Tshivenda 1998 (VEN98)
6

Hu tshi porofitwa zwi no ḓo wela thavha dza Israele

61Ipfi ḽa Muṋe washu ḽo amba na nṋe ḽi tshi ri, 2

6:2
Esek. 36:1-2
“Iwe ṅwana wa muthu, sedza thavha dza Israele u porofite zwine zwa ḓo dzi wela. 3U ambe u ri, ‘Inwi thavha dza Israele, ipfani ipfi ḽa Muṋe wa zwoṱhe Yahavee. Muṋe wa zwoṱhe Yahavee a tshi amba na dzithavha na mivhundu na milambo na magovha u ri: Thetshelesani, ndi ḓo ni rambela pfumo, nda phusukanya vhurerelo haṋu miṱumbani. 4
6:4-6
Esek. 6:13Liv. 26:30-31
Ps. 53:5141:7
Jer. 8:1-2
Aḽiṱari dzaṋu dzi ḓo thuthekanywa, aḽiṱari dza u dubisela zwioro dza pwashekanywa, nda posa zwitumbu zwa vhathu vha rerelelaho kha inwi henefho phanḓa ha midzimi yaṋu ya mathukhwi, 5marambo avho a ḓo balanganywa u mona na aḽiṱari dzaṋu. 6Shangoni ḽaṋu ḽoṱhe miḓi i ḓo phusukanywa, aḽiṱari dzaṋu dza thuthwa, zwivhanga zwa sala zwi si na muthu, e matumba, midzimu yaṋu ya zwifanyiso ya pwashiwa i si tsha vha hone, dziaḽiṱari dzaṋu dza u fhisela zwioro dza pwashekanywa, zwithu zwoṱhe zwe na ḓiitela zwa lozwiwa tshoṱhe. 7
6:7
Esek. 15:7
22:22
33:29
Vhukati haṋu hu ḓo wa vho vhulawaho nga pfumo. Ndi hone ni tshi ḓo ḓivha uri ndi Nṋe Yahavee.

8

6:8
Yes. 10:21-22
“ ‘Hone vhaṅwe vhaṋu ndi ḓo vha tshidza; vha ḓo ponyoka pfumo, nda vha balanganya na dzitshakha. 9
6:9
Esek. 20:42-44
Tsalela dzaṋu dzi ḓo nnyelelwa dzi vhukati ha dzitshakha he vha hwalwa vha iswa hone. Ndi ḓo vha ndo vunḓekanya mbilu dzavho dzi no ṱolou ntshandukela, nda swingisa maṱo avho a no ṱolou ntshandukela ane a emula midzimu ya dzitshikha unga phombwe i tshi emula munna a si wayo. Vha ḓo ḓinengwa vha tshi humbula vhutshinyi hoṱhe na zwi nengisaho zwe vha ita. 10
6:10
Esek. 5:13
17:21
24:24,27
33:33
Ndi hone vha tshi ḓo ḓivha uri ndi Nṋe Yahavee; ndo amba, thi swaswi, ndi ri khombo hedzo dzoṱhe dzi ḓo vha wela.’ ”

11

6:11-12
Esek. 5:12,16-17
7:15
12:16
14:21
Jer. 14:12
Muṋe wa zwoṱhe Muṋe washu u ri, “Vhandani zwanḓa, giḓani fhasi nga milenzhe, ni ri, ‘Ri lilela vhuvhi hoṱhe vhu nengisaho ha vhathu vha Israele vhane vha ḓo ṱuwa vha tshi ḽiwa nga pfumo na nḓala na dwadze.’ 12Vha re kule vha ḓo fa nga dwadze, vha re tsini vha ḓo vhulawa nga pfumo, vho salaho vho govhelwa vha ḓo fa nga nḓala; mbiti dzanga dzi ḓo fhelela khavho nga u ralo. 13
6:13
Hos. 4:13
Ndi hone ni tshi ḓo zwi ḓivha uri ndi Nṋe Yahavee musi vho faho nga pfumo vho lala henefho vhukati ha midzimu yavho ya dzitshika u mona na aḽiṱari dzavho, muvhunduni muṅwe na muṅwe, muṱumbani wa thavha iṅwe na iṅwe, fhasi ha muri muṅwe na muṅwe wo adzaho, fhasi ha muri muṅwe na muṅwe wa tshimvingimvingi, hoṱhe hune vha dubisa zwioro vha tshi itela midzimu yavho yoṱhe ya dzitshika. 14Ndi ḓo angaladza tshanḓa tshanga nda vha rwa, nda phusukanya shango ḽa sala ḽi si na muthu u bva phangani u swika Ribila, hoṱhe hu no dzula vhathu; ndi hone vha tshi ḓo zwi ḓivha uri ndi Nṋe Yahavee.”

