Tshivenda 1998 (VEN98)
22

Milayo ya u lifhelana

221

22:1-15
Liv. 6:1-7
Num. 5:5-10
“Arali muthu a tswa kholomo kana nngu a i ṱhavha kana a i rengisa, o fanela u lifha kholomo nthihi nga kholomo ṱhanu, nngu nthihi a i lifhe nga nngu nṋa.

2“Arali ha farwa fobvu ḽi tshi khou pwasha nnḓu ḽa fa, uyo murwi ha na mulandu wa u shulula malofha. 3Hone arali zwa itea ḽo no tsha, murwi u ḓo vha na mulandu wa u shulula malofha. Fobvu vhukuma ḽo fanela u lifha, hone arali a si na tshithu, o fanela u rengiswa u vhe wone mulifho wa vhufobvu. 4Arali tshifuwo tsho tswiwaho tsha wanala tshi tshi kha ḓi tshila e natsho, i nga vha i kholomo kana donngi kana nngu, o fanela u zwi lifha kavhili.

5“Arali muthu a fulisa zwifuwo zwawe pfuloni kana tsimuni ya minḓirivhe, a litsha zwifuwo zwawe zwi tshi fula tsimuni ya muṅwe, o fanela u lifha nga zwavhuḓi zwi fhiraho zwoṱhe zwi bvaho tsimuni yawe.

6“Arali muthu a funga mulilo tsimuni yawe, wa fhisa tsheṋe wa pfukela tsimuni ya muṅwe, wa fhisa mavhele ane a khou mela kana o remiwaho a khokhiwa kana tsimu yoṱhe, uyo o fungaho mulilo o fanela u lifha iyo tshinyalelo.

7“Arali muthu a tenda u farela muṅwe tshelede kana thundu, izwo zwithu zwa tswiwa nḓuni yawe, arali iḽo fobvu ḽa wanala, ḽo fanela u lifha izwo zwithu kavhili. 8Huno arali fobvu ḽa si wanale, uyo munna we a vha o vhulunga idzo thundu dza mutengo muhulu, o fanela u anela Mudzimu uri ho ngo tswa thundu dza khonani yawe. 9

22:9-12
Am. 3:12
Gen. 31:39
Kha milandu ine vhathu vhavhili vha lwela tshithu tsho xelaho muṅwe na muṅwe a tshi ri ndi tshawe, kana ndi kholomo kana donngi kana mbudzi kana nguvho, vha fanela u isa mafhungo ha Mudzimu. Ane Mudzimu a sumba uri a si yawe, o fanela u lifha kavhili.

10“Arali muthu a tenda u swiswiwa donngi ya muṅwe kana kholomo kana nngu kana tshiṅwe tshifuwo, itsho tshifuwo tsha fa kana tsha huvhala kana tsha thubiwa, ha si vhe na ṱhanzi, 11uyo munna nga a anele Muṋe washu uri ho ngo tswa tshifuwo tsha muṅwe. Arali itsho tshifuwo tshi songo tswiwa, muṋe watsho o fanela u tenda uri ndi tshinyalelo, uyo munna a si mu lifhele. 12Hone arali itsho tshifuwo tsho tswiwa, uyo munna o fanela u lifhela muṋe watsho.

13“Arali tsho pondiwa nga zwivhanda zwa ḓaka, uyo munna o fanela u ḓisa miraḓo yatsho yo salaho vhu vhe vhuṱanzi, ho ngo fanela u lifha.

14“Arali munna a pamba tshifuwo kha muṅwe, tsha swika tsha huvhala kana tsha fa muṋe watsho a siho tsini, uyo munna o fanela u tshi lifha. 15Hone arali izwo zwa itea muṋe watsho e henefho, uyo munna ho ngo fanela u lifha. Arali muṋe watsho o tou tshi swiswa, tshinyalelo i ḓo vha yo lifhiwa nga wonoyo mutengo wa u tshi hirisa.

Milayo ya vhuṱonḓo

16

22:16
Dot. 22:28-29
“Arali munna a ṱonḓola musidzana a songo malwaho, o fanela u mu mala a mu vhinge. 17Hone arali khotsi a uyo musidzana a hana uyo munna a tshi mu vhinga, o fanela u mu lifha nga tshelede i no eḓana na ya u mala musidzana a sa athu dzheniswa nḓuni nga munna.

18

22:18
Liv. 19:26Dot. 18:10
1 Sam. 28:9
2 Mah. 9:22Mish. 13:10
19:19
“Musadzi ane a ita zwa manditi ni songo mu litsha a tshila.

19

22:19
Liv. 18:23
“Munna ufhio na ufhio ane a lala na tshifuwo nga a vhulawe.

20

22:20
Dot. 17:3
“Ane a vhuya a ṋekedza miṅwe midzimu tshiṱhavhelo arali e si Nṋe Yahavee, nga a lozwiwe.

Muṋe washu u tsireledza vha sa koni u ḓilwela

21

22:21-22
Ek. 23:9
Liv. 19:33-34
Dot. 10:18-19Jer. 7:6
22:3
Esek. 22:7
Ps. 146:9
“U songo tambudza mutsinda kana wa mu konḓisela vhutshilo, elelwa uri na iwe wo vha u mutsinda Egipita. 22U songo tambudza tshilikadzi kana tsiwana. 23Arali wa zwi ita, Nṋe Yahavee ndi ḓo vha fhindula musi vha tshi mmbidzelela, 24nda sinyuwa nda ni vhulaha nndwani; vhasadzi vhaṋu vha ḓo sala vhe tshilikadzi, vhana vhaṋu vha sala vha si na vhokhotsi.

25

22:25
Liv. 25:35-37
Dot. 23:19-20
Ps. 15:5
Mir. 28:8
“Arali vhathu vhanga vha re vhashai wa vha adzima tshelede, u songo ita unga vhaadzimisi vha tshelede, wa ri i tshi vhuya i vhuye na mavhoḓa. 26
22:26-27
Dot. 24:12-13
Arali wa fara nguvho ya muṅwe u tshi itela uri a lifhe mulandu wau, u fanela u i humisela khae ḽi sa athu kovhela, 27ngauri ndi lwone lupila lune a vha nalwo fhedzi lwa u mu dudedza. U ḓo lala o fukani? Musi a tshi nṱavhela mukosi uri ndi mu farise, ndi ḓo mu fhindula ngauri ndi na tshilidzi.

28

22:28
Liv. 24:10-16
1 Mah. 21:10,13
Mat. 26:65
Mish. 23:5
“U songo teketela Mudzimu, na murangaphanḓa wa vhathu vha haṋu u songo mu teketela.

29

22:29-30
Ek. 13:11-16
“Nṋekedze nduvho i no bva kha mavhele au na waini yau na mapfura a muolivi nga tshifhinga tshazwo. Nkumedze tanzhe ḽau ḽa mutuka. 30Mphe na zwiranzhe zwa kholomo dzau na nngu dzau. Matanzhe a zwiduna nga zwi dzule na vhomme azwo maḓuvha maṱanu na mavhili, nga ḓuvha ḽa vhuṱanu na vhuraru ni zwi ṋekedze Nṋe.

31

22:31
Liv. 11:44-4517:15
“Inwi ni vhathu vhanga, zwenezwo ni songo ḽa ṋama ya phukha ifhio na ifhio yo vhulawaho nga zwivhanda zwa ḓaka, yeneyo i fheni dzimmbwa.