Tshivenda 1998 (VEN98)
6

U tshilisana ha vhabebi na vhana

61

6:1
Kol. 3:20
Inwi vhana, vhunga ni vha Muṋe washu,Dziṅwe ṱhanzi a dzi na maipfi aya a no ri, “vhunga ni vha Muṋe washu,” thetshelesani vhabebi vhaṋu. Ndi zwone zwo fanelaho. 2
6:2
Ek. 20:12
Mulayo u tshi ri, “Hulisa khotsi au na mme au,” ndi yone ndaela ya u ranga i re na zwine ya ri fulufhedzisa, 3i tshi ri, “ndi hone zwoṱhe zwi tshi ḓo u nakela, wa ita na u lalama fhano shangoni.”

4

6:4a
Kol. 3:21
6:4b
Dot. 6:6-7
2 Tim. 3:15
Na inwi vhokhotsi, ni songo ḽisa vhana vhaṋu mbilu; vha aluseni ni tshi vha laya nga ndayo ya Muṋe washu.

U tshilisana ha phuli na vhaṋe vhadzo

5

6:5
Kol. 3:22
1 Tim. 6:1
Tit. 2:9
1 Pit. 2:18
Inwi dziphuli, ipfani vhaṋe vhaṋu vha fhano shangoni, ni vha hulise ni vha ofhe. Izwo ni zwi ite nga mbilu nthihi ni nge ni khou shumela Khristo. 6Ni songo zwi ita musi no lindwa fhedzi zwa vho nga ndi u ṱoḓa u khoḓwa nga vhathu; ni ite zwine Mudzimu a zwi funa, nga mbilu nthihi sa phuli dza Khristo. 7
6:7
Kol. 3:23
Shumani nga mbilu tshena, ni nge vha shumelaho Muṋe washu hu si vhathu fhedzi. 8
6:8
Kol. 3:24
Ḓivhani uri muṅwe na muṅwe we a ita zwivhuya – kana ndi phuli, kana a si phuli – Muṋe washu u ḓo mu pfufha.

9

6:9
Dot. 10:17
Kol. 4:1
3:25
Na inwi vhaṋe vha dziphuli ni ralo phuli dzaṋu. Ni songo vha shushedza; ḓivhani uri inwi na phuli dzaṋu Muṋe waṋu ndi muthihi ngei makoleni; Ene ha na tshiṱalula.

Mafumo ane Mudzimu a ṋea Mukhriste

10Ndi fhedza nga ḽa uri: ḓitikeni nga Muṋe washu na nga maanḓa awe mahulu. 11

6:11
Rom. 13:12
1 Thes. 5:8
2 Korint. 10:4
Kungelani mafumo oṱhe a bvaho ha Mudzimu uri ni ḓo kona u kunda vhukwila ha diabolo. 12
6:12
Ef. 1:21
1 Pit. 3:22
Hafhu maswina ane ra lwa nao a si vhathu vha ṋama, ndi vhahulwane vha thuṅwa na vhalangi vhadzo, ndi vhavhusi vha misi ino ya swiswi, ndi mimuya mivhi i re tshikhalani. 13Ndi zwine nda ri: zwino kungelani-ha mafumo oṱhe a Mudzimu. Ndi hone ni tshi ḓo kona u imedzana na muvhi nga musi muvhi, ha ḓo ri nó fhedza u lwa na ḓi vha no ima.

14

6:14
Yes. 11:1,2,5
59:17
Imani-ha no khwaṱha, ngoho i yone bannda ye na ḓivhofha ngayo khunduni, khanani no ambara philelo ya tsimbi ine ya vha u ita zwo tiwaho nga Mudzimu, 15
6:15
Yes. 52:7
zwienda zwaṋu hu u ḓiimisela u yo ḓivhadza mafhungo maḓifha a mulalo; 16lutendo lu tshone tshiṱangu tshine na enda no tshi fara; ndi lwone lune na ḓo kona u dzima ngalwo misevhe yoṱhe i dugaho ine muvhi a ni posa ngayo. 17
6:17
1 Thes. 5:8
Heb. 4:12
Dzhiani u tshidzwa haṋu nga Mudzimu i vhe yone nguwane yaṋu; ni fare pfumo ḽa Muya Mukhethwa ḽine ḽa vha ipfi ḽa Mudzimu.

18

6:18
Luk. 18:1
6:18-20
Kol. 4:2-4
Zwoṱhe hezwo zwi humbeleni nga thabelo. Dzulani ni tshi rabela ni tshi endedzwa nga Muya Mukhethwa. Zwenezwo dzulani no fhaṱuwa ni sa neti, ni tshi rabelela vhakhethwa vhoṱhe vha Mudzimu, 19na nṋe ni nthabelele, uri ndi tshi amba Mudzimu a mphe maipfi o teaho, ndi ambe ndi sa ofhi ndi tshi amba tshiphiri tsha mafhungo maḓifha 20ane nda vha muḓinḓa wa u a ḓivhadza naho ndo hoṋelwa fhano dzhele. Nthabeleleni uri ndi ambe ndi sa ofhi, vhunga zwo fanela uri ndi ralo.

Nyonesano

21

6:21-22
Kol. 4:7-9
6:21
Mish. 20:4
Thikhikhosi wa hashu mufunwa ane a vha mushumeli a fulufhedzeaho wa Muṋe washu u ḓo ni ṱanziela zwoṱhe nga nṋe, ndi hone ni tshi ḓo ḓivha uri ndi vuwa hani. 22Ndi tshi mu ruma ngeo ndi u itela uri ni ḓivhe zwa kutshilele kwanga ngeno khathihi na uri a ni khwaṱhise.

23Ngavhe Mudzimu Khotsi na Muṋe washu Yesu Khristo vha tshi ṋea inwi Vhakhriste nga riṋe mulalo na lufuno na lutendo. 24Vhathu vhoṱhe vhane vha funa Muṋe washu Yesu Khristo nga lufuno lu sa fi, ngavhe Mudzimu a tshi vha itela vhuthu.