7

Vhufhelo ha Israele vhu tsini

71Ipfi ḽa Muṋe washu ḽa amba na nṋe ḽa ri, 2“Iwe ṅwana wa muthu, Nṋe Muṋe wa zwoṱhe Yahavee ndi vhudza shango ḽa Israele ndi ri: Zwo fhela! Vhufhelo vhu ḓela ḽifhasi ḽoṱhe.

3

7:3-4
Esek. 3:27
7:8
16:43
22:31
23:35
33:10
36:29-30
“Zwino ndi hone zwo fhela iwe shango ḽa Juda; mbiti dzanga dzi ḓo fhelela kha iwe, nda u haṱula ndi tshi tevhedza zwiito zwau nda u sengisela mishumo yau yoṱhe i nengisaho. 4
7:4
Esek. 7:20
A thi nga u khathutsheli, a thi nga u sieli muthu; ndi ḓo u sengisela zwiito zwau na mishumo yau i nengisaho; ndi hone u tshi ḓo zwi ḓivha uri ndi Nṋe Yahavee.”

5Muṋe wa zwoṱhe Muṋe washu u ri, “Zwino khombo dzi ḓo ṱanḓulukana, a dzi nga kundwi u ḓa. 6Vhufhelo vhu khou ḓa, vhufhelo vhu khou ni ḓela; vhu khou ḓa zwino. 7Zwino khombo yo ni wela inwi ni dzulaho shangoni heḽino. Tshifhinga tsho swika, ḓuvha ḽo sendela; zwino a hu tshee na mifhululu, hu pfala mikosi fhedzi nṱha ha dzithavha. 8Hu si kale ndi ḓo shululela mbiti dzanga kha inwi, u sinyuwa hanga ha tou fhelela kha inwi; ndi ḓo ni haṱula ndi tshi tevhedza mishumo yaṋu, nda ni lifhedzela mishumo yaṋu yoṱhe i nengisaho. 9A thi nga ni khathutsheli, a thi nga ni pfeli vhuṱungu, ndi ḓo ni lifhedzela mishumo yaṋu na zwiito zwaṋu zwi nengisaho; ndi hone ni tshi ḓo zwi ḓivha uri ndi Nṋe Yahavee, ndi a lifhedza.

Ḓuvha ḽa khaṱhulo ḽa Muṋe washu

10

7:10-27
Am. 5:18-20
7:10-11
Esek. 22:2-12
“Ḓuvha ngeḽi! Ḽo no swika; khombo yo ni wela; no ri u wana maanḓa, na u ḓihudza ha kalula. 11U levhelana ho no ḓiṋea maanḓa; ndi zwone, hu vhone, ha ri thundu dzavho, he lupfumo lwavho kana vhugala havho a hu na tshi no ḓo sala.Tshiheberu a tshi pfali zwavhuḓi.

12

7:12-13
Liv. 27:24
1 Korint. 7:29-31
“Tshifhinga tsho swika, ḓuvha ḽo sendela. Murengi a songo takalela tshe a renga, murengisi a songo tsha nga u a ḓisola nge a rengisa, ngauri mbiti dzi ḓo vha wela vhoṱhe. 13Murengisi a nga si tsha dovha a wana zwe a rengisa, naho murengisi na murengi vha tshi kha ḓi tshila vhoṱhe;Kha hu sedzwe Liv. 25:10,14-16,25-35. khaṱhulo ye nda vha vhetshela a i nga kundwi u ḓa, vhoṱhe vha na mulandu, a hu na a no ḓo tshila.

14“Phalaphala i ḓo lila, vhoṱhe vha ḓilugisa, hone ha si vhe na a no ḓo bva pfumo, ngauri mbiti dzanga dzi ḓo vha wela vhoṱhe.

