Tshivenda 1998 (VEN98)
1

Tsiko (1 – 2)

U sikwa ha shango

11

1:1 – 2:4a
Ps. 8
104
33:6-9
Joh. 1:1-4
1:1
Heb. 11:3
U rangani Mudzimu o sika ḽiṱaḓulu na ḽifhasi. 2Ḽifhasi ḽo vha ḽi si na tshivhumbeo, nahone hu si na tshithu khaḽo; ho vha hu na swiswi, ḽifhasi ḽó tibwa nga dzivha, hone Muya wa Mudzimu o alama kha maḓi.

3Mudzimu a ri, “Nga hu vhe na tshedza!” tshedza tsha mbo ḓi vha hone. 4Mudzimu a sedza a vhona tshedza tshi tshavhuḓi, a fhandekanya tshedza na swiswi. 5Tshedza Mudzimu a ri tshi pfi masiari, swiswi a ri ḽi pfi vhusiku. Ḽa kovhela, ḽa tsha, ḽa vha ḓuvha ḽa u ranga.

6

1:6
Jobo 37:18
Ps. 104:2
Yes. 40:22
Mudzimu a ri, “Nga hu vhe na lutombo vhukati ha maḓi, lu fhandekanye maḓi na maḓi.” 7
1:7
Ps. 148:4
Ndi hone Mudzimu a tshi ita lutombo, a fhandekanya maḓi a fhasi ha lutombo na a nṱha halwo, zwa mbo ralo. 8Lutombo Mudzimu a ri lu pfi ḽiṱaḓulu. Ḽa kovhela, ḽa tsha, ḽa vha ḓuvha ḽa vhuvhili.

9

1:9
Mir. 8:25,29
Ps. 104:7-9
Mudzimu a ri, “Maḓi a re fhasi ha lutombo nga a kuvhangane fhethu huthihi, mavu a sale khagala!” Zwa mbo ralo. 10Mavu Mudzimu a ri a pfi shango, maḓi o kuvhanganaho Mudzimu a ri a pfi lwanzhe. Mudzimu a sedza a vhona zwi zwavhuḓi. 11Ndi hone Mudzimu a tshi ri, “Shango nga ḽi medze zwimela: zwimela zwi no aṋwa mbeu, na miri ya mitshelo i no aṋwa mitshelo i re na mbeu ngomu hayo, i tshi ya nga tshakha dzayo dzo fhambanaho!” Zwa mbo ralo – 12shango ḽa medza zwimela: zwimela zwi no aṋwa mbeu zwi tshi ya nga tshakha dzazwo, na miri i aṋwaho mitshelo i re na mbeu ngomu hayo, i tshi ya nga tshakha dzayo. Mudzimu a sedza a vhona zwi zwavhuḓi. 13Ḽa kovhela, ḽa tsha, ḽa vha ḓuvha ḽa vhuraru.

14

1:14
Mat. 2:9
Mudzimu a ri, “Nga hu vhe na zwiedza lutomboni lwa ḽiṱaḓulu, zwi fhandekanye masiari na vhusiku, zwi vhe zwiga zwi no sumbedza khalaṅwaha na maḓuvha na miṅwaha, 15
1:15
Nzumb. 21:23
Jer. 10:2
zwi vhe zwiedza lutomboni lwa ḽiṱaḓulu, zwi vhonetshele ḽifhasi.” Zwa mbo ralo. 16Mudzimu o ita zwiedza zwivhili zwihulwane – tshihulwane tsha vha tsha u vhusa masiari, tshiṱuku tsha vha tsha u vhusa vhusiku; a ita na dziṋaledzi. 17Mudzimu a dzi vhea lutomboni lwa ḽiṱaḓulu uri dzi vhonetshele ḽifhasi, 18dzi vhuse masiari na vhusiku, dzi fhandekanye tshedza na swiswi. Mudzimu a sedza, a vhona zwi zwavhuḓi. 19Ḽa kovhela, ḽa tsha, ḽa vha ḓuvha ḽa vhuṋa.

