Tshivenda 1998 (VEN98)
12

Kha ri sedze Yesu fhedzi!

121

12:1
2 Korint. 7:1
1 Korint. 9:24-25
Zwino vhunga ri na gogo ḽingafhangafha ḽa ṱhanzi dzo ri tangaho, nga ri kudze zwithithisi zwoṱhe kule, na vhutshinyi, ngauri vhu a ri piringedza, ri tou oma kha mbambe ine ra vha khayo, 2
12:2
1 Korint. 1:8
ro tou sedza henengei phanḓa kha Yesu, Ene we a ri zhakela nḓila ya lutendo a dovha a vha Ene ane a ri swikisa he lwa livha hone. Ene nga u sedza dakalo ḽe a vha o vhetshelwa ngei phanḓa, o konḓelela lufu lwa tshifhambano a si londe u nyadzea halwo, zwino khezwo-ha, o no dzula thungo ya tshauḽa ya Mudzimu vha vhusa vhoṱhe. 3Edzonu elekanya Ene we a konḓelela u hanedzwa zwingafhongafho nga vhatshinyi, ndi hone ni sa ḓo kulea nungo na ṱovhowa.

Muṋe washu u laya vhane a vha funa

4

12:4
Heb. 10:32
Hafhu ni tshi lwa na vhutshinyi a ni athu vhuya na swika hune na vhulawa. 5
12:5-6
Mir. 3:11-12
No no hangwa fhaḽa hune Maṅwalo a ni ṱuṱuwedza sa vhana vha Mudzimu a ri,

“Ṅwananga, u songo nyadza ndayo ya Muṋe washu;

a tshi u kaidza u songo kulea nungo.

6

12:6
Nzumb. 3:19
Muṋe washu u laya vhane a vha funa,

vhana vhoṱhe vhane a ri ndi vhawe u a vha nyambudza.”

7

12:7
Heb. 5:8
Dot. 8:5
Ndi ndayo, i konḓeleleni. Ndi hone Mudzimu a tshi ni fara sa vhana vhawe. Nṋa hu na ṅwana ane khotsi a si mu laye naa? 8Hufha vhana vhoṱhe vha tshi laiwa. Arali inwi na sa laiwa, izwo a ni vhana vhukuma ni tou vha vhana vha u vhumbela. 9Hufha vhokhotsi ashu lwa ṋama vho ri kaidza ra ḓi vha hulisa. Zwino Khotsi ashu lwa muya ri nga kundwa ngani-vho u mu thetshelesa? A si hone ri tshi ḓo wana vhutshilo? 10
12:10
2 Pit. 1:4
Vhone vho ri laya kha zwa vhutshilo honovhuno vhu sa yi thambo vha tshi ri laya nga he vha vhona zwo fanela. Hone Khotsi wa ṱaḓulu a tshi ri laya ndi Ene ane a ita uri zwi ri nakele ri kovhekane nae vhukhethwa hawe. 11
12:11
Jobo 33:19-28
Ps. 119:67,71
U laiwa ngoho a zwi takadzi. Nga tshifhinga tshenetsho zwi nga zwi a vhavha, hone ngavhuya mitshelo ine ya fuliwa nga vho laiwaho ndi mulalo na vhutshilo vhu sa solisei.

12

12:12
Yes. 35:3-4
Zwino khwaṱhisani-ha zwanḓa zwaṋu zwo netaho na magona a lepalepaho, 13
12:13a
Mir. 4:26
ni fare nḓilatswititi. Ndi hone muraḓo wo kuleaho u tshi ḓo khwaṱha u si lunguluwe.

Khombo ya u nyadza vhuthu ha Mudzimu

14

12:14
Rom. 12:18
Tshaṋu nga hu vhe u dzudzana na vhathu vhoṱhe nga mulalo, ni luse u tshila vhutshilo vhukhethwa; ane a si ralo a nga si vhone Muṋe washu. 15
12:15
Dot. 29:18
Ni vhone hu sa ḓo vha na ane a ḓikundisa u wana vhuthu ha Mudzimu. Hu si vhe na ane a nga tsheṋe i kalakataho ine ya ri u mela mulimo wayo wa fhirela kha vhanzhi. 16
12:16
Heb. 13:4
Gen. 25:33
Hu si vhe na phombwe na a nyadzaho zwikhethwa sa Esau we a rengisa vhukomana hawe nga ndilo nthihi ya zwiḽiwa. 17
12:17
Gen. 27:34
Ni a zwi ḓivha uri ngavhuya o tama u dovha u wana mashudu a tanzhe, a landulwa; naho o lila a ḓiphiṋa zwa ḓi kunda, a si tsha wana nḓila ya u khakhulula zwe a khakha.