15

7:15
Esek. 6:11-12
“Ngei nnḓa ha muḓi vhathu vha fhela nga pfumo; ngomu muḓini vhathu vha fhela nga dwadze na nḓala. Ane a wanala nnḓa u ḓo fa nga pfumo; ane a wanala muḓini u ḓo fa nga nḓala na dwadze. 16
7:16
Esek. 7:3-4
Tshavhi dzavho dzi ḓo shavhela dzithavhani; muṅwe na muṅwe u ḓo lilela milandu yawe unga maivha a govhani. 17
7:17
Yes. 13:7
Zwanḓa zwavho zwi ḓo kulea nungo, vha ṋukadza vhurukhu nga nyofho, 18
7:18
Yes. 15:2-3
Am. 8:10
vha ambara madzanganda, vha tetemela nga nyofho. Vha ḓo tou niwa nga ṱhoni, vhoṱhe vha palula ṱhoho. 19
7:19
Mir. 11:4
Tsef. 1:18
Vha ḓo hashekanya siliva yavho dzinḓilani, musuku wavho vha ḓo u laṱa unga thiḓo, siliva yavho na musuku zwi nga si vha lamulele nga ḓuvha ḽa mbiti dza Yahavee; zwi nga si vha fushe, vha ḓo ṱwa na nḓala vhe nazwo, ngauri ndi zwone zwo itaho uri vha tshinye. 20
7:20
Esek. 6:6
8:3,12,17
16:17
20:7-8
Yes. 2:8
Jer. 8:19
Hos. 8:4
Vho vha vha tshi ṱongisa lunako lwa nungu dzavho vha tshi ita ngazwo zwifanyiso na zwitungulo zwi nengisaho. Ndi zwine nda ḓo ita uri zwi vha nengise unga thiḓo. 21Ndi ḓo ita uri zwi thubiwe nga vhatsinda, zwi ṱangulwe nga vhavhi vha shango vha zwi kumadze. 22
7:22
2 Mah. 25:9,13-16
Ndi ḓo vha furalela, fhethu hanga hukhethwa hu ḓo kumadzwa; mavemu a ḓo dzhena a hu kumadza.

23“Vha itele geḓane ya u vha vhofha, ngauri vhahaṱuli vha shango ndi phondi dzi no shulula malofha, muḓini ho anda u huvhadzana. 24

7:24
Yes. 2:11,17-18
Ndi ḓo vhidza dzone tshakha dzi no fhira dzoṱhe nga vhuvhi dza thuba nnḓu dzavho. Ndi ḓo fhedza u ḓihudza ha vha maanḓa, fhethu havho hukhethwa hu ḓo kumadzwa. 25Ho swika ḓuvha ḽi ofhisaho; vha ḓo ṱoḓa mulalo vha si u wane. 26
7:26
1 Sam. 28:6
Am. 8:11-12
Khombo dzi ḓo ṱanḓulukana, phungo i ḓo tevhela phungo, vha ḓo ṱoḓa bono kha muporofita, hone tshifhe ha tsha ḓo ḓivha pfunzo, vhahulwane a vha tsha ḓo kona u eletshedza vhathu. 27Khosi i ḓo lila, muvhusi u ḓo hanganea tshoṱhe, zwanḓa zwa vhathu vha shango zwi ḓo tetemela nga nyofho. Ndi ḓo vha ita zwo teaho mishumo yavho, nda vha haṱula nga khaṱhulo dze vha haṱula vhaṅwe ngadzo; ndi hone vha tshi ḓo zwi ḓivha uri ndi Nṋe Yahavee.”

8

Bono ḽa midzimu isili i no rerelelwa Jerusalema

81

8:1
Esek. 14:1
20:1
3:22
Nga ṅwaha wa vhuṱanu na vhuthihi ri vhuthubwa Babele, nga ḓuvha ḽa vhuṱanu ḽa ṅwedzi wa vhuṱanu na vhuthihi, ndó dzula hayani na vhahulwane vha Juda, tshanḓa tsha Muṋe wa zwoṱhe Muṋe washu tsha nnziamedza. 2Ndi tshi sedza nda vhona tshithu tshi no nga munna. U bva he ha vha hu tshi nga ndi khundu dzawe u tsela fhasi a tshi tou vha mulilo; u bva khunduni dzawe u ya nṱha o vha a tshi penya unga musinaseṱha wo kulutedzwaho. 3
8:3,5
Jer. 7:30
A ḓisa tshe tsha vha tshi tshi nga tshanḓa tshawe a mpfara nga mavhudzi; Muya a ntakulela nṱha a nkhwala a nnyisa Jerusalema ndi kha mabono a Mudzimu, a nnyisa tshifhingoni tsha khoro ya thungo ya devhula ya nga ngomu, ho imaho tshifanyiso tsha mudzimu usili wa u ṱunga mbiti dza Muṋe washu. 4
8:4
ndima ya
Henefho nda vhona vhugala ha Mudzimu wa Israele, sa zwe nda vhu vhona ngei govhani.

