vhaḓuhulu vha Abrahamu vhoṱhe. 6Hone Melkitsedeke o vha a si muḓuhulu wa Livi, Abrahamu e ene we Mudzimu a mu fulufhedzisa zwihulu. Naho zwo ralo Melkitsedeke o ṱanganedza tshafumi kha Abrahamu a dovha a mu shudufhadza. 7Zwi khagala uri muhulwane u shudufhadza muṱuku. 8Kha Vhalivi ri vhona tshafumi tshi tshi bvisiswa nga vhathu zwavho vha faho, hone kha Melkitsedeke Maṅwalo a ṱanziela uri ndi a tshilaho. 9Hezwiḽa Abrahamu a tshi bvisa tshafumi, ndi tshifa na Livi ene o fanelaho u bvisisa, na ene o bvisa, 10ngauri o vha a tshee malofhani a makhulukuku wawe Abrahamu zwiḽa a tshi ṱangana na Melkitsedeke.

11Vhaisraele vha tshi ṋewa Mulayo zwo katela na vhutshifhe ha Vhalivi. Zwino arali vhutshifhe honoho ho vha ho khunyeledza zwoṱhe, khezwi hu tshi kha ḓi ṱoḓea vhuṅwe vhune ha pfi ndi vhu no nga ha Melkitsedeke vhu si ha Aroni? 12Zwino musi vhutshifhe vhu tshi fa zwi amba uri na mulayo waho u a fa, a hu na iṅwe nḓila. 13Hafhu Muṋe washu ane hezwi zwoṱhe zwa amba Ene, o vha e wa ḽiṅwe tsinde, ḽi si ḽa Vhalivi, nahone a ho ngo vhuya ha vha na muthihi wa tsinde iḽo ḽa Juda we a shuma zwa vhutshifhe aḽiṱarini. 14

7:14
Yes. 11:1
Mika 5:2
Mat. 1:1,3
Khezwo, zwi tou ḓivhea zwavhuḓivhuḓi uri o vha e wa tsinde ḽa Juda. Na Mushe ho ngo vhuya a bula iḽo tsinde musi a tshi amba nga vhutshifhe.

Melkitsedeke wa vhuvhili

15Zwino hu tshi vho bvelela muṅwe tshifhe a no nga Melkitsedeke, ndi hone haya mafhungo a tshi vho tou pfalesa-ha. 16Ene ho ngo vhumbwa tshifhe nga u tou bebelwa, o vha tshifhe nga maanḓa a vhutshilo vhu sa tshinyali. 17

7:17
Ps. 110:4
Na Maṅwalo a ṱanziela a ri,

“U tshifhe wa lini na lini

nga vhutshifhe vhu no nga ha Melkitsedeke.”

18

7:18
Gal. 4:9
Zwenezwo mulayo wa kale wo fa ngauri wo vha u tshi leluwa u si tshee na mushumo. 19
7:19a
Heb. 9:9
10:1
7:19b
Heb. 4:15-16
Ndi uri Mulayo wa Mushe wo sia hu si na tshivhuya tsho khunyelelaho. Zwino-ha ro no fulufhedziswa zwifulufhelwa zwa khwiṋe, zwine zwa vho ri swikisa tsini ha Mudzimu.

20Hafhu izwo a zwo ngo itwa hu si na muano. Vhalivi ndi vhone vho vhumbwaho vhotshifhe hu si na muano, 21

7:21
Ps. 110:4
hone Yesu o vhumbwa tshifhe nga muano, musi Mudzimu a tshi amba nae a tshi ri,

“Muṋe washu o ana,

ha nga vhuyi a shanduka,

o ri, ‘U tshifhe wa lini na lini!’ ”

22

7:22
Heb. 8:6
Zwó ralo Yesu o vha mutiki wa mulanga wa khwiṋe.

23Iṅwe phambano hafhu ndi ya uri vhaḽa vhotshifhe vho vha vha tshi tou tevhekana nge vha fa nga muthihi nga muthihi, vha kundwa u isa mushumo wavho phanḓa. 24Hone Yesu u dzula e hone lini na lini, vhutshifhe hawe a vhu ratheli kha muṅwe. 25

7:25
Rom. 8:34
Luk. 22:32
Joh. 17
Ndi zwine a kona u tshidza tshoṱhe vhane vha tshi ḓa ha Mudzimu vha ḓa ngae: u dzula e hone a tshi vha pfumelela.