18

12:18-21
Ek. 19:12-20
20:18-21
Ni vhone! He na swika hone a si thavhani ya Sinai zwayo ine muthu a nga i kwama, i dugaho mulilo yo tou bodo nga swiswi hu na maḓumbu mahulu, 19hu tshi pfala phalaphala i lilaho na ipfi ḽa Mudzimu, ḽe vha ri u ḽi pfa vha tou luvhelela uri vha si tsha dovha vha ḽi pfa. 20Hu tshi pfi, “Na phukha ya tou kwama thavha, yo fanela u kanḓwa nga matombo,” zwo vha ofhisa lwe vha kundwa na u zwi konḓelela. 21
12:21
Dot. 9:19
Zwe vha zwi vhona zwo ofhisa lwe Mushe a ri, “Ndi tou tetemela nga nyofho.”

22

12:22
Nzumb. 14:1
Heb. 11:10,16
13:14
Gal. 4:26
Zwino he inwi na swika a si thavhani yo raloho zwayo, no tou swika thavhani ya Tsioni, muḓini wa Mudzimu a tshilaho, Jerusalema wa ngei ṱaḓulu, na mmbini dzi sa vhalei dza vharuṅwa, na vhuṱamboni ha 23
12:23
Luk. 10:20
tshivhidzo tsha matanzhe a Mudzimu vhe madzina avho a ṅwalwa ngei ṱaḓulu, na ha Mudzimu Muhaṱuli wa vhoṱhe, na kha mimuya ya vhavhuya vho no khunyeledzwaho, 24
12:24
Heb. 8:6
11:28
1 Pit. 1:2
na ha Yesu we a ri ḓisela mulanga muswa, ane ri tshi handululwa nga malofha awe a tou ri pfumelela, ha ri hweleli sa malofha a Abele.

25

12:25
Heb. 2:3
Ni vhone-ha uri a tshi amba ni si dzingise nḓevhe. Vhaḽa vhe vha si thetshelese a tshi vha vhudza ndaela ya Mudzimu fhano fhasi a vho ngo ponyoka ṱhamu, zwino riṋe ri nga ponyoka hani arali ri sa zwi londi a tshi amba e ngei ṱaḓulu? 26
12:26
Ek. 19:18
Hagai 2:6Ps. 68:7-8
Zwiḽa a tshi amba ngei thavhani ipfi ḽawe ḽo tou dzinginya shango, hone zwino o ri ḓivhadza a ri, “Ndi ḓo dovha nda vhuya luthihi, ndi si tsha dzinginyisa ḽifhasi fhedzi, ndi ḓo dzinginyisa na ḽiṱaḓulu.” 27Hu tshi pfi, “Ndi ḓo vhuya luthihi”, zwi sumbedza zwavhuḓivhuḓi uri u dzinginyiswa ha zwisikwa ndi u sudzuluswa hazwo, uri hu sale zwi sa dzinginyei fhedzi.

28Zwenezwo muvhuso we ra dzhena khawo a si une wa nga sudzuluswa. Nga ri livhuhe Mudzimu ri mu luvhe nga khuliso na nga nyofho, ngauri ndi zwone zwine a zwi funa. 29

12:29
Dot. 4:24
Ps. 21:9
2 Thes. 1:7
Yes. 10:17
33:14
Ḓivhani uri Mudzimu washu ndi mulilo u lozwaho.

13

Tshikhriste

131

13:1
Rom. 12:10
1 Joh. 3:10,16-17
4:20-21
Ps. 133:1
1 Thes. 4:9
Vhunga ni vhathihi, dzulani ni tshi funana. 2
13:2
Gen. 18:1-3
19:1-2
1 Tim. 3:2
Tit. 1:8
Ni takalele vhaeni; hafhu hu na vhaṅwe vhe vha ri u ralo vha ṱanganedza vharuṅwa vha sa zwi ḓivhi. 3
13:3
Mat. 25:36
Kol. 4:18
Ni songo hangwa vha re dzhele, ni nge ni navho henengei. Na vha no khou tambudzwa ni vha londole, vhunga na inwi ni tshi nga ḓi kona u pfa vhuṱungu sa vhone.

4

13:4
1 Korint. 6:15
3:16-17
Roṱhe ro fanela u hulisa mbingano. Munna na musadzi vha dzudzane nga u fulufhedzea, ngauri khaṱhulo ya Mudzimu i ḓo wela phombwe dzoṱhe.

