Tshivenda 1998 (VEN98)
1

11Hovhu ndi vhuporofita he Muṋe washu a dzumbululela muporofita Habakuku.

Habakuku a tshi vhilaedzwa nga u vhona u piringanywa ha khaṱhulo

2

1:2
Ps. 13:1-2
1:2-4
Mika 3:1-4
Muṋe washu,

tshee nda lila u fariswa,

nda tou ṱavha mukosi nda ri,

“Vhathu vha khou kandeledzwa!”

hone Iwe u sa thetshelesi,

u sa ri tshidzi!

Ndi ḓo lila u guma lini?

3Ndi mini u tshi tenda ndi tshi vhona zwi ṱungufhadzaho?

Ndi mini u tshi konḓelela zwo khakheaho?

Ndi vhona ndozwo na u kandeledzana fhedzi;

hu vho anda maṅaṅa na u kuḓana.

4Mulayo a u tshee na maanḓa,

vhathu a vha tsha vhuya vha londana.

Vhavhi vha thathedza vhavhuya,

zwenezwo khaṱhulo i a shandiwa.

Phindulo ya Muṋe washu i ri: Zwi kha ḓi ḓo ṋaṋa

5

1:5
Mish. 13:41
Sedzani dzitshakha ni vhone,

ni lavhelesane nó akhamala.

Hu ḓo itea tshiṅwe tshithu tshine na ḓo tshi vhona,

tshine naho no vhudzwa na si ḓo tenda.

6

1:6
2 Mah. 24:1-2,10
25:1
Yes. 13:1-22
Ndi khou ritha Vhakhaladia,

havhaḽa vhathu vha vhuhali,

vha mahwarahwara,

vhane vha swiela ḽifhasi ḽoṱhe vha dzhiela vhaṅwe mahaya avho.

7Ndi vhathu vhane vha ofhisa, vha ofhiwa,

a vha tati muthu,

mulayo wavho ndi vhone vhaṋe.

8

1:8
Dot. 28:49
Bere dzavho dzi na luvhilo lu no fhira lwa nngwe,

dzi ofhisa u fhira maṱalerwa.

Bere dzavho dzi gada dzi tshi ya,

vhanameli vhavho vha dzibere vha bva kule.

Dzi fhufha unga goni ḽi tshi zhuvhula mbila.

9Vhoṱhe vha ḓa u levha;

a no ṱangana navho u shavha

nga u vhona u anda havho;

vha kumba vhathu unga muṱavha.

10Vha nyadza mahosi,

vha kolela vhavhusi.

Vha sea miḓi i re na mitsheṱo,

vha i khokhela thulwi dza mavu vha thuba vhathu vhayo.

11

1:11
Yes. 10:13
Vha swiela vha fhira unga muya vha ḓi tshimbila vha tshi ya,

maanḓa avho ndi one mudzimu wavho.

Habakuku a tshi dovha u vhilaela a ri: “Hufha Muṋe washu a tshi lifhedza vhavhi nga muvhi o kalulaho”

12

1:12
Yes. 10:5-6
A si Iwe Muṋe washu tsha kale na kale naa?

Mudzimu wanga,

u Mukhethwa wanga, a u fi.Ndi uri Baali o vha a tshi pfi u fa ṅwaha muṅwe na muṅwe a dovha a vuwa mvula dzi tshi thoma u na.

Iwe Muṋe washu wo vhea vhathu havha uri vha ri lifhedze.

Iwe Tombo ḽashu,

wo vha vhumba uri vha ri laṱise.

13

1:13
Ps. 5:4-5
Jer. 7:5-6
Hufha vhuvhi vhu tshi u kombodza,

hufha u sa funi u vhona zwi si zwone,

ndi mini u tshi sokou lavhelesa wa vhona vhadziavhufhura

vha tshi fhura vhathu?

Khezwi u tshi sokou fhumula u tshi vhona vhavhi

vha tshi mila a si muvhi ngavho?

