Tshivenda 1998 (VEN98)
48

Mikovhe ya matsinde a lushaka

481-7Thungo ya devhula mukano u ṱuwa nga Hetheloni na Pharani ya Hamathi u swika Hesere Enoni. Henefho shango ḽo ṋekana masakha na ḽa Damasko na Hamathi. Vha tsinde ḽiṅwe na ḽiṅwe vha ḓo wana shango ḽine ḽa thoma nga Lwanzhe lwa Phandamashango thungo ya vhukovhela, ḽa guma nga mukano wa vhubvaḓuvha, matsinde a vhathu a tshi tevhekana nga nḓila hei u bva devhula u ya tshipembe: Dani, Ashere, Nafuthali, Manase, Efraimi, Rubeni, Juda.

Shango ḽo khethwaho nga Muṋe washu

8

48:8-19
Esek. 45:1-8
“Thungo ya tshipembe ya mukovhe wa Juda, u thoma mukanoni wa vhubvaḓuvha u swika mukanoni wa vhukovhela, ndi mukovhe une na fanela u u sia, ndi maga a 25 000 u aṱama, vhunavha vhu tshi ḓi eḓana na ha mikovhe miṅwe, muthihi nga muthihi u thoma mukanoni wa vhubvaḓuvha u swika mukanoni wa vhukovhela, thembele ya vha vhukati ha wonoyo mukovhe.

9“Mukovhe une na fanela u u siela Nṋe Yahavee u vhe maga a 25 000 vhunavha na maga a 10 000 u aṱama. 10

48:10-12
Esek. 44:15-16
Mukovhe mukhethwa u vhe wa vhotshifhe, thungo ya devhula u vhe maga a 25 000, thungo ya vhukovhela u vhe maga a 10 000 u aṱama, thungo ya vhubvaḓuvha a vhe maga a 10 000 u aṱama, thungo ya tshipembe a vhe maga a 25 000 u navha, thembele i vhe vhukati hao. U ḓo vha mukovhe mukhethwa u nge ndi nduvho yo ṋekedzwaho Nṋe. 11Hafho hu vhe ha vhotshifhe vhakhethwa, vhana vha Tsadoko vhe vha ntshumela vha tshi fulufhedzea, zwiḽa vhaṅwe Vhaisraele na Vhalivi vha tshi ntshandukela, vhone vha si ntshandukele. 12Zwenezwo vha ḓo ṋewa mukovhe wavho kha mukovhe mukhethwa wo ṋekanaho masakha na wa Vhalivi, wone wa tou vha mukhethwakhethwa. 13Shango ḽa Vhalivi ḽi ḓo ṋekana masakha na ḽa vhotshifhe; vhunavha haḽo ho fanela u vha maga a 25 000, vhuphara ḽi vhe maga a 10 000 – vhunavha hoṱhe vhu vhe 25 000, vhuphara vhu vhe 10 000. 14
48:14
Ek. 23:19
Vha songo vhuya vha rengisa kupiḓa kwaḽo na kuthihi kana vha renganyisa kuṅwe, nahone iḽo shango ḽi songo ṋewa muṅwe, vhunga ḽi ḽikhethwa, ndi ḽanga.

15“Shango ḽo salaho ḽone, tshipiḓa tsha vhunavha ha maga a 25 000 na vhuphara ha maga a 5 000, iḽo ndi ḽa vhathu vha muḓi ḽa dzinnḓu na pfulo. Muḓi u fhaṱwe vhukati haḽo. 16

48:16
Esek. 48:30-35
Mielo yaḽo ngeino: thungo dzoṱhe, devhula na tshipembe na vhubvaḓuvha na vhukovhela, ḽi vhe maga a 4 500. 17Thungo dzoṱhe u mona na muḓi, devhula, tshipembe, vhubvaḓuvha, vhukovhela, hu vhe na tshikhala tshi sa fhaṱwi nnḓu tsha maga a 250 u aṱama. 18Luvhedzhegu luthihi lwa shango ḽo salaho, lwo ṋekanaho masakha na shango ḽikhethwa, lu tshi lapfa naḽo, lu sale, lu vhe maga a 10 000 u ya vhubvaḓuvha, maga a 10 000 u ya vhukovhela, lu tshi navha na shango ḽikhethwa; hafho hu ḓo liṅwa zwiḽiwa zwa vha no shumela muḓi. 19Vhathu havho vha no shumela muḓi vho fanela u bva kha matsinde oṱhe a Israele.

20“Mukovhe hoyo wo khethelwaho thungo u vhe fhethu ha maga a 25 000 masia oṱhe. Ni ḓo u kumedza Nṋe wa nga ndi nduvho khethwa. Na muḓi u vhe ngomu. 21-22

48:21-22
Esek. 45:7
Tshipiḓa tsho salaho thungo ya vhubvaḓuvha na vhukovhela ya mukovhe mukhethwa hu re na thembele na muḓi na mukovhe wa Vhalivi, itsho ndi tsha muvhusi. Tshi guma nga mukano wa vhubvaḓuvha wa shango, vhukovhela tshi guma nga lwanzhe; tshi vhukati ha shango ḽa Juda na ḽa Benyamini.

23“Matsinde a vhathu o salaho oṱhe a ḓo wana mukovhe une wa ḓo bva mukanoni wa vhubvaḓuvha wa guma nga lwanzhe thungo ya vhukovhela. Nga u tevhekana u bva kha mukovhe mukhethwa u ṱutshela tshipembe ndi wa Benyamini, 24Simioni, 25Isakhara, 26Zebuloni, 27Gadi. 28Masakha a Gadi a thungo ya tshipembe a fhira nga Thamara na maḓini a Miriba-Kadeshe u vhuya u swika Mulamboni wa Egipita, a tsa na mulambo u swika Lwanzheni lwa Phandamashango. 29Ni fanela u kovhekana shango nga u ralo ḽi vhe ifa ḽa matsinde a Israele, heyo i vhe mikovhe yavho – hu amba Muṋe wa zwoṱhe Yahavee.

Khoro dza Jerusalema

30

48:30-35
Nzumb. 21:12-13,16
“Miṋango i no bva muḓini ngei. Thungo ya devhula, hu ḓo vha maga a 4 500 u navha, 31ha vha na khoro tharu: khoro ya Rubeni, khoro ya Juda, khoro ya Livi. Khoro dza muḓi dzi ḓo vhidzwa nga madzina a matsinde a Israele. 32Thungo ya vhubvaḓuvha, hu ḓo vha na maga a 4 500 u navha, ha vha na khoro tharu: khoro ya Josefa, khoro ya Benyamini, khoro ya Dani. 33Thungo ya tshipembe, hu ḓo vha maga a 4 500 u navha, ha vha na khoro tharu: khoro ya Simioni, khoro ya Isakhara, khoro ya Zebuloni. 34Thungo ya vhukovhela, hu ḓo vha maga a 4 500 u navha, ha vha na khoro tharu: khoro ya Gadi, khoro ya Ashere, khoro ya Nafuthali. 35
48:35
Esek. 43:7
37:26b-28Yes. 60:14
Nzumb. 21:3
U mona hoṱhe hu ḓo vha maga a 18 000. Dzina ḽa muḓi u bva musi wonoyo ḽi ḓo pfi: Muṋe-washu-u-hone.”