20Mudzimu a ri, “Maḓini nga hu tshatshame zwisikwa zwi tshilaho, nṱha ha ḽifhasi hu fhufhe zwiṋoni, zwi buḓekanye lutombo lwa ḽiṱaḓulu.” 21

1:21
Ps. 104:26
Zwenezwo Mudzimu a sika mabuka mahulwane a lwanzheni na zwoṱhe zwi tshilaho zwi tshatshamaho maḓini zwi tshi ya nga tshakha dzazwo, na zwiṋoni zwoṱhe zwi tshi ya nga tshakha dzazwo. Mudzimu a sedza a vhona zwi zwavhuḓi. 22Mudzimu a zwi shudufhadza a ri, “Bebani ni ande ni ḓadze lwanzhe, zwiṋoni zwi ande shangoni!” 23Ḽa kovhela, ḽa tsha, ḽa vha ḓuvha ḽa vhuṱanu.

24Mudzimu a ri, “Ḽifhasi nga ḽi vhe na zwisikwa zwi tshilaho zwi tshi ya nga tshakha dzazwo – zwifuwo na zwisikwa zwi kokovhaho mavuni, na phukha dza ḓaka, zwoṱhe zwi tshi ya nga tshakha dzazwo.” Zwa mbo ralo. 25Mudzimu o vhumba phukha dza ḓaka dzi tshi ya nga tshakha dzadzo, na zwifuwo zwi tshi ya nga tshakha dzazwo, na zwisikwa zwoṱhe zwi kokovhaho mavuni zwi tshi ya nga tshakha dzazwo. Mudzimu a sedza a vhona zwi zwavhuḓi.

26

1:26
Ps. 8:3-8
Jak. 3:7
Ndi hone Mudzimu a tshi ri, “Nga ri vhumbe muthu ri tshi ḓifanyisa, a fane na riṋe, a vhuse khovhe dza lwanzheni, na zwiṋoni, na zwifuwo, na ḽifhasi ḽoṱhe, na zwipuka zwoṱhe zwi kokovhaho mavuni.” 27
1:27
Jak. 3:9
Gen. 9:6
Mat. 19:4
Ef. 4:24
Kol. 3:10
Mudzimu a vhumba muthu a tshi ḓifanyisa; o mu vhumba a tshi fana na Mudzimu; o vha vhumba muṅwe e munna muṅwe e musadzi. 28
1:28
1 Korint. 15:27
Heb. 2:6-9
Nzumb. 4:4
Mudzimu a vha shudufhadza a ri, “Bebani ni ande; ḓadzani ḽifhasi ni ḽi kunde; vhusani dzikhovhe na zwiṋoni na zwipuka zwoṱhe zwi kokovhaho mavuni!” 29Zwenezwo Mudzimu a ri, “Ndi ni kumedza zwimela zwoṱhe zwi aṋwaho mbeu zwi re shangoni, na miri yoṱhe ya mitshelo i re na mbeu ngomu hayo; zwi ḓo vha zwone zwiḽiwa zwaṋu. 30
1:30
Yes. 11:7
Phukha dzoṱhe na zwiṋoni na swisikwa zwoṱhe zwi kokovhaho mavuni, zwoṱhe zwi femaho, ndi zwi kumedza maṱari na hatsi; zwi ḓo vha zwiḽiwa zwazwo.” Zwa mbo ralo. 31
1:31
1 Tim. 4:4
Mudzimu a sedza zwoṱhe zwe a zwi ita, a vhona zwi zwavhuḓi vhukuma. Ḽa kovhela, ḽa tsha, ḽa vha ḓuvha ḽa vhuṱanu na vhuthihi.

2

21Ha vha hu hone ḽiṱaḓulu na ḽifhasi zwo khunyelela, na zwoṱhe zwi re khazwo. 2Nga ḓuvha ḽa vhuṱanu na vhuvhili Mudzimu a vha o fhedza mushumo wawe wa u sika, a si tsha sika tshithu, a awela. 3

2:3
Ek. 20:8-11
31:17
Heb. 4:4,9-10
Joh. 5:17
Mudzimu a ri ḓuvha ḽa vhuṱanu na vhuvhili ḽi vhe na mashudu, ḽi vhe ḽikhethwa, nge a awela ngaḽo ó fhedza mushumo wawe woṱhe wa u sika.

4Hayo ndi one mafhungo a u sikwa ha ḽiṱaḓulu na ḽifhasi.

