Tshivenda 1998 (VEN98)
30

Egipita ḽi ḓo sala ḽi soga

301Ipfi ḽa Muṋe washu ḽo amba na nṋe ḽa ri, 2

30:2-3
Juele 3:14-16
“Iwe ṅwana wa muthu, porofita u ri, ‘Muṋe wa zwoṱhe Yahavee u ri: Ṱavhani mukosi ni ri: Yawee, ḓuvha ḽa zwi ofhisaho! 3Ndi uri ḓuvha ḽo sendela, ḓuvha ḽa Yahavee ḽi tsini; ḽi ḓo vha ḓuvha ḽo tibwaho nga gole, ḓuvha ḽa u sengisa dzitshakha.

4“ ‘Pfumo ḽi ḓo ḓela Egipita, vhathu vha Kushu vha ḓo tetemela nga nyofho musi vho vhulawaho vho rambalala ngei Egipita, lupfumo lwaḽo lu tshi hwalwa, miteo i tshi thuthwa. 5Vha Kushu na vha Phuthi na vha Ludi na vhahali vho tholiwaho na vha Kubu na vhoṱhe vhane vha ima na Vhaegipita, na vhone vha ḓo vhulawa navho nga pfumo.’ ”

6Muṋe washu u ri: “Vhane vha tikedza Egipita vha ḓo fa; nungo dzine ḽa dzi ṱongisa dzi ḓo kulea; vhathu vha ḓo wiswa nga pfumo u bva Migidolo u swika Aswani, hu amba Nṋe Muṋe wa zwoṱhe Yahavee.

7“Mashango avho a ḓo phusukanywa unga maṅwe mashango oṱhe o phusukanywaho; miḓi yavho i ḓo thuthekanywa unga miṅwe miḓi yoṱhe. 8

30:8
Esek. 29:6,9,16
25:14Ek. 14:4
Musi ndi tshi funga Egipita nga mulilo, vhatikedzi vhaḽo vhoṱhe vhó pwashea vha balangana, ndi hone vha tshi ḓo zwi ḓivha uri ndi Nṋe Yahavee. 9
30:9
Yes. 18:2
Musi wonoyo vhaḓinḓa vhe nda vha ruma vha ḓo ṱuwa nga magungwa vha yo tshenusa vhathu vha Kushu vhane vha vhona unga vho ṱoka midzi. Vha ḓo farwa nga nyofho musi vhathu vha Egipita vha tshi lifhedzwa – ḓuvha iḽo ḽi khou ḓa!”

10

30:10
Esek. 29:19-20
30:10
Jer. 46:25-26
43:12-13
Muṋe wa zwoṱhe Muṋe washu u ri, “Ndi ḓo lozwa vhunzhi ha vhathu vha Egipita nga tshanḓa tsha Nebukhadnetsara khosi ya Babele. 11
30:11
Esek. 28:7
Ene na vhathu vhawe, vhone vha na tshiṱuhu tshi no fhira tsha tshakha dzoṱhe, vha ḓo ruṅwa vha ḓa vha phusukanya shango iḽo. Vha ḓo vhulaha vhathu vha Egipita, shango ḽa ḓala zwitumbu. 12Ndi ḓo xisa milonga ya Nile, Egipita nda ḽi kumedza vhavhi, nda phusukanya shango ḽoṱhe na zwoṱhe zwi re khaḽo nga zwanḓa zwa vhatsinda. Ho amba Nṋe Yahavee.”

13

30:13
Jer. 46:25-26
43:12-13
Muṋe wa zwoṱhe Muṋe washu u ri, “Ndi ḓo lozwa midzimu ya tshika nda fhelisa midzimu i si tshithu ya Memfisi. Shango ḽa Egipita ḽi ḓo sala ḽi si na muvhusi. Ndi ḓo dzhenisa nyofho shango ḽoṱhe ḽa Egipita. 14
30:14-16
Nah. 3:8
Ndi ḓo phusukanya Phathirosi, nda fhisa Tsuani, nda lifhedza Thebese. 15Mbiti dzanga ndi ḓo dzi shululela Sini, ḽone dzhavhelo ḽo khwaṱhaho ḽa Egipita; ndi ḓo swiela vhathu vho tsitsikanaho vha Thebese. 16Ndi ḓo fhisa Egipita nga mulilo; vha Sini vha ḓo tswukunyea nga u pfa vhuṱungu; mitsheṱo ya Thebese i ḓo vozhiwa, Memfisi wa govhelwa masiari tshivhangalala. 17Vhaṱhanngana vha Ono na Phibesethe vha ḓo vhulawa nga pfumo, miḓi yone ya thubiwa. 18
30:18
Jer. 43:7-11
Ngei Thaphanese ḓuvha ḽi ḓo swifhala masiari musi ndi tshi vunḓa dzhogo ya Egipita henefho, musi maanḓa ane vha a ṱongisa a tshi fhela. Shango ḽi ḓo tibwa nga gole, miḓi yaḽo ya thubiwa. 19Ndi dzone ṱhamu dzine nda ḓo rwa Egipita ngadzo. Ndi hone vhathu vha tshi ḓo zwi ḓivha uri ndi Nṋe Yahavee.”

Muvhuso wa Farao u ḓo fhela

20

30:20
Esek. 24:1
Nga ṅwaha wa fumi na vhuthihi ri vhuthubwa Babele, nga ḓuvha ḽa vhuṱanu na vhuvhili ḽa ṅwedzi wa u thoma, ipfi ḽa Muṋe washu ḽo amba na nṋe ḽa ri, 21
30:21
2 Mah. 24:7
“Iwe ṅwana wa muthu, ndo vunḓa tshanḓa tsha Farao khosi ya Egipita; a hu na we a tshi lafha a tshi pomba kana a tshi tika uri tshanḓa tshi khwaṱhe tshi kone u dovha tsha fara pfumo. 22Zwino-ha, Nṋe Muṋe wa zwoṱhe Yahavee ndi ri: Ndi lwa na Farao khosi ya Egipita; ndi ṱoḓa u vunḓa zwanḓa zwawe, tsho takalaho na tsho no vunḓeaho, pfumo ḽe a ḽi fara ḽi wele fhasi. 23Vhaegipita ndi ḓo vha balanganya na dzitshakha, nda vha thalanganya na mashango. 24
30:24
Esek. 30:10
Ndi ḓo khwaṱhisa zwanḓa zwa khosi ya Babele, nda longa pfumo ḽanga tshanḓani tshawe. Ndi ḓo vunḓa zwanḓa zwa Farao, musi o imedzana na swina ḽawe, u ḓo gomela unga munna ane a khou fa ó rungwa nga pfumo. 25
30:25-26
Esek. 30:8
Ndi ḓo khwaṱhisa zwanḓa zwa khosi ya Babele, zwanḓa zwa Farao zwone zwi ḓo kulea nungo. Ndi hone vha tshi ḓo zwi ḓivha uri ndi Nṋe Yahavee, musi ndi tshi longa pfumo ḽanga zwanḓani zwa khosi ya Babele, a ḽi sumba shangoni ḽa Egipita. 26Vhathu vha Egipita ndi ḓo vha balanganya na dzitshakha, nda vha thalanganya na mashango; ndi hone vha tshi ḓo zwi ḓivha uri ndi Nṋe Yahavee.”