26

7:26
Nzumb. 15:4
Heb. 4:15Ef. 1:20-21
Asuyu-ha tshifhe muhulu ane ra mu lila: ndi mukhethwa, ha solisei, ha na zwa dzitshika, ha fani na vhatshinyi, o takulelwa ṱaḓulu ha makole. 27
7:27
Heb. 10:11
5:39:12,14
Ha ngi vhaṅwe vhotshifhe vhahulu vhane tshavho ha vha u thoma u pfumelelwa misi yoṱhe, vhó no ralo vha konou pfumelela lushaka. Ene o ri pfumelela nga u ḓikumedza luthihi fhedzi zwa vha zwo fhela. 28
7:28
Heb. 7:21
1:1-2
Vhotshifhe vhane vha vhewa nga Mulayo wa Mushe ndi vhathu zwavho vha shayaho nungo, hone muano wa Mudzimu wo ḓaho vhuimoni ha Mulayo, u vhea Murwa Ene muṋe, a re Tshifhe Muhulu o khunyelelaho wa lini na lini.

8

Tshifhe Muhulu wa mulanga muswa wa khwiṋe

81

8:1
Ps. 110:1
Heb. 1:3
Mat. 22:44
Mbilu ya mafhungo e ra amba u swika zwino ngei: ri na Tshifhe Muhulu o dzulaho thungo ya tshauḽa ya khuluṋoni ya Ramaanḓa ngei ṱaḓulu vha vhusa vhoṱhe. 2
8:2
Heb. 9:24
Ndi Tshifhe wa henengei Hukhethwa, denndeni ya ngoho ya Mudzimu, yo akhwaho nga Muṋe washu, hu si nga vhathu. 3
8:3
Heb. 5:1
Ef. 5:2
Tshifhe muhulu muṅwe na muṅwe u nangelwa u ṋekedza Mudzimu nduvho na zwiṱhavhelo. Zwi amba uri na hoyu washu u fanela u vha na tshine a ṋekedza. 4Ngavhe e fhano shangoni, na u tou vha tshifhe o vha a tshi ḓo vha a si tshifhe. Hufha vhotshifhe vha ṋekedzaho nduvho nga maitele a Mulayo wa Mushe vhe hone. 5
8:5
Ek. 25:40
Kol. 2:17
Heb. 10:1
Hone-ha vhutshifhe havho vhu tou vha ha u fanyisedzela zwa ngei ṱaḓulu sa murunzi. A thi ri zwiḽa Mushe a tshi laiwa nga Mudzimu uri a fhaṱe dennde khethwa, ho pfi, “U vhone uri u tshi i fhaṱa u tevhedze nga vhuronwane tshiḽa tshifanyiso tshe nda u sumbedza ngei thavhani”? 6
8:6
Heb. 1:4
9:15
12:24
7:22
Zwino vhunga Yesu o ri ḓisela mulanga u fhiraho uḽa, wó tewa kha zwe ra fulufhedziswa zwi fhiraho zwiḽa, zwenezwo na vhutshifhe hawe vhu fhira vhuḽa ha Mulayo wa Mushe.

7

8:7
Heb. 7:11,18
Arali mulanga uḽa mulala wo vha wo khunyelela ho vha hu si tsha ṱoḓea muṅwe. 8
8:8-12
Jer. 31:31-34
Hone Mudzimu a tshi sola Vhaisraele u ri,

“Muṋe washu u ri,

‘Maḓuvha a khou sendela a uri ndi vhofhe mulanga muswa

na Vhaisraele na tsinde ḽa Juda.

9A u nga ngi uḽa we nda vhofha na vhomakhulukuku wavho

zwiḽa ndi tshi vha endedza nga tshanḓa tshanga

nda vha bvisa Egipita;

ngauri vho no pambuwa

kha hoyo we nda vhofha navho,

zwenezwo nda si tsha vha londa.’

10

8:10
Heb. 10:16
Zwino Muṋe washu u ri,

‘Asuyu-ha mulanga une nda ḓo vhofha na Vhaisraele ho no fhela eneo maḓuvha:

Ndi ḓo vhea ndaela dzanga mvaloni dzavho

nda tou dzi ṅwala mbiluni dzavho,

nda vha Mudzimu wavho,

vhone vha vha vhathu vhanga.

11A vha tsha ḓo funzana kana vha vhudzana vha ri:

Ḓivhani Muṋe washu!

Hufha vhoṱhe vhahulwane na vhaṱuku vha tshi vho ḓo nnḓivha.

