GENESI 36

₁Ngea mafhungo a Esau, ene Edomo. ₂Esau o dzea vhasadzi vhawe kha vhasadzi vha Kanana: Ada ṅwananyana wa Eloni wa Muhithi, na Oholibama; Oholibama ndi ṅwana wa Ana, ṅwana wa Tsibioni wa Muhivi; ₃a dzea na Basimatha ṅwananyana wa Ishmaele, khaladzi a Nebayotho. ₄Ada a bebela Esau Elifasi, Basimatha a beba Reuele, ₅Oholibama a beba Jeushu na Jalamu na Kora. Ndi vhone vhana vha Esau vha vhatuka, vhe a vha bebelwa Kanana.

₆Esau a dzhia vhasadzi vhawe na vhana vhawe vha vhatuka na vha vhasidzana na thakha yawe na zwiṅwe zwifuwo zwawe zwoṱhe na thundu yoṱhe ye a i wana Kanana, a pfulutshela shangoni ḽe ḽa vha ḽi kule na murathu wawe Jakopo. ₇Thundu yavho yo vha yo andesa lune vha nga si kone u dzula vhoṱhe; shango ḽe vha vha vha tshi dzula khaḽo ḽo vha ḽi sa vha eḓani vhoṱhe vhuvhili havho nge vha vha vhe na thakha nnzhi. ₈Zwenezwo Esau, ene Edomo, a yo dzula makwarani a Seiri – ndi ḽone ḽa Edomo.

₉Ngea mafhungo a Esau khotsi a Vhaedomo musi e makwarani a Seiri. ₁₀Ngea madzina a vhana vha Esau vha vhatuka: Ndi Elifasi, ṅwana wa Ada musadzi wa Esau, na Reuele, ṅwana wa Basimatha musadzi wa Esau. ₁₁Vhana vha Elifasi vha vhatuka ndi: Themana na Omara na Tsefo na Gathama na Kenasi. ₁₂Elifasi ṅwana wa Esau o vha e na musadzi wa phuli-vho; ndi Thimina we a mu bebela Amaleke. Vhaḓuhulu vha Ada musadzi wa Esau ngevha: ₁₃Vhana vha Reuele vha vhatuka ndi: Nahatha na Zera na Shama na Miza. Avho ndi vhone vhaḓuhulu vha Basimatha musadzi wa Esau.

₁₄Vhana vha vhatuka vha musadzi wa Esau, Oholibama ṅwananyana wa Ana, muḓuhulu wa Tsibioni, vhe a vha bebela Esau ndi: Jeushu na Jalamu na Kora.

₁₅Ngea magota a vhaḓuhulu vha Esau: Vhana vha vhatuka vha Elifasi tanzhe ḽa Esau vhe vha vha magota ndi Themana na Omara na Tsefo na Kenasi ₁₆na Kora na Gathamu na Amaleke. Havho ndi vhone magota a lutsinga lwa Elifasi shangoni ḽa Edomo; ndi vhaḓuhulu vha Ada.

₁₇Vhana vha vhatuka vha Reuele ṅwana wa Esau wa mutuka vhe vha vha magota ndi: Nahathi na Zera na Shama na Miza. Hayo ndi one magota a lutsinga lwa Reuele shangoni ḽa Edomo; ndi vhaḓuhulu vha Basimatha musadzi wa Esau.

₁₈Vhana vha vhatuka vha Oholibama musadzi wa Esau vhe vha vha magota ndi: Jeushu na Jalamu na Kora. Hayo ndi one magota a lutsinga lwa musadzi wa Esau, Oholibama ṅwananyana wa Ana. ₁₉Ndi vhone vhana vha Esau, ene Edomo. Hayo ndi one magota avho.

₂₀Ngevha vhana vha vhatuka vha Seiri wa Muhori, vhone vhadzulapo vha kale vha shango ḽa Edomo: Ndi Lothani na Shobala na Tsibioni na Ana ₂₁na Dishoni na Etsere na Dishani. Havho vhana vha Seiri ndi one magota a Vhahori kha ḽa Edomo.

₂₂Vhana vha Lothani vha vhatuka ndi: Hori na Hemamu. Thimina o vha e khaladzi a Lothani.

₂₃Vhana vha Shobala vha vhatuka ndi: Alavani na Manahathi na Ebala na Shefo na Onamu.

₂₄Vhana vha Tsibioni vha vhatuka ndi: Aya na Ana. Hoyo ndi uḽa Ana we a tumbula zwipise sogani musi a tshi khou lisa donngi dza khotsi awe Tsibioni. ₂₅Vhana vha Ana ndi: Dishoni na Oholibama ṅwananyana wa Ana.

₂₆Vhana vha Dishoni vha vhatuka ndi: Hemedana na Eshebani na Ithirani na Kherani.

₂₇Vhana vha Etsere vha vhatuka ndi: Bilihani na Zaavani na Akani.

₂₈Vhana vha Dishani vha vhatuka ndi: Utsi na Arani.

₂₉Ndi one magota a Vhahori. Ndi Lothani na Shobala na Tsibioni na Ana ₃₀na Dishoni na Etsere na Dishani. Hayo ndi one magota a Vhahori zwi tshi ya nga matsinde avho shangoni ḽa Seiri.

₃₁Ngea mahosi e a vhusa Edomo hu sa athu vhuya ha vhusa na khosi na nthihi ya Israele: ₃₂Bela ṅwana wa Bioro o vha khosi ya Edomo. Musanda wawe wo pfi Dinihaba. ₃₃Bela o ri u fa, Jobaba ṅwana wa Zera a no bva Botsora a vha khosi vhudzuloni hawe. ₃₄Jobaba o ri u fa, Hushamu a no bva shangoni ḽa Vhathemana a vha khosi vhudzuloni hawe. ₃₅Hushamu a ri u fa, Hadadi ṅwana wa Bebadi a vha khosi vhudzuloni hawe. Ndi ene we a kunda Vhamidiani shangoni ḽa Muaba. Musanda wawe wa pfi Avithi. ₃₆Hadadi a ri u fa, Samula a no bva Masireka a vha khosi vhudzuloni hawe. ₃₇Samula a ri u fa, Shaulo a no bva Rehobotho-tsini-ha-mulambo a vha khosi vhudzuloni hawe. ₃₈Shaulo a ri u fa, Baali Hanani ṅwana wa Akhiboro a vha khosi vhudzuloni hawe.

₃₉Baali Hanani a ri u fa, Hadadi a vha khosi vhudzuloni hawe. Musanda wawe wa pfi Phau; musadzi wawe o vha a tshi pfi Mehetabele ṅwananyana wa Matirede, ṅwananyana wa Mesahaba.

₄₀Ngevha magota a Esau, zwi tshi ya nga madzina na mitupo na madzingu: Thimina na Aliva na Jethethe ₄₁na Oholibama na Ela na Phinoni ₄₂na Kenasi na Themana na Mibitsara ₄₃na Magadiele na Iramu. Hayo ndi one magota a Edomo, zwi tshi ya nga vhudzulo havho shangoni ḽe vha vha vha tshi dzula khaḽo. Havho ndi vhone vha lutsinga lwa Esau khotsi a Vhaedomo.