5

13:5
Dot. 31:6
Mat. 6:25
Filip. 4:6,11
1 Tim. 6:6
Luk. 12:15
16:13
Ni songo tshilela tshelede; ni fushee nga zwenezwo zwine na vha nazwo; Mudzimu Ene muṋe o ri, “A thi nga u litshi, a thi nga u laṱedzi.” 6
13:6
Ps. 118:6
Zwino-ha kha ri rudze mbilu ri ri,

“Mudzimu ndi mulamuleli wanga,

ndi kha ḓi ofhani?

Muthu a nga nnyitani?”

7Humbulani vharangaphanḓa vhaṋu vhe vha ni vhudza mafhungo a Mudzimu, ni sedze kutshilele kwavho na kufele kwavho, ni kande ṋayoni dza lutendo lwavho.

8

13:8
Ps. 102:26-27
Yesu Khristo ha shanduki, u tshee onouḽa wa mulovha, na ṋamusi, na lini na lini. 9
13:9a
Ef. 4:14
Zwenezwo ni songo tenda u sokou kumbiwa nga pfunzo dzo shandeaho dzi sa fheli. Zwi re zwone ndi uri mbilu dzashu dzi khwaṱhiswe nga vhuthu ha Mudzimu, hu si nga u tevhedza milayo ya zwiḽiwa. Vha vhuswaho nga milayo heyo a i vha farisi tshithu.

10Zwiḽiwa zwi bvaho aḽiṱarini yashu, vhotshifhe vha shumaho denndeni khethwa a vho ngo tendelwa u zwi ḽa. 11

13:11
Liv. 16:27
Num. 19:3
Nga Mulayo wa Mushe tshifhe muhulu u ḓisa malofha a zwifuwo zwa zwipfumelo fhethu hukhethwa, mitumbu yone ya fhiswa ngei nnḓa ha mishasha. 12
13:12
Mat. 21:39
Joh. 19:20
Ndi zwe na Yesu a vhulahelwa nnḓa ha khoro, uri a kumulule lushaka nga malofha awe. 13
13:13
Heb. 11:27
Zwino-ha kha ri mu tevhele ngei nnḓa ha mishasha uri ri nyadzwe-vho nae. 14
13:14
Heb. 11:10,16
Filip. 3:20
Fhano a ri na vhupo vhu re hashu, ro lindela vhune ha ḓo ḓa. 15
13:15
Hos. 14:2
1 Pit. 2:9
Ps. 50:12-14
Zwino nga ri dzule ri tshi ṋekedza Mudzimu nduvho nga u mu renda nga Yesu Khristo, ndi amba khuliso dza vhane vha bula dzina ḽawe, 16
13:16
Filip. 4:18
ni sa litshi u tonda vhathu na u kovhekana navho zwine na vha nazwo; ndi dzone nduvho dzine Mudzimu a dzi takalela.

17

13:17
1 Korint. 16:16
Vharangaphanḓa vhaṋu vha a ni linda, nahone Mudzimu u ḓo vha sengisela inwi. Vha thetsheleseni-ha ni vha hulise, ndi hone vha tshi ḓo shuma nga dakalo vha si na tsha u vhilaela ngatsho. Arali na vha konḓisela mushumo ni ḓo vhuelwa ngani?

18Ri rabeleleni, ngauri ri na ngoho ya uri mvalo dzashu dzo ṱamba; tshine ra tshi tama ndi u dzula ri tshi ita zwi re zwone. 19Ndi zwine nda ni humbela ndo tou khwaṱhisa uri ni nthabelele, uri ndi si kundiswe u vhuelela ngeo nga u ṱavhanye u ḓa.

Thabelo ya u onesana

20

13:20
Joh. 10:11
Muṋe washu Yesu ndi Mulisa muhulu wa dzinngu. Mudzimu Ṋemulalo o mu vusa vhafuni nga malofha a khwaṱhisaho mulanga u sa gumi. 21
13:21
Filip. 2:13
Ngavhe Ene a tshi ni konisa u ita zwivhuya zwoṱhe uri ni dzule ni tshi ita zwine a zwi funa, a ri ite zwine a funa ri tshi vha zwone nga Yesu Khristo, ane vhugala ha vha hawe lini na lini. Amen.

Nyonesano

22Vha hashu, ndi a ni humbela ndi tshi ni ṱuṱuwedza nga u rali uri ni si fhele mbilu. Hufha ndo ni ṅwalela maipfi a si gathi.

23

13:23
Mish. 16:1
Mafhungo asia: Timoti wa hashu o bva dzhele. Arali a ṱavhanya u swika ri ḓo ḓa roṱhe.

24Vharangaphanḓa vhaṋu vhoṱhe, na vhathu vha Mudzimu vhoṱhe vha vhe hone. Vhane vha bva henengeo Italia vha ri ni vhe hone.

25Ngavhe Mudzimu a tshi ni itela vhuthu noṱhe.