12Naho vho tshinya ndi ḓo vha khathutshela

nda si tsha elelwa vhutshinyi havho na kathihi!’ ”

13Mudzimu a tshi amba mulanga muswa ndi u ri wa u ranga a u tshee na mushumo. Zwino a thi ri tsha kale tshó fhelelwa nga mushumo tshi ḓo ṱuwa tshi tshi ngalangala?

9

Thembele ya fhano shangoni na ya ngei ṱaḓulu

91Mulanga uḽa wa u ranga wo vha u na ndaela dza zwa u luvha Mudzimu wa dovha wa vha na thembele yawo ya fhano shangoni. 2

9:2-5
Ek. 25 – 27
Ho vha ho akhiwa dennde. Ngomu hayo kha tshipiḓa tshi re tsini ha muṋango tshine tsha pfi “Hukhethwa” ho vha hu na tshivheambone na ḓafula ḽi re na vhurotho ha u sumela Mudzimu. 3Ri tshi fhira lupila lwa vhuvhili ho vha hu na tshipiḓa tsha dennde tshi no pfi “Hukhethwakhethwa”. 4
9:4
Ek. 16:33-34
Henefho ho vha hu na aḽiṱari ya musuku ya u fhisela zwioro, na mbulungelo ya mulanga yo tou fukedzwaho nga musuku. Ngomu hayo ho vha hu na mvuvhelo ya musuku yo faraho mana, na lubaḓa lwa Aroni lwo ṱumaho lurere, na maḓaba o ṅwalwaho maipfi a mulanga. 5Nṱha hayo ho vha ho imiswa tshifanyiso tsha vhakherube vha fanyisaho vhugala ha Mudzimu vho ṱharamudza phapha dzavho nṱha ha tshitibo tsha khangwelo. Hezwo zwoṱhe a ri tsha zwi amba nga zwiendanungo.

6Zwó vhekanywa nga u ralo vhotshifhe vha ṱwela u dzhena kha tshipiḓa tsha u thoma tsha dennde vha tshi ita mishumo yavho ya vhutshifhe. 7

9:7
Heb. 9:3
Ek. 30:10
Liv. 16
Hone hetshi tsha vhuvhili tshi dzhenwa luthihi fhedzi nga ṅwaha nahone hu tshi dzhena tshifhe muhulu fhedzi. Hafhu ha dzheni a songo fara malofha. Malofha a hone ndi a u pfumelelwa hawe, a konou pfumelela na lushaka zwe lwa tshinya hu si nga khole. 8
9:8
Joh. 14:6
Nga hezwo Muya Mukhethwa u sumba uri musi dennde ya kale i tshee yo ima, nḓila ya u dzhena Hukhethwakhethwa a i athu vulea. 9
9:9
Heb. 10:1,11
Hezwi zwi fanyisedzela zwa zwino hu tshi kha ḓi ṋekedzwa nduvho na zwipfumelo zwine zwa kundwa u ṱanzwa tshoṱhe mvalo dza vhaṋekedzi vhazwo. 10
9:10
Liv. 11
Haya a tou vha mafhungo a zwiḽiwa na zwinwiwa na maitele o fhambanaho a u ḓikumulula; i tou vha milayo i kwamaho zwa nga nnḓa, ine ya shuma u swika Mudzimu a tshi ḓo vhekanya zwoṱhe nga huswa.

11

9:11
Mar. 14:58
Mish. 7:48
17:24
Yes. 66:1
Hone zwino Khristo o no ḓa, Ene Tshifhe Muhulu o ri ḓiselaho zwivhuya hezwi zwine ra vho vha nazwo.Dziṅwe ṱhanzi dzi ri, “zwivhuya zwi khou ḓaho.” Dennde ya vhutshifhe hawe i fhira iḽa, ndi yo khunyelelaho. Yone a yo ngo fhaṱwa nga ṋala dza vhathu; zwi amba uri a si ya ḽifhasi ḽino.

12

9:12
Mish. 20:28
Heb. 10:10,19
Malofha a tshipfumelo tshawe a si a mbudzi na ṋamana, a tou vha awe vhukuma. O ri u tshi ṋekedza a konou dzhena Hukhethwakhethwa kathihi ha mbo ḓi vha u ri wanela mbofholowo i sa gumi. 13
9:13
Liv. 16:14,19
Num. 19:2,17-18
Zwino arali malofha a mbudzi na mboho na milora ya tholehadzi zwi na maanḓa a u ṱanzwa vho kumalaho arali vha tshi handululwa ngazwo, vha sala vho kumululwa, 14
9:14
Nzumb. 7:14
1 Pit. 1:19
Heb. 10:22
malofha a Khristo a nga kundiswa ngani-ha u ri ṱanzwa mvalo ra laṱa mishumo i isaho lufuni ra konou luvha Mudzimu a tshilaho? A si zwenezwo zwe Khristo a itela zwone a tshi ḓikumedza Mudzimu nga Muya wa lini na lini a vha tshipfumelo tshi sa solisei naa?

