Tshivenda 1998 (VEN98)
22

Abrahamu a tshi pfi a ite Isaka tshiṱhavhelo

221

22:1-19
Heb. 11:17-19
Jak. 2:21-22
Ngavhuya Mudzimu a linga Abrahamu, a mu vhudza a ri, “Abrahamu!” Abrahamu a fhindula a ri, “Ndi fhano.”

2

22:2
2 Koron. 3:1
Mudzimu a ri, “Dzhia mutukana wau muthihi fhedzi Isaka, ane wa mu funa, u ye dzinguni ḽa Moria, thavhani ine nda ḓo u sumbedza, u mu ite tshiṱhavhelo tshi fhiswaho henefho.”

3Nga matshelo Abrahamu a fhinduwa a vhelesa donngi yawe. A ṱuwa na phuli dzawe mbili na mutukana wawe Isaka. A fhanza khuni dzo eḓanaho dza tshiṱhavhelo, a livha he Mudzimu a mu vhudza. 4Nga ḓuvha ḽa vhuraru Abrahamu a tshi posa maṱo a vhona fhethu afho hu tshi kha ḓi vha kule. 5A vhudza phuli dzawe a ri, “Salani na donngi henefha, nṋe na mutukana ri ḓo fhirela hafhaḽaa. Musi ro no luvha Mudzimu ri ḓo vhuya ha inwi.”

6Abrahamu a dzhia khuni dza tshiṱhavhelo a dzi hwesa mutukana wawe Isaka, ene muṋe a fara mulilo na lufhanga. Musi avho vhavhili vha tshi khou tshimbila vhoṱhe, 7Isaka a vhudzisa khotsi awe Abrahamu a ri, “Baba!” Abrahamu a fhindula a ri, “Ndi mini ṅwananga?” Isaka a ri, “Mulilo na khuni ngezwi, hone ngwana ya tshiṱhavhelo i ngafhi?”

8Abrahamu a fhindula a ri, “Ṅwananga, Mudzimu Ene muṋe u ḓo ḓisa ngwana ya tshiṱhavhelo.” Vha ḓi tshimbila vhoṱhe.

9Musi vha tshi swika fhethu he Mudzimu a mu vhudza, Abrahamu a fhaṱa aḽiṱari henefho, a vhekanya khuni nṱha hayo. A vhofha mutukana wawe Isaka, a mu ladza kha aḽiṱari nṱha ha khuni. 10Abrahamu a isa tshanḓa a dzhia lufhanga uri a shidzhe ṅwana wawe. 11Hone muruṅwa wa Muṋe washu a mu vhidzelela e ṱaḓulu a ri, “Abrahamu! Abrahamu!” Abrahamu a fhindula a ri, “Ndi fhano!”

12

22:12
Mika 6:6-8
Dot. 12:31
Jer. 7:31
Muruṅwa a ri, “U songo vhuya wa kwama uyo mutukana. U songo mu ita tshithu. Zwino ndi a zwi ḓivha uri u ofha Mudzimu, ngauri a wo ngo nnzima na ṅwana wau muthihi fhedzi.”

13

22:13
Joh. 1:29
Mat. 20:28
Rom. 3:25
Abrahamu a tshi posa maṱo, a vhona thutha yo fashwa ṋanga tshiṱakani. A mbo ḓi yo dzhia iyo thutha a i ita tshiṱhavhelo tshi fhiswaho vhudzuloni ha ṅwana wawe. 14Henefho fhethu Abrahamu a ri hu pfi, “Muṋe washu u ḓo ḓisa tshililelwa.” Na ṋamusi hu kha ḓi pfi, “Thavhani ya Muṋe washu hu ḓo ḓiswa tshililelwa.”

15Muruṅwa wa Muṋe washu a dovha a vhidzelela Abrahamu e ṱaḓulu 16

22:16
Heb. 6:13-14
a ri, “Muṋe washu u ri, ‘Ndi ana nga Nṋe muṋe, ndi ri nge wa ita hezwo, wa si nnzime mutukana wau muthihi fhedzi, 17
22:17
Gen. 12:2
vhukumakuma ndi ḓo u shudufhadza nda andisa vhaḓuhulu vhau vha nga ṋaledzi dza lutomboni, vha nga muṱavha wa khunzikhunzini ya lwanzhe. Vhaḓuhulu vhau vha ḓo dzhia miḓi ya maswina avho ya vha yavho. 18
22:18
Gen. 12:3
Tshakha dzoṱhe dza ḽifhasi dzi ḓo wana mashudu nga vhana vhau, nge wa nthetshelesa.’ ”

19Ndi hone Abrahamu a tshi humela phulini dzawe, vha ṱuwa vhoṱhe vha ya Bierisheba. Abrahamu a dzula Bierisheba.

Vhana vha Nahoro

20Ngavhuya Abrahamu a vhudzwa upfi, “Milikha na ene u na vhana; o bebela murathu wau Nahoro vhana vha vhatuka: 21Utsi ndi ene tanzhe; vharathu vhawe ndi Buzi na Kemuele khotsi a Aramu, 22na Khesede na Hazo na Philidashi na Jidilafu na Bethuele.” 23Bethuele a vha khotsi a Rabeka. Milikha o bebela Nahoro murathu wa Abrahamu vhana havho vhaṱanu na vhararu. 24Musadzi wawe wa phuli we a vha a tshi pfi Riuma, na ene a vha na vhana vha vhatuka: Teba na Gahama na Thahashi na Maakha.