14Khezwi vhathu u tshi vha ita unga khovhe dza lwanzheni,

vha nga zwikhokhonono zwi si na muvhusi?

15Maswina aya mavhi a kokodza vhathu vhoṱhe

nga zwilazwulo unga khovhe,

vha vha fasha nga mambule,

vha vha longa mifunzheni yavho,

vha konou takala vha tou pembela.

16Ndi zwine vha ṋekedza mambule avho zwiṱhavhelo,

mifunzhe yavho vha i dubisela zwioro,

ngauri mambule avho a ita uri zwi vha nakele,

vha ḓiphiṋe nga zwiḽiwa zwavhuḓi.

17Vha ḓo ḓi dzula vha tshi ṱharamudza mambule avho,

vha tshi lozwa dzitshakha vha sa dzi khathutsheli naa?

2

Muṋe washu a tshi fhindula Habakuku

21

2:1
Mika 7:7
Ndi ḓo ima kha tshiingamo tshanga,

ndi ḓo lindela kha ḓingo,

uri ndi pfe zwine a ḓo mmbudza,

na zwine a ḓo fhindula kha mbilaelo yanga.

2

2:2
Yes. 8:1
30:8
Muṋe washu o mphindula a ri,

“Ṅwala nzumbululo iyi kha mabaphathi

i vhonale zwavhuḓi,

i kone u vhalea nga u ṱavhanya.

3

2:3
Hab. 3:2
Ndi uri nzumbululo iyi ndi vhuṱanzi

ha tshifhinga tsho vhewaho.

I amba zwa vhufhelo,

zwine ya amba zwi ḓo wanala zwi ngoho.

Naho ya lenga, u i lindele;

vhukuma i ḓo ḓa, a i nga lengi.

4

2:4-5
Hab. 1:13
2:4b
Am. 5:14
Esek. 18:5-9
Heb. 10:38
Rom. 1:17
Ṅwala enea u ri:

‘Wa u ḓihudza, vhukuma vhutshilo hawe vhu ḓo fheṱwa,

hone a fulufhedzeaho u ḓo tshila

nga u dzula a tshi fulufhela Mudzimu.’

5“Vhukuma muthu wa u ḓihudza a sa pfeleli

u ḓo fhurwa nga lupfumo.

U na tseḓa i no nga ya tshalo,

u nga lufu, ha fushei

u ḓikuvhanganyela tshakha dzoṱhe,

vhathu vhoṱhe u vha ita mathubwa.

6Zwenezwo vha ḓo mu goḓa vhoṱhe,

vha mu kolela vha mu holedza vha ri,

‘U ḓo zwi vhona hoyu ane a khokha thundu ye a tswa,

a pfuma nga u lifhisa vhathu milandu!

Zwi ḓo guma zwenezwino!’

7

2:7-8
Yes. 33:1
Zak. 2:13
Vho ḽaho milandu yau vha ḓo u vutshela kathihi fhedzi.

Vha ḓo u vutshela ha vho tetemela iwe nga nyofho,

vha mbo ḓi u ṱangula na zwenezwo.

8Ndi uri wo ṱangula tshakha nnzhi,

ndi zwone, vhathu vho salaho vha ḓo ṱangula iwe;

ngauri wo shulula malofha a vhathu,

wa phusukanya mashango na miḓi

wa lozwa vhoṱhe vha dzulaho hone.

9

2:9b
Obadia 4
“Khombo i ḓo u wela, ngauri wo ḓipfumisa

nga thundu ye wa i wana nga vhuvemu,

wa fhaṱa tshiṱaha tshau nṱha

uri u tinye tshanḓa tshi ḓisaho khombo!

Thundu yeneyo i ḓo ḓisela muṱa wau khombo.

10Vhunwa he wa vhu luka ho ḓisa ṱhoni muṱani wau;

wo huvhadza tshakha nnzhi,

u ralo ha vha u ḓilozwa.

