Tshivenda 1998 (VEN98)
49

Vhuporofita ha Jakopo a tshi amba vhana vhawe

491

49:1-27
Dot. 33
Jakopo o vhidza vhana vhawe a ri, “Kuvhanganani ndi ni vhudze zwi no ḓo itea kha inwi misi i ḓaho:

2“Inwi vhana vha Jakopo,

kuvhanganani ni thetshelese;

thetshelesani khotsi aṋu Israele.

3

49:3
Gen. 29:32
49:3-4
Gen. 35:22
“Iwe Rubeni u tanzhe ḽanga,

u nungo dzanga,

u mutshelo wa u ranga

wa musi ndi tshi vha munna;

u vhugala ha u ranga,

u maanḓa a u ranga;

4a u nga vhi wa u ranga,

u nga muḓalo wa maḓi a sa langei;

wo gonya vhulaloni ha khotsi au,

wa vhu shata mashika;

hoyu o gonya vhulaloni hanga.

5“Simioni na Livi ndi mukomana na murathu;

mafumo avho ndi zwihali zwi huvhadzaho.

6

49:6
Gen. 34:25-31
A thi nga ḓidzhenisi kha zwa vhukwila havho,

a thi nga konani navho.

Vho sinyuwa vha vhulaha vhathu,

vho holefhadza dzimboho nga khole.

7

49:7
Josh. 19:1-9
21:1-42
Nga hu teketelwe mbiti dzavho,

ndi dza tshiṱuhu;

u sinyuwa havho hu a ofhisa.

Ndi ḓo vha thalanganya vhukati ha vhana vha Jakopo,

ndi ḓo vha balanganya vhukati ha Vhaisraele.

8“Iwe Juda, vhana vha khotsi au vha ḓo u khoḓa.Juda zwi amba uri Mukhoḓwa. Kha hu sedzwe Rom. 2:29; Num. 10:13-14; Rangap. 1:1-2.

U ḓo vhusa maswina au,

vhana vha khotsi au vha ḓo u gwadamela.

9

49:9
Num. 23:24
24:9
Nzumb. 5:5
Juda ndi ndawana;

ṅwananga, u ḓo bva wa yo ponda, wa vhuya;

u ḓo nga ndau i tshi tumba ya shuvhama,

kana ndawana:

ndi nnyi ane a nga i ṱunga?

10

49:10
Num. 24:17
Ps. 60:71 Koron. 5:2
28:4
Luḓo lwa vhuhosi

lu ḓo dzula lu tshanḓani tsha Juda,

mbaḓa ya muvhusi i ḓo dzula i phanḓa hawe,

ha vhuya ha swika ane zwa vha zwawe;

onoyo dzitshakha dzi ḓo mu luvha.

11Minḓirivhe ya Juda i ḓo ḓala lune na donngi dzawe dza si i fhedze;

u ḓo vhofhelela donngi yawe na munḓirivhe,

ya tsadzi a i vhofhelela na davhi ḽawo ḽo nakesaho.

U kuvha nguvho yawe nga waini yo tswukaho unga malofha;

12

49:12
Juele 3:18
maṱo awe o tou tswukuluwa nga waini,

maṋo awe o tou tshena nga mukhaha.

13

49:13
Dot. 33:18-19
“Zebuloni u ḓo dzula khunzikhunzini ya lwanzhe,

ha vha vhuimazwikepe;

u ḓo ṋekana masakha na Sidoni.

14“Isakhara ndi donngi ya nungo i no lala vhukati ha maputo mavhili.Maputo mavhili zwi amba thavha mbili dze shango ḽawe ḽa vha ḽi vhukati hadzo.

15A tshi vhona vhuawelo hawe vhu havhuḓi,

shango ḽawe ḽi tshi takadza,

a kotama a hweswa muhwalo,

a shumiswa unga phuli.

16“Dani u ḓo lwela vhathu vhawe,

vhunga na ene e ḽiṅwe ḽa matsinde a Israele.

17

49:17
Rangap. 13:2,24-25
Ngavhe Dani a tshi nga mbeḓa i re gondoni,

a nga vuluvulu ḽi re nḓilani,

ḽine ḽa luma bere tshirethe,

munameli wayo a wa nga tshitiko.

18“Muṋe washu, ndo lavhelela u tshidzwa nga Iwe.

19“Gadi u ḓo zhongondedzwa nga tshigwada tsha mavemu,

ene a lwa navho a vha ṱangula.

20

49:20
Dot. 33:24
“Ashere u ḓo ḽa mapfura,

u ḓo bveledza zwiḽiwa zwo teaho khosi.

21“Nafuthali ndi phala

i no tshimbila hune ya funa,

i no dzwala phalana dza u naka.

22“Josefa ndi muri u aṋwaho mitshelo,

u re tsini ha tshisima, une matavhi awo a adza

a tiba luvhondo.

23Vho faraho vhura vho rambana,

vha mu vutshela vha mu posa nga misevhe.

24Hone vha tshi posa vhura havho ha kundwa,

zwanḓa zwavho zwa sokou oma

nga Ramaanḓa wa Jakopo,

nga dzina ḽa Mulisa wa Israele,

Ene Bako ḽavho,

25nga Mudzimu wa khotsi au ane a u tika,

nga Mudzimu Ramaanḓaoṱhe ane a u shudufhadza.

O u shudufhadza nga mashudu a bvaho ṱaḓulu makoleni,

mashudu a zwisima zwihulu zwi re fhasi,

mashudu a mikando na mbebo.

26

49:26
Dot. 33:13-16
Mashudu a khotsi au a fhira mashudu a thavha dza kale,

na zwi takadzaho zwa zwivhanga zwa lini na lini.

Ngavhe a tshi tsela kha ṱhoho ya Josefa,

kha phanḓa ya we a khethwa kha vhakomana vhawe.

27

49:27
Rangap. 5:14
20:25
Ps. 68:27
1 Sam. 9:1-2
“Benyamini ndi ḓalerwa ḽa vhuhali;

nga matsheloni ḽi mila tshe ḽa ponda,

nga madekwana ḽi kovhekanya zwe ya thuba.”

28Vhoṱhe havho vha vhumba matsinde a Israele a 12. Hezwo ndi zwe khotsi avho a vha vhudza. O vha shudufhadza, a ṋea muṅwe na muṅwe mashudu o mu teaho.

Lufu lwa Jakopo na u swiṱwa hawe

29

49:29-32
Gen. 23:3-20
Ndi hone Jakopo a tshi laya vhana vhawe a ri, “Ndi ḓo ṱuwa ndi tshi oroswa ha vha hashu. Ni ntswiṱe na vhokhotsi anga, bakoni ḽi re tsimuni ya Efroni wa Muhithi, 30bakoni ḽi re tsimuni ya ngei Makhaphela, tsini na Mamuri, shangoni ḽa Kanana. Tsimu iyo yo rengwa nga Abrahamu kha Efroni wa Muhithi uri i vhe zwalo zwawe. 31
49:31
Gen. 25:9-10
35:29
Henefho ho swiṱwa Abrahamu na musadzi wawe Sara; henefho ho swiṱwa Isaka na musadzi wawe Rabeka; ndi hone he nda swiṱa Lea. 32Ndi amba tsimu na bako ḽi re ngomu hayo zwe zwa rengwa kha vhana vha Hethe.”

33Musi Jakopo o no fhedza u laya vhana vhawe, a humisela milenzhe yawe vhulaloni hawe, a mbo welela, a oroswa ha vha hawe.