Vhathu vha tshi vhewa Edeni

Musi Muṋe washu Mudzimu a tshi ita ḽifhasi na ḽiṱaḓulu 5ho vha hu sa athu vha na tshiṱaka fhano fhasi, hu sa athu mela na tshimela; Muṋe washu Mudzimu o vha a sa athu nisela ḽifhasi mvula, nahone ho vha hu si na muthu a no lima mavu, 6fhasi ho tou phulea zwisima zwa maḓi, a ṋukadza mavu oṱhe. 7

2:7
Gen. 3:19
Jobo 33:4-6
34:14-15
Ps. 104:29-30
Mufunzi 3:20
12:7
1 Korint. 15:45-49
Jobo 32:8
Joh. 20:22
Muṋe washu Mudzimu a vhumba muthu nga mavu, ningoni dzawe a vhudzulela mufemo u ṋeaho vhutshilo, muthu a mbo ḓi thoma u tshila.

8Zwino Muṋe washu Mudzimu o vha o lima tsimu Edeni thungo ya vhubvaḓuvha; henefho a vhea muthu we a mu vhumba. 9

2:9
Mir. 3:13,18
Nzumb. 2:7
22:14
Muṋe washu Mudzimu a medza miri ya tshakha dzoṱhe mavuni, miri ye ya vha i tshi takadza muthu a tshi i vhona, ine ya ḓifha. Vhukati ha tsimu a medza muri u ṋeaho vhutshilo, na muri u ṋeaho ṱhalukanyo ya zwivhuya na zwivhi.

10Edeni ho vha hu tshi ela mulambo u sheledzaho iyo tsimu, u bva henefho wa fhandekana wa bva milambo miṋa. 11Wa u thoma u pfi Phishoni; u ela u tshi mona na shango ḽoṱhe ḽa Havila, hune ha wanala musuku. 12(Musuku wa iḽo shango ndi wavhuḓi; henefho hu na zwiḓolo zwi sa sokou wanala, na matombo a mutengo muhulu.) 13Mulambo wa vhuvhili u pfi Gihoni; u ela u tshi mona na shango ḽoṱhe ḽa Kushu. 14Mulambo wa vhuraru u pfi Thigirisi; u ela u tshi tsa na shango ḽa Ashuru nga vhubvaḓuvha. Wa vhuṋa u pfi Yufuratha.

15Muṋe washu Mudzimu a dzhia muthu a mu vhea tsimuni ya Edeni uri a shume khayo, a i linde. 16Muṋe washu Mudzimu a laya muthu a ri, “U nga ḓi ḽa muri muṅwe na muṅwe afho tsimuni, 17hone muri u ṋeaho ṱhalukanyo ya zwivhuya na zwivhi u songo u ḽa; wa vhuya wa u ḽa, vhukuma u ḓo fa.”

18Muṋe washu Mudzimu a ri, “A si zwavhuḓi muthu a tshi dzula e eṱhe. Ndi ḓo mu vhumbela mufarisi o mu fanelaho.” 19Muṋe washu Mudzimu a dzhia mavu a vhumba phukha dza shango na zwiṋoni, a zwi ḓisa ha muthu u vhona uri a nga zwi vhidza hani; madzina e muthu a zwi vhidza ngao a mbo ḓi vha madzina azwo. 20

2:20
Liv. 18:23
Huno muthu o rina madzina a zwifuwo, na zwiṋoni, na phukha dzoṱhe dza shango, hone a si wane mufarisi o mu fanelaho.

21Ndi hone Muṋe washu Mudzimu a tshi eḓedza muthu khofhe khulu; musi a tshee o eḓela, a bvisa luvhabvu lwawe, afho fhethu a hu thivha nga ṋama. 22Ndi hone Muṋe washu Mudzimu a tshi vhumba musadzi nga luvhabvu lwe a lu bvisa kha muthu, a mu ḓisa khae.

23Muthu a tshi mu vhona a ri,

“Zwino ndi hone ndo wana a no nga nṋe;

ndi shaka ḽanga vhukuma;

u ḓo pfi ‘musadzi’,

nge a bviswa kha munna.”Nga Tshiheberu madzina haya mavhili, “munna” na “musadzi”, a ṱoḓou fana. A pfi “ish” na “isha”.

24
2:24
Mal. 2:14-15
Mat. 19:5
Ef. 5:31
Ndi zwine munna a ḓo ṱutshela khotsi awe na mme awe, a vhofhekana na musadzi wawe, vha vha ṋama nthihi.

25Munna na musadzi, vhoṱhe vhuvhili havho, vho vha vhe fhedzi, vha sa shoni.