Tshivenda 1998 (VEN98)
6

U angulana mihwalo

61

6:1
2 Tim. 2:25
Vha hashu, arali muṅwe waṋu a tshenuwa o khakha, inwi vhane na langiwa nga Muya mu khuthadzeni; huno ni tshi ralo ni zwi ite nó vuḓa nó thanya uri ni si khakhe-vho. 2
6:2
Rom. 15:1
Gal. 5:14
Joh. 13:34
Farisanani nga u angulana mihwalo, ngauralo hu ḓo vha u khunyeledza mulayo wa Khristo. 3
6:3
1 Korint. 8:2
Arali hu na muṅwe ane a ḓiḓivha ngeno e si tshithu, onoyo u a ḓifhura. 4Muṅwe na muṅwe kha a sedze zwine a ita; arali a wana o ita zwone, a konou ḓikhoḓela zwe ene muṋe a shuma, a sa zwi vhambedzi na zwo shuṅwaho nga muṅwe. 5
6:5
Rom. 14:12
Muṅwe na muṅwe u ḓo ḓifhindulela ene muṋe.

6

6:6
1 Korint. 9:14
Muthu ane a vha mutei kha mafhungo a Tshikhriste o fanela u kovhekana na mufunzi wawe thundu dzoṱhe dzine a vha nadzo.

7Ni songo ḓifhura: Mudzimu ha tambiwi ngae. Muthu u kaṋa tshenetsho tshine a zwala. 8Arali a zwala nyemulo dza tsiko yawe, u kaṋa lufu; hone arali a zwala zwa Muya Mukhethwa u kaṋa vhutshilo vhu sa gumi. 9

6:9
Heb. 10:36
Zwino-ha vha hashu, kha ri tou fungelela u ita zwivhuya ri sa neti, ndi hone ri tshi ḓo kaṋa nga tshifhinga tsho fanelaho. 10Zwenezwo tshifhinga tshine ra tshi wana kha ri tonde vhoṱhe, zwihulu vhatendi nga riṋe.

Ndayo ya u vhina na nyonesano

11

6:11
1 Korint. 16:21
Vhonani uri ndi khou ni ṅwalela maḽeḓere mangafhani ndi tshi vho tou ṅwala nga tshanḓa tshanga vhukuma, ndi ri: 12
6:12
Gal. 5:11
Vhane vha ni kombetshedza u fumba ndi vhane vha enda vha tshi ṱongisa mivhili yavho. Vha zwi ita uri vha si tovholelwe tshifhambano tsha Khristo. 13Hufha na vhenevho vha fumbaho vha sa khunyeledzi Mulayo wa Mushe; vha tou funa u ni fumbisa uri vha kone u zuwa zwe vha ita mivhili yaṋu. 14
6:14
Filip. 3:3
A vha nṋe tshine nda nga tshi zuwa ndi tshithihi: ndi tshifhambano tsha Muṋe washu Yesu Khristo. Ndi tshifa ndo vhambiwa; a thi tshee na mushumo na zwa shango; na ḽone ndi ḽi vhona sa tshithu tsho vhambwaho. 15
6:15
Gal. 5:6
2 Korint. 5:17
U fumba na u sa fumba a zwi na mushumo; tshililelwa ndi tshithihi: ndi u vha tshisikwa tshiswa. 16
6:16
Ps. 125:5128:6
Vhoṱhe vhane vha ḓiela nga muelo wonoyo, vha re vhone Vhaisraele vha Mudzimu, ngavhe vha tshi vha na mulalo vha itelwa vhuthu.

17

6:17
2 Korint. 11:23-25
U bva zwino ni songo tsha nndemedza; mavhadzi aya ane nda vha nao muvhilini wanga ndi luswayo lwa u vha phuli ya Khristo. 18
6:18
2 Tim. 4:22
Vha hashu, ngavhe Muṋe washu Yesu Khristo a tshi ni itela vhuthu noṱhe. Amen.