11Matombo a mitsheṱo na one a ḓo ṱavha mukosi,

matanda a humisa uyo mukosi.

12“Khombo i ḓo u wela

ngauri wo fhaṱa muḓi nga u shulula malofha,

wa tea ḓorobo nga vhugevhenga!

13

2:13
Jer. 51:58
Kani-ha zwe vhathu vha shuma

zwi tshi fhedza nga u swa nga mulilo,

zwe tshakha dza ḓinetisela,

zwa sala zwi si tshithu,

a si Muṋe washu Mulangazwoṱhe we a ri kha zwi ralo naa?

14

2:14
Yes. 11:9
Shango ḽi ḓo ḓala nḓivho ya vhugala ha Muṋe washu

zwa nga lwanzhe lwo ḓala maḓi.

15

2:15-16
Jer. 25:15
“Khombo i ḓo u wela

ngauri wo nwisa dziṅwe tshakha khavho

yo ḓalaho vhuhali vhu kambaho,

uri u kone u vha vhonela.

16A u tsha ḓo vha na vhugala,

tshau dzi ḓo vha ṱhoni.

Zwino ndi tshifhinga tshau!

Inwa u pepeleke!

Tshinwelo tshi no bva tshanḓani tsha maanḓa

tsha Yahavee

tshi ḓo mona tsha vhuya tsha swika ha iwe,

vhugala hau vhu vho ḓo tibwa nga ṱhoni.

17

2:17
Yes. 14:8
37:24
Wo rema miri ya Libanoni,

zwino hu ḓo reṅwa iwe,

wo vhulaha dziphukha, zwino dzi vho ḓo u pandamedza.

Wo shulula malofha a vhathu,

wo phusukanya mashango na miḓi,

wa lozwa vhoṱhe vha dzulaho henefho.

18

2:18-20
Yes. 44:9-20
“Mudzimu wa tshitungulo u na mushumo-ḓe?

Hufha wo vhaḓwa nga muthu!

Ndi tshifanyiso,

tshi gudisa vhathu vhufhura fhedzi.

Muthu zwi mu farisani a tshi fulufhela

tshithu tshe a vhaḓa nga zwanḓa zwawe?

Hufha o ita mudzimu u sa tshidzi, na u amba u sa ambi?

19Khombo i ḓo wela muthu

ane a vhudza tshitanda a ri, ‘Vuwa!’

Kana a vhudza tombo ḽi sa ambi a ri, ‘Takuwa!’

Ḽi nga u dzumbululela mini?

Naho ḽo fhomiwa nga musuku na siliva,

a ḽi nga vhuyi ḽa fema.

20

2:20
Ps. 11:4
Zak. 2:13
Hone Muṋe washu u thembeleni yawe khethwa,

ḽifhasi ḽoṱhe ḽi tou tshete phanḓa hawe.”

3

Thabelo ya Habakuku

31Iyi ndi thabelo ya muporofita Habakuku. I imbiwa sa luimbo lwa tshililo.

2

3:2
Hab. 2:3
Muṋe washu,

ndo pfa zwa bvumo ḽau,

mishumo yau i a nnyofhisa Muṋe washu.

Dovha u ite mishumo yeneyo misi ino yashu,

i dzumbulule tshifhinga tshino tshashu.

Naho wa sinyuwa u elelwe u khathutshela.

3

3:3-6
Rangap. 5:4-5
Ps. 50:2-3
3:3
Dot. 33:2
Mudzimu u khou ḓa a tshi bva Themana,

Mukhethwa u khou ḓa a tshi bva Thavhani ya Pharani.Pharani ndi thungo dza Sinai.

Vhugala hawe vhu tiba ḽiṱaḓulu,

ḽifhasi ḽo ḓala lupenyo lwawe.

4Vhugala hawe vhu penya unga ḓuvha ḽi tshi bva,

zwanḓani zwawe hu bva maṱalazaza,

lupenyo lwawe lu nga mapfuvhi.

5

3:5
2 Sam. 24:13-15
U rangwa phanḓa nga dwadze,

a tevhelwa nga lufu.

6-7

3:6
Ps. 68:7-8
104:32
Yes. 17:12-14
A tshi takuwa, ḽifhasi ḽi a dzinginyea,

a tshi ri hali tshakha dzi a tetemela nga nyofho.

Thavha dza kale-kale dzi a wa,

mivhundu i a mbombomela.

Ndo vhona a tshi bva u yo lifhedza vhuvhi,

zwe a ḓi ita tsha kale na kale.

Dennde dza Khushani dza dzinginyea,

khathihi na seila dza dennde dza Midiani.

8

3:8-11
Ps. 18:7-15
77:16-19
3:8
Jobo 38:8-11
Ps. 68:17
Muṋe washu,

wo sinyutshela milambo naa?

Wo sinyuswa nga lwanzhe naa,

u tshi ḓa wó pana bere dzau,

wó namela gariki yau ya nndwa i no kunda maswina.

9U bvisa vhura hau kathihi fhedzi,

wa teketela maswina a welwa nga phanzi.

U fhandula ḽifhasi ha phulea milambo,

10dzithavha dzi tshi u vhona dzi a tetemela nga nyofho,

ya na i tshi ngindii, ngindii,

ḓuvha ngei ṱaḓulu ḽa imisa zwanḓa.

11Ḓuvha na ṅwedzi

zwi dzula nḓuni dzazwo ngei ṱaḓulu,

zwi tshi tinya u penya ha misevhe yau,

na mafumo au a tshi vhaimedza.

12Wo buḓekanya ḽifhasi nga mbiti,

wa kandekanya dzitshakha wo sinyuwa.

13

3:13
Ps. 2:6
110:1-2
Wo bva wa yo lamulela vhathu vhau,

u tshi yo tshidza khosi ye wa ta.

Wo pwasha ṱhoho ya muvhi,

wa ṱangula miteo ya nnḓu yawe u swika kha tombo.

14Wo teketela vhalangammbi vhawe musi yo ṱangana.

Vho vha vha tshi ḓi ri tshoṱhela,

vha tshi ri vha ḓo ri balanganya,

hone u ḓihudza havho ha sala hu si tshithu,

vhoṱhe vha khotha vha yo dzumbama.

15Wo kandekanya bere dzavho maḓini mahulu a fhufhumaho.

16

3:16
Yes. 21:3-4
Hab. 2:3
Ndo ri u zwi pfa, mbilu yanga ya tou sinḓa,

milomo yanga ya tetemela ndi tshi zwi pfa,

marambo anga a thoma u oma,

milenzhe yanga ya tetemela.

Ndi tou gomela musi wa khombo,

ndi tshi humbula zwo livhaho vha no khou ri tshoṱhela.

Luimbo lwa tshivhidzo

17

3:17-18
Rom. 8:31-39
Mish. 16:24-25
Naho muhuyu u sa kulukushi,

munḓirivhe u sa aṋwi mitshelo,

muolivi u sa vhibvisi tshithu,

masimu a si na zwiḽiwa,

nngu dzi sa tsha vha hone,

madanga a kholomo a sala a si na tshithu,

18nṋe ndi ḓo ḓi takalela Muṋe washu,

ndi ḓo pembelela Mudzimu Mutshidzi wanga.

19

3:19
Ps. 18:32-33
Muṋe washu Muṋe wa zwoṱhe ndi Ene maanḓa anga,

u ita uri milenzhe yanga i leluwe unga ya phala,

u ita uri ndi kone u gonya zwivhanga.

(Lwo sikelwa malogwane. Lu imbiwa hu tshi lidzwa tshilidzo tsha thale.)