Mudzimu usili u ṱungaho Muṋe washu

5A ri, “Iwe ṅwana wa muthu, lilala u sedze devhula.” Nda lilala nda sedza devhula, henefho thungo ya devhula ha khoro ya aḽiṱari, ho vha ho ima mudzimu wa tshifanyiso u tshi ṱunga Muṋe washu henefho tshifhingoni.

6A ri, “Iwe ṅwana wa muthu, u khou zwi vhona zwine vha khou ita? U khou vhona zwi nengisaho zwine vhathu vha Israele vha khou ita fhano uri vha kundise vhathu u dzhena fhethu hanga hukhethwa? U kha ḓi ḓo vhona zwiṅwe zwihulu zwi nengisaho.”

U rerelela zwipuka

7U bva henefho a nnyisa tshifhingoni tsha muṱa wa thembele. Nda sedza, nda vhona luvhondoni hu na buli. 8A ri, “Iwe ṅwana wa muthu, pwasha luvhondo u phuletshedze.” Nṋe nda pwasha luvhondo nda phuletshedza, nda wana hu na vothi. 9A ri, “Dzhena u vhone zwi nengisaho zwine vha khou ita hafho ngomu.” 10

8:10
Liv. 11
Rom. 1:23
Nṋe nda dzhena nda sedza, nda vhona tshakha dzoṱhe dza zwifanyiso zwa dziṋowa na zwipuka zwi nengisaho na midzimu yoṱhe ya zwifanyiso ya vhathu vha Israele yo olwa luvhondoni u mona nalwo. 11
8:11
Ek. 24:1
Num. 11:16
Phanḓa ha iyo midzimu ya zwifanyiso ho vha ho ima vhaṅwe vhahulwane vha 70 vha Vhaisraele, muṅwe na muṅwe o fara mudzio wa zwioro zwi dubiswaho, mutsi u nukhelelaho na zwioro u tshi khou duba. Na Jaasania ṅwana wa Shafani o vha e navho.

12

8:12
Esek. 9:9
Ps. 14:1Jer. 44:17-18
Zwililo 1:9
A ri, “Iwe ṅwana wa muthu, wo vhona zwine vhahulwane vha vhathu vha Israele vha zwi ita tshiphirini, muṅwe na muṅwe e kamarani yawe ya midzimu ya zwifanyiso? Vha ri, ‘Yahavee ha ri vhoni; Yahavee o ṱutshela shango heḽino.’ ” 13A ri, “U kha ḓi ḓo vhona zwiṅwe zwi no nengisesa zwine vha ita.”

U rerelela maanḓa a tsiko

14

8:14
Dan. 11:37
Ndi hone a tshi nnzhia a nnyisa tshifhingoni tsha khoro ya devhula ya thembele ya Muṋe washu. Henefho ho vha ho dzula vhasadzi vha tshi khou lilela Thamusu.Thamusu ndi mudzimu wa Vhasumere, vhapo vha kale-kale vha shango ḽa Babele, we wa vha u tshi pfi ndi wone u melisaho miri, wa fa vhuriha vhuṅwe na vhuṅwe. Vhurereli hawo vhu ambiwa na kha Yes. 17:10-11. 15A ri, “Iwe ṅwana wa muthu, u khou zwi vhona? U kha ḓi ḓo vhona zwi nengisaho u fhira izwo.”

U rerelela ḓuvha

16

8:16
Dot. 4:192 Mah. 23:5,11
Jer. 8:2
Ndi hone a tshi nnyendedza a nnyisa muṱani wa nga ngomu wa thembele ya Muṋe washu. Henefho tshifhingoni tsha hukhethwa ha Muṋe washu, vhukati ha lufhera na aḽiṱari, ho vha hu na vhanna vhe vha vha vha tshi nga swika 25, vhó furalela hukhethwa ha Muṋe washu, vhó lavhelesa vhubvaḓuvha. Vho vha vho kotamela vhubvaḓuvha vha tshi khou rabela ḓuvha.

17

8:17
Esek. 7:20
A mmbudza a ri, “Iwe ṅwana wa muthu, u khou zwi vhona? Zwoṱhe zwi nengisaho zwine vhathu vha Juda vha ita a zwi athu vha fusha. Vho phapha mbulu kha iṅwe vha ḓadza shango nga vhuvemu vha ḓi ṱunga mbiti dzanga zwa nga vha nṱunga nga davhi ḽa munḓirivhe. 18Mbiti dzanga dzi fuḓa dzi tshi ya khavho; a thi nga khathutsheli muthu, a thi nga vha pfeli vhuṱungu. Vha nga ḓi ṱavha mukosi nga hune vha kona, ndi nga si vha thetshelese.”