15

9:15
Heb. 8:6,8,13
Jer. 31:34
Mar. 14:24
Ndi zwe a kona ngazwo u ri ḓisela mulanga muswa. O fela u vhofholola vhe vha pfuka Mulayo musi vha tshi kha ḓi vhuswa nga mulanga mulala, uri vhe vha vhidzwa nga Mudzimu vha kone u ḽa ifa ḽi sa fheli ḽe vha fulufhedziswa. 16Hafhu muḽaifa ha ḽi ifa hu sa athu wanala vhuṱanzi ha uri muṋe wa thundu o fa; 17ifa ḽi wanala ḽó fanela musi muṋe wa thundu o no fa; a tshi kha ḓi tshila a ḽi wanali. 18
9:18-20
Ek. 24:3-8
Ndi zwe na uḽa mulangaNga Tshigiriki “mulanga” kana “thestamennde” ndi ipfi ḽithihi. wa u thoma u si kone u vhoxwa hu si na malofha. 19A thi ri Mushe o ri u ḓivhadza lushaka lwoṱhe ndaela dzoṱhe dza Mulayo, a dzhia malofha a ṋamana na mbudzi a a ṱanganya na maḓi na vhukuse vhutswuku, a handulula bugu ya Mulayo na lushaka lwoṱhe ngao nga lutavhi lwa muhisopoMuhisopo ndi muri wa maṱari masekene ane wa kona u handulula ngao. 20
9:20
Mat. 26:28
a tshi khou ri, “Haya ndi malofha a khwaṱhisaho mulanga we Mudzimu a ri ni u vhulunge.” 21
9:21
Ek. 24:6
Liv. 8:15,19
A dovha a handulula na dennde sa zwenezwo khathihi na midzio yoṱhe ya zwa u luvha Mudzimu. 22
9:22
Liv. 17:11
Hu tshi tevhedzwa mulayo wa u kumulula a si zwinzhi zwi sa kumululwiho nga malofha. Ha sa vha na malofha, vhutshinyi a vhu hangwelwi.

Tshipfumelo tsha Khristo tsho khunyelelaho

23

9:23
Heb. 9:21
Khezwo-ha, hezwino zwine zwa tou fanyisedza zwa ngei ṱaḓulu zwi kumululwa nga u ralo, zwone zwiṋe zwa ngei ṱaḓulu a zwi lili u kumululwa nga zwipfumelo zwa khwiṋe naa? 24
9:24
Heb. 4:14
Rom. 8:34
Hafhu Khristo ho ngo dzhena hukhethwa ho fhaṱwaho nga vhathu, hune ha tou vha tshiga zwatsho tsha zwa vhukuma, o tou dzhena henengei ṱaḓulu uri a kone u ri imelela ha Mudzimu zwino. 25
9:25
Heb. 9:7
Nahone ho ngo dzhena henengei uri a ṱolou ḓiṋekedza lu sa gumi, sa zwiḽa tshifhe muhulu a tshi ḓi dzhena ṅwaha muṅwe na muṅwe ó fara malofha a si awe. 26
9:26
Heb. 9:12
1 Joh. 3:5
Ngavhe zwo vha zwo ralo ndi musi o fanela u tambudzwa lunzhi tshee shango ḽa tewa. Hone-ha a zwo ngo ralo, o tou bvelela luthihi fhedzi misi ino ya vhufhelo ha vha u thutha vhutshinyi ha vhathu nga u ḓikumedza a vha tshipfumelo Ene muṋe. 27
9:27
Nzumb. 20:11-15
Tsha muthu ndi u fa luthihi ha konou vha na khaṱhulo. 28Sa zwenezwo Khristo o ḓikumedza a vha tshipfumelo luthihi fhedzi ha vha u ḓihwesa vhutshinyi ha vhathu vhanzhi. A tshi vhuya u ḓo vha a sa ḓeli u fela vhatshinyi, u ḓo vha a tshi ḓela u tshidza